Shaikha Alyaqout Coaching offers personalized nutrition plans that fits your goals with consistent w
Shaikha Alyaqout Coaching also offers Nutrition and lifestyle consultations to help you figure out how to have a long term health and wellbeing
11/07/2022
لأن مو كل وقت ناكل فيه اهو وقت اكل
هني طلعت فكرة "الجوع / الاكل العملي"
••
لما نكون مشغولين بدراسة او شغل
لما ادري اني بكون باجتماع او نشاط ما يسمحلي آكل
لما يكون وقت تمرين طويل او مجهد
هني ناكل عشان "نعبي بانزين" او طاقه
لأن كل هذي النشاطات تحتاج طاقة سواءً جسدية او عقلية( التركيز و الدراسة)
••
انا عندي قاعده بسيطه لتوقيت الاكل
" آكل كل ٣-٤ ساعات باليوم"
لكن هني الاستثناء من القاعده هذي و اقدر
⭕️آخذ سناك (اذا كان عندي ارتباط)
⭕️آكل و انا مو ١٠٠ جوعانه ( اذا كان وراي اجتماع )
⭕️اجهز وجبتي او سناك قبل وقت الاكل (اذا كنت مشغوله)
••
و سواءً كنتوا طلبه او موظفين تحتاجون تطبقون هذا الشي للتركيز و الانتاجيه 👌
شاركوا هذا البوست شخص دايماً ينسى ياكل😅
••
#التوتر #بروتين #دهون #كاربوهيدرات
#المشاعر #المخاوف #فتنس #الجوع #الشبع
02/07/2022
الاضطرابات الغذائيه و الجسدية بحر
و اسبابه جداً عميقه
و طرق علاجه هم اعمق و اعمق
لكن متواجد في عدد كبير من الناس بدون ما يحسون فيه
و تشخيصه يكون بمراقبه سلوكيات الشخص بالاكل و الجسد و محاولتهم "لإصلاحه" و التحكم فيه
••
من عمر صغير هذي الناس تعرضت لمؤثرات و انتقادات خلتها تتجه للسلوكيات هذي
و في الوقت الحالي الصور و التوقعات للجسد "الصحي" او "المثالي"
••
شلون نغيير من تفكير الاشخاص اللي معرضين للاضطرابات؟
تقبلهم و تقبل افكارهم مثل ما اهم و تشجيعهم عن طريق ذكر مميزات بعيده عن الاكل و شكل الجسد
••
التقبل يعطيهم الحريه.. يمكن رحلتهم بالعلاج طويله
لكن اهم اللي يقررون متى يتغيرون و يتخلصون من الاضطرابات
••
#التوتر #بروتين #دهون #كاربوهيدرات
#المشاعر #المخاوف #فتنس
26/06/2022
حابه اشاركم تجربتي (و صور) لأول ورشة تدريبية بحضور 🙏🏻😍
••
من ابتديت اساعد الناس بالتغذية و اسلوب الحياة الصحي كان كل شغلي اونلاين و كنت "مرتاحه" و شغلي تمام
و لما حصلت لي الفرصه اني اسوي شي بحضور بلشت اشك بقدراتي و اقارن و ادقق و كنت لوهله راح الغي الورشة
••
و هني اكتشفت شغله.. ان عنوان الورشة ينطبق على التجربه اللي انا امر فيها اللحين، كان عنوانها "٦ معتقدات تعيق اسلوب حياتك الصحي".
