18/01/2026
💢ඇමරිකාවේ කෑම නීති උඩු යටිකුරු වෙයි! තෙල් සහ බත් ගැන මෙච්චර කල් අපි රැවටුණාද? 💢
🔴පසුගිය ජනවාරි මාසයේදී (2026) ඇමරිකා එක්සත් ජනපදයේ ඩොනල්ඩ් ට්රම්ප් පාලනාධිකාරිය සහ නව සෞඛ්ය බලධාරීන් (MAHA - Make America Healthy Again) එරට ආහාර සංස්කෘතියේ දැවැන්ත වෙනසක් සිදු කළා.
🔴මෙය පසුගිය වසර 40ක් පුරා අපිත් ඇතුළුව ලෝකයම අනුගමනය කළ, දරුවන්ට පාසල් වල උගන්නපු සමබල ආහාර වේල, "ආහාර පිරමීඩය" සම්පූර්ණයෙන්ම අභියෝගයට ලක් කිරීමක් .
🫵 විශේෂයෙන්ම ලෝකයේ සකසන ලද ආහාර සංස්කෘතිය(Processed Food Culture ) ජනප්රිය කළ ඔවුන්ම එය ප්රමාද වෙලා හරි නැවත ආපස්සට ගැනීම ලොකු ජයග්රහණයක් විදිහට දකින්න පුළුවන්….
💥මේ ගැන ලිපියක් ලියන්න දින ගණනාවක් තිස්සේ සුදානම් උනත් ලංකවේ පෝෂණවේදය සම්බන්ධ විශේෂඥ වෛද්යවරුන් මෙන්ම මේ ක්ෂේත්රයේ වැඩකරන වෛද්යවරු, පෝෂණ වෙදීන් අතර පවතින මතගැටුම් නිසා මේ ලිපිය ටිකක් ප්රමාද කරන්න සිදු උනා …..ඒකට ප්රධාන හේතුව මට වගේම ඔබටත් මේ තර්ක විතර්ක අතර හිර වෙනවට වඩා වටින්නේ අපේ මේවයෙන් වඩාත් විද්යාත්මක, වඩාත් නිවැරදි තීරණය ගැනීම.......
✅ඉතින් මේ සියලු මතයන් වගේම, යුරෝපා රටවල් විසින් අනුගමනය කරන ආහාර නීති ගැනත් අධ්යයනකින් පසුව මං හිතුව මේ ගැන මගේ අදහස ලියන්න…නමුත් මම භෞතචිකිත්සක වරයෙක් සහ පර්යේෂණ පත්රිකා විශ්ලේෂණය කරමින් නව දැනුම සොයන කෙනෙක් පමණක් බැවින් මා මේ සදහන් කරන්න මට ලබුණු දත්ත හා තොරතුරු මත මගේ පුද්ගලික අදහස පමණි…
1️⃣ මොකක්ද මේ අලුත් වෙනස?
🔹Internet එකේ ඔබට search කරොත් හමුවෙයි ඇමරිකානුවන්ගෙන් 70% ක් පමණ නිදන්ගත රෝග ( දියවැඩියාව, තරබාරුකම, පිලිකා ) තත්ව වලින් පෙලෙන බවට වාර්තා….. ඇත්ත….. ඔවුන් ජාතියක් ලෙස ලොකු සෞඛ්ය අවදානමක ඉන්නේ…. ඔවුන්ගේ ආර්ථික දියුණුවට මේක සෘජුවම බලපානවා කියලා දැනට අනාවාරණය වෙලා තියෙනවා
🔹ඇත්තටම වසර ගණනාවක් තිස්සේ ඇමරිකාව පැවසුවේ "මේදය (Fat) හදවත් රෝග වලට ප්රධානම හේතුවක් කියලා , ඒ නිසා තෙල් අඩුවෙන් කන්න" කියන මතය ලෝකය පුරාම වේගයෙන් පැතිරුනා…ඇත්ත යුරෝපය පවා මේ මතයේ හිටියා…. ඒවගේම දැනුත් සන්තෘප්ත මේද සම්බන්ධව මේ දැඩි නීතී ඔවුන් සතුයි..
🔹නමුත් නව ඇමරිකානු රජයේ ස්ථාවරය වී ඇත්තේ ඇමරිකානුවන් රෝගී වූයේ තෙල් නිසා නොව, සීනි (Sugar), සැකසූ පිටි සහ රසායනික ද්රව්ය නිසා බවයි.
