06/01/2026
"උපාධියක් තිබුණට වැඩක් නෑ.. මොළේ කලඳක් නෑ නේද?" මේ දවස් වල එහා මෙහා සංසරණය වෙන සිද්ධිය දැකපු ඔබටත් එහෙම හිතුණාද? ඒත් ඇත්ත ඒක නෙවෙයි 💔
ඒ පුවත අහලා මුළු රටම කම්පා වුණා. දින 9ක් වයසැති කිරි කැටියෙක් ළිඳට දාන්න තරම් ඒ අම්මාගේ හිත ගල් වුණේ කොහොමද? ඇය නිකම්ම කාන්තාවක් නෙවෙයි, උපාධිධාරී නිලධාරිනියක්.
මේ සිද්ධිය දැකලා සමාජ ජාලා වල හුඟක් අය ඇහුවේ, "ඉගෙන ගත්තට මනුස්සකම නෑ නේද?" කියලා.
ඔබත් මේ වෙලාවේ ඉන්නේ ඒ කෝපය හිතේ තියාගෙන නම්, පොඩ්ඩක් ඉන්න.
මේ කතාවේ අපි නොදකින, නමුත් ඕනෑම මොහොතක ඔබේ නිවසේ බිරිඳට, අක්කාට හෝ නංගීට වුණත් වෙන්න පුළුවන් බිහිසුණු පැත්තක් තියෙනවා.
වෛද්ය විද්යාවේදී අපි මේකට කියන්නේ Postpartum Psychosis (පසු ප්රසව මනෝ විකෘතිය) කියලා.
මේක "හිතේ ප්රශ්නයක්" නෙවෙයි. මේක හරියට මොළය ඇතුළේ වෙන "බෝම්බ පිපිරීමක්" වගේ දෙයක්.
1. ඇයි මෙහෙම වෙන්නේ?
දරුවෙක් ලැබුණාම අම්මා කෙනෙක්ගේ හෝමෝන මට්ටම අහස උසට ඉඳලා එකපාරටම පොළොවට වැටෙනවා වගේ විශාල වෙනසක් සිදු වෙනවා. හිතන්න, ඔබ දවස් ගාණක් නිදි මරමින්, ඇඟේ ලේ කිරි කරමින් ඉන්න අතරේ ඔබේ මොළයේ රසායනික ක්රියාවලිය එකපාරටම අනිත් පැත්ත ගැහුවොත්?
සමහර අම්මලාට මෙය දරාගන්න බැරි වෙනවා. එතකොට ඔවුන්ට යථාර්ථය පෙනෙන්නේ නැතිව යනවා. ඒ කියන්නේ එයාගේ ඔලුව නිකං පැටලුනු නූල් බෝලයක් වගේ. තනියම කලබලෙන් ලිහන්න මහන්සි වෙන්න වෙන්න තවත් ගැටගැහෙනවා.
2. එයා දකින්නේ අපි දකින දේ නෙවෙයි!
මේ රෝගය හැදුණු අම්මා කෙනෙක් දරුවා දිහා බලන්නේ ආදරෙන්. හැබැයි එයාගේ ඇස් වලට පේන්නේ වෙනම රූප.
👉 සමහර අම්මලාට පේනවා දරුවා මරන්න යක්ෂයෙක් එනවා වගේ.
👉 තවත් සමහර අම්මලාට කටහඬවල් ඇහෙනවා "දරුවා බේරගන්න නම් දරුවා ස්වර්ගයට යවන්න" කියලා.
ඉතින් ඒ අම්මා හිතන්නේ තමන් කරන්නේ එයාට දරුවා වෙනුවෙන් කරන්න පුලුවන් හොඳම දේ. ඇය දරුවා ළිඳට දාන්නේ දරුවා මරන්න නෙවෙයි, ඇයට පෙනෙන බිහිසුණු ලෝකයෙන් දරුවා "බේරාගන්න".
(මේක සාමාන්ය කෙනෙක්ට හිතාගන්න බැරි වුණාට, රෝගියාට දැනෙන්නේ ඒකයි).
3. මේ ලක්ෂණ 3 ගැන ඔබ ඇයගේ සැමියා, අම්මා හෝ කවුරුන් හෝ නම් අනිවාර්යයෙන් දැනගන්න.
🔴 ඔබේ බිරිඳ හෝ පවුලේ කාන්තාවක් දරුවා ලැබුණට පස්සේ මේ දේවල් කරනවාද?
අමුතු කතා කියනවාද? ("මට දරුවා ගැන බයක් දැනෙනවා", "කවුද දරුවා දිහා බලාගෙන ඉන්නවා" වගේ දේවල්)
නිදාගන්නෙම නැද්ද? (දරුවා නිදාගෙන හිටියත්, අම්මා ඇහැරිලා බලාගෙන ඉන්නවා නම්)
ගොඩක් කතා කරනවාද? නැත්නම් ගොලු වෙලා වගේ,කියාගන්න දෙයක් තේරෙන්නේ නැතුව ඉන්නවාද?
මේ ලක්ෂණ පේනවා නම්, "විකාර කියවන්න එපා" කියලා බැනලා නිදාගන්න එපා. ඒ ජීවිතය සහ මරණය අතර සටනක් වෙන්න පුළුවන්.
4. ඔයා කරන්න ඕනේ මොකක්ද?
මේක ගෙදර තියාගෙන සනීප කරන්න පුළුවන් රෝගයක් නෙවෙයි. මේක Medical Emergency එකක්. වහාම රෝහල් ගත කරන්න ඕනේ. දින කිහිපයක් බෙහෙත් ගත්තම ඇය ආයේ සාමාන්ය ආදරණීය අම්මා කෙනෙක් වෙනවා.
දරුවා ලැබුණාම හැමෝම බලන්නේ දරුවාගේ ලස්සන විතරයි. ඒත් ඒ දරුවාට ලේ කිරි කරලා දෙන අම්මාගේ මනස දිහා බලන්න කවුරුත් නෑ. අලුත පැටියෙක් ගෙදර අරං එන අම්මා කෙනෙක්ට උදව් ඕනිම කාලේ උදව් කරන්න කෙනෙක් ළඟ ඉන්නම ඕනි. ❤️
කරුණාකරලා අලුත් අම්මා කෙනෙක්ව තනි කරන්න එපා. ඇය ඉන්නේ ප්රශ්න ගොඩක් උඩ. ඇයට ඔබේ ආදරය සහ රැකවරණය ඕනේම වෙලාව මේකයි.
සමහරවිට ඔයාට ඒ ආදරය රැකවරණය නැතුවත් ඔබ අද සාර්ථක ගැහැණියක් ලෙස ජීවත් වෙනවා ඇති.එහෙනම් ඔයා හරි ශක්තිමත් ගැහැණියක්.❤️
හැමෝගෙම හිත එක වගේ හයිය නෑ. ඒ නිසා උදව් ඕනි කෙනෙක්ට තවත් මනස කඩා වැටෙන්න නොදී උදව් කරන්න පුලුවන් නම් ඒක මිල කරන්න බැරි තරම් වටිනා දෙයක් වෙයි එයාට❤️
සමහරවිට මං මේ කියන්නේ ඔයා ගැන වෙන්න පුලුවන්. මේ වගේ අත්දැකීම් ඔයාටත් තියෙනවනම් ඔයාගේ අත්දැකීම් සහ අදහස් පහලින් comment කරගෙන යන්න. මේ පණිවිඩය හැකිතාක් Share කර තවත් කෙනෙක්ගේ ජීවිතයක් වගේම පවුලක් බේරාගන්න ඔයත් අපිට උදව්කරන්න
Cop ✍
