Medical Students' Buddhist Association - University of Colombo

17/08/2025

☸️කොළඹ විශ්ව විද්‍යාලයීය වෛද්‍ය ශිෂ්‍ය බෞද්ධ සංගමය මගින් සංවිධානය කරන ලද ‘’අමා ගී සංධ්වනිය 2025’’ බොදු බැති ගී ප්‍රසංගය 2025 ජුනි මස 18 වන දින වෛද්‍ය පීඨ ප්‍රධාන ශ්‍රවණාගාරයේදී සාර්ථක ලෙස පවත්වන ලදී. 🪷

08/08/2025

හදිසියේම අප අතරින් වියෝ වූ කොළඹ විශ්වවිද්‍යාලයේ වෛද්‍ය පීඨයේ 2020 කණ්ඩායමේ ආසිරි ගෞතමදාස සොයුරාට පින් අනුමෝදන් කිරීම වෙනුවෙන් පවත්වන විශේෂ ධර්මදේශනාව,
පූජ්‍ය මිරිස්සේ ධම්මික හිමියන්ගේ වැඩමවීමෙන්
අගෝස්තු මස 13 වැනි බදාදා දින සවස 4.30 සිට වෛද්‍ය පීඨයේ UCFM ගොඩනැගිල්ලේදී පැවැත්වෙයි...

ඔබ සැමට ආරාධනා !

සංවිධානය -
වෛද්‍ය ශිෂ්‍ය බෞද්ධ සංගමය,
කොළඹ විශ්වවිද්‍යාලය.

07/08/2025

☸️ සෑම මසකම පොහෝ දින පළ කෙරෙන බෞද්ධ ලිපි මාලාවේ තුන්වන ලිපිය 2025 නිකිණි පුන් පොහෝ දිනට සමගාමීව මෙසේ එක් කරන්නෙමු. ☸️
———————————————————————————

🌼 බෞද්ධ ලිපි අංක 03 🌼

අපි දකින ඇහෙන දැනෙන දේ වලට අපි කොතරම් ආසාවන් ඇතිවෙලා ඇතිද?
ඒ වගේම අපි අකමැති දේට කොතරම් තරහ ගැටීමක් ඇතිවෙලා ඇතිද?
මේ හැමදේම ඇතිවෙන්න නම් ශරීරයක් විතරක් මදි සිත් පරම්පරාවකුත් අප තුල තියෙන්න ඕන. ඒ කියන්නෙ කලින් ඉදන් හැදෙමින් නැතිවෙමින් යන සිත් කලින් ඉදන් ඇතිවී තියෙන්න ඕන.

ඉතින් මේ ලිපියෙන් කියන්න යන්නේ මේ හිත ඇතුලෙ මූලික අකුසල දොරටු 3 න් එකක් වෙච්ච රාගය හිත ඇතුළෙ පාලනය කරන්නෙ කොහොමද කියන එක....

රාගය ගැන කතා කරන්න කලින් හිත කියන්නේ මොකක්ද කියන එක තේරුම් ගන්න ඕන.හිත කියන්නේ පරමාර්ථ හා අපරමාර්ථ ධර්මවල එකතුවක්. මේ එක හිතක් ගත්තොත් ඒ හිතකට ඉපදීමක්, පැවතීමක් හා මිය යාමක් පවතිනවා. මේ විදියට හිත චක්‍රයක් විදියට ඉපදෙමින් මැරෙමින් ඉපදෙමින් ගමන් කරනවා. එක් හිතක් ගත්තොත් එය පවතින්නේ තත්පරයනනුත් කෝටියෙන් එකක කාලයකට වඩා අඩු කාලයක්. ඒ වගේම තව දෙයක් තමයි එකම මොහොතක හිත් දෙකක් හට ගන්න බැරි බව…

බුදු දහමේ දක්වන හැටියට සංස්කාරය උපදින්න මේ හිත කියන එක මුල් වෙනවා.
හිත් වර්ග අනුවත් අභිධර්මයේ හිත් වර්ග රාශියක් පවතිනවා. ඒත් මේ ලිපියෙ අරමුණ වෙන්නෙ රාගය. එහෙනම් අපි හිත ඇතුලෙ රාගය හට ගන්නෙ කොහොමද කියලා බලමු…

