الـ plugged duct مش لازم تتطوّر لالتهاب إذا تصرّفنا صح 👇
• رضّعي أو إشفطي حسب الطلب، بلا فواصل طويلة
• ركّزي على وضعيّة صحيحة والتقام عميق
• بعد الرضعة: كمّادات باردة لتخفيف الالتهاب ومش سخنة ماشي؟
• تدليك خفيف جدًا باتجاه الإبط
• تجنّبي حمالات ضيّقة أو ضغط على الصدر
• إذا بتتكرر معِك، اسألي مختص
وإذا حسّيتي بحرارة، وجع عم يزيد، أو عوارض متل الإنفلونزا ما تنتظري، راجعي اخصائي بسرعة.
العلاج اللطيف والمبكّر هو المفتاح.
06/01/2026
شو التعليقات اللي كنتِ تسمعيها عن الرضاعة الطبيعية، قبل ما تصيري إم؟🥹
بذكر كثير منيح التغميزات والتنميط للأم المرضعة على مسمعنا نحنا الفتيات الزغار👧
مش ذنبهن امهاتنا، بوقتها كانت حملات التسويق للحليب المصنع بدها تشكك الأم بحالها وتعطيه المرضعة صورة قديمة الطراز🫤
اذا شجعتي بنتك الحامل على الرضاعة حتى لو انتِ ما رضعتي، اذا عطيتي وصف حلو على -مسمع طفلتك -لأم شفتيها عم ترضع طفلها بمكان عام، رح تكوني زرعتي بتفكيرها صورة ايجابية نحنا كثير بحاجة الها عند امهات المستقبل🙂
29/12/2025
ايمتى بنصحك تفكري بتجميع الصمغة خلال الحمل👇🏻
-تم تشخيص الطفل بأي مشاكل صحية رح تشكل عائق للرضاعة المباشرة المبكرة
-تم تشخيصك بسكري الحمل
-تأخر بالادرار بعد ولادات سابقة
او اذا كان عندك رغبة كبيرة بتجميع الصمغة وبتحسي هالشي رح يعطيكي نوع من الاطمئنان، ولكن اذا اخترتي تقومي بهالشي، ضروري تعرفي:
-ما في اي علاقة مثبتة بين هالاجراء ومصير الرضاعة بعد الولادة، يعني اذا ما طلع صمغة بكميات كبيرة مش معناتو ما رح يكون عندك حليب
-وقفي اذا شعرتي بالانزعاج عند العصر اليدوي خلال الحمل لأن الانسجة بتكون حساسة وعليكِ تجنب اي ضرر
-اعرفي كيف تستخدمي الصمغة: عند الحاجة فقط، لأن الرضعات المتكررة بعد الولادة مهمة جدا لانتاج الحليب.
عندك اي اسئلة؟
25/12/2025
اذا كانت ال ٢٠٢٥ السنة اللي غيرتلك كل حياتك، فإنتِ اكثر حدا لازم تحتفلي بانجازاتك🎉
كل عام وانتِ الأم المثالية لأطفالك، والأمومة تطلّع منك أجمل نسخة كل سنة🥹
22/12/2025
بتبلش القصة ببييرونة واحدة🫠 ومنوصل لفطام مبكر بدون ما نحسّ😥
من هون التوصيات اللي بتشدد على الرضاعة الحصرية، وفي حال كان الحليب المصنع الو اي داعي طبي او الأم اختارت تقدمو لطفلها الى جانب حليبها، الأفضل يكون باشراف اخصائية الرضاعة لتجنب انخفاض الادرار والمشاكل الناتجة عنها.
للأسف، نعم بيبرونة واحدة بدون داعي وبدون متابعة، الها مشاكل انتِ بغنى عنها😮💨
ما تترددي تتواصلي معي في حال عندك اي تحديات، الاستشارة المبكرة فيها تنقذ مشوار الرضاعة من البداية.
13/12/2025
بتعرفي انو حتى بأصعب الحالات المسببة لنقص انتاج حقيقي للحليب، ما منحتم ابداً انو فعلا رح يكون في نقص بعد الولادة🤨
ليش؟
لأن أولا الثقة هيي المفتاح.
ثانياً جسم الأم وكيف بيتجاوب مع ادارة صحيحة للرضاعة الطبيعية منذ الولادة شي مذهل وممكن يفاجأنا🤯
وثالثاً، منقولها ومنضل نعيدها، مش دايماً كمية الحليب هي المهمة، ببعض حالات نقص الانتاج الحقيقي، كل ملل بتعطيه لطفلك هو نجاح💪
ما تسمعي للشك ان كان منك أو من اللي حولك، اطلبي الدعم حتى تمشي كل خطوة بثقة🤓
انا هبة، تواصلي معي حتى رافقك خلال مشوار الرضاعة الطبيعية🤗
09/12/2025
الأم اللي بتختار ما ترضّع مش ضروري عم تختار الطريق الأسهل.😞
علم النفس بيأكد إنو القرار غالباً نابع من أسباب حقيقية: وجع ما تعالج ، مشاكل طبية، قلق أو اكتئاب، اسقاط من تجارب قديمة، نظرتها لجسمها، عدم الشفاء من محاولات تحرش، أو غياب دعم فعلي.
واللي بيأذي نفسية الأم هو الضغط واللوم… مش نوع التغذية.
اكبر دليل انو في امهات ما بيفضلوا يحكوا عن الموضوع خوفاً من نظرة اللي حولهن😕
👉 يا ريت كل أم توصل لقرارها بعد محاولة حقيقية، ومعلومات صحيحة، ودعم واضح.
لكن إذا وصلت لحدودها بعد ما جرّبت او حتى بدون تجربة هذا مش استسلام… هذه أم عم تاخد قرار بيناسبها الها وحدها.
08/12/2025
من المنتجات اللي ممكن تسهّل عليكِ الفترات الأولى بالرضاعة الطبيعية.
Colostrum collector
او انبوب السيليكون اللي بيخلي سحب الصمغة وحفظها واعطائها للمولود الجديد عملية سريعة وآمنة.
اذا كان في أي تحديات بالرضاعة المباشرة، بهالانبوب الزغير فيكي تعطي طفلك كمية كافية من الصمغة حتى يستفيد من كل منافعها.
تواصلي معي حتى يصير عندك🥰
Be the first to know and let us send you an email when Hiba Lactation Consultant posts news and promotions. Your email address will not be used for any other purpose, and you can unsubscribe at any time.
