ແມ່ມືໃໝ່ - Mae Mue Mai

09/07/2016

ກົ້ມໜ້າກົ້ມຕາລ້ຽງລູກຢ່າງດຽວ ແປ໋ບດຽວລູກກະຄົບ 1 ປີແລ້ວເດ້! ແລ້ວແມ່ມົນກໍ່ຄົ້ນພົບຢູ່ສອງສາມຢ່າງວ່າ ນອກຈາກການໃຫ້ນົມລູກແລ້ວ ລູກແຂງແຮງ, ແມ່ຈ່ອຍລົງ ແຖມຍັງໂຄເລສເຕໂຣນ (cholesterol) ຫຼຸດລົງອີກ 😄😇 ໃຜຈະເອົາຢ່າງກໍ່ເຂີນເດີ #ແມ່ມືໃໝ່
ປລ: ນີ້ແມ່ນປະສົບການສ່ວນຕົວ ແມ່ແຕ່ລະຄົນຮ່າງກາຍບໍ່ຄືກັນ ຜົນທີ່ໄດ້ອາດບໍ່ຄືກັນ

07/10/2015

#ບົດຄວາມທີ 4: ວ່າດ້ວຍການສັກວັກຊິນແລ້ວລູກເປັນໄຂ້ ຫຼື ອາດບໍ່ເປັນໄຂ້

ແມ່ມືໃໝ່ ແລະ ແມ່ລູກອ່ອນທັງຫລາຍແນ່ນອນຢູ່ແລ້ວຄົງຈະເຄີຍພາລູກໄປສັກວັກຊີນມາຫລາຍຄັ້ງ ແລະ ສໍາລັບບາງຄົນພາຍຫລັງສັກມາແລ້ວລູກມັກຈະເປັນໄຂ້ ຫຼື ອາດຈະບໍ່ເປັນພຽງແຕ່ຄີງຮ້ອນທໍາມະດາກໍ່ມີ ເຊິ່ງທ່ານໝໍ ແລະ ນາງພະຍາບານກໍ່ບອກສະເໝີວ່າເປັນເລື່ອງປົກກະຕິ.

ແຕ່ບໍ່ດົນມານີ້ແມ່ມົນມີໂອກາດໄດ້ລົມກັບແມ່ລູກອ່ອນລຸ້ນເອື້ອຍທ່ານໜຶ່ງ ພໍດີເພີ່ນກຊ່ເວົ້າຜ່ານໆອອກມາວ່າ ເຄີຍໄດ້ຍິນຂະເຈົ້າເວົ້າວ່າ “ເວລາເອົາລູກໄປສັກຢາຢູ່ປະເທດຂ້າງຄຽງແລ້ວລູກຈະມີໄຂ້ ແປວ່າພູມຄຸ້ມກັນລູກຂຶ້ນ ແຕ່ເວລາສັກຢູ່ລາວບໍ່ມີ ແລ້ວແປວ່າພູມຄຸ້ມກັບບໍ່ຂຶ້ນ ຈັກແມ່ນແທ້ຫລືບໍ່?” ຄໍາຖາມນີ້ກໍ່ເລີຍຕີດໃນໃຈແອັດມີນມາ ແລະເຮັດໃຫ້ຖາມໂຕເອງວ່າ ມີແມ່ໆອີກຈັກຄົນທີ່ເຂົ້າໃຈແນວນີ້ ຫລື ກໍາລັງຫາຄໍາຕອບຢູ່ຄືກັນ?

ອີງຕາມຄວາມຮູ້ທີ່ແອັດມິນມີກ່ຽວກັບວິທະຍາສາດສຸຂະພາບຄົນເຮົາ ແລະ ຈາກການຊອກຮຽນຮູ້ຮຽນອ່ານຈາກຫລາຍໆແຫຼ່ງ ຈິ່ງຢາກຂໍແບ່ງປັນຄວາມຮູ້ດັ່ງນີ້:

ນັບແຕ່ເວລາກ່ອນຖືພາ ແມ່ແຕ່ລະຄົນຈະມີສຸຂະພາບບໍ່ຄືກັນ ເຊັ່ນ ບາງທ່ານໄວຕໍ່ເຊື້ອພະຍາດ ພໍອາກາດປ່ຽນໜ້ອຍໜຶ່ງກໍ່ເປັນໄຂ້ເປັນໄອ ແຕ່ບາງທ່ານປີໜຶ່ງໆກໍ່ບໍ່ເຄີຍເປັນໄຂ້ເລີຍກໍ່ມີ ເນື່ອງຈາກແມ່ແຕ່ລະຄົນບໍ່ຄືກັນ ນັບຕັ້ງແຕ່ສະພາບຮ່າງກາຍ, ການກິນ ການຢູ່, ການດໍາລົງຊີວິດ ຫຼື ພະຍາດປະຈໍາໂຕ ໃນຂະນະທີ່ຖືພາ ແມ່ເອງຈະແບ່ງປັນທັງອາຫານ, ອາກາດ ກັບລູກ ໂດຍຜ່ານເສັ້ນເລືອດໃນຮູບແບບສາຍແຮ່ ໃນສາຍແຮ່ນີ້ຈະບໍ່ມີການສົ່ງຜ່ານພຽງແຕ່ສານອາຫານ ຫຼື oxygen ເທົ່ານັ້ນ ແຕ່ຈະມາການສົ່ງຜ່ານບາງພູມຄຸ້ມກັນສູ່ລູກໃນທ້ອງພ້ອມ ດັ່ງນັ້ນແມ່ທີ່ມີຄວາມຕ້ານທານຕໍ່ພະຍາດສູງກໍ່ຈະມີການສົ່ງຜ່ານບາງພູມຄຸ້ມກັນໃຫ້ລູກແນ່ແລ້ວໂດຍພື້ນຖານ ແລະ ຍິ່ງຫາກລູກໄດ້ກິນນົມແມ່ ແມ່ກໍ່ຍັງສົ່ງຜ່ານພູມຄຸ້ມກັນມາໃຫ້ລູກຜ່ານນໍ້ານົມຕື່ມອີກ ພາຍຫລັງໄປສັກຢາ ຫາກປະກົດວ່າລູກບໍ່ເປັນໄຂ້ ພຽງແຕ່ໂຕຮ້ອນຮຸ່ມໆໜ້ອຍໜຶ່ງກໍ່ເຊົາ ກໍ່ບໍ່ໄດ້ໝາຍຄວາມວ່າວັກຊີນບໍ່ດີ ຫຼື ລູກບໍ່ໄດ້ພູມຄຸ້ມກັນ ຫາກພຽງແຕ່ລູກອາດມີສະສົມມາແຕ່ໃນທ້ອງແມ່ແລ້ວ 😊

ຕົວຢ່າງລູກແອັດມິນໂດຍສ່ວນຕົວແອັດມິນບໍ່ມີພະຍາດປະຈໍາໂຕ, ບໍ່ແພ້ຢາ ຫຼື ອາຫານຫຍັງ, ປີໜຶ່ງໆກໍ່ບໍ່ຄ່ອຍຈະເປັນໄຂ້ຍ້ອນອາກາດປ່ຽນແປງ ຫຼື ຍາມລະດູໄຂ້ຫວັດ ຫາກຈະເປັນກໍ່ເປັນຍ້ອນສາເຫດອື່ນ (ເຊັ່ນ: ເຫືອກອັກເສບຈົນເປັນໄຂ້) ໂຕພໍ່ຂອງລູກນັ້ນ ແພ້ຝຸ່ນ(ບາງຄັ້ງ), ເປັນອໍາມິດານ ເມື່ອກິນເຢັນ ຫຼື ຢູ່ອາກາດເຢັນກໍ່ຈະເລີ່ມເປັນຫວັດເປັນໄອ ແລະ ເປັນໄຂ້ໃນທີ່ສຸດ ເມື່ອລູກເກີດມາໂຊກດີທີ່ບໍ່ໄດ້ນໍາພໍ່ມາ ເພາະພໍ່ບໍ່ໄດ້ອຸ້ມທ້ອງ ບໍ່ໄດ້ປັນອາຫານ, ປັນອາກາດ, ປັນສານຕ່າງໆນໍາລູກຜ່ານສາຍແຮ່ ລູກຈິງທົນທານຄືແມ່ ເພາະທຸກຄັ້ງທີ່ພາໄປສັກຢາລູກແມ່ມົນຈະພຽງແຕ່ຄີງຮ້ອນຮຸ່ມໆ (ບໍ່ເຖິງຮ້ອນຈົນເປັນໄຂ້) ເມື່ອຜ່ານໜຶ່ງຄືນບໍ່ເກີນມື້ທີ່ສອງກໍ່ເຊົາ ອັນທີ່ບໍ່ເຊົາແມ່ນຈະມີລິດມີເດດເພີ່ມຂຶ້ນມາໃຫ້ຈາກທຸກເຂັມທີ່ສັກ 😂

ດັ່ງນັ້ນບໍ່ໄດ້ໝາຍຄວາມວ່າຢາບ້ານເພີ່ນດີ ບ້ານເຮົາບໍ່ດີ ຫຼື ລູກເພີ່ນໄດ້ພູມຄຸ້ມກັນ ແຕ່ລູກເຮົາບໍ່ໄດ້ ພຽງແຕ່ປັນໃຈຂອງແມ່ ແລະ ລູກບຊ່ຄືກັນ ປະຕິກິລິຍາສະແດງອາການຈິ່ງບໍ່ຄືກັນ 😊

07/10/2015

#ບົດຄວາມທີ 3: ສະບາຍດີແມ່ໆທັງຫລາຍ ທັງມືໃໝ່ ແລະ ມືເກົ່າ ມື້ນີ້ຂໍມາອັບເດດສະພາບຂອງແມ່ມົນ ແລະ ລູກມົນແນ່ 😄