ඉතින් අපෙ බුදු දහමේ වගේම බටහිර විද්‍යාවේ තියෙන විදියටත් අප දකින ලෝකය නිර්මාණය වෙන්න සංවේදන (sensory inputs) බාහිරයෙන් අප මොලය හා මනස තුලට පැමිණීමෙන්. ඊට පස්සේ මේවා කලින් තිබුන මතකය, හැගීම් වගේම අපේ අනුමාන කිරීම් එක්ක එකතුවෙලා අපට පෙනෙන ලෝකය හැදෙනවා( perception ). අපේ මතක හැගීම් හා අනුමාන කිරීම් එකිනෙකට වෙනස් නිසා එකම දේ වුනත් විවිධ අය වගේම එකම කෙනා ඇතුලෙ විවිධ වෙලා වලදි විවිධ වෙන්න පුලුවන්…

ඉතින් අපිට මේ වගේ දැනගන්න (percept) වෙන දේ ගැන අපට සැප හෝ දුක ඇතිවෙන්න පුලුවන්..
උදාහරණයක් විදියට අපි දකින රූපයක් අපට සාපේක්ෂව ලස්සන නම් අපට සතුටක් වගේම දකින්න අකමැති රූපයක් නම් දුකත් හට ගන්නවා. අර කලින් කිව්ව දැකීමෙන් සතුට ගේන රූපය දිහා තව තව නැවත නැවත බලන්න හිතෙනවා නම් ඒ දෙය කෙරෙහි තණ්හාව ඇති කරගන්නවා. ඒ වගේම එතනින් එහාට මේ මනස ඇතුලෙ ඒ රූපය මගේ කරගන්නවා. අන් දේ ද මෙසේම යි. ඉතින් මේ කෙනා දන්නෙ නෑ තමන් අර හිතෙ අනුමාන කිරීම්, හැගීම්, මතක එක්ක එකතුවෙලා මේ එලියෙන් එන සංවේදනය (sensory input ) එක එක්ක එකතුවෙලා මනස ඇතුලෙ හැදුනු මායාවක් මේ පෙනෙන්නෙ කියලා. එකම කෙනාට වගේම එක එක පුද්ගලයන්ටත් ඒ එකම දේ වෙනස් ව පෙනෙනව නම් කොහොමද අපට පේන දේ ඇත්තක් වෙන්න ?

ඉතින් ඒ වගේම අපට පේන්නේ මේ රූපෙ සීමිත ප්‍රමාණයක් විතරයි. ඒ කියන්නේ දෘශ්‍ය පරාසය විතරයි. ඒ වගේම ඒ එන ආලෝක තරංග අපේ ඇස ඇතුලෙ සංවේදනයක් ඇති කරන්න තරම් ශක්තියක් තියෙන ඒවා තමයි මේ විදිහට sensation එකක් විදියට මොළයට ගමන් කරන්නේ.
ඒ වගේම මේ සියලු දේවල් අනිත්‍ය බව බෞද්ධ දර්ශනය තුල කියලා තියනවා. එහෙම බැලුවාම අපට ඒ රූපය නියත ස්ථිර දෙයක් විදියට පෙනුනත් ඒක හැම වෙලාවෙම වෙනස් වෙනවා…

මේ ඇස හරහා පෙනීම ගැන කරපු උදාහරණයක් විතරයි. අනිත් දොරටු 4 හරහාත් රාගය ඇතිවෙන්නේ මේ විදියටමයි.

රාගය කියන්නේ අකුසල් මූලයක්. ඒ වගේම රාගය නිසා පවු රැස්වෙනවා. මේ නිසා අනාගත ඉපදීම සත්ත්වයා නිර්මාණය කරගන්නවා. රාගය හිත ඇතුලෙ තියෙන කෙනාට සුවසේ නින්ද යන්නේ නෑ. නිතරම් හිත තැවෙමින් ඉන්නේ.

ඉතින් කොහොමද අපි මේ රාගය පාලනය කරන්නෙ.
බුදු දහමේ සදහන් විදියට අරමුණු (විව්ධ සංවේදන) අපේ මොළයට එන එක නවත්වන්න බැහැ. නමුත් අපට ඒ සැප වේදනාව තණ්හාවක් බවට පත් වීම නැවැත්වීමට පුලුවන් නම් එය ඉතා වටිනවා.
ඉතින් පළමුවෙන්ම කලින් විස්තර කළ විදියටම මේ අප දකින ලෝකය මායාකාරී ලෝකයක් බව තෙරුම් ගන්න ඕන. ඒ කියන්නෙ ඇත්ත ඇති සැටියෙන් දකින එක.
එමෙන්ම් සියලු දේ අනිත්‍යතාවයටද දුකට ද පත්වෙන එනම් ත්‍රිලක්ෂණයට අදාළ බව එවැනි රාගයක් එනවිට සිතන්න ඕන.
ආරම්භයේදී අසාර්ථක වුවද නැවත නැවත උත්සාහ කරමින් රාගය පාලනය කිරීමට සිත තුළ දිගින් දිගටම උත්සාහය වීර්යය කරන්න ඕන…

එමෙන්ම බුදු දහමේ නොයෙක් භාවනා ක්‍රම මේ සදහා පෙන්වා දී තිබෙනවා. පාලනය කල නොහැකි සිත නිවීමට සමථ භාවනාව සිදු කරන්න පුලුවන්.