••
و هني ادركت قوة الشي اللي اقدمه، و قوة تأثيره و عمقه
و التغيير اللي توصلون له اكبر من بس وزن مثالي و جسم صحي هالتغيير يأثر على حياتكم و جودتها من كل النواحي
••
شكراً لوجودكم لكل من حضر و اللي كان وده يحضر و اللي يدعمني بأي طريقة ممكنه.. ممتنه لكم 💗
25/06/2022
"شمعنه فلانه تاكل الخضر واليابس بس ضعيفه؟"
"ودي اتمرن ٥ مرات بالاسبوع بس مو قادره التزم"
" ابي انزل وزني لي ال٥٠ عشان ارتاح"
••
هذي طريقة الكلام اللي يتبعونها الاشخاص اللي غير متصالحين مع جسمهم + ما يسمعون حق جسمهم شنو محتاج
دائماً في رحله "تغيير" عشان احساس و في الغالب يكون هذا الاحساس "خوف"
••
لكن المقارنات و الاهداف الغير واقعيه قاعده نظلم فيها انفسنا
كل شخص يقدر يتغير لكن مو بالرفض.. بالتقبل
••
و هذ الشي اللي دايماً اعلمه و اشتغل فيه مع المشتركين
اذكرهم مميزاتهم و الاشياء الايجابيه اللي موجوده عندهم و اخليهم يشوفون هذي المميزات و يكبرونها بعينهم لأن من هالزاوية التغيير يصير من حب و ليس كره و خوف
🙏🏻💗
••
اذا مستعدين لتغيير يخلصكم من الخوف التغيير يكون من الداخل، سجلوا لجلسة استكشاف عشان نحدد شنو تحتاجون لهذا التغيير 😉
••
#التوتر #بروتين #دهون #كاربوهيدرات
#المشاعر #المخاوف
15/06/2022
اشوفكم يوم الخميس تاريخ ٢٣-٦
الساعه ٥-٧ مساءً
في
بورشة خفيفه عالقلب 😁
بنتكلم فيها عن ال ٦ معتقدات اللي تعيق اسلوب حياتكم الصحي
••
التسجيل بالبايو و جداً متحمسه لشوفتكم🙏🏻😍
التقّبل هو الاساس
اساس الاستشفاء
اساس التطور
اساس التغيير
••
طول عمرنا عشنا في بيئه فيها نوع من التحيز على الجسد و ربط الصوره المثاليه بالجسد بالسلوكيات المثاليه بالاكل و الحركة
••
و لو كنتوا من الناس اللي مو ضمن الاطار هذا تميلون للتمرد و العضب كردة فعل من الكلام اللي تسمعونه
عن طريق سلوكيات غير صحيه بالاكل و الحركة
••
لكن حابه اقولكم ان في حل..
مالنا شغل بالتحيز هذا و لا نظرة المجتمع لنا.. حابه اقولكم ان احنا المسؤولين عن تغيير ردة فعلنا.. بدل ما نكره نتقبل
مو حق احد.. بس حقنا احنا
••
يه الوقت ان نثبت كلامهم غلط و لا شرايكم😉
"ما نقدر نتخلص من شي بدون لا نتقبله بالأول"
••
التقبل معناته ان شعوري يكون محايد تجاه فعل/حدث/شخص معين
و كل ما هالشي يصير ردة فعلي تكون اخف و ما اتوجه للأكل لسد هذي المشاعر و الهروب منها
••
من و احنا صغار تعلمنا ان غلط نعصب او نبچي او نزعل و مقاومة هالمشاعر صارت تطلع بتصرفات ثانيه و منها الأكل
••
عشان نتخلص من الاكل العاطفي لازم نواجه مشاعرنا و الافكار اللي توّلد المشاعر هذي و طبعاً الكلام ابسط من التطبيق
••
اللي تقدرون تسوونه انكم تفهمون المشاعر و تسألون نفسكم "ليش انا حاس بهالشي" و اخذوا ورقه و قلم و كتبوا! ( او انضموا حق تحدي التدوين بالبايو و راح اساعدكم انا بهالشي مجاناً)
••
و لو حاسيين انكم مستعدين لخطوه اكبر سجلوا في برنامج الاستشفاء من الاكل العاطفي اللي اساعدكم فيه انا شخصياً كل اسبوع نفهم مشاعركم و افكاركم و نتعلم شلون نتقبلها.. و لو حابين نتضمون سجلوا لجلسة استشكاف عشان نعرف مدى ملائمة البرنامج لكم 💗🙏🏻
••
#التوتر #اهداف #بروتين #دهون #كاربوهيدرات
19/05/2022
الانسان اللي يفشل مع خطة افضل من الانسان اللي يفشل بدون خطة..ليش؟
لأن بالخطة خطواتكم معروفه و بالتالي تقدرون تعدلون عليها
••
و لكن اذا ماعندكم خطة و فشلتوا شلون بتعدلوها😅
••
الاهداف و الخطط توضح لكم الطريج اللي لازم تمشون فيه و تحدد لكم الخطوات و الروتين بسهوله
و بالتالي حتى لو فشلتوا تتعلمون و بالتعلم تتطورون
••
ادري هالبوست ماله علاقه بالتغذيه و اسلوب الحياة الصحي لكن هذي الطريقه اللي اتبعها مع المشتركين عشان نضمن نوصل حق اهدافنا بأقل نسبة خطأ
و عشان جذي ضفت خدمة جديدة اقدمها و اهي (جلسة الوضوح) اللي من خلالها نشوف مدى واقعيه اهدافكم و سبب اختياركم هالاهداف عشان تبلشون بالطريج الصح👌
••
سجلوا بالبايو لجلسة وضوح عن طريق زووم مدتها من ١/٢ ساعه الى ساعه ❤️
••
#التوتر #اهداف #بروتين #دهون #كاربوهيدرات
16/05/2022
احساس التحفيز ماكو احلى منه.. كأنه بانزين حق رحلتكم الصحيه
••
قيسوا التحفيز من ناحيه..
