https://www.facebook.com/1511203652531267/

Greenlife Dental Surgery KKS Road, Maruthanarmadam junction. Jaffna., K. K. S Road, Maruthanarmadam Junction. [Opposite to Aanchaneyar Kovil], Jaffna (2026)

26/01/2025

I've just reached 600 followers! Thank you for continuing support. I could never have made it without each and every one of you. 🙏🤗🎉

31/03/2021

15/12/2017

கர்ப்பகாலத்தில் வாய் ஆரோக்கியம்

கர்ப்பகாலத்தில் சிறந்த வாய் ஆரோக்கியத்தை பேணுவது ஏன் முக்கியமானது?

கர்ப்ப காலத்தில் பல் நோய்களினால் உருவாகும் சிக்கல்களை குறைக்க
சிறுவரிடையே பற்சூத்தை அபாயத்தை குறைக்க (தீய பக்றீரியாக்கள் தாயிடம் இருந்து பிறந்த சிசுவிற்குதொற்றும் அபாயத்தை குறைப்பதற்கு)
பற்சூத்தையுள்ள தாய்மாருக்கு பிறப்பு நிறை குறைந்த பிள்ளைகள் பிறப்பது ஆய்வு மூலம் நிரூபிக்கப்பட்டுள்ளது.
கர்ப்பிணிகள் வாய் நோய்களுக்கு அதிக வாய்ப்புள்ளவர்களாக இருப்பது ஏன்?

உடலில் ஓமோன்களில் ஏற்படும் மாற்றம் காரணமாக முரசு நோயினால் பாதிக்கபடபட வாய்ப்புண்டு. (குருதி வெளியேறுகின்ற வீங்கிய முரசு)
கர்ப்பகாலத்தில் அடிக்கடி சத்தி எடுப்பதால் இரைப்பையிலுள்ள அமிலம் சத்தியுடன் வெளியேறி பற்களை அடிக்கடி தாக்குவதாலும் கர்ப்ப காலத்தில் உணவு விருப்புக்கள் மாறுவதன் காரணமாக இனிப்பு, புளிப்பு உணவுகளை அதிகம் எடுப்பதாலும் பல் மிளிரி அரிப்புக்குள்ளாகும்.(வாயினுள் அமிலச் சூழல் ஏற்படுத்துவதன் மூலம்)
அடிக்கடி உண்பதாலும் ஓங்காளம் அல்லது சத்தியால் பல்துலக்குவதில் ஏற்படும் சிரமத்தாலும் பற் சுகாதாரம் பாதிக்கப்பட்டு பற்களுக்கிடையே உணவு தேக்கம் அடை
வதாலும் பல் நோய்கள் துரிதமாக உருவாகும்.
பற்கள் பாதிக்கப்படும் அபாயத்தை எவ்வாறு குறைத்துக்கொள்வது?

நிறையுணவை உண்ணுங்கள். அமில இனிப்பு உணவுகளை உண்பதைக்கட்டுப்படுத்துங்கள்.
முடியுமான வேளைகளில் உணவை உண்ட பின் சிறிதளவாவது நீரை அருந்துவதுடன் சத்தியின் பின் வாயைக் கழுவுங்கள்.
தினமும் இரு தடவைகளாவது (காலை, இரவு நித்திரைக்கு முன்) புளோரைட் உள்ள பற்பசையால் பற்தூரிகை கொண்டு முறையாக பல் துலக்குங்கள்.
பல் மருத்துவரிடம் கட்டாயம் பரிசோதனை செய்து அவர் விதந்துரைத்த சிகிச்சை முறைகளையும் ஆலோசனைகளையும் கடைப்பிடியுங்கள்.
பற்சூத்தை உள்ள கர்ப்பவதிக்கு பற்சிதைவு அபாயமும் பிறப்பு நிறை குறைந்த குழந்தை பிறப்பதற்கான அபாயமும் அதிகம். பற்சூத்தையிருப்பதால் அப்பல்லைப் பிடுங்க வேண்டும் என பல்வைத்தியர் சிபாரிசு செய்தால் அவற்றை பிடுங்கிக் கொள்ள வேண்டும். பலரும் நம்புவது போல கர்ப்பகாலத்தில் சூத்தைப்பற்களைப் பிடுங்குவதால் எந்த ஆபத்தும் ஏற்படாது. சூத்தைப் பல்லை பிடுங்காது வைத்திருப்பதே ஆபத்தானது.
குழந்தையின் பற்கள், வாயின் சுகாதாரம்

