Sunshine Medical Laboratory

15/02/2025

🔴උණ වැළඳුණු පුද්ගලයන්ට අප FBC එකට අමතරව CRP පරික්ෂණය සිදු කරයි. CRP අගය ඉතා ඉහල නම් උග්‍ර අසාදනයක් ඇති බව පෙන්නුම් කරයි.

🔴ශරිරයේ විවිධ අවයව වලට විෂ බිජ ඇතුල් විමෙන් ඇතිවන රෝග සදහා ප්‍රධානව සිදු කරන මෙම CRP පරික්ෂණය ඉහල අගයක් පෙන්නුම් කරන්නේ නම් එයින් අදහස් වන්නේ අසාදනය උග්‍ර බවයි.

🔹උදා
▪️පෙනහලු අසාදන නියුමොනියා
▪️මුත්‍රා ආසාදන
▪️වකුගඩු ආසාදන පයේලොනෙප්ප්‍රයිටිස්
▪️මොලයේ අසාදන මෙනින්ජයිටිස්
▪️හර්දයේ ආසාදන එන්ඩොකාඩයිටිස්
▪️අස්ති ආසාදන ඔස්ට් යෝමයලිටිස්
▪️පිත්තාසයේ ආසාදන කොලිසිටිටිස්

🟢ප්‍රතිකාරත් සමග CRP අඩු වෙනවා යන්න එම අසාදනය සුව අතට හැරෙන බවයි

,🟢CRP වැඩිවෙනවා යනු අසාදනය දරැනු අතට හැරෙන බවයි

අසාදන වලට අමතරව CRP වැඩිවන අනෙකුත් හේතු පහත දක්වා ඇත.

⭕CRP පරීක්ෂණයක් යනු කුමක්ද

🔘"CRP" පරීක්ෂණය යනු ශරීරයේ අසාදන සහ inflammation පරීක්ෂා කිරීම සඳහා රුධිර පරීක්ෂාවකි. ශරීරයේ පටක වලට හානි වූ විට, අක්මාව CRP රුධිරයට මුදාහරියි.අසාදන සහ Inflammation ශරීරයේ පටක වලට හානි කරයි.

🔘විවිධ හෙතු නිසා inflammation ඇති විය හැක. මේ නිසා, CRP පරීක්ෂණයකින් ඔබට ඇති සෞඛ්‍ය ගැටලුව හරියටම කිව නොහැක. එයින් ශරීරයේ inflammation ඇත්නම් පමණි.

🔻CRP වැඩි විමට හේතු

●ආසාදන

●සමහර ස්වයංක්‍රීය ප්‍රතිශක්තිකරණ රෝග - "ස්වයං ප්‍රතිශක්තිකරණ" රෝගයක් යනු ප්‍රතිශක්තිකරණ පද්ධතිය ලෙස හඳුන්වන ශරීරයේ ආසාදන මර්දන පද්ධතියේ සෛල ශරීරයේම නිරෝගී සෛල වලට පහර දීමට පටන් ගැනීමයි. උදාහරණ ලෙස රූමැටොයිඩ් ආතරයිටිස්

●සමහර පිළිකා වර්ග

🔹ඔබේ වෛද්‍යවරයාට ඔබට මෙම තත්ත්වයන් තිබෙන්නට ඇතැයි ඔවුන් සිතන්නේ නම් ඔබට CRP පරීක්ෂණයක් කිරීමට අවශ්‍ය විය හැක.

🔹මෙම පරීක්ෂණයෙහි "hs-CRP" හෝ "අධි-සංවේදී CRP" නමින් පරික්ෂණයක් ඇත. මෙය හෘදයාබාධ හෝ ආඝාතය වැනි ඇතැම් හෘද වාහිනී ගැටළු සඳහා ඔබේ අවදානම හඳුනා ගැනීමට උපකාරී වේ. ඔබට හෘදයාබාධයක් වැළඳීමේ වැඩි අවදානමක් තිබේ නම්, ඔබේ වෛද්‍යවරයාට ඔබට hs-CRP පරීක්ෂණයක් කිරීමට අවශ්‍ය විය හැකිය. ඔබට hs-CRP පරීක්ෂණය කිහිප වතාවක් නැවත කිරීමට අවශ්‍ය විය හැකිය.

⭕ඔබේ රුධිරයේ CRP ප්‍රමාණය වැඩි වීම වැඩි වීම ඔබට උග්‍ර ආසාදනයක් හෝ inflammation ඇති බව අඟවන නමුත් එය එහි පිහිටීම හෝ එයට හේතු වන තත්ත්වය හඳුනා ගැනීමට උපකාරී නොවේ.

🔘ඔබේ රුධිරයේ CRP සාන්ද්‍රණය පහත වැටේ නම්, එයින් අදහස් වන්නේ ඔබ හොද තත්වයට පත්වන ව වන බවයි.

🔴CRP පරීක්ෂණයක් සඳහා සාමාන්‍ය පරාසය කුමක්ද?

🔹සාමාන්‍ය CRP මට්ටම සාමාන්‍යයෙන් 10 ට වඩා අඩුය , කෙසේ වෙතත්, නිශ්චිත සාමාන්‍ය පරාසය රසායනාගාරය සහ භාවිතා කරන ක්‍රියා පටිපාටිය මත රඳා පවතී.

🔹බොහෝ සාධක ඔබේ CRP මට්ටමට බලපෑ හැකිය. සුළු CRP මට්ටමේ ඉහළ යාම පහත සඳහන් තත්වයන් හෝ තත්වයන් නිසා විය හැකිය:

▪️සිගරට් දුම්පානය.
▪️සෙම්ප්‍රතිශ්‍යාව.
▪️මානසික අවපීඩනය.
▪️දියවැඩියාව.
▪️නින්ද නොයාම.
▪️තරබාරුකම.
▪️ගැබ් ගැනීම.
▪️මෑත කාලීන තුවාල.