#ລູກມົນ ເພດຊາຍ ເກີດເມື່ອວັນທີ 16/06/2015 ດ້ວຍນໍ້າໜັກໂຕ 3.086 ກິໂລ ແລະ ສູງ/ຍາວ 49 ຊມ
ປະຈຸບັນອາຍຸໄດ້ 3ດ22ມ ນໍ້າໜັກໂຕຄັ້ງສຸດທ້າຍທີ່ຊັ່ງເມື່ອໄປສັກວັກຊີນໄດ້ 7.5 ກິໂລ ແລະ ສູງ/ຍາວ 60 ຊມ (ຖ້າອ່ານລາຍມືແສນງົດງາມຂອງພະຍາບານບໍ່ຜິດ 😅)
ນັບແຕ່ຕອນເກີດມາອາດມີກິນນົມແມ່ປົນກັບກິນນົມຜົງແນ່ໜ້ອຍໆ ເພາະນົມຍັງບໍ່ມາ ແຕ່ປະຈຸບັນແມ່ກິນນົມແມ່ລ້ວນໆ ພາຍໃນໄຕມາດທໍາອິດຂອງລູກນໍ້າໜັກໂຕຈິ່ງຂຶ້ນເປັນສອງເທື່ອຂອງນໍ້າໜັກຕອນເກີດ

#ແມ່ມົນ ນໍ້າໜັກຕອນເລີ່ມຖືພາແມ່ນ 56 ກລ (ເບົາເນາະ 😆) ເກົ້າເດືອນຂອງການຖືພາຜ່ານໄປ ມັນຂຶ້ນໄປຕັ້ງ 20 ກລ 😂 ເປັນ 76 ກລ ຊ່າງເປັນໂຕເລກທີ່ຝັງໃຈ ຂະໜາດວ່າເຄີຍຕຸ່ຍມາກ່ອນສະໄໜເປັນສາວນ້ອຍກະ 61 ກລ ແຕ່ນີ້!! ທໍາໃຈບໍ່ໄດ້ອຸກເຈີ! ແຕ່ເຮັດແນວໃດໄດ້ ເມື່ອລູກຢູ່ໃນທ້ອງຄວາມຕ້ອງການຢາກກິນກໍ່ມາເອງອັດຕະໂນມັດ
ຜ່ານການລ້ຽງລູກແບບອົດຫລັບອົດນອນ ແລະ ການໃຫ້ນົມແມ່ແກ່ລູກມາໄດ້ສາມເດືອນ ຕອນນີ້ນໍ້າໜັກໂຕເຫລືອ 62 ກລ ແປວ່າ ຫຼຸດລົງ 14 ກລ ຍັງອີກ 6 ກລ 😄 ເບິ່ງໂຕເລກທີ່ຫຼຸດໄປກະພໍຈະຊື່ນໃຈ ແຕ່ມາເບິ່ງໂຕເລກທີ່ຍັງເຫຼືອກະຍັງເຮັດໃຫ້ອຸກໃຈຢູ່ດີ ແຕ່ຍັງບໍ່ໝົດເທົ່ານັ້ນເພາະຂອງແຖມຈາກການຖືພາ ເຊິ່ງໝາຍເຖິງບັນດາເນື້ອໜັງມັງສາທີ່ເພີ່ມພູນຂຶ້ນໃນເວລາ 6 ເດືອນແມ່ນບໍ່ຈາກໄປງ່າຍໆ 😭 ທັງຕົ້ນຂາ ຕົ້ນແຂນ, ແອວ, ແຜນຫຼັງ ແລະ ໜ້າທ້ອງບ່ອນທີ່ລູກເຄີຍຢູ່ຍັງກອງຢູ່ເຕັມເລີຍ ເສື້ອຜ້າທີ່ເຄີຍໃສ່ໄດ້ກໍ່ໃສ່ບໍ່ໄດ້ ເນື່ອງຈາກແມ່ມົນບໍ່ໄດ້ອອກກໍາລັງກາຍເລີຍຍຍຍຍຍ 😓 ເອົາແຕ່ລູກຢ່າງດຽວ

ສຸດທ້າຍກ່ອນຈາກກໍ່ຢາກເປັນກໍາລັງໃຈໃຫ້ແມ່ມານວ່ານໍ້າໜັກໂຕທີ່ເພີ່ມຂຶ້ນຂອງແຕ່ລະຄົນຈະບໍ່ເທົ່າກັນຢູ່ແລ້ວ ດັ່ງນັ້ນບຊ່ຕ້ອງເອົາຕົວເຮົາເອງໄປປຽບທຽບກັບໃຜ ຫຼື ປ່ອຍໃຫ້ໃຜມາເວົ້າໃຫ້ສະເທືອນໃຈ ແຕ່ກໍ່ຍັງຄົງຕ້ອງລະວັງຄວບຄຸມໃຫ້ດີເພື່ອເວລາເກີດລູກຈິ່ງບໍ່ມີບັນຫາເກີດຍາກໂດຍສະເພາະເກີດແບບທໍາມະຊາດຫາກລູກໂຕໃຫ້ເກີນໄປອາດເກີດບໍ່ໄດ້ຫຼືເກີດລໍາບາກ.