பல் முளைத்தல்

முதற் பாற்பல் 6 – 12 மாதத்தில் (வழமையாக 9 மாதமளவில் முளைக்கும். 30
மாத அளவில் (இரண்டரை வயதில்) அனைத்துப் பாற்பற்களும் (இருபது – 20)
முழுமையாக முளைத்து விடும்.
12 மாத வயதின் பின்னரும் பற்கள் தோன்றாவிட்டால் பல் சம்பந்தமான வைத்திய ஆலோசனைகளைப் பல் வைத்தியரிடமிருந்து பெறுவது அவசியம்.
பற்கள் முளைக்கும் காலத்தில் குழந்தைக்கு மெல்லிய காய்ச்சல் வரக்கூடும்.இக் காய்ச்சல் நீண்ட நாட்களுக்கு தொடர்ந்திருந்தால் மருத்துவ ஆலோசனையைப் பெற்றுக்கொள்ளுங்கள்.
இக்காலத்தில் குழந்தை கையில் கிடைக்கும் பொருட்கள் எதையும் வாயினுள் வைக்கும்.இவற்றிலிருந்து நோய்க்கிருமிகள் பிள்ளைக்குத் தொற்றி நோய்கள் ஏற்படலாம். ஆகவே பிள்ளை வாயில் வைக்கக்கூடிய பொருட்கள் அனைத்தும் பாதுகாப்பானதாகவும் சுத்தமானதாகவும் இருப்பதை உறுதி செய்யுங்கள்.
பல் முளைக்கும் போது பற்களுக்கிடையே இடைவெளிகள் இருப்பது சாதாரணமானது. இவ் இடைவெளிகள் எல்லாப் பற்களிற்கிடையிலும் இருப்பது சாதாரணமானது. இந்த இடைவெளிகள் எல்லாப் பற்களும் முளைத்த பின் குறைவடையும்.
குழந்தையால் பற்களில்லாமல் கூட அரைத் திண்ம ஆகாரங்களை உண்ண முடியும். எனவே மேலதிக உணவூட்டலில் வழங்கப்பட்ட ஆலோசனைகளைப் பற்களில்லை என்ற காரணத்துக்காக மாற்ற வேண்டாம்.
அரிதாக சில குழந்தைகளுக்கு பிறக்கும் போதே பற்கள் இருக்கக்கூடும். இந்தப் பற்கள் ஆடுமாயின் கழன்று விழுந்து சுவாசப்பாதையை அடைக்கக்கூடும். வைத்திய சாலையில் பிள்ளை பிறந்தவுடன் பரிசோதிக்கும் வைத்தியர் இவற்றை அவதானித்தால் அதற்குரிய நடவடிக்கையை எடுப்பார். இவ்வகைப் பற்கள் இருந்து அவ் வைத்தியர் கவனிக்கத் தவறிவிட்டால் உடனே வைத்தியரிடம் ஆலோசனை பெறுங்கள்.
குழந்தையின் வாய்ச் சுகாதாரத்தை பேணுவதில் விடப்படும் தவறுகள்