⭕ඉහළ CRP මට්ටමක් යන්නෙන් අදහස් කරන්නේ කුමක්ද?

▪️ඔබට මධ්‍යස්ථව හෝ දැඩි ලෙස ඉහළ ගිය CRP මට්ටමක් තිබේ නම්, එයින් අදහස් වන්නේ ඔබට යම් ආකාරයක ආසාදනයක් හෝ ඉන්ෆලමෙශන් තත්වයක් ඇති බවයි.

▪️නමුත් CRP පරීක්ෂණයකින් ආසාදනයක් හෝ ඉන්ෆලමෙශන් තත්වයට හේතුව හෝ එය ඔබේ ශරීරයේ කොතැනද යන්න පෙන්විය නොහැක. මේ නිසා, ඔබේ ප්‍රතිඵලය ඉහළ CRP මට්ටමක් පෙන්නුම් කරන්නේ නම්, ඔබේ වෛද්ය වරයා අමතර පරීක්ෂණ ඇණවුම් කරනු ඇත.

🟢50 mg/dL ට වැඩි CRP පරීක්ෂණ ප්‍රතිඵලයක් සාමාන්‍යයෙන් අධික වැඩිවිමක් ලෙස සැලකේ. 50 mg/L ට ​​වැඩි ප්‍රතිඵල 90% ක් පමණ උග්‍ර බැක්ටීරියා ආසාදන සමඟ සම්බන්ධ වේ.

🔰කායික රෝග පිලිබද විශේෂඥ වෛද්ය බන්දුල සත්කුමාර, ශික්ෂණ රෝහල, කුලියාපිටිය

11/02/2025

🔴කොන්දේ කැක්කුමත් සමග ශරිරයේ ලේ අඩු වි ESR පරික්ෂණය වැඩි අගයක් පෙන්නු රොගින් කිහිප දේනෙකුම මල්ටිපල් මයෙලොමා නැමති රෝගය ඇති බවට හදුනා ගත්තා, ඇටමිදුළු පිළිකා වර්ගයක් වන මෙය අවයව වලට (වකුගඩු වලට)හානි කිරීමට පෙර හදුනා ගැනීමෙන් ප්‍රතිකාර මගින් රෝගය හොදින් පාලනය කල හැකියි, හදුනා ගත් රොගින් ගෙන් එක් අයෙක් ඇට මිදුලු බද්දය සදහා මෙ වන විට සුදානම් වෙමින් සිටි.

▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️

⭕මල්ටිපල් මයිලෝමා,

🔹මල්ටිපල් මයිලෝමා යනු ඇටමිදුළු පිළිකා වර්ගයකි.

🔹ඇට මිදුළු යනු ශරීරයේ රුධිර සෛල නිපදවන අස්ථිවල මධ්‍යයේ ඇති පටක වේ.

🔹 මෙම පිළිකාව බොහෝ විට ශරීරයේ කොඳු ඇට පෙළ, හිස් කබල, ශ්‍රෝණිය සහ ඉළ ඇට වැනි ප්‍රදේශ කිහිපයකට බලපාන බැවින් මල්ටිපල් මයිලෝමා ලෙස හැඳින්වේ.

⭕ මල්ටිපල් මයිලෝමා රෝග ලක්ෂණ

🔹මුල් අවධියේදී, මයිලෝමා රෝග ලක්ෂණ ඇති නොකරයි. සාමාන්‍ය රුධිර හෝ මුත්‍රා පරීක්‍ෂණයකින් පසුව එය බොහෝ විට සැක කිරීම හෝ හඳුනා ගැනීම කල හැක

🔹 කාලයත් සමග රෝගය වර්දනය විමෙදී මයිලෝමා විවිධ රෝග ලක්ෂණ පෙන්නුම් කරයි.

🕹️ අස්ථි වේදනාව, සාමාන්‍යයෙන් කොන්දේ වෙදනාව , ඉළ ඇට හෝ උකුල් වල වෙදනාව

🕹️තෙහෙට්ටුව, ඇගට පන නැති කම

🕹️ලේ අඩු විම

🕹️රුධිරයේ ඉහළ කැල්සියම් මට්ටම (හයිපර්කල්සිමියාව) -

🕹️බර අඩුවීම

🕹️නොපැහැදිලි පෙනීම, බොදවි පෙනීම

🕹️ කරකැවිල්ල හෝ හිසරදය

🕹️නිතර නිතර ආසාදන වලට ගොදුරු විම

🕹️තැලීම් සහ අසාමාන්‍ය රුධිර වහනය - නිතර නාසයෙන් ලේ ගැලීම, විදුරුමස් ලේ ගැලීම සහ අධික ඔසප් වීම වැනි

🕹️පහසුවෙන් කැඩී බිඳී යන දුර්වල අස්ථි -

🕹️වකුගඩු ගැටළු

🕹️මයිලෝමා සාමාන්යයෙන් ගැටිත්තක් හෝ ගෙඩියක් ඇති නොකරයි. ඒ වෙනුවට, එය අස්ථි වලට හානි කරන අතර නිරෝගී රුධිර සෛල නිෂ්පාදනයට බලපායි.

🔴රෝග ලක්ෂණ විස්තර සහිතව

🔘අස්ථි වේදනාව

▪️ මයිලෝමා බලපෑමට ලක් වූ අස්ථි වල වේදනාව ඇති කළ හැකිය - සාමාන්යයෙන් කොන්ද, ඉළ ඇට හෝ උකුල්.