02/09/2015

#ບົດຄວາມທີ 2: ທັກທາຍບັນດາແມ່ມືໃໝ່ຍາມເດິກໆ 😀 ຄືນນີ້ແອັດມິນຂໍມາແນະນໍາໂຕກັນໜ້ອຍໜຶ່ງເນາະ ດຽວສິບໍ່ຮູ້ເອີ້ນກັນ

ເອີ້ນແອັດມິນວ່າແມ່ມົນກະໄດ້ 😁 ຊື່ນີ້ສາມີຕັ້ງໃຫ້ເພາະຕອນຖືພາກໍ່ໂຕມົນ ເກີດລູກມາກໍ່ຍັງມົນຄືເກົ່າ ເລີຍຕາມເລີຍ, ດຽວນີ້ເປັນແມ່ລູກອ່ອນມີລູກຜູ້ຊາຍ 1 ຄົນ ຊື່ ເຕໂນ້ 👶🏻 ອາຍຸຫາກໍ່ໄດ້ 2 ເດືອນເຄິ່ງ. ບອກໄວ້ກ່ອນເລີຍວ່າເຮົາເປັນແມ່ລູກອ່ອນທີ່ສະໜັບສະໜູນການລ້ຽງລູກດ້ວຍນົມແມ່ ເຮົາຈະບໍ່ຢາກໃຫ້ກິນນົມຜັງຖ້າບໍ່ຈໍາເປັນ 🍼

ຂໍມາເລົ່າປະສົບການ #ການພາລູກໄປສັກຢາ ຢູ່ສອງໂຮງໝໍຕ່າງກັນ.

ຄໍາຖາມທີ 1: ເປັນຫຍັງຄືປ່ຽນໂຮງໝໍ?
ແມ່ມົນເກີດລູກຢູ່ໂຮງໝໍ ຊໍ ຊ້າງ ພາຍຫລັງທີ່ເກີດແລ້ວທ່ານໝໍກໍ່ນັດໃຫ້ພາລູກ ແລະ ໂຕເອງມາກວດຄືນອີກ 6 ອາທິດຕໍ່ມາ ເຮົາຈິ່ງພາກັບໄປກວດຢູ່ຫັ້ນເຖິງວ່າຈະໄກບ້ານ (ລືມບອກວ່າແອັດມິນຢູ່ແຖວໂພນຕ້ອງ) ມີໂຮງໝໍ ມໍ ແມວ ໃກ້ບ້ານແຕ່ບໍ່ຍອມໄປເກີດ ເພາະມີລຸ້ນນ້ອງຮຽນແພດຊ່ຽວຊານປະສູດແນະນໍາວ່າມີທ່ານໝໍເກັ່ງທ່ານໜຶ່ງຢູ່ໂຮງໝໍ ຊໍ ຊ້າງ.

