04/03/2024
ລວມຮູບໄຂມັນຫຸ້ມຕັບວ່າເປັນແບບໃດ ‼️
ເນື່ອງໃນໂອກາດວັນຄົນຕຸ້ຍໂລກ (World Obesity day) ວັນທີ່ 4 ມີນາ ນີ້ ໝໍມີເລື່ອງ ແລະ ຮູບໄຂມັນຫຸ້ມຕັບ (Fatty liver) ເຊິ່ງເປັນພະຍາດທີ່ພົບໄດ້ຫຼາຍໃນຄົນເຈັບຕຸ້ຍມາຝາກແຟນເພຈທຸກທ່ານ
1️⃣ ໄຂມັນຫຸ້ມຕັບແມ່ນຫຍັງ ❓
👉 ໄຂມັນຫຸ້ມຕັບຄື ກຸ່ມຂອງພະຍາດທີ່ເກີດຈາກການສະສົມໄຂມັນໃນຕັບຫຼາຍກວ່າປົກກະຕິ ໂດຍໄຂມັນທີ່ເຂົ້າໄປແຊກນີ້ເປັນໄຂມັນຊະນິດ ໄຕກຼີເຊີຣາຍ (Triglyceride)
2️⃣ ໄຂມັນຫຸ້ມຕັບເກີດຈາກຫຍັງ ❓
👉 ສາເຫດແບ່ງອອກເປັນ 2 ຊະນິດ
🟢 ຊະນິດທີ່ 1 ເກີດຈາກການດື່ມເຫຼົ້າ-ເບຍ ໂດຍຄວາມຮຸນແຮງຈະຂຶ້ນກັບປະລິມານ, ເພດ, ປະເພດ ແລະ ໄລຍະເວລາທີ່ດື່ມ.
🟢 ຊະນິດທີ່ 2 ເກີດຈາກປັດໄຈສ່ຽງອື່ນໆ ເຊັ່ນ :
🔹ຈາກການກິນອາຫານທີ່ມີແປ້ງ ແລະ ນ້ຳຕານໂດຍສະເພາະນ້ຳຕານຟຼຸກໂຕສ ເຊິ່ງເປັນນ້ຳຕານທີ່ຮ່າງກາຍບໍ່ສາມາດນຳໄປໃຊ້ໄດ້ທັນທີ ຈະຖືກສົ່ງ ແລະ ເກັບສະສົມໃນຮູບແບບຂອງໄຂມັນຢູ່ຕັບ ດົນໄປຈະເກີດພາວະໄຂມັນຫຸ້ມຕັບນີ້
♦️ ນ້ຳຕານຟລຸກໂຕສພົບໄດ້ໃນໝາກໄມ້ ແລະ ເຄື່ອງດື່ມຕ່າງໆ ທີ່ມັກຕື່ມນ້ຳຕານລົງໄປ ເຊັ່ນ ນ້ຳຫວານ, ນ້ຳຊົງເຄື່ອງດື່ມສຳເລັດຮູບພ້ອມດື່ມທັງຫຼາຍທີ່ມີລົດຫວານເປັນຕົ້ນ ເລີຍເປັນເຫດຜົນທີ່ໝໍບໍ່ຢາກໃຫ້ດື່ມເຄື່ອງດື່ມເຫຼົ່ານີ້ເລີຍຫຼັງຜ່າຕັດ ເນື່ອງຈາກເກືອບທຸກທ່ານທີ່ເປັນພະຍາດຕຸ້ຍ ແລ້ວມາຜ່າຕັດຈະມີໄຂມັນຫຸ້ມຕັບ ຈາກນ້ຳຕານທີ່ສະສົມມາດົນໃນຮ່າງກາຍນີ້
🔹 ຜົນຂ້າງຄຽງຈາກຢາບາງຊະນິດ ເຊັ່ນ ຢາກຸ່ມສະເຕຣອຍ, ຢາຕ້ານໄວຣັສບາງຊະນິດ, ຢາອາຫານເສີມບາງຊະນິດ.