▪️වේදනාව නිතරම පවතින වන අතර එය චලනය මගින් වැඩි වේ

🔘අස්ථි බිඳීම සහ සුෂුම්නාව තෙරපීම

▪️මයිලෝමා ඇටකටු දුර්වල කළ හැකි අතර ඒවා කැඩීමට (බිඳීමට) ඉඩ ඇත. කොඳු ඇට පෙළ සහ දිගු අස්ථි (අත් සහ කකුල්) බොහෝ විට බලපායි.

▪️කොඳු ඇට පෙළේ අස්ථි බිඳීම, කොඳු ඇට පෙළේ කොටස් කඩා වැටීමට හේතු විය හැක, වේදනාව හා, ඉඳහිට, සුෂුම්නාව සම්පීඩනය (පසුපස පහළට දිවෙන ස්නායුවල ප්රධාන තීරුව).

🔘රක්තහීනතාවය

▪️ මයිලෝමා ඇටමිදුළුවල රුධිර සෛල නිෂ්පාදනයට බලපෑම් කළ හැකි අතර එමඟින් රතු රුධිර සෛල (රක්තහීනතාවය) අඩු විමට හේතු විය හැක. මයිලෝමා ප්‍රතිකාරයේ අතුරු ප්‍රතිඵලයක් ලෙසද මෙය සිදු විය හැක.

▪️ඔබට රක්තහීනතාවය ඇත්නම්, ඔබට දැඩි වෙහෙස, දුර්වල සහ හුස්ම ගැනීමේ අපහසුතාවයක් දැනිය හැකිය.

🔘නැවත නැවතත් ආසාදන

▪️බහු මයිලෝමා ඇති පුද්ගලයින් ආසාදනයට විශේෂයෙන් ගොදුරු වන්නේ මෙම තත්වය ප්‍රතිශක්තිකරණ පද්ධතියට, ආසාදනයට හා රෝගවලට එරෙහිව ශරීරයේ ස්වාභාවික ආරක්ෂාවට බාධා කරන බැවිනි.

▪️ඔබ දිගු කලක් තිස්සේ නිතර නිතර ආසාදන ඇති බව ඔබට පෙනී යා හැක.

🔘රුධිරයේ කැල්සියම් මට්ටම ඉහළ යාම

▪️බලපෑමට ලක් වූ අස්ථි වලින් අධික ලෙස කැල්සියම් රුධිරයට මුදා හරින බැවින් මයිලෝමා ඇති පුද්ගලයින් තුළ රුධිරයේ ඉහළ කැල්සියම් මට්ටමක් (හයිපර්කල්සිමියාව) වර්ධනය විය හැකිය.

▪️හයිපර්කල්සිමියා රෝග ලක්ෂණ ඇතුළත් විය හැකිය:

දැඩි පිපාසය
වමනය
බඩේ අමාරුව
නිතර මුත්‍රා කිරීමට අවශ්‍ය වේ
මලබද්ධය
ව්යාකූලත්වය සහ නිදිමත

▪️ඔබට හයිපර්කල්සිමියා රෝග ලක්ෂණ ඇත්නම්, ඉක්මන් පරීක්ෂණයක් සහ ප්‍රතිකාර අවශ්‍ය බැවින් ඔබ වහාම වෛද්‍ය උපකාර ලබා ගත යුතුය.

🔘අසාමාන්ය රුධිර වහනය

▪️ මයිලෝමා ඇති සමහර පුද්ගලයින්ට නිතර නාසයෙන් ලේ ගැලීම, විදුරුමස් ලේ ගැලීම සහ අධික ඔසප් වීම වැනි තැලීම් සහ අසාමාන්‍ය රුධිර වහනය (රුධිර වහනය) ඇති විය හැක..

▪️මෙයට හේතුව ඔබේ ඇටමිදුළුවල ඇති පිළිකා සෛල මගින් රුධිර පට්ටිකා ලෙස හඳුන්වන රුධිර කැටි ගැසීමේ සෛල සෑදීම නැවැත්විය හැකි බැවිනි.

🔘ඝන වූ රුධිරය

▪️සමහර පුද්ගලයින් තුළ මයිලෝමා රුධිරය සාමාන්‍ය මට්ටමට වඩා ඝන වීමට හේතු වේ. මෙය බොහෝ විට මයිලෝමා සෛල නිපදවන අතිරික්ත ප්රෝටීන නිසාය.

▪️මෙය හයිපර්විස්කෝසිටි ලෙස හඳුන්වන අතර පහත ගැටළු ඇති විය හැක:

🔸නොපැහැදිලි පෙනීම
🔸හිසරදය
🔸ක්ලාන්තය
🔸විදුරුමස් හෝ නාසයෙන් ලේ ගැලීම
🔸හුස්ම හිරවීම

🔘වකුගඩු ගැටළු

▪️ මයිලෝමා ඇති පුද්ගලයින් තුළ වකුගඩු හානි සිදුවිය හැක. අවසානයේදී, වකුගඩු නිසි ලෙස වැඩ කිරීම නතර කළ හැකිය.

▪️මෙය වකුගඩු හෝ වකුගඩු ආබාධ හෝ වකුගඩු අකර්මන්‍යතාවය ලෙස හැඳින්වේ.

▪️වකුගඩු අකර්මණ්‍ය වීමේ සලකුණු වලට පහත ලක්ෂණ ඇතුළත් විය හැකිය:

🔸බර අඩු වීම සහ දුර්වල ආහාර රුචිය
🔸ඉදිමුණු වළලුකර, පාද හෝ අත්
🔸තෙහෙට්ටුව සහ ශක්තිය නොමැතිකම
🔸සමේ කැසීම
🔸 ඉක්කාව

⭕ මල්ටිපල් මයිලෝමා ඇතිවීමට හේතු

▪️ මල්ටිපල් මයිලෝමා ඇතිවීමට හේතුව කුමක්දැයි හරියටම නොදනී. කෙසේ වෙතත්, බහු මයිලෝමා සහ monoclonal gammopathy (MGUS) නම් තත්ත්වය අතර සමීප සම්බන්ධයක් ඇත.