ພໍຮອດມື້ວັນທີ 27/07/2015 ເຮົາກໍ່ພາລູກໄປໃນຕອນນັ້ນລາວອາຍຸ 1 ເດືອນເຄິ່ງ ເປັນການໄປກວດຄືນ ແລະການສັກຢາຄັ້ງທີ 1 ພາຍຫລັງມື້ເກີດ ເຮົາກໍ່ໄປຕາມນັດ ຮອດໂຮງໝໍກໍ່ບໍ່ຮູ້ລະບົບເພີ່ນປານໃດຈັກພະແນກຫຍັງຢູ່ໃສ (ບ້ານນອກແທ້) ເຄີຍມາແຕ່ພະແນກກວດເຂດນອກເລີຍຖາມເອົາຍ່າງຊອກໄປຊອກມາປະກົດວ່າບ່ອນສັກຢາລູກຢູ່ຕິດກັນ ທໍາອິດວ່າຈະໄປບ່ອນພະແນກປະສູດຄືເກົ່າ ເາພະຄິດວ່າຄົງຈະແມ່ນທ່ານໝໍທ່ານເກົ່າທີ່ເກີດໃຫ້ລູກເຮົາຈະເປັນຄົນກວດ ແຕ່ບໍ່ແມ່ນເພາະແມ່ນຜູ້ໃໝ່ ແລະ ຜູ້ດຽວກັນກັບທີ່ຈະກວດໃຫ້ລູກເຮົານັ້ນແຫລະ ເພີ່ນກໍ່ໃຫ້ຊັ່ງນໍ້າໜັກໂຕລູກກ່ອນກັບນາງພະຍາບານ ລູກເຕ້ເຮົາຊັ່ງໄດ້ 4,8 ກິໂລ ໂຕຍາວ 55 ຊມ ແລ້ວກໍ່ເຂົາໄປລໍຖ້າກວດກັບທ່ານໝໍ ເມື່ອເຂົ້າໄປເພີ່ນກໍ່ຖາມວ່າ ເອົານົມແມ່ໃຫ້ລູກກິນຕີ້? ເຮົາກໍ່ເລົ່າບັນຫາໄປ(ຕອນນັ້ນໃຫ້ລູກກິນນົມປົນກັນແບບນົມແມ່ 50/ ນົມຜົງ 50 ເພາະນໍ້ານົມຍັງມາໜ້ອຍຍ້ອນຖືກກະຕຸ້ນຊ້າ ແລະ ລູກກໍ່ຍັງບໍ່ລຶງດູດ ຕໍ່ມາກໍ່ນົມແມ່ 100/ ນົມຜົງ 0 ແລະ ປ່ຽນອີກເປັນ ນົມແມ່ 70/ ນົມຜົງ 30) ທ່ານໝໍກໍ່ຮ້າຍວ່າໃຫ້ກິນແຕ່ນົມແມ່ແມ້! ອີ່ຫຍັງບໍ່ດີເທົ່າ! ໃຫ້ເຊົາ! ໃນຂະນະທີ່ເທດສະໜາແມ່ ເພີ່ນກໍ່ກວດລູກພ້ອມໂດຍການຟັງສຽງຈັງຫວະຫົວໃຈເຕັ້ນ ແລະ ສຽງປອດ ຫລັງຈາກນັ້ນກໍ່ຈັບລູກຄ້ວມໜ້າເພື່ອເບິ່ງວ່າຈະຊັນຄໍໄດ້ແລ້ວບໍ່ ລູກເຕ ກໍ່ຈັດໃຫ້ພ້ອມຫລັງເອົາກົ້ນບິດໆເລື່ອໆເພາະບໍ່ມັກຢູ່ທ່ານັ້ນ ເພີ່ນເຫັນກໍ່ວ່າແຂງແຮງດີ 😃 ເຮົາກໍ່ເຢ້ໃນໃຈກັບເບິ່ງໜ້າສາມີ ແລະ ທ່ານໝໍກໍ່ເອົາທາດເຫລັກໃຫ້ແມ່ມາກິນ ຫລັງຈາກນັ້ນແມ່ນພາລູກໄປສັກຢາຢູ່ອີກຫ້ອງໜຶ່ງຕ່າງຫາກ ກ່ອນສັກເພີ່ນກໍ່ຢອດຢາໃສ່ປາກລູກສອງຢອດ ແລ້ວສັກຢາໃສ່ຂາທັງສອງເບື້ອງໆລະເຂັມໂດຍສັກໃສ່ກ້າມຊິ້ນ ລູກເຮົາກໍ່ຮ້ອງກາກແຕ່ຕອນຈຸບ້ຂັມໃສ່ຂາແລ້ວກໍ່ເຊົາ 😊 ກັບມາບ້ານກໍ່ມີແຕ່ໂຕອຸ່ນໆບໍ່ເຖິງກັບມີໄຂ້ແລ້ວກໍ່ເຊົາ

ນັດຄັ້ງທີສອງຄືວັນທີ 02/09/2015 ເຮົາລົມກັບຄອບຄົວວ່າຢາກປ່ຽນເອົາລູກໄປສັກຢູ່ໂຮງໝໍ ດໍ ດັກແດ້ 😗 ໄປກັບແມ່ ເພາະໃກ້ບ້ານ ແລະ ເປັນໂຮງໝໍສະເພາະທາງ ບໍ່ຢາກເອົາລູກໄປໂຮງໝໍລວມບ່ອນຄົນເຈັບຄົນປວຍທັງໜັກທັງເບົາໄປ ຍ່າງເຂົ້າໄປທໍາອິດກໍ່ຮູ້ສຶກດີນະ ເນື່ອງຈາກຕຶກ ແລະ ສະຖານທີຍັງໃໝ່ ບໍ່ທັນຜ່ານການໃຊ້ງານມາຫລາຍເທື່ອ ສັງເກດວ່າຄົນພາລູກມາກວດມາປິ່ນປົວກໍ່ບໍ່ຫລາຍ (ເຮົາກໍ່ຮູ້ສຶກດີ) 😌 ມີພະຍາບານນັ່ງຢູ່ເຄົາເຕີກໍ່ຍ່າງໄປຖາມແລະເຮັດຕາມຂັ້ນຕອນເພີ່ນ ລູກກໍ່ມີນໍ້າໜັກ 6,2 ກິໂລ ຍາວ 62 ຊມ ອຸນຫະພູມຮ່າງກາຍ 37,4 ອົງສາ (ບໍ່ໄດ້ຕໍ່ແຖວເລີຍກ່ອນໜ້າເຮົາບໍ່ມີໃຜ) ຮອດຕອນສັກຢາກໍ່ພາລູກເຂົາໄປສັກຢາ (ພະຍາບານ ຫລື ທ່ານໝໍກໍ່ບໍ່ຮູ້ເພາະນຸ່ງໂສ້ງຊຸດສີຂາວຂອບຟ້າ ຄິດວ່າພະຍາບານຫລາຍກວ່າ) ເພີ່ນກໍ່ຖາມວ່າເດັກບໍ່ໄດ້ເປັນໄຂ້ເປັນໄອຫຍັງບໍ່? ເຮົາກໍວ່າບໍ່ ແລ້ວເພີ່ນກໍ່ລົງມືສັກຢາຈັນແລ້ວ ຂີ່ລົດອອກມາບ້ານກັບແມ່ຈິງລົມກັນວ່າຄືບໍ່ເຫັນເພີ່ນກວດລູກແບບຟັງຫົວໃຈຟັງປອດເບິ່ງວິວັດທະນາການຂອງເດັກ 😐 ອັນເຮົາກໍ່ລືມເລີຍກັບບ້ານໄປຈັ່ງຊັ້ນ