මතක තබා ගන්න ඕන දෙය නම් රාගය පාලනය කියන්නෙ ඒවා පරිහරණයෙන් හෝ ඒ ක්‍රියා නොකර ඉන්න එක නෙවෙයි, ඒවායේ අනවශ්‍ය ලෙස ඇලෙන්නෙ නැතිව ඒ මොහොතේ සිහියෙන් යුතුව ඒවා හැසිරවීම සිදු කිරීමයි. එනම් සත්‍ය ස්වාභාවය ඇත්ත ඇති සැටියෙන් දැන ජීවත් වීමයි.

මෙය මා ධර්මය කියවා අසා දැනගත් දැනුමින් ලියන ලද්දකි. මෙම ලිපිය තුළ වැරදීම් තිබේ නම් ඒ ගැන සමාව ඉල්ලා සිටිමි.

- ධර්මදානය පිණිස...

07/08/2025

☸️පින්බර නිකිණි පුර පොහෝ දිනයක් වේවා!🙏

🪷පොහෝදින දහම් පණිවිඩය🪷

යම්කිසි පුද්ගලයෙකු අයහපත් ක්‍රියාවන්හි නියැලෙන්නේ නම් එයින් තමාගේම සිත අපිරිසිදු වන්නා සේම මෙලොව හා පරලොව දෙකෙහිම පරිහානියට හේතු වන්නේය. එලෙසින්ම යහපත් ක්‍රියාවන්හි නිරත වන තැනැත්තාගේ සිත පිරිසිදු වන අතර දෙලොව යහපත සැලසෙන්නේය.

වෛද්‍ය ශිෂ්‍ය බෞද්ධ සංගමය,
කොළඹ විශ්වවිද්‍යාලය.

———————————————————————————

☸️ Wishing you a blessed Nikini Full Moon Poya Day! 🙏

🪷Dhamma Message for Poya Day🪷

If a person engages in unwholesome actions, their mind becomes impure, leading to loss and suffering in both this life and the next. Likewise, one who engages in wholesome actions purifies the mind and attains well-being in both realms.

Medical Students’ Buddhist Association,
University of Colombo

01/08/2025

Take a pause. Breathe. Reconnect.🧘‍♀️

💠Step away from the rush of daily life and sink into stillness.
Join us for an evening of quiet reflection and guided meditation with
Prof. Wasantha Gunathunga,
as we rediscover calm, clarity, and presence.

📅 Date: 6th August 2025
🕓 Time: 4:30 p.m.
📍 Venue: 14th Floor, UCFM Tower

All are welcome !

Medical Students' Buddhist association

22/07/2025

◽️කොළඹ විශ්ව විද්‍යාලයීය වෛද්‍ය ශිෂ්‍ය බෞද්ධ සංගමයේ 2025 වාර්ෂික සභා රැස්වීම 2025 ජූලි මස 7 වන දින පවත්වන ලදී.

ඡායාරූපකරණය: Association Of Wildlife & Photography, UCFM.

09/07/2025

☸️ සෑම මසකම පොහෝ දින පළ කෙරෙන බෞද්ධ ලිපි මාලාවේ දෙවන ලිපිය 2025 ඇසළ පොහොය දිනට සමගාමීව මෙසේ එක් කරන්නෙමු. ☸️
———————————————————————————

🌼 බෞද්ධ ලිපි අංක 02 🌼

අද මම කියන්න යන්නෙ ටිකක් වෙනස් දෙයක්. නිති පතා බොහෝ දෙනා කරන ඒත් වැඩි අවධානයක් දෙන්නෙ නැති දෙයක් ගැන...

ඔබ භාග්‍යවතුන්වහන්සේට, ධර්ම රත්නයට, සංඝ රත්නයට මල් පූජා කරනවා ඇති. ඒත් බොහෝ දෙනා මේ මල් පූජා කිරීමේ සත්‍යම හේතුව දන්නේ නෑ. බොහෝ දෙනා මල් පූජා කරන්නේ එය සමාජ සම්මතයක්, ආමිස පූජාවක් ලෙසයි. අන් අය කරනා නිසා තමාද හේතුවක් නොසොයාම මල් පූජා කරනා සමහරුන්ද ඉන්නවා.
තවත් සමහරුන් භාග්‍යවතුන් වහන්සේට ගෞරවයක් විදියටත් මල් පූජා කරනවා.