🔹MGUS යනු ඔබේ රුධිරයේ ඉමියුනොග්ලොබියුලින් නම් ප්‍රෝටීන් අණු අතිරික්තයක් ඇති ස්ථානයයි. මෙය රෝග ලක්ෂණ ඇති නොකරන අතර ප්‍රතිකාර අවශ්‍ය නොවේ.

🔹සෑම වසරකම, MGUS ඇති සෑම 100 දෙනෙකුගෙන්ම 1 දෙනෙකුට මයිලෝමා වර්ධනය වේ.

⭕මල්ටිපල් මයිලෝමා ඇතිවීමට අවධානමක් ඇත්තේ කාටද

🔹අවුරැදු 60 ට වැඩි වැඩිහිටියන් - බොහෝ අවස්ථාවන් වයස අවුරුදු 70 දී පමණ හඳුනාගෙන ඇති අතර, වයස අවුරුදු 40 ට අඩු පුද්ගලයින්ට බලපාන අවස්ථා දුර්ලභ වේ

🔹MGUS හෝ බහු මයිලෝමා පවුල් ඉතිහාසයක් ඇති පුද්ගලයින්

⭕මයිලෝමා රෝගය හදුනා ගන්නේ කෙස්ද ?

🔸ඔබේ වෛද්‍යවරයා ඔබව පරීක්ෂා කර ඔබේ රෝග ලක්ෂණ, වෛද්‍ය ඉතිහාසය සහ සමස්ත සෞඛ්‍යය ගැන විමසනු ඇත.

🔸 ප්‍රෝටීන (immunoglobulins) සඳහා පරීක්ෂා කිරීමට ඔබට මුත්‍රා සහ රුධිර පරීක්ෂණ අවශ්‍ය විය හැක.
🔸 x ray MRI සහ CT ස්කෑන්
රෝහලේදී ඔබට යම් හානියක් තිබේදැයි සොයා බැලීම සඳහා ඔබේ අත්, පාද, හිස් කබල, කොඳු ඇට පෙළ සහ ශ්‍රෝණිය යන ස්ථානවල xray හෝ CT ස්කෑන් සහ MRI ස්කෑන් පරීක්‍ෂා කිරීමට ඉඩ ඇත.

🔹ඇට මිදුළු බයොප්සි
▪️ මයිලෝමා තහවුරු කිරීම සඳහා සාමාන්‍යයෙන් ඇට මිදුළු බයොප්සි අවශ්‍ය වේ.

▪️සාමාන්‍යයෙන් ශ්‍රෝණිය ප්‍රදේශයෙන් ඇට මිදුළු (සියලු රුධිර සෛල සෑදී ඇති) කුඩා සාම්පලයක් ගැනීමට ඉඳිකටුවක් භාවිතා කරයි.

▪️මෙය සිදු කරනු ලබන්නේ එම ස්තානය හිරී වැට්ටවිමක් කිරීමෙනි

▪️ ඇට මිදුළු සහ අස්ථිවල සාම්පල පිළිකා ප්ලාස්මා සෛල සඳහා පරීක්ෂා කරනු ලැබේ.

⭕ මල්ටිපල් මයිලෝමා සඳහා ප්‍රතිකාර

🔹ප්‍රතිකාර බොහෝ විට වසර කිහිපයක් ලබා දිය යුතු අතර තත්වය පාලනය කිරීමට උපකාරී වේ,

🔻මයිලෝමා සඳහා ප්‍රතිකාර සාමාන්‍යයෙන් ඇතුළත් වන්නේ:

1️⃣ඖෂධ මය පතිකාර

🕹️මයිලෝමා සෛල විනාශ කිරීමට හෝ පිළිකා නැවත පැමිණි විට එය පාලනය කිරීමට ප්‍රති-මයිලෝමා ඖෂධ

🕹️අස්ථි වේදනාව, අස්ථි බිඳීම් සහ රක්තහීනතාවය වැනි මයිලෝමා නිසා ඇතිවන ගැටළු වැළැක්වීම සහ ප්‍රතිකාර කිරීම සඳහා ඖෂධ