ຄັ້ງຕໍ່ໄປຄິດບໍ່ອອກວ່າຈະພາລູກໄປສັກໃສດີ ເພາະແບບວ່າງົງໆວ່າເປັນຫຍັງການປະຕິບັດຈິ່ງບໍ່ຄືກັນ 😥 ຕິດຕາມຕອນຕໍ່ໄປໃນອີກ 1 ເດືອນ

ປລ: ປະຈຸບັນເພື່ອໃຫ້ເຂົ້າເຖິງເດັກນ້ອຍໄດ້ຫລາຍທີ່ສຸດ ແລະເກື່ອໃຫ້ທຸກຄົນໄດ້ຮັບການສັກຢາກັບພະຍາດຢ່າງຄົບທ້ວນ ການສັກຢາກັນພະຍາດໃຫ້ເດັກນ້ອຍແມ່ນບໍ່ເສຍເງິນຄ່າຢາ ຍົກເວັ້ນແມ່ນຍັງໄດ້ຈ່າຍຄ່າທໍານຽມຫລືຄ່າອຸປະກອນໜ້ອຍດຽວ (5.000-10.000 ກີບ) ຂຶ້ນກັບນະໂຍບາຍຂອງແຕ່ລະໂຮງໝໍ.

ຮູບຈາກ: cheapcures.blogspots.com

30/08/2015

#ບົດຄວາມທີ 1: ມາຢອດຫົວຂໍ້ໄວ້ຕັ້ງດົນແລ້ວກໍ່ມິດໄປເລີຍ ແອັດມິນມົວໄປປໍ້າກັບລູຢູ່ 😅 ຕ້ອງຂໍອະໄພຫລາຍໆ ມາເຂົ້າເລື່ອງເລີຍດີກວ່າ

#ເຫດຜົນທີ່ຊື້ເຄື່ອງປໍ້າ
ບາງຄົນອາດສົງໄສວ່າເປັນຫຍັງຈຶ່ງຕ້ອງໃຊ້ເຄື່ອງປໍ້າ? ບໍ່ໄດ້ໃຫ້ລູກກິນນົມຈາກເຕົ້າຫວ່າ? ອາຍເປີດເຕົ້າບໍ້? ຢ້ານນົມຍານບໍ້ ເລີຍບໍ່ໃຫ້ລູກດູດ? ໂດຍສ່ວນຕົວແມ່ແຕ່ລະຄົນກໍ່ຈະມີເຫດຜົນແຕກຕ່າງກັນໄປ ຈະດ້ວຍສາເຫດໃດແອັດມິນເອງຈະບໍ່ຂໍຕໍານິຕິຕຽນໃຜ
ແຕ່ໂດຍສ່ວນຕົວແອັດມິນຄິດວ່າການໃຫ້ນົມແມ່ແກ່ລູກແມ່ນດີທີ່ສຸດບໍ່ວ່າຈະດ້ວຍວິທີໃດ ຂໍພຽງເປັນນົມແມ່ກໍ່ພໍ

ໂດຍສ່ວນຕົວຕອນເກີດລູກແອັດມິນ (ຂໍເອີ້ນໂຕເອງວ່າແມ່ນ້ອຍສະເນາະ) ມີບັນຫາຫົວນົມບອດ ຫຼື ຫົວນົມຫຼຸບ ລູກດູດບໍ່ໄດ້ຕັ່ງແຕ່ຊົ່ວໂມງທໍາອິດທີ່ເກີດ ການຜະລິດນໍ້ານົມເລີຍບໍ່ໄດ້ຖືກກະຕຸ້ນຕັ້ງແຕ່ 24 ຊົ່ວໂມງທໍາອິດ ພໍກັບມາບ້ານກໍ່ເລີຍຕ້ອງໄດ້ໃຊ້ເຄື່ອງປໍ້າຊ່ວຍດູດໃຫ້ຫົວນົມອອກມາເພື່ອໃຫ້ລູກສາມາດດູດໄດ້ ແລະ ໃນຂະນະດຽວກັນເພື່ອເປັນການກະຕຸ້ນນໍ້ານົມໃຫ້ຜະລິດ ແຕ່ໂຊກຮ້າຍທີ່ເຄື່ອງປໍ້າທີ່ຊື້ມາເມື່ອໃຊ້ປໍ້າແລ້ວເຮັດໃຫ້ເຈັບ