பற் சூத்தையே குழந்தைகளிடையே பொதுவாகக் காணப்படுகின்ற வாய் சம்பந்தமான நோயாகும். இது முறையான வாய்ச்சுகாதாரத்தைப் பேணாமையினாலேயே பெரும்பாலும் உருவாகிறது. இதை பிரதானமாக உணவுகளிலுள்ள சீனி ஊக்குவிக்கிறது.
பலரும் சிறு குழந்தைகளுக்கு பல்துலக்குவதில்லை. அல்லது புளோரைட் கொண்ட பற்பசையையோ பற்தூரிகை யையோ பாவிப்பதில்லை.
தாயின் பற்சூத்தைக்கு உரிய சிகிச்சை பெறாவிட்டால் அவர் வாயிலுள்ள கிருமி பிள்ளைக்குத் தொற்றிவிடும்.
நமது பற்களின் மிளிரியில் ஏற்படும் ஆரம்பப் பாதிப்புகள் கண்ணுக்குத் தெரியாதவை. ஒரு பல் வைத்தியராலேயே கண்டு பிடிக்க முடியும். பற் சூத்தையானது ஆரம்பத்திலே எந்தவித அசௌகரியங்களையும் தராது.
எமது கண்ணுக்குப் பற்சூத்தை தெரிகின்றது அல்லது பல் வலி ஏற்படுகின்றது என்றால் பற்சூத்தை மிளிரியைத் தாண்டிச் சென்று விட்டது என்பதே அர்த்தமாகும். அதன்
பின் பற்கள் முழுவதுமாகப் பழுதாவதைத் தடுப்பது மிகக் கடினமாகும்
புளோரைட்டானது பற்களை வலிமையாக்குவதுடன் பற்சூத்தையையும் தடுக்கும். பரிந்துரைக்கப்பட்ட புளோரைட் பற்பசைப் பாவனையானது பல் மிளிரிக்கு நேரடியாக அதாவது மேற்பரப்பிற்கு சரியான அளவிலான புளோரைட்டை வழங்கும்.
எனவே குழந்தைக்கு சிறந்த வாய்ச் சுகாதாரத்தைப் பேண பின்வரும் 3 அடிப்படை பழக்கங்களைப் பின்பற்றுங்கள்.

சிறுவயது முதல் ஆரோக்கியமான உணவுகளை அறிமுகப்படுத்துங்கள்.
பழங்கள்,மரக்கறிகள்,தானியங்கள் என்பவற்றை உணவில் முடியுமான வரை சேருங்கள்.
இனிப்பு, இனிப்பான உணவுகள், பணிஸ், பிஸ்கட் போன்ற ஒட்டுத்தன்மையான மாப்பொருள் நிறைந்த உணவுகளைக் கட்டுப்படுத்துங்கள்.
குழந்தையின் உணவிற்கும் பானங்களிற்கும் சீனி சேர்க்காதீர்கள்.
உணவு உண்ட பின்னர் எப்போதும் சிறிதளவு நீரைப் பருகக் கொடுத்தால் வாயினுள் உணவின் மீதிகள் அவற்றின் அமிலத்தன்மை மீதமிருக்காது.
முறையாகப் பல்துலக்குங்கள்
குழந்தையின் பற்களை ஒழுங்காக நீங்களே சோதியுங்கள்.
எதை அவதானிக்க வேண்டும்?
அனைத்துப் பற்களையும் முரசுகளையும் பரிசோதனை செய்ய வேண்டும்.
எவ்வளவு கால இடைவெளியில் அவதானிக்க வேண்டும்?
பல் துலக்கும் போது கிழமைக்கு ஒரு தடவை
ஏதாவது மாற்றத்தினை கண்டால் செய்ய வேண்டியது?
புளோரைட் உள்ள பற்பசையைப் பாவித்து தொடர்ந்து முறையாகப் பல்துலக்குவதால் நோயானது கட்டுப்படுத்தப்படும்.
அத்துடன் பற்சுகாதார ஆலோசனையையும் சிகிச்சையையும் பெறுங்கள்.
குழந்தைக்குப் பல் துலக்குதல்

எப்போது எதைக்கொண்டு தொடங்க
வேண்டும்?
முதலாவது பல் முளைத்தவுடனேயே தூரிகை கொண்டு பல்துலக்கத் தொடங்க வேண்டும். ஆனால் முரசுகளையும் நாக்கையும் அதற்கு முன்பிருந்தே சுத்தமான ஈரத்துணித்துண்டை பயன்படுத்தி துடைத்து வர வேண்டும்.
நாலுக்கும் அதிகமான பற்கள் காணப்படின் குழந்தைகளிற்கான பற்தூரிகையைப் பயன்படுத்துவது கட்டாயமானதாகும்.
குழந்தை ஒரு வயதை அடைந்தவுடன் புளோரைட்டுள்ள பற்பசையைப் பயன்படுத்துவது கட்டாயமாகும்.
பற்தூரிகையில் பற்பசை எடுக்கும் முறை
பல் துலக்க ஆரம்பிக்கும் போது :-

பற்பசை கொண்ட ரியூப்பை திறந்து நிமிர்த்திப் பிடிக்கவும். இப்போது பற்தூரிகையினால் திறந்த நிலையில் உள்ள ரியூப்பின் மேற் பகுதியை தொடவும்.தொடும் போது பற்தூரிகையில் படும் பற்பசையின் அளவு போதுமான தாகும்.

