15/04/2026
#පවුල
ශ්රී ලාංකීය සංස්කෘතිය තුළ පවුල යනු, ප්රජාව තුළ ශක්තිමත්ම ඒකකයයි. දෙදෙනෙකු විවාහ ජීවිතය තුළට ඇතුළත් වී පවුලක් ලෙස ජීවත්වීම ආරම්භ කරයි. පවුලක් යනු නීත්යානුකූලව හෝ නීත්යානුකූල නොවන අයුරින් එක් නිවසක් තුළ විරුද්ධ ලිංගිකයන් සමඟ ජීවත්වීම හා ඒ තුළින් ඇතිවන දරුවන් රැකබලා ගැනීමක් බව ශ්රී ලාංකික පවුල් ක්රමයට අනුව ඉතා කෙටියෙන් අර්ථ දැක්විය හැකියි. පවුල් වර්ගීකරණයේදී භාවිතා වන වර්ගීකරණයක් නම් විස්තෘත පවුල් හා න්යෂ්ටික පවුල් යනුවෙනි. විස්තෘත පවුලක් යනු පරම්පරා කිහිපයක සාමාජිකයන් වැඩි සංඛ්යාවක් එක නිවසක හෝ නිවස ආසන්නයේ ගෙවල් සාදාගෙන ඇතැම් විට එක ගම් ගොඩකින් පදිංචි පවුලක්ය. විස්තෘත පවුලක සාමාජිකයින් රැසක් සිටියි. ඔවුහු මහ ගෙදර වටා රොක් වී සිටිති. න්යෂ්ටික පවුලක සිටිනුයේ පරම්පරා දෙකකි. එනම් දෙමාපියන් හා දරුවන් දෙදෙනාගෙන් පමණක් සෑදුන පවුලයි.
විස්තෘත පවුලට ආවේණික යහගුණ රැසක්ම වේ. අතීතයේ හා මෑතක් වනතුරුම ශ්රී ලංකාවේ විස්තෘත පවුල් ක්රමය ක්රියාත්මක විය. එය බොහෝ දුරට කෘෂි ආර්ථිකය හා බැඳුණු සාම්ප්රදායික පවුල් රටාව විය. මේ තුළින් දරුවාට ළමා වියේ සිටම රැකවරණය, පෝෂණය, ආදරය, උණුසුම හා ලෙන්ගතුකම නොඅඩුව ලැබිණි. වැඩිහිටි මඟ පෙන්වීම් ගුරුහරුකම් නිසා සංස්කෘතිය, සම්ප්රදාය පරපුරෙන් පරපුරට ස්වයංක්රීයව කාන්දු විය එමගින් සිරිත් විරිත් හා හැසිරීම් රටා අන්යෝන්ය ගරුත්වය හා වගකීම යන ගුණාංගද දරුවන් වෙත කාන්දුු විය.
විවාහ ජීවිතය යහපත් හෝ අයහපත් වීමට සහකාරිය හා සහකරු යන දෙදෙනාම දායකවී ඇත. දෙදෙනෙකු විවාහ දිවියට ඇතුළත් වන්නේ, කැමැත්ත නිසාය. කැමැත්ත ආකර්ෂණය නිසා ඇතිවේ. ආකර්ෂණය ඇති වන්නේ තමා ළඟ නැති ගති ලක්ෂණ හා ගුණාංග වලටය. භෞතික විද්යාවට අනුව ධන සහ ඍණ එකතු වේ. නමුත් එකට ජීවත්වීමට ආකර්ෂණය පමණක් ප්රමාණවත් නොවේ. ආකර්ෂණය සමගම එකට ජීවත් වන විට හැඩ ගැසීම අවශ්යවේ. එසේ නම් විවාහ ජීවිතයේ ඇතිවන වෙනසට හැඩ ගැසිය යුතුයි. වෙනසට අනුව හැඩ ගැසීමට හැකිවීම තුළින් විවාහ ජීවිතය පහසුවෙන් ගෙන යා හැකිය. මෙම වෙනස නිසාම නැවත ආකර්ෂණය ඇති වේ.
එසේ හැඩ ගැසීම සඳහා අවශ්ය වන #කුසලතා කීපයකි.
* විශ්වාසය
* සහකම්පනය
* අවංක බව
* රහස්ය බව
*පක්ෂපාතී බව
*ඵලදායී සන්නිවේදනය
*ගෞරවය
#අයහපත් #සම්බන්ධතාවයක් #හඳුනා #ගැනීමේ #දර්ශක
* සහකරු හෝ සහකාරිය මත සම්පූර්ණයෙන් යැපීම
* සහකරු හෝ සහකාරිය කෙරෙහි ඇති ඊර්ෂ්යාව හෝ සැකය
* තමා ගැන පමණක් සිතා කටයුතු කිරීම
* සහකරු හෝ සහකාරිය පාලනය කිරීමට උත්සාහ කිරීම
*අනෙකාගේ සතුට සහ අවශ්යතා ගැන නොසිතීම
* කායික, මානසික හා ලිංගික හිංසනයට පත්වීම
✍️ ජයවාසු ⚡
