12/01/2026
لا تنسي المتابعة! ⭐️
مقياس Bishop Score بيعتمد على 5 عوامل:
1️⃣ اتساع عنق الرحم – قديش فاتح
2️⃣ ترقق عنق الرحم – قديش صار رفيع
3️⃣ ليونة عنق الرحم – طري أو قاسي
4️⃣ وضعية عنق الرحم – خلفي، وسطي، أو أمامي
5️⃣ نزول رأس الجنين – قديش راس البيبي نازل بالحوض
✨ نقاط مهمة كتير أمهات ما بينقالهم عنها:
الدرجة الواطية ما بتعني إن الولادة الطبيعية مستحيلة، بس ممكن التحفيز يكون أصعب. المقياس ممكن يتغير بسرعة خلال ساعات أو أيام. هو تقدير طبي، مش ضمان.
البيشوب سكور ما بيقيس حجم حوضك، ولا قوتك، ولا قدرتك على الولادة.