2️⃣ඇට මිදුලු බද්ද කිරීම

🔰කායික රෝග පිලිබද විශේෂඥ වෛද්ය බන්දුල සත්කුමාර
ශික්ෂණ රොහල , කුලියාපිටිය

31/01/2025

වේගයෙන් අක්මාවේ තෙල් තැන්පත් වී ඇති බව කල්තියා පෙන්නුම් කරන ලක්ෂණ 12 ක්
~~~~~~~~~~~~~~~~~~~~~~~~~~~~~~~~
ජීවත් වෙනවා කියලා කියන්නේ ආස දේවල් කාලා බීලා විනෝදයෙන් ජීවිතය ගත කරන එක කියලා තමයි බොහෝ දෙනෙක් සිතන්නේ. ඒ නිසාම ඉවක් බවක් නැතිව කටට රසට ආහාර එහෙමත් අරගන්නවා. ජීවන රටාවත් වින්දනය පිණිසම සකසා ගන්නවා. නමුත් අපේ වැරැදි ආහාර පුරුදු සහ ජීවන රටාවේ යම් ගැටලු හේතු කරගෙන විවිධ රෝග තත්ත්වයන් ඇති වුණාම ඒවායින් විඳවන්නට සිද්ධ වුණාම තමයි අපි අපේ ශරීර සෞඛ්ය ගැන ටිකක් හිතන්නට පටන් ගන්නේ.

ඉතින් අපි අද කතා කරන්නට සූදානම් වෙන්නේ ඒ වගේ කට පරෙස්සම් නැතිකමත් අයහපත් චර්‍යා රටාවත් නිසා වැඩි දෙනෙක් විඳවන අක්මාවේ තෙල් තැන්පත් වීම සම්බන්ධව. අක්මාව ආශ්‍රිත බොහොමයක් රෝග අතරින් අද වෙද්දි වයස් භේදයක් නැතිව බොහෝ දෙනෙක් පීඩා විඳින ගැටලුවක් බවට මෙය පත්වෙලා.

අපේ ශරීරයේ තියෙන දෙවන විශාලතම ඉන්ද්‍රිය අක්මාව. මේ අක්මාවෙන් කරන කාර්යභාරය හරිම සුවිශේෂීයි. එන්සයිම නිෂ්පාදනය, ආහාර ජීර්ණයට අවශ්‍ය පිත නිෂ්පාදනය, ශරීරයේ විෂ හරණය, රුධිරාණු බිඳ වැටුණු ඇතැම් අවස්ථාවලදී රුධිරය නිෂ්පාදනය ආදී කාර්යභාරයක් බොහොමයක්ම අක්මාව මගින් සිදුකරනවා. ඒ නිසා අක්මාව ලෙඩ වෙනවා කියන්නේ අපේ ජීවිතයට විශාල තර්ජනයක්.

අක්මාවේ තෙල් තැන්පත් වීම

fatty liver එහෙම නැත්නම් අක්මාවේ තෙල් කියන්නේ අද සාමාන්‍ය රෝගයක් බවට පත්වෙලා තියෙන තත්වයක්. සාමාන්‍යයෙන් අක්මාවේ තෙල් යම් ප්‍රමාණයක් තියෙනවා. නමුත් ඒ තිබිය යුතු තෙල් ප්‍රමාණය ඉක්මවා අක්මාවේ මේදය තැන්පත් වීම නම් රෝගී. තත්ත්වයක්. සාමාන්‍ය අවස්ථාවේ දී මේදය තැන්පත් වීම 5% ක් තරම් වුණාට රෝගී අවස්ථාවේදී එය 40% ක් දක්වා ඉහළ යනවා.සාමාන්‍ය පුද්ගලයෙකුගේ අක්මාවේ මේදය තිබිය යුත්තේ 30% කට වඩා අඩු ප්‍රමාණයක්. යම් විටෙක අක්මාවේ මේදය 30% ට ආසන්නව තියනවා නම් එය අනතුරු ඇඟවීමක් විදිහට සඳහන් කරන්න පුළුවන්.

fatty liver රෝගය හේතු කරගෙන විවිධ රෝග අවස්ථාවන් ඇති වෙනවා. ඒ අතරින් සිරෝසිස් කියලා කියන්නේ එක් අවස්ථාවක්. මත්පැන් පානය නොකළ පුද්ගලයෙකුට සිරෝසිස් ඇති වෙන්නේ මෙන්න මේ ආකාරයට අක්මාවේ මේද තැන්පත් වීම හේතු කරගෙනයි.

අක්මාවේ මේදය තැන්පත් වීමට බලපාන හේතු

වැරදි ආහාර රටාව (අධික මේදය සහ පිෂ්ඨය සහිත ආහාර අනුභවය )
අධික මත්පැන් භාවිතය
ස්ථුලතාවය, දියවැඩියාව, අධි රුධිර පීඩනය ආදී රෝග
ජානමය ගැටලු
ශාරීරික අපද්‍රව්‍ය නිසි ලෙස ශරීරයෙන් බැහැර නොවී ශරීරය තුළ තැන්පත් වීම
මානසික ආතතිය
ආහාර පානවල කෘෂි රසායන වර්ග අඩංගු වීම
පොල්තෙල් නොවන වෙනත් අසංතෘප්ත මේද කොටස්
ස්ටෙරොයිඩ ආදී ඖෂධ දීර්ඝකාලීනව ලබා ගැනීම
ජලය නිසි පරිදි පානය නොකිරීම
කුසගින්නේ සිටීම
ප්‍රමාණවත් තරම් ක්‍රියාශීලී නොවීම
වේදනා නාශක නිතර භාවිතය

මත්ද්‍රව්‍යවලටත් වඩා දරුණු බවක් මෙම වේදනා නාශකවල පවතිනවා.වේදනා නාශකවල අඩංගු ඇසිටමිනොෆින් රසායනිකය ඉතාමත් දරුණු ලෙස අක්මාවට හානි කරනවා.එම හානිය අවම කිරීමට අක්මාවේ මේදය තැන්පත් වෙනවා. පැය අටෙන් අටට ගත යුතු වේදනා නාශක අඩු කාලයක් තුළ නැවත නොගත යුතු වෙනවා. එයට හේතුව වේදනා නාශකවල ඇති ඇසිටමිනොෆින් අක්මාවට කරන හානිය නැවත සකස් කිරීමට පැය 6 ක් පමණ අවශ්‍ය වීමයි.

