27/11/2025
පුංච් හිමාෂ නිතරම උද්යෝගයෙන් ඉන්න හරිම ක්රියාශීලී දරුවක්. එයාට අවුරුදු 8ක් වෙනකොට එයාගේ අම්මා දුක්වුණේ, හිමාෂ එයාගේ පන්තියේ ඉන්න උසින් අඩුම ළමයා වෙච්ච නිසා. එය මුලින් හිතුවේ ඒ ජාන නිසා කියලයි.
"හිමාෂගේ තාත්තාත් එච්චර උස කෙනෙක් නෙමේ නේ" අම්ම එහෙම කියලා හිත හදා ගත්තා.
ඒත් ඉස්කෝලේ අවුරුද්දක් ගානේ තියෙන සෞඛ්යය පරීක්ෂණයේ දී තමයි දැනගත්තේ, හිමාෂගේ උස ඒ අවුරුද්ද ඇතුලත එච්චර වැඩි වෙලා නෑ කියලා.
"හිමාෂ වර්ධනය වෙනවා. එත් හරිම හිමින්."
හිමාෂගේ අම්ම එයාව පෝෂණවේදිනියක් මුණ ගැහෙන්න එක්කන් ගියා. හිමාෂගේ ආහාර රටාව ඇය විමසා දැන ගත්තා.
හිමාෂගේ දවසේ කෑම රටාව මේ වගේ,
⭕ උදේට - තේ එක්ක බිස්කට්
⭕ ඉස්කෝලේ විවේක කාලයේදී - කැන්ටින් එකෙන් ගන්න බනිසක්
⭕ දවල්ට- සුදු බත් එක්ක පරිප්පුයි, අල තෙල් දාලා. හිතුණොත් විතරයි මාළු හරි චිකන් කැල්ලක් හරි කන්නේ.
⭕ රෑට -ගොඩක් වෙලාවට පානුයි, බටරුයි, ජෑමුයි
බිත්තර, මස්, මාළු වලින් එන සුවඳ ට එයා ආස නෑ. ඒ නිසා ඒවා කන්නත් වැඩි කැමැත්තක් නෑ.
පෝෂණවේදිනිය හඳුනා ගත්තා, හිමාෂගේ ආහාර වේලෙහි ප්රෝටීන හා සින්ක් ප්රමාණවත් තරම් නොමැති බව. ඒවා තමයි, ශරීරය වර්ධනයට අවශ්ය ප්රධාන ම පෝෂ්ය පදාර්ථ වෙන්නේ.
✅ ප්රෝටීන්- මාංශ පේශී හා අස්ථි වර්ධනයට ඉවහල් වෙනවා වගේ ම ශරීර වර්ධනයට අවශ්ය හෝමෝන නිපදවීමටත් අවශ්ය වෙනවා.
✅ සින්ක් - නව සෛල ගුණනය වීමටත්, වර්ධක හෝමෝන නිදහස් කිරීමට ත් උපකාරී වෙනවා.
ඒ ප්රධාන පෝෂක කොටස් නැතුව බත් පිඟානක් ම කෑවත් වැඩක් වෙන්නේ නෑ. පෝෂණවේදී උපදෙස් අනුව හිමාෂගේ අම්මා ඊටපස්සේ එයාගේ කාම රටාව වෙනස් කළා.
✅ උදේ කෑමට හැමදාම බිත්තරයක් දුන්නා.
✅ හැමදාම ආහාර වේලට පරිප්පු, කුකුල් මස් හා මාළු එයා ආස හිතෙන විදිහට එකතු කළා.
✅ කඩල, කව්පි තම්බලා දුන්නා.
✅ රටකජු, කජු වගේම පලතුරු කෙටි කෑම විදිහට ලබා දුන්නා.
✅ රෑට නිදාගන්න කලිනුත් කිරි එකක් හෝ යෝගට් එකක් දුන්නා.
මාස කිහිපයක් යනකොට හිමාෂගේ ආහාර රුචිය වර්ධනය වුණා. එයාට වෙනදට වඩා ශක්තියක් ඇඟට දැනුණා වගේම, එයාගේ උසත් ටිකෙන් ටික වැඩි වෙන්න පටන් ගත්තා.
‼️දන්නවද?
මොනවහරි කාලා ළමයින්ගේ බඩ පුරවන එක නෙමේ වෙන්න ඕනේ. එයාලගේ බඩ පෝෂණ ගුණයෙන් පුරවන්නයි ඕනේ. බත් වලට බඩ පිරෙනවා. ප්රෝටීන හා සින්ක් එයාලව වර්ධනය කරනවා. උස යන්න උදවු කරනවා.
උසින් අඩු ළමයි පිටිපස්සේ හැම තිස්සෙම ජාන විතරක් නෙමේ, එයාගේ කෑම පිඟානෙන් මඟ හැරුණු දෙයක් තියෙන්නත් පුළුවන්!
✏️Ayesha Senevirathne
Registered Dietitian and Nutritionist
‼‼ ඔබට diet plan එකක් අවශ්ය ද?
DM or Whatsapp 0754543295
😃 තවත් මෙවැනි වටිනා තොරතුරු දැන ගැනීමට අප සමගම රැදී සිටින්න.
😃 අපගේ ෆේස්බුක් පිටුවට Like කර මෙම පෝස්ට් එක Share කරන්න.