ඔවුන්ගේ නව තේමාව: "කර්මාන්තශාලාවල සැකසූ ආහාර (Processed Food) නවත්වන්න - ස්වභාවික ආහාර (Whole Food) කන්න."
2️⃣අධි-සැකසූ ආහාර (Ultra-Processed Foods - UPF) මත පැනවූ සීමා
🔹ඉතිහාසයේ පළමු වතාවට ඇමරිකානු ෆෙඩරල් රජය විසින් "අධි-සැකසූ ආහාර" සෞඛ්යයට අහිතකර බව නිල වශයෙන් පිළිගෙන ඇත. CDC දත්ත වලට අනුව ඇමරිකානුවන්ගේ දෛනික කැලරි ප්රමාණයෙන් 55% ක්ම ලැබෙන්නේ මෙවැනි ආහාර වලිනි.
🔹කර්මාන්තශාලාවල නිෂ්පාදිත, අධික ලුණු, සීනි සහ රසායනික ද්රව්ය අඩංගු "ඇසුරුම් කළ, සූදානම් කළ හෝ ක්ෂණික" (Packaged, Prepared, Ready-to-Eat) ආහාර වර්ග දැඩි ලෙස සීමා කිරීමට බලාපොරොත්තු වෙයි . චිප්ස්, පැණිරස බීම, රසකැවිලි සහ ශක්තිජනක පාන (Energy Drinks) මීට ඇතුළත් වේ.
🔹මෙම ආහාර වර්ග තරබාරුකම, දියවැඩියාව සහ හෘද රෝග සමඟ සෘජුවම සම්බන්ධ බවට නව මාර්ගෝපදේශ මගින් අනතුරු අඟවයි. මෙය එක පැත්තකින් ඇමරිකාවේ වර්තමාන ආහාර කර්මාන්තයට එල්ල කළ දැඩි ප්රහාරයක් ලෙස සලකන්න පුළුවන්
3️⃣සීනි පරිභෝජනය සඳහා දැඩි සීමා
🔹සීනි පරිභෝජනය සම්බන්ධයෙන් මීට පෙර පැවති නීති ලිහිල් යැයි සැලකූ නව පාලනාධිකාරිය, ඉතා දැඩි සීමා පනවා ඇත.
🔹විශේෂයෙන් එක් ආහාර වේලකට එකතු කළ සීනි (Added Sugar) ප්රමාණය ග්රෑම් 10 කට වඩා අඩංගු නොවිය යුතුය. මෙය දෛනික ප්රතිශතයක් ලෙස නොව, එක් වේලක් සඳහා වූ නිශ්චිත ග්රෑම් ප්රමාණයක් ලෙස දැක්වීම පාරිභෝගිකයාට වඩාත් පැහැදිලි මිනුමක් ලෙස හදුනාගන්න පුළුවන්
🔹ළමුන් සඳහා ඔවුන් විශේෂ අවධානයක් දෙමින් වයස අවුරුදු 2ට අඩු දරුවන්ට කිසිදු ආකාරයක එකතු කළ සීනි ලබා නොදිය ලෙසත් . වයස අවුරුදු 10ට අඩු දරුවන් සඳහා ද සීනි නිර්දේශ නොකරන මට්ටමටම නීති දැඩි කර ඇත.
4️⃣ආහාර වර්ණක තහනම සහ රසායනික ද්රව්ය පාලනය
🔹Make America Healthy Again වැඩසටහනේ වඩාත්ම ආන්දෝලනාත්මක පියවර වන්නේ ඛනිජ තෙල් පදනම් කරගත් කෘතිම ආහාර වර්ණක (Petroleum-based Synthetic Dyes) ඉවත් කිරීමයි.
🔹ඉලක්කගත වර්ණක: Red 40, Yellow 5, Yellow 6, Blue 1, Blue 2 සහ Green 3 යන වර්ණක 2026 වසර අවසානය වන විට අදියර වශයෙන් ඉවත් කිරීමට සැලසුම් කර ඇත. මෙම වර්ණක ළමුන්ගේ අධි-ක්රියාකාරීත්වය (Hyperactivity), අවධානය අඩු වීම සහ ඇතැම් පිළිකා අවදානම් සමඟ සම්බන්ධ බවට පර්යේෂණ සාක්ෂි පවතී.