3 வயதளவில் :-
பற்பசை கொண்ட ரியூப்பின் பின்பக்கத் தில் அழுத்தும் போது பற்பசை வெளிவரும். மீண்டும் பற்பசை கொண்ட ரியூப்பில் இருந்து கையினை எடுத்து அழுத்தத்தினைக்குறைக்கும் போது வெளிவந்த பற்பசையில் ஒரு பகுதி ரியூப்பினுள் செல்ல மிகுதியாக வெளியே உள்ள அளவு போதுமானதாகும்.

வளர்ந்தவர்களுக்கு :-
பற்பசை கொண்ட ரியூப்பை அழுத்தும் போது வெளிவரும் கச்சான் கொட்டையளவு பற்பசை போதுமானதாகும்.

எவ்வாறு பல் துலக்குவது?
குழந்தை மகிழ்ச்சியாக இருக்கும் போது (குளிக்கும் நேரம் விரும்பத்தக்கது) பல் துலக்குவதை ஒரு விளையாட்டாக அறிமுகப்படுத்துங்கள். குழந்தை வளரும் போது காலையிலும் இரவில் நித்திரைக்கு முன் பாகவும் தினமும் இரு தடவைகள் பல்துலக்குவது கட்டாயமாகும்.ஒவ்வொரு பல்லினதும் அனைத்து மேற்பரப்புகளையும் தொடும் வண்ணம் ஒழுங்காக பல்துலக்கவும். குழந்தைக்கு தானாகவே பல்துலக்க முடியுமாயிருந்தாலும் 8 வயது வரை பெற்றோர் கண்காணிப்பது மிகவும் முக்கியமானதாகும். குடும்ப அங்கத்தவர்களோடு சேர்ந்து பல்துலக்கி வந்தால் குழந்தைதானும் பல் துலக்க ஊக்கம் பெறும்.

பற் தூரிகையினை பல் துலக்கிய பின் வைத்திருக்க வேண்டிய முறை :-
பற்தூரிகையினை சரியான முறையில் வைத்திருப்பது அவசியமாகும். ஒவ்வொரு தரமும் பல்துலக்கி முடிந்த பின்பு நன்றாகக் கழுவி மூடியினால் மூடிய பின்னர் பற்தூரிகை நிமிர்ந்திருக்கக்கூடிய நிலையில் வைத்திருத்தல் வேண்டும். இதனால் அடுத்த தடவை பல்துலக்குவதற்காக பற்தூரிகையினை எடுக்கும் போது பற்தூரிகையை பாவிக்க முன் கழுவத் தேவையில்லை. இதனால் பற்பசையானது அதிகளவு நுரைக்காது. பற்பசை நுரைக்காத போது பற்பசை வீணாக்கப்படாது பல்லின் அனைத்து மேற்பரப்புகளுடனும் தொடுகையுறும்.

பல் துலக்குதலை ஆரம்பிக்க வேண்டிய சரியான பருவம்
முதலாவது பாற்பல் அரும்பிய காலம் முதல் பல் துலக்க

பற் தூரிகை (Tooth Brush)
புளோரைட்டு அடங்கிய பற்பசை (Tooth Paste) என்பன அவசியம் உரிய காலத்தில் பல் துலக்குவதை ஆரம்பிப்பதன் மூலம் பற்சூத்தை ஏற்படுவதைத்தடுப்போம்.
நன்றி
சுகாதார திணைக்களம்
யாழ்ப்பாணம்.

Address

K. K. S Road, Maruthanarmadam Junction. [Opposite To Aanchaneyar Kovil]
Jaffna

Telephone

+94775443779

Website

facebook.com

Alerts

Be the first to know and let us send you an email when Greenlife Dental Surgery KKS Road, Maruthanarmadam junction. Jaffna. posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Greenlife Dental Surgery KKS Road, Maruthanarmadam junction. Jaffna.:

Greenlife Dental Surgery KKS Road, Maruthanarmadam junction. Jaffna.