🟢 ຈະເຫັນວ່າຖ້າເປັນເລື່ອງຂອງອາຫານທີ່ເຮັດໃຫ້ເກີດໄຂມັນຫຸ້ມຕັບນີ້ ສາເຫດຈະເປັນເລື່ອງຂອງແປ້ງ ແລະ ນ້ຳຕານ ບໍ່ແມ່ນອາຫານໄຂມັນເດີ່‼️ ແຕ່ຖ້າຂອງທອດນີ້ເປັນສາເຫດໄດ້ຖ້າເປັນອາຫານທີ່ມີການຊຸບແປ້ງແລ້ວທອດ ເພາະສາເຫດຄືແປ້ງ, ນ້ຳຕານ ບໍ່ແມ່ນໄຂມັນ❗ ຢ້ຳກັນອີກຮອບ
3️⃣ ໄຂມັນຫຸ້ມຕັບມີອາການແນວໃດແນ່
👉 ສ່ວນຫຼາຍມັກບໍ່ມີອາການ ຈຶ່ງຖືວ່າເປັນໄພງຽບ
👉 ມັກກວດພົບຈາກການກວດສຸຂະພາບປະຈຳປີ ເຊັ່ນ ການເອັກໂກ່ ຫຼື ກວດເລືອດ
4️⃣ ຖ້າປ່ອຍຖິ້ມໄວ້ບໍ່ປິ່ນປົວ ຈະເກີດຫຍັງຂຶ້ນແນ່
👉 ໄລຍະທຳອິດ : ຈະມີການສະສົມໄຂມັນໃນເນື້ອຕັບຊື່ໆ
👉 ໄລຍະທີ່ 2 : ເລີ່ມມີການອັກເສບໃນເນື້ອຕັບເກີດຂຶ້ນ ຖ້າຍັງບໍ່ໄດ້ຮັບການດູແລປິ່ນປົວ ປ່ອຍໃຫ້ການອັກເສບເກີດຂຶ້ນເລື້ອຍໆ ເກີນ 6 ເດືອນ ຈະເຮັດໃຫ້ຕັບອັກເສບຊຳເຮື້ອ ຜົນກວດເລືອດຄ່າຕັບອັກເສບເລີ່ມສູງ
👉 ໄລຍະທີ່ 3 : ມີພັງຜືດເກີດຂຶ້ນໃນຕັບ ຈາກການອັກເສບໃນໄລຍະຍາວ ເນື້ອຕັບຈະຫາຍໄປຍ້ອນຖືກແທນທີ່ດ້ວຍພັງຜືດແທນ
👉 ໄລຍະທີ່ 4 : ຕັບແຂງ ເນື່ອງຈາກຈຸລັງຕັບຖືກທຳລາຍໄປຫຼາຍຈົນເຮັດວຽກບໍ່ໄດ້ ແລະ ສ່ຽງຕໍ່ການເປັນມະເຮັງຕັບ
5️⃣ ການປິ່ນປົວໄຂມັນຫຸ້ມຕັບມີຫຍັງແນ່
🔴 ຂໍຢ້ຳຕື່ມກ່ອນວ່າບໍ່ມີຢາໃດໆ ຫຼື ອາຫານເສີມໃດໃນການປິ່ນປົວໄຂມັນຫຸ້ມຕັບ
#ການປິ່ນປົວໄຂມັນຫຸ້ມຕັບມີດັ່ງນີ້
✅ ງົດ ຫຼື ຫຼຸດອາຫານພວກແປ້ງ ນ້ຳຕານໃຫ້ໄດ້ຫຼາຍທີ່ສຸດ ລວມເຖິງເຄື່ອງດື່ມທາດເຫຼົ້າ ຈະເຮັດໃຫ້ໄຂມັນທີ່ຫຸ້ມຕັບນີ້ຫາຍໄປ ແລະ ຕັບກັບມາສຸຂະພາບດີໄດ້ ແລະ ເຮັດໃຫ້ນ້ຳໜັກໂຕຫຼຸດລົງໄດ້ນຳ
✅ ການເຮັດ IF (Intermittent Fasting) ຈະຊ່ວຍໃຫ້ຮ່າງກາຍດຶງໄຂມັນໃນຜົ້ງທ້ອງອອກມາໃຊ້ ແລະ ເຮັດໃຫ້ນ້ຳໜັກຫຼຸດລົງໄດ້ເຊັ່ນກັນ
✅ ອອກກຳລັງກາຍຢ່າງໜ້ອຍ 150 ນາທີຕໍ່ອາທິດ
✅ ນອນຫຼັບພັກຜ່ອນໃຫ້ພຽງພໍ ແນະນຳເຂົ້ານອນກ່ອນ 10 ໂມງ ແລະ ນອນຢ່າງໜ້ອຍ 7 ຊົ່ວໂມງຕໍ່ມື້
✅ ຫຼີກລ່ຽງການກິນຢາ ຫຼື ອາຫານເສີມນອກເໜືອຈາກທີ່ແພດສັ່ງ ຫຼື ຖ້າຢາກກິນແທ້ໆ ໃຫ້ກວດຄ່າຕັບ ຫຼື ເອັກໂກ່ຕັບເປັນໄລຍະ
✅ ກວດສຸຂະພາບປະຈຳປີທຸກປີ
#ງົດຫຼືຫຼຸດແປ້ງແລະນ້ຳຕານໃຫ້ໄດ້ຫຼາຍທີ່ສຸດ
Cr: ด็อกเตอร์โยโกะ ผ่าตัดกระเพาะ
#ຂໍ້ມູນສຸຂະພາບ