ان الصحة النفسيه
تضيف لجودة النوم
و جدة النوم تعزز مستوى الطاقة
و الطاقة تساعدنا نطور من الصحة الجسمانية
••
لما تغيرون مجرى تفكيركم ان "مالي خلق كل هذا" لي "هالشي يضيف على غيره"🤯
Game Changer
ما راح توقفون و تبون اكثر 😍
••
بس التحفيز للأسف ما ايي بالساهل
التحفيز يكون بعد التزام بالتمرين اللي ما يعجبكم لكن فعّال
التحفيز يكون بالوعي وقت الاكل حتى لو مو كل شي ممنوع مو كل شي يساهم لي هدفي
التحفيز لما اختار عادات ممكن تكون صعبه بالبدايه لكن بالاستمرار فيها تصير اسهل
••
عشان جذي هالاسبوع بلشت تحدي ال ٢١ يوم تدوين✍️.. حق اي شخص يحس ان صحته النفسيه مأثره بشكل سلبي على تغذيته واسلوب حياته يقدر يبتدي بهالتحدي مجاناً .. سجلوب بالبايو و بلشوا بهالتحدي 💪🏼😍
••
#التوتر #اهداف #بروتين #دهون #كاربوهيدرات
11/05/2022
المدرب الخاص للرياضة و التغذية اكثر شي ممكن يساعدكم لما تستثمرون فيه صح و
••
اذا تحسون انكم مستعدين لهذي الخطوه خل اقولكم شنو لازم تعرفون عن المدرب الخاص
⭕️لازم يكون عنده شهادة معترف فيها و خبره كافيه
⭕️لازم يتابع معاكم من كل الجوانب (التغذية/ النفسيه/النوم)
⭕️لازم تكونون مرتاحين من طريقة التدريب
⭕️و تقدرون تعطوونه تقييم لشغله لأن هذا اكثر شي ممكن يساعده
••
لو تعرفون اي مدرب/مدربه يطابق هالمواصفات حطولهم منشن و ذكروا شنو تحبوون فيهم 💗
••
#التوتر #اهداف #بروتين #دهون #كاربوهيدرات
05/05/2022
هدف نزول الوزن مو بالضروري يكون بطريقة وحدة
ممكن يكون بطريقة مريحه لنا و يكون الهدف من نزول الوزن هو صحتنا بالأول و المظهر بنشوفه مع الوقت
••
العوامل الاساسيه لنزول وزن بشكل صحي هي
⭕️حركة نستمتع فيها
⭕️أكل يشهي
⭕️التواصل مع الجسم
••
لفوا الصورة و شوفوا شلون تتطبقون هالعوامل بحياتكم لهدف نزول الوزن
و بهالطريقة مافي حرمان لكن نحتاج صبر عشان نشوف نتيجة ترضينا
••
و تواصلوا معاي لو محتاجين تعرفون شلون تستمرون بأهدافكم الصحية و تلتزمون فترة اطول من خلال جلسة استشكاف مجانية(بالبايو) عشان نخطط لرحلتكم الصحية من اساس قوي👌
••
#التوتر #اهداف #بروتين #دهون #كاربوهيدرات
26/04/2022
كل سلوك بالتغذية يأثر عليكم وراه سبب اعمق..
••
اذا تاكلون وقت الملل
تاكلون بشراهه
تكثرون من السناكات
••
ليش تتبعون هالسلوك؟
⭕️يا اكلكم قليل و مو كافي بالنسبه للحركه عندكم او ⭕️سلوك لقمع و الهروب من مشاعر مزعجه
و الحل؟
••
⭕️تتعلمون شلون تتعاملون مع المشاعر المزعجه و شنو سببها
⭕️ تتثقفون بالتغذية اكثر و تتعلمون تأثير كميه و نوعيه الاكل على سلوكياتكم
••
و هذا اللي اعطيكم ياه في باقات الاستشارات.. بعد ما نفهم اساس السلوك و نتدرب على التخلص منه من الداخل بعدها نقدر نلتزم بنظام غذائي لأهدافنا
سجلوا لجلسة استكشاف (بالبايو)عشان نفهم مع بعض شلون بتغيرون السلوكيات اللي مأثره عليكم بشكل سلبي
••
⠀⠀⠀⠀⠀⠀⠀⠀⠀
#التوتر #بروتين #دهون #كاربوهيدرات
#المشاعر #المخاوف #القلق
Be the first to know and let us send you an email when Shaikha Alyaqout Coaching posts news and promotions. Your email address will not be used for any other purpose, and you can unsubscribe at any time.