පෝෂණ හා විටමින් ඌණතාවය

අක්මාවේ තෙල් තැන්පත් වී ඇති විට පෙන්වන රෝග ලක්ෂණ

මේ රෝගයේ මුල් අවස්ථාවේදී රෝග ලක්ෂණ හඳුනා ගන්නට තරමක් අපහසුයි. රෝග ලක්ෂණ පහළ වෙන්නේ අක්මාවේ මේදය 40% ක් 50% ක් පමණ ප්‍රමාණයකට තැන්පත් වුණාට පසුව. නමුත් ඇතැම්විට අක්මාවේ තෙල් අධිකව තිබුණත් මේ රෝග ලක්ෂණ නොපෙන්වන අවස්ථාත් තියෙනවා.

ශරීරය අප්‍රාණික වීම
ආහාර අරුචිය

විශේෂයෙන්ම තෙල් කෑම ආහාරයට ගැනීමට ප්‍රියතාවයක් ඇති නොවීම මෙහිදී දකින්නට පුළුවන්.

උදරයේ වේදනාව
මලබද්ධය
රෝගී වුණු අක්මාව ඉදිමීම නිසා ඊට අනුරූපව උදරය ඉදිමීම
උදරයේ දකුණු පැත්තේ නිතරම ඇතිවන තද බව සහ වේදනාව
අජීර්ණය
ඔක්කාරය
වමනය
අලස බව
බඩ පිපීම හෝ දෙපාවල වළලුකර ඉදිමීම

අක්මාව බොහෝ දුරට ආසාදනයට ලක් වුණොත් ශරීරයේ කැසීම් ඇතිවීම, දිගටම වමනය ඇතිවීම, මුත්‍රා ප්ලේන් ටී පැහැයක් ගැනීම, මලපහවල කහ පාට අඩුවීම සහ කල්පනාව මද බව ආදි ලක්ෂණත් දකින්නට හැකියාව ලැබෙනවා .

මේ තත්ත්වයන් වඩාත් දරුණු වීම නිසා පිරිමින්ගේ පියයුරු කාන්තාවකගේ පියයුරු මෙන් විශාල වෙනවා. ඒ වගේම ලිංගික අප්‍රාණිකත්වයක් ඇතිවීමත් කාන්තාවන්ගේ ඔසප් චක්‍රය නැවතීමත් සිදු වෙනවා. මෙයට හේතුව අක්මාවේ හෝර්මෝන නිපදවීම අඩපණ වීම. මේ නිසා ඊස්ට්‍රජන් හෝර්මෝනය වැඩි වී කාන්තා ලක්ෂණ මතු වෙන්නත් පටන් ගන්නවා.

නමුත් මේ කිසිම ලක්ෂණයක් නොපෙන්වා වුණත් අක්මාව රෝගී වෙන්න හැකියාව තියෙනවා.

කොහොමවුණත් මේ ලක්ෂණවලින් ඔබ පීඩා විඳිනවා නම් මේ රෝගය හඳුනා ගන්නට හැකි විධිමත් පරීක්ෂණයක් ඒ සඳහා කළ යුතුයි. එම පරීක්ෂණය liver function test නමින් හඳුන්වනවා. එය සිදු කිරීමෙන් අක්මාවේ නිපදවෙන එන්සයිමවල ගණනය කිරීම තුළින් රෝගියා ෆැටි ලිවර් සහිත රෝගියෙක් ද නැද්ද යන්න තීරණය කර ගන්නට හැකියාව ලැබෙනවා.

උපුටා ගැනීමක් ස්තූතියි කතෘ අයිතියට

17/01/2025

අද මම කියන්න යන්නේ ෆුල් බොඩි check-up එකක් කරනකොට කරගන්න ඕන ටෙස්ට්.

රීරි මාංශ හුරන් කන්න, රුපියල් පනස් දහයේ හැටදහේ පැකේජස් විවිධ පෞද්ගලික රෝහල්වලින් හඳුන්වා දීලා තියෙනවා.
මම කියන්නේ සාමාන්‍ය පුද්ගලයෙක් කරගන්න අවශ්‍යම ඒවා ටික විතරයි.

✅ Complete Blood Count (FBC) :
✅ Blood Glucose (FBS) :
✅ Lipid Profile (total cholesterol, LDL, HDL, and triglycerides) :
✅ Kidney Function Tests ( S. Cr )
✅ Thyroid Function Test ( TSH only) :
✅ Urinalysis ( UFR )
✅ Chest X-Ray PA
✅ Electrocardiogram (ECG) :
✅ ESR
✅ Blood pressure measurement (BP)

කවදාක්වත් මුකුත්ම කරල නැති කට්ටිය මූලික වශයෙන් ඔය ටික කරගත්තහම ඇති. රුපියල් 6800 යි .

දැන් මේක කරන්න යනකොට ලෑස්තිවෙලා යන්න ඕනේ කොහොමද?

✅ ඊට ඉස්සෙල්ලා දවසේ හොඳට නිදියගන්න ඕනේ පැය හයකට වඩා
✅ පැය දහයක් නොකා ඉන්න ඕනේ, රෑට ඉක්මනට කාලා, උදේට තේ එකක් වත් නොබී යන්න ඕනා, වතුර බිව්වට කමක් නෑ.
❌ අරක්කු බොන්න බෑ, අඩුම තරමේ පැය 24 ක් වත් නොබී ඉන්න ඕනෙ.
✅ ප්‍රශර් එකට බේත් ගන්නවනං ඒවා ගන්න ඕනි.
❌ ඔබ කාන්තාවක් නම්, පීරියඩ් හැදෙන කාලෙට test කරන්න යන්න එපා.