ດັ່ງນັ້ງການເລືອກເຄື່ອງປໍ້າທີ່ດີຈິ່ງສໍາຄັນ ບໍ່ສະເພາະສໍາລັບຄົນທີ່ມີບັນຫາຫົວນົມເທົ່ານັ້ນ ແຕ່ສໍາລັບແມ່ທີ່ຕ້ອງກັບໄປເຮັດວຽກ (ຄືເຮົານີ້) ກໍ່ຕ້ອງປໍ້າເກັບໄວ້ເພື່ອເວລາທີ່ແມ່ ຫຼືໃຜກໍ່ຕາມທີ່ເບິ່ງລູກແທນສາມາດເອົານໍ້ານົມໃຫ້ລູກກິນໄດ້ ແທນທີຈະໃຫ້ລູກກິນນົມຜົງ

ວ່າດ້ວຍເຄື່ອງປໍ້ານໍ້ານົມ ກໍ່ມີຢູ່ 2 ຊະນິດ ຄື: ເຄື່ອງປໍ້ານົມແບບໃຊີມື (Manual pump) ແລະ ເຄື່ອງປໍ້ານົມແບບໄຟຟ້າ (Electric pump) ມີທັງແບບຫົວດຽວ ແລະ ຫົວຄູ່
#ເຄື່ອງປໍ້ານົມແບບໃຊ້ມື: ມີຫລາກຫລາຍຮູບແບບເຫລືອເກີນນນນ ຂໍ້ດີກໍ່ຄືສິ້ນສ່ວນບໍ່ຫລາຍ, ເບົາ, ພົກພາສະດວກ ເໝາະສໍາລັບແມ່ທີ່ໃຫ້ລູກດູດນົມຈາກເຕົ້າເປັນຫຼັກ ເອົາໄວ້ດູດນໍ້ານົມອອກເວລາຄັດນົມ ຫຼື ເວລາລູກດູດເຕົ້າໜຶ່ງແລ້ວໄວ້ດູດອີກເຕົ້າໜຶ່ງເວລາທີ່ນໍ້ານົມຍ້ອຍ ຫຼື ໄວ້ປໍ້ານໍ້ານົມໃນປະລິມານທີ່ບໍ່ຫລາຍ ຂໍ້ເສຍແມ່ນເຮັດໃຫ້ເມື່ອຍມື ແລະປໍ້າສອງເຕົ້າພ້ອມກັນບໍ່ສະດວກ (ເມື່ອຍຄູນສອງ 😅)

#ເຄື່ອງປໍ້ານົມແບບໄຟຟ້າ: ເລີ່ມດ້ວຍຂໍ້ເສຍຄື ລາຄາແພງ!!! ໂດຍສະເພາະລຸ້ນສອງຫົວປໍ້າ ອີກຂໍ້ເສຍໜຶ່ງທີ່ກໍ່ຄືມັນໜັກເຮັດໃຫ້ພົກພາບໍ່ສະດວກ ສ່ວນຂໍ້ດີນັ້ນແມ່ນສະດວກກວ່າເຄື່ອງປໍ້າແບບມືຫລາຍ ເພາະຊ່ວຍເບົາແຮງບໍ່ເມື່ອຍມື
ເນັ້ນວ່າເຄື່ອງປໍ້າແບບນີ້ເໝາະກັບແມ່ທີ່ມີຈຸດປະສົງທີ່ຈະປໍ້ານົມໄວ້ຫລາຍໆເພື່ອເຮັດສະຕ໋ອກນໍ້ານົມໄວ້ ຫຼື ສໍາລັບຜູ້ທີ່ບໍ່ໄດ້ໃຫ້ລູກດູດນໍ້ານົມຈາກເຕົ້າແຕ່ປໍ້າຢ່າງດຽວ

ຈັ່ງໃດກໍ່ຂໍເປັນກໍາລັງໃຫ້ແມ່ມືໃໝ່ທຸກຄົນສາມາດໃຫ້ນົມລູກໄດ້ຢ່າງລາບລື້ນ 😊

ປລ: ຮູບພາບເຫລົ່ານີ້ເປັນພຽງຕົວຢ່າງ

20/07/2015

ພໍດີແອັດມິນໄດ້ຝາກພີ່ນ້ອງຊື້ເຄື່ອງປໍ້ານົມໄຟຟ້າມາແຕ່ອາເມລິກາ ເປັນເຄື່ອງ Medela Pump In Style (P*S) Advance ຂໍລອງໃຊ້ກ່ອນແລ້ວແມ່ງົວຈະມາຣີວິວເດີ 😊

