15/02/2026
✨أول شي… بيئتك أهم من قوّة إرادتك. جد. رتّبي محيطك ليخدمِك. خلّيت قنينة المي دايمًا حدّي على المكتب وصارت أسهل من التنفّس.
✨وإذا في شي عنجد حسّيتو فارق معي، فهو المكمّلات الصحّية: المغنيسيوم، الأوميغا-3، الفيتامين D، البروبيوتيك، الكرياتين.
المغنيسيوم قبل النوم؟ منقذ.
✨ وكمان… التخطيط و الترتيب حسب دورتي الشهرية. صار عندي وعي لإيمتى بدفع حالي بالتمارين، وإيمتى بخفّف وبهدي. تتبّع الدورة خلّاني اشتغل مع جسمي مش ضدّو
✨وإيه، في شي كتير بحبّه يلي هو إنّي بلّش نهاري بـ طاقة أنثوية… شوي مَي، نفس، قعدة هيك مع حالي… قبل ما فوت بزحمة الإنجاز والشغل.
✨تعلّمت قول “لا”. مش من قلّة محبّة… من احترام لطاقتي. و”خلّيني فكّر فيها” صارت منقذ الي من ال yes السريعة
✨ وفي نقطة بتعرفوها عنّي… أنا مع الانضباط الخفيف. مو كتير ضغط، مو كتير بحياتي.
بس جديّاً… “رح بلّش 5 دقايق” غيّرت كتير أيّام رمادية.
✨ وما في أحلى من تِعداد الإنجازات الصغيرة… مشوار للدكّان، طبخة بالبيت، لترَمي، ٥ كيلو جري،… كلّن بينحسبوا، وبيجمعوا فرق
✨وإذا يومك كان تعبان؟ ولا يهمّك. يوم سيّئ ما بيمحي أسابيع منيحة. جسمِك بيتذكّر النمط… مش الزلّة.
✨ خلّص اصعب شي اول شي كل يوم:
اعملي المهم أول شي. شيّلتيه من الطريق؟ بترتاحي. أنا بكتب أكبر مهمة على ورقة لصاقة وبخلّصها قبل العشرة الصبح
✨وبالنهاية… الصحّة مش إنّك تعملي أكتر…
الصحّة إنّك تعملي الأهمّ.
وإذا تغيّر رأيك عالطريق؟ عادي. طبيعي. النمو يعني إنّ عاداتِك عم تكبر معِك.
والاستماع لجسمي؟ عنجد… غيّر كل شي.
#تغذية #وعي #مشاعر