මේ පරීක්ෂණවල ප්‍රශ්නයක් තිබුනොත් විතරක් ඊළඟ පරීක්ෂණ කරන්න පුළුවන්, අඩුම තරමේ මේ ටිකවත් කරගන්නවනම් හොඳයි.

මොකද මේ දවස් වල තරුණ ළමයින්ටත් හාට් ඇටෑක් හැදෙනවා, ඒ වගේම දියවැඩියාව බොහෝ අයට තියෙනවා, ප්‍රශර් එක බොහෝ දෙනෙකුට තියෙනවා.
මේ පරීක්ෂණ කරල අවශ්‍ය ප්‍රතිකාර ලබා ගත්තොත් බොහොමයක් සංකූලතා අවම කරගන්න පුළුවන්.

❤️ උපන්දිනයට, අලුත් අවුරුද්දට, නත්තලට , ඇඳුම් ගන්න gift voucher එකක් තෑගි දෙනවා වගේම, ටෙස්ට් කර ගන්න කියලා යාළුවෙකුට එකක් තෑගි දෙන්න පුළුවන්. එහෙම කෙනෙක්ගෙ රෝගයක් හොයාගන්න ඔයාට දායක වෙන්න ලැබුනොත් , යාළුවා සහ පවුලේ අය සදාකල්ම ඔයාට ස්තූති කරයි නේද?

අනිත් අයවත් දැනුවත් වෙන්න ශෙයා කරන්න, ඕගොල්ලන්ගේ යාලුවන්වත් ටැග් කරලා දැනුවත් කරන්න.
Dr Priya පිටුවෙන් උපුටා ගන්නා ලදී

31/12/2024

Happy New Year -2025 !!!💗🩷🙏

16/12/2024

දරුවන්ගේ හදවත ලෙඩ කරන කවසාකි රෝගය ( Kawasaki Disease )

කවසාකි රෝගය කියන්නෙ බටහිර රටවල අයට අලුත් රෝගයක් නොවුණත් ලංකාවේ සාමාන්‍ය ජනතාව අතරට ආවේ කොරෝනා වෛරසය ව්‍යාප්තියෙන් පසුවයි. මේ රෝගය දුලබ නමුත් විවිධ සංකූලතා ඇතිවෙන්න පුළුවන් රෝගයක්. මෙය විශේෂයෙන් අවුරුදු 5ට අඩු දරුවන්ට හැදුණත් අවුරුදු 12 දක්වා දරුවන්ට හැදෙන්න පුළුවන්. මෙය ගැහැණු දරුවන්ට සාපේක්ෂව පිරිමි දරුවන්ට සෑදීමේ වැඩි ප්‍රවණතාවක් තියෙන බව හොයාගෙන තියෙනවා.

කවසාකි රෝගය හැදෙන්නෙ කොහොමද?

ඇත්තටම කවසාකි රෝගය හැදෙන්න නිශ්චිත හේතුවක් තවම හොයාගෙන නෑ. බොහෝවිට වෛරස් හෝ බැක්ටීරියා ආසාදනයකින් පසුව ඇතිවන අධිසංවේදී තත්ත්වයක් (inflammatory condition) හෝ ස්වාබාවික ප්‍රතිශක්තිකරණයේ ඇතිවන තත්ත්වයක් (autoimmune disease ) ලෙස ඇතිවෙන්න පුළුවන්.
ආසාදිත පුද්ගලයෙකුගෙන් තවත් පුද්ගලයෙකුට බෝවීම පිලිබඳව සාක්ෂි තවමත් හොයාගෙන නෑ.

කවසාකි රෝගයේදි සිදුවන්නේ කුමක්ද? රෝග ලක්ෂණ මොනවාද?

මෙම රෝගය අවධි තුනකින් සමන්විත වෙනවා.
පලමු අවධියේදී ප්‍රධාන රෝග ලක්ෂණ වන දින 5ක් හෝ ඊට වැඩිපුර පවත්නා අධික උණ, සමේ ඇතිවන පැල්ලම්(rashes) , ඇස් රතුවීම, උගුර වණවීම (sore throat), කුද්දැටිවල ඉදිමීම, අත් කකුල් රතු වීම සහ ඉදිමීම, තොල් දිව රතුවීම පැලීම සහ ඉදිමීම පෙන්නුම් කරනවා. පලමු අවධිය දවස් 10ක් පමණ පවතිනවා. මෙම රෝග ලක්ෂණ හතරක්වත් තිබුණහොත් කවසාකි රෝගය ලෙස හඳුනගන්න පුළුවන්.
දෙවන අවධියේදී බඩ එලිය යාම, වමනය, උදරාබාධය සහ සන්ධි කැක්කුම් ඇතිවෙන්න පුළුවන්. දෙවන අවධිය සති 2ක් පමණ පවතින්න පුළුවන්.
තුන්වන අවධියේදී මෙමෙ රෝගය හදවතේ කුඩා හා මධ්‍යම ප්‍රමාණයේ රුධිර නාලවලට බලපාන්න පටන්ගන්නවා ( small and medium vessels vasculitis )
මේ නිසා දීර්ඝකාලීන සංකූලතා ඇතිවෙන්න පුළුවන්. සමහරවිට මරණයෙන් කෙලවර වෙන්නත් පුළුවන්.

කවසාකි රෝගයට තිබෙන ප්‍රතිකාර මොනවාද? හදවත් රෝගයක් දක්වා වර්ධනය නොවී තියාගන්නේ කොහොමද?

ප්‍රධාන රෝග ලක්ෂණ මතුවී අවම වශයෙන් දින 10ක් ඇතුලත රෝහල් ගතවීම හා නිසි ප්‍රතිකාරවලට යොමුවීම මගින් මෙම රෝගය නිසා ඇතිවන සංකූලතා අවම කරගන්න පුළුවන්. ප්‍රධාන වශයෙන් ඉමියුනොග්ලොබියුලින් ප්‍රතිකාරය (immunoglobulin treatment-IVIG ) මගින් ඉතා හොඳ ප්‍රතිපල ලබාගන්න පුළුවන්. මේ අතර අවශ්‍ය පරිදි දියර වර්ග ලබාදීම, වේදනාව සමනය කිරීම, උණ සඳහා ප්‍රතිකාර කිරීම, සංකූලතා අවම කිරීම සඳහා අරඹන ඇස්ප්‍රින් (aspirin) හා ප්‍රෙඩ්නිසොලොන් (prednisolon) ප්‍රතිකාර අඩංගු වෙනවා.