ඉතින් බෞද්ධ දර්ශනය ඔස්සේ යන මිනිසුන් විදියට අප මල් පූජා කිරීමේ නියම අර්ථයත් එය බෞද්ධ දර්ශනයට අදාළව යොදා ගන්නේත් කෙසේදැයි සොයා බලන්න ඕන.

මෙසේ සිතමු...

ඉතින් අපි මල් පූජා කරන අවස්ථාවේ අපි මල් ගස්වලින් නෙළා ගන්නේ නැවුම් මල්‍ ය. ඒ මල් ඉතා ප්‍රාණවත් ය.
නමුත් ඒ මල් ම නැවත පැය කිහිපයකින් බලනා විට මැලවී ගොසිනි. නැවුම් බවක් නැත්තේ ය. එනම් මේ ප්‍රකටව ඇත්තේ ත්‍රිලක්ෂණයේ මුල්ම ස්වභාවය වූ අනිත්‍ය ස්වභාවයම නොවේද ?

ඒසේ නම් අප හුදෙක් මල් තබා වැදීමෙන් පමණක් ප්‍රමාණ නොවෙයි. මේ ගැන මල් තබා වදින ගාථාවේ ද සදහන් වෙයි.
එනම් මල් ආසනය මත පූජා කරන අවස්ථවේද, එයින් ඉවත් කරන අවස්තාවේද ඇස් ඉදිරිපිට පෙනෙනා ස්වභාවයන් ගේ වෙනස දෙස බලා මෙසේ සිතිය යුතු ය.

ආසනය මත තැබීමේදී,
"මේ මල් දැන් නැවුම්ව පවතියි. ඉතා පිරිසිදු ය. ප්‍රබෝධමත් වෙයි. දැකීමට ප්‍රිය වෙයි. ඉතා සුගන්ධවත් ය. නමුත් තව පැය කිහිපයකින් බලන විට ඒ සුගන්ධවත් වූ මල් ම, ඒ නැවුම් ප්‍රබෝධමත් වූ මල් ම මැල වී ගොස් ය, දුර්වණ වී ඇත, සුගන්ධවත් බව වියැකී ගොසින් ය. හැඩය විපරිත වී වෙනස් වී ඇත. පෙර මෙන් දැකීමට ප්‍රියයක් නොමැත්තේ ය. මේ අර පෙර පූජා කළ මල් ම ය. මෙයට හේතුව කුම්ක් වේද? "
යනුවෙන් සිදු වී ඇති වෙනසද එයට හේතුවද විමසා බැලිය යුතු වේ.

ඉන්පසු,
"මෙයට හේතුව නම් අනිත්‍යතාවමයි, මේ ලොව කිසි දෙයක් මොහොතකුදු හෝ එක් ආකාරයකට නොපවතින්නේ ය. සැම විටම වෙනස් වන්නේය. මා හට ප්‍රිය ආකාරය නම් පළමුව තිබුනු නැවුම් මල් මය. එහෙත් එය වෙනස් වී ඇත, මැලවී ගොස් ඇත. මේ විශ්වයේ ඕනෑම තැනකට ස්වභාව ධර්මයේ ස්වභාවයන්, නීතීන් එකසේ බලපායි නම් මේ මල් මෙන්ම සෑම දෙයකටම එසේ ය. මාගේ ශරීරයද අන් අයගේ ශරීරද එසේමය. පංච ඉන්ද්‍රියයන්ගෙන් මා දකිනා ලෝකයද එසේ මය මා හට කැමති අයුරින් නොතිබෙන්නේ ය."
යනුවෙන් සිතා ඇත්ත ඇති සැටියෙන් දැකිය යුතු වන්නේය. ඉන්පසු එය පිළිගත යුතු වන්නේය.

පහන් පූජාවද මෙසේ ය. පහන ටික වේලාවක් ගතවන විට පහනේ තෙල් කෙමෙන් සිදී යයි. පහන් තිරයද මෙසේ වැය වෙයි. දැල්ල නොනිවී තිබුනද පහන් දැල්ලද ක්‍රමයෙන් දැවි දැවී නිවී යන්නේය. එනම් එහි ඇති අස්ථිර බවයි, අනිත්‍යතාවයයි.

