16/04/2025
මිනිසුන් ඔබට ඊර්ෂ්‍යා කරාවි, එයට ඉඩ දෙන්න!
දවසින් දවස මහන්සියෙන් අපි දේවල් achieve කරද්දි, නොහැකියාවෙන් පෙළෙන මිනිස්සුන්ට ඒ දේවල් දරාගන්න හරි අමාරුයි.
සමහරු ළඟ ඉඳගෙන ඔයාට සුබපතනවා, හැබැයි හිත ඇතුළෙන් සාප කරන ගමන්.
ඔයාගේ හැම පියවරක්ම අගය කරනවා, හැබැයි විවේචනය කරන්න පුංචි දෙයක් එනකල් බලාගෙන ඉන්න ගමන්.
මූණට හිනා වුණත් ගොඩක් අයට තව කෙනෙක් දිනනවා බලන්න හිත ඇතුළෙන් හරි අමාරුයි.
නන්නාඳුනන මිනිස්සුම නෙමෙයි, ගොඩක් වෙලාවට අපි ළඟම ඉන්න මිනිස්සුත් එහෙම වෙන්න පුලුවන්.
මේ හැමදේම අතරේ ඔයා තව තවත්, ඔයා ගැන හිතද්දි, ඔයාව සතුටින් තියන්න උත්සහ කරද්දි, ඔයාගෙ හීන වලට වැඩියෙන් මහන්සි වෙද්දි ඒ අය නොසෑහෙන්න පීඩනයට පත් වෙනවා.
සමහර වෙලාවට ඒ අය පීඩනයෙන් ඉන්නෙ ඇයි කියන එක ඒ අයවත් හරියට දන්නෙ නෑ. ඒත් ඒ අය එහෙමයි.
ඒ අයට වෛර කරන්න ඉඩ දෙන්න.
විවේචනය කරන්න ඉඩ දෙන්න.
ඔයා වෙනුවෙන් කුමන්ත්‍රණය කරන්න ඉඩ දෙන්න.
ඒ අය දැවෙන්නේ වෙන කෙනෙක් අවුලන ගින්නකින් නෙමෙයි, තමන්ම දවා ගත්ත ගින්නකින්.
එහෙම මිනිස්සු එක්ක වෙනදට වඩා වැඩියෙන්, හොඳින් ඉන්න.
කිසිම තරහක් නැතුව හිනා වෙලා කතා කරන්න, කාරුණික වෙන්න.
ඒක තමයි ඒ අය වෙනුවෙන් දෙන්න පුලුවන් ලොකුම දඬුවම.
මොකද,
ඊර්ෂ්‍යාකාර මිනිස්සු වැඩිපුරම පීඩනයට පත් වෙන්නේ,
ඔයාගෙ දියුණුව දකින එකටත් වඩා,
ඊර්ෂ්‍යා කරන බව දැන දැනත් ඔයාගෙ හිතේ ඒ අය ගැන කිසිම තරහක් නැති බව දකින විටයි. ☺🌻❤️💫