🔹නීතිමය තහනමක් එනතෙක් නොසිට, Kraft Heinz , General Mills, සහ Kellogg's වැනි දැවැන්ත සමාගම් තම නිෂ්පාදනවලින් මෙම වර්ණක ඉවත් කිරීමට එකඟ වී ඇත. අයිස්ක්රීම් නිෂ්පාදකයින් ද 2028 වන විට මෙම වර්ණක ඉවත් කිරීමට ප්රතිඥා දී තිබේ. මෙය ස්වාභාවික වර්ණක කර්මාන්තයට (Natural Food Colors) විශාල වෙළඳපොළ අවස්ථාවක් නිර්මාණය කරයි.
5️⃣සන්තෘප්ත මේදය (Saturated Fats) ගැන අලුත්ම තත්ත්වය
🔸අලුත් උපදෙස් වෙන්නේ සන්තෘප්ත මේදය ශරීරයට අහිතකර නැත. බටර්, එළඟිතෙල් (Ghee), සත්ත්ව මේදය (Tallow) සහ පොල්තෙල් වැනි ස්වභාවික මේද වර්ග බිය නැතුව ආහාරයට ගන්න. ඒවා කර්මාන්තශාලා වල හදන බාල තෙල් (Seed Oils like Soybean/Corn oil) වලට වඩා ගුණදායකයි කියන එක
⛔ කෙසේ වෙතත්, නිල ලියකියවිලි වල තවමත් "සන්තෘප්ත මේදය දිනකට 10% කට වඩා අඩුවෙන් තබාගන්න" යන නීතිය වෙනස් වී නැත.මේ නිසා තමයි අපේ වෛද්යවරු අතර තවමත් මේ සම්බන්ධව පරස්පර අදහස් පවතින්නේ
🔸ඇමරිකානු වාර්තාව අනුව පොල්තෙල් සම්පූර්ණයෙන් තහනම් කිරීම නොව, එහි භාවිතය සීමා කිරීමක් පමණක් අපේක්ශා කරන අතර, මේ සම්බන්ධව කරන ඉදිරි පර්යේෂණ පොල්තෙල් ගැන තවදුරටත් ධනාත්මක බලපෑමක් ඇතිකරනු ඇති බව බොහෝ දෙනාගේ විශ්වාසයයි. මතක තියාගන්න ඕන වැදගත්ම දේ පොල්තෙල් එක් වරක් පමණක් භාවිතය...එය යලි යලිත් විද්යාතමකව සනාථ වූ දෙයක්.
6️⃣ ප්රෝටීන්, කාබෝහයිඩ්රේට් සහ එළවලු තෙල්
✅ ප්රෝටීන් (Protein): මෙය අංක 1 ට පැමිණ ඇත. මස්, මාළු, බිත්තර සහ පූර්ණ යොදය සහිත කිරි (Whole Milk) දිරිමත් කරයි. (වයස අවු 2ට අඩු දරුවන්ට හැර අනෙක් අයට යොදය සහිත කිරි හොඳ බව පිළිගනී).
❌ කාබෝහයිඩ්රේට් (Carbs): පිරිපහදු කළ පිටි (පාන් පිටි), සීනි සහ පැණි බීම "වස" ලෙස නම් කර ඇත. ඇමරිකානු පාසල්වලින් පැණි බීම ඉවත් කිරීමට පියවර ගෙන ඇත.
❌ එළවළු තෙල් (Seed Oils): සෝයා සහ බඩ ඉරිඟු තෙල් ශරීරයේ ප්රදාහය (Inflammation) ඇති කරන බවට අනතුරු අඟවයි.
7️⃣ඇමරිකාව සහ යුරෝපය
සැකසු ආහාර, සීනී, කාබෝහයිඩ්රේට්, ප්රෝටීන් ගැන අදහස බොහෝ දුරට සමාන උනත් සන්තෘප්ත මේද සම්බන්ධව තවම යම් පරස්පර අදහසක් තියෙනවා.
✅ඇමරිකාව (USA - MAHA): "ස්වභාවික සන්තෘප්ත මේදය හොඳයි. සීනි සහ සැකසූ ආහාර නරකයි." (High Protein, Moderate Fat, Low Carb).
✅යුරෝපය (EU Guidelines): තවමත් පරණ මතයේ සිටී. "සන්තෘප්ත මේදය නරකයි. පූර්ණ ධාන්ය (Whole Grains) සහ එළවළු වැඩියෙන් කන්න."