15/07/2015

ເນື່ອງຈາກປະຈຸບັນແອັດມິນກໍ່ປ່ຽນສະຖານະຈາກຄົນທໍາມະດາມາເປັນແມ່ລູກອ່ອນແລ້ວ ຈິ່ງມີປະສົບການຫລາກຫລາຍຢາກມາແບ່ງປັນ. ຂໍຢໍ້າວ່າເປັນປະສົບການສ່ວນບຸກຄົນຖືກບໍ່ຖືກຄວນບໍ່ຄວນ ກໍ່ຂໍໃຫ້ທາງຜູ້ອ່ານພິຈາລະນາເອົາຕື່ມ ວ່າຈະເຊື່ອຫລືບໍ່ 😊 ແລະ ແອັດມິນກໍ່ຍິນດີຮັບຄໍາແນະນໍາ ຫລື ແລກປ່ຽນຄໍາຄິດເຫັນ ດ້ວຍຄວາມຫວັງດີ 😀

04/02/2014

ຢຸດກ່ອນຈະສາຍເກີນໄປ!!!

04/02/2014

ສາວໄວລຸ້ນຕົກຢູ່ໃນອາການໂຄມ້າພາຍຫຼັງທີ່ໄດ້ຮັບການຜ່າຕັດເສີ່ມໜ້າເອິກເມື່ອປີກ່ອນ ປະຈຸບັນສາມາດກັບໄປພັກຝື່ນຢູ່ບ້ານໄດ້ແລ້ວແຕ່ສະພາບຮ່າງກາຍແມ່ນເກືອບບໍ່ສາມາດເຄື່ອນເໜັງ ຫຼື ເວົ້າໄດ້ເລີຍ

ຍິງສາວທີ່ມີຊື່ວ່າ Linda Perez ປະຈຸບັນອາຍຸ 19 ປີ ໄດ້ຕົກຢູ່ໃນອາການໂຄມ້າ ພາຍຫຼັງທີ່ໄດ້ຮັບການຜ່າຕັດເສີ່ມໜ້າເອິກພຽງແຕ່ຊົ່ວໂມງດຽວ ໃນເດືອນ ສິງຫາ ປີ 2013

ລາວເກືອບວ່າບໍ່ສາມາດເໜັງຕີງໄດ້ເລີຍ ຕ້ອງໃຫ້ຄົນອຸ້ມເມື່ອຕ້ອງການໄປໃສພາຍໃນເຮືອນ ແລະ ສາມາດເວົ້າໄດ້ພຽງໜ້ອຍຄໍາເທົ່ານັ້ນ

ປະຈຸບັນ ລິນດາ ຕ້ອງຢູ່ໃນການເບິ່ງແຍງດູແລຈາກພໍ່ແມ່ ຊຶ່ງຊ່ວຍເຫຼືອລາວໃນການດໍາລົງຊີວິດປະຈໍາວັນ ແລະ ຊ່ວຍລ້ຽງລູກຂອງລາວ ເພາະ ລິນດາ ມີລູກຊາຍທີ່ຫາກໍ່ມີອາຍຸໄດ້ 4 ປີ ເທົ່ານັ້ນ. ລູກຊາຍທີ່ລາວໃຫ້ກໍາເນີດເມື່ອມີອາຍຸພຽງແຕ່ 15 ປີ

ແພດໝໍທີ່ໄດ້ເຮັດການຜ່າຕັດອ້າງວ່າສາເຫດທີ່ເຮັດໃຫ້ລາວຕົກຢູ່ໃນອາການໂຄມ້າ ຍ້ອນ ລິນດາ ບໍ່ໄດ້ບອກ ຫຼື ກ່າວເຖິງບັນຫາແຊກຊ້ອນທີ່ເຄີຍເກີດຂຶ້ນ ເມື່ອຕອນທີ່ລາວໄດ້ຮັບການວາງຢາສະລົບໃນການຜ່າຕັດເກີດລູກ

(ລາຍລະອຽດເພີ່ມເຕີມເບິ່ງໄດ້ທີ່ເວັບເພີ່ນ)

ຂອບໃຈຂ່າວຈາກ:
http://www.dailymail.co.uk/news/article-2551030/Teen-fell-coma-year-having-getting-breast-implants-barely-speak.html

Linda Perez fell into a coma last year after getting breast augmentation surgery in Coral Gables, Florida has now been allowed to go home but cannot function on her own.

25/03/2013

ໃຜຢາກກິນ snacks ເບິ່ງທາງນີ້ :)
*picture from: http://www.healthedco.com

23/03/2013

ເຂົ້າໃຈນິຍາມ

23/03/2013

ອັບເດດຂໍ້ມູນ :)