මෙසේ කලබල නොවූ සිතකින් ලෝකය දෙස බලන්නාට ලෝකයේ සත්‍ය ස්වභාවය පෙනීමට සිතීමට හැකි වෙයි.
එසේ ‍යහපත් දේ සිතීමට පුරුදු කිරීමෙන් සිත ඒ දේටම ඇදී යයි. මක් නිසාද යත් පුරුදු කරනා පැත්තට නැඹුරුවක් සහිතව ගමන් කිරීම මනසේ ස්වභාවය නිසා ය....

අකුසල් පිරුනු, වේගයෙන් දුවන ලෝකයේ යම් අයෙකුට නැවතී තමා දෙස මෙසේ බැලීමට හැකිනම් ඒ කෙනා සැබැවින්ම විශිෂ්ටයෙකු වෙයි. දක්ෂයෙකු වෙයි.

මෙසේ බලන්නා තුළ අවිද්‍යාවෙන් විද්‍යාවට ගමන් කරයි. එනම් සම්මා දිට්ඨිය ඇතිවෙයි. මෙය විදර්ශනාවට මාර්ගයයි.

- ධර්මදානය පිණිස...

09/07/2025

☸️ ඇසළ පොහෝදින වැදගත්කම ☸️

09/07/2025

☸️පින්බර ඇසළ පුර පොහෝ දිනයක් වේවා!🙏

🪷පොහෝදින දහම් පණිවිඩය🪷

දෙවියන් අතර එක්තරා සමයක මෙසේ කතා බහක් ඇතිවිය...
දාන අතරින් උතුම්ම දානය ධර්මදානය වන්නේය..රසයන් අතර ආර්‍යය රසය ධම් රසය වන්නේය..ධම් දෙසීමද ඇසීමද උතුම්ම ප්‍රීතිය වන්නේය..ඒ හැමදේකටම වඩා නිවන් මාර්ගය ,රහත් ඵලය උතුම් වන්නේය...

වෛද්‍ය ශිෂ්‍ය බෞද්ධ සංගමය,
කොළඹ විශ්වවිද්‍යාලය

———————————————————————————

☸️ Wishing you a blessed Esala Full Moon Poya Day! 🙏

🪷Poya Day Dhamma Message🪷

At one time, a discussion arose among the gods…

“Among all forms of giving, the highest is the giving of the Dhamma.
Among all tastes, the supreme taste is the taste of the Dhamma.
Listening to and sharing the Dhamma brings the greatest joy.
But above all, the Noble Path leading to Nibbāna and the attainment of arahantship is the most sublime.”

Medical Students’ Buddhist Association
University of Colombo

18/06/2025

https://www.youtube.com/live/rcyg2GSM538?si=-JJ5qJ7dHjLRO9wI

🪷අමා ගී සංධ්වනිය 2025🪷
බැති ගී සංධ්වනිය
සජීවි විකාශය MFC Echo YouTube නාලිකාව ඔස්සේ…

වෛද්‍ය ශිෂ්‍ය බෞද්ධ සංගමය
වෛද්‍ය පීඨය
කොළඹ විශ්වවිද්‍යාලය

☸️ කොළඹ විශ්ව විද්‍යාලයීය වෛද්‍ය ශිෂ්‍ය බෞද්ධ සංගමය මගින් වාර්ෂිකව සංවිධානය කරන බොදු බැති ගී ප්‍රසංගය මෙවරත් *”අ...

17/06/2025

☸️ කොළඹ විශ්ව විද්‍යාලයීය වෛද්‍ය ශිෂ්‍ය බෞද්ධ සංගමය මගින් වාර්ෂිකව සංවිධානය කරන බොදු බැති ගී ප්‍රසංගය, ”අමා ගී සංධ්වනිය” ලෙසින් අද දින සවස 5.30ට UCFM ප්‍රධාන ශ්‍රවණාගාරයේදී පැවැත්වේ. ☸️

සජීවි විකාශය MFC Echo YouTube නාලිකාව ඔස්සේ…

බොදු බැති ගී මිහිර විඳ ගැනීමට ඔබ සැමට ආරාධනා 🪷

17/06/2025

☸️ කොළඹ විශ්ව විද්‍යාලයීය වෛද්‍ය ශිෂ්‍ය බෞද්ධ සංගමය මගින් වාර්ෂිකව සංවිධානය කරන බොදු බැති ගී ප්‍රසංගය මෙවරත් ”අමා ගී සංධ්වනිය” ලෙසින් හෙට දින සවස 5.30ට UCFM ප්‍රධාන ශ්‍රවණාගාරයේදී පැවැත්වේ. ☸️

බොදු බැති ගී මිහිර විඳ ගැනීමට ඔබ සැමට ආරාධනා 🪷