🔴ඉතින් දැන් මොකද්ද හොඳම කෑම පිඟාන (The Action Plan)
අපි පොඩ්ඩක් ලංකාව පැත්තට ආවොත් ලංකවේ ආහාර පිගාන ගැනත් විවිධ මත තියෙනවා…. විශේෂයෙන් ඒ අතර ප්රධාන වෙන්නේ keto diet සහ Balanced diet…කෙසේවෙතත් අතිමහත් බහුතරය තවමත් බත් වැඩියෙන් තියෙන කෑම පිගාන ක්……අපි හැකි ඉක්මනින් සැකසු ආහාර, සීනී වලින් වගේම ආහාර වේලකදී ගන්න අධික පිෂ්ටය ප්රමාණයත් පාලනය කරගන්නම වෙනවා..
අපි කඩේකට ගියොත් අනිවාර්යෙන් දෙන්නේ බත් පුරවපු පිගානක්.... මේකට protein වැඩි කරගන්න කියලා අමතර බිත්තර, Chicken add කරන්න ගියොත් නොවටිනා මිලක් ගෙවන්න වෙනවා.... මේ තත්වය ඉක්මනින් වෙනස් උනොත් රටක් විදිහට අපිට නිරෝගිමත් ජාතියක් හදාගන්න පුළුවන් වෙයි...
🔴හැමෝටම පුළුවන් 25:25:50 නීතිය මොකද්ද
🥦 එළවළු (50% - පිඟානෙන් භාගයක්): බත් කන බඩගින්න නැති කරන්නේ මෙතනින්. බෝංචි, ගොටුකොළ, මුරුංගා, පලා වර්ග, වම්බටු වැනි දේ වැඩිපුර බෙදාගන්න.
🐟 ප්රෝටීන් (25% - පිඟානෙන් කාලක්): ඔබේ බර (60kg) අනුව දිනකට ප්රෝටීන් ග්රෑම් 75ක් වත් අවශ්යයි.
උදා: බිත්තර 2ක්, මාළු කැබැල්ලක් හෝ කුකුල් මස්. පරිප්පු වලත් ප්රෝටීන් ඇතත් පිෂ්ඨය වැඩි නිසා එය අඩුවෙන් ගන්න.
🍚 පිෂ්ඨය (25% - පිඟානෙන් කාලක්): සුදු බත් සහ පාන් නවත්වන්න. ඒ වෙනුවට රතු බත්, බතල, මඤ්ඤොක්කා හෝ කුරක්කන් ස්වල්පයක් ගන්න.
🥥 මේදය (අමතරව): පොල් සම්බෝල, කිරට උයපු හොදි, බටර් හෝ චීස් බිය නැතුව එකතු කරගන්න. (නමුත් තෙල් බොන්න එපා, කෑම රස කරන්න යොදාගන්න).
🛑ඇමරිකාව අලුත් නීති වලින් කියන්නේ එකම දෙයයි:
"පැකට් එකක එන දේ කන්න එපා. ගහෙන්, වැලෙන්, සතාගෙන් ලැබෙන ස්වභාවික දේ කන්න."
අපේ පැරණි සිංහල ක්රමය (රතු බත් ටිකයි + එළවළුයි + මාළුයි + පොල් සම්බෝලයි) තමයි දැන් ලෝකයේ අලුත්ම "Super Diet" එක වෙලා තියෙන්නේ. බටහිරින් ආපු "Low-Fat" රැල්ලට අසු නොවී, අපේ කෑම වේල නිවැරදිව සකසා ගනිමු.
Share කර මිතුරන් දැනුවත් කරන්න! 🇱🇰
Written by:
Kavishka Karunarathne.
SLMC Registered Physiotherapist ( Reg no: 1483) & Research Analyst Fit Health™️
Graduated from Faculty of Medicine, University of Colombo.
මෙය හුදු දැනුවත් වීම සදහා අන්තරජාලයේ තොරතුරු ඇසුරින් සකස් කළ ලිපියකි .... තවදුරටත් තොරතුරු සොයාබලන්න ආරාධනා කරනවා........
ඔබ යම් කිසි රෝගී තත්වයක් නිසා ආහාර රටාවේ ප්රධාන වෙනස්මක් සිදු කිරීමට පෙර සදහා පෝෂණ වේදී විශේෂඥ වෛද්යවරයෙක් මුණුගැසීම වඩාත් සුදුසුයි....
ඔබ සැමට නිරෝගිමත් ජීවිතයක් ❤️
අන්තර්ජාලයෙන් උපුටා ගැනීමකි.
ලිපියේ මුල් හිමිකරුට ස්තූතියි 🙏❤️