මතක තබාගතයුතු වැදගත්ම කරුණනම් ප්‍රධාන රෝග ලක්ෂණ ඇතිවූ වහාම වෛද්‍යවරයකු හමුවීම සහ ප්‍රතිකාර ආරම්භ කිරීමයි. කලින්ම හඳුනාගැනීම සහ නිසි ප්‍රතිකාරවලට යොමුවීමෙන් සංකූලතා අවම කරගන්න පුළුවන්.

Oshadhi Thudugala
Medical Laboratory Scientist
National Hospital of Sri Lanka - Colombo

16/12/2024

රුධිර වාර්තා බලන්නේ කොහොමද. 🔴
HB -හිමොග්ලොබින් ප්‍රතිශතය
සාමාන්‍ය අගය
වැඩිහිට් පුරුෂ(13-16g/dl)
වැඩිහිටි ස්ත්‍රී (12-13d/dl)
රක්තහීනතාවය වැනි රෝගවලදී මෙය අඩුවෙ

WBC -රුධිරයේ අඩංගු සුදු රුධිරාණු ප්‍රමාණය
සාමාන්‍ය අගය - මයික්‍රොලීටරයට 4000-11000
බැක්ටීරියා ආසාදන වලදී මෙය ඉහල යයි.

Platelet -රුධ්රයෙ අඩංගු රුධිර පට්ටිකා ප්‍රමාණය
සාමාන්‍ය අගය- මයික්‍රොලීටරයට 150000-450000

DLC -සුදු රුධිරාණු
Neutrophils 40-70%
Bands නොමෙරූ සූදු සෛල 0-5%
Lymphocytes 20-50%
Easinophils 0-6%
Basophils 0 -2%

RBC රතු රුධිරාණු
මයික්‍රොලීටරයට ස්ත්‍රී 4.0 - 5.5
පුරුෂ 4.5 - 6.5
රක්තහීනතාවය නිසා අඩු වේ

HCT රුධිරයෙ සෛල ප්‍රතිශතය
ස්ත්‍රී - 35 % - 45%
පුරුෂ - 39 % - 47 %

MPV රතු රුධිරාණුවක සමාන්‍ය පරිමාව ර්‍79 -93 FL
ෆෝලේට් ඌනතාවය විටමින් b ඌනතාවය යකඩ අඩුවීම නිසා වෙනස් වේ

MCH එක් රුධිරාණුවක ඇති හිමොක්ලොබින් සාමාන්‍ය අගය
මයිකොග්‍රෑම් 27 -32
යකඩ ඌනතාව නිසා වෙනස් වේ

MCHC එක රුධිරාණුවක හිමොක්ලොබින් සාන්ද්‍රනය 32 - 36 g/dl

Reticulocyte count රුධිරයේ ඇති නොමේරූ රතු රුධිරාණු
0.8 % - 2.5%
රුධිර වාහනයේ දී හෝ යම් ආකාරයකින් රතු රුධිරාණු විනාශ වූ විට මේවා ඉහළ යයි.

මේ පෝස්ට් එක දැම්මෙ හැමෝම දොස්තරලා කිරීමට නොවේ යම් අදහසක් ගැනීමට. වෛද්‍යවරයෙකුගෙන් උපදෙස් ගැනීම අනිවාර්‍යයි..
උපුටා ගැනීමකි...

06/10/2024

ඔබ හට වෛද්‍යවරයකු විසින් කිරිමට නිර්දේශ කරනු ලබන හෝ ඔබට දැන ගැනිමට අවැසි සියලුම වර්ගයේ වෛද්‍ය පරීක්ෂණයන් අප විසින් සහනදායි මිලට අප රසායනාගාරයේ සිදුකරන අතරම එදිනම පරීක්ෂණ වාර්තාව (Test Report )ලබාගැනීමේ හැකියාව ඇත..එම සියලුම වෛද්‍ය පරීක්ෂණයන් රජයේ පිලිගත් හා පලපුරුදු වෛද්‍ය රසායනාගාර විද්‍යාඥයින්(MLT) විසින්ම සිදුකරනු ලබයි..අපගේ ගම් ප්‍රදේශයට විශ්වාසවන්ත හා වටිනා සේවාවක් සැපයීම අපගේ ඒකායන අරමුණ වේ..!!

06/10/2024

හදවත් රෝග හදුනාගැනීමට ඇති පරීක්ෂණ ...

approximately 7 million people die from heart attacks every year. So today we are talking about this disease.සෑම වසරකම මිලියන 7 ක ජනතාවක් හෘදයාබාධවලින් මිය ය...

06/10/2024

Lipid profile

#ආයුබෝවන් disease for them #රෝග විනිශ්චය කිරීම, ප්‍රතිකාර කිරීම #වළක්වා ගැනීමAYUBOWAN #ආයුබෝවන්ஆயுபோவன் ...

06/10/2024

HBA1c Test

HbA1c පරීක්ෂණ පිලිබදව සියලුම දේ දැනගමු. මාස 2ක් 3ක් තුල රුධිර සීනි මට්ටම පාලනය වී ඇති ආකාරය බලාගත හැකි පරීක්ෂණයදියවැඩි...

06/10/2024

Urine Culture Test

ඔබට ඇති රෝග,රෝග ලක්ෂන හා ඔබ සිටින තත්වය අනුව ඔබ මුනගැසිය යුතු විශේෂඥ වෛද්‍යය වරයාMLT Anushika Perera #ආයුබෝවන් disease for...