Siddhi Ayurveda-Kalutara

19/09/2025

දහඩිය දුර්ගන්ධය නැති කර ඇඟ සුවඳවත් කරන බෙහෙතක්.

ස්නාන රාජ චූර්ණය:-
සුදු හඳුන්,කහ,ඉරමුසු,කුරුඳු පොතු,කොල්ලන් කොළ,එනසාල්,සැවැන්දරා මුල්,කලාදුරු අල, වෙට්ටිවේර්(දෙමළ බෙහෙත් කඩයකින් ලබාගත හැකිය)නාමල් රේණු,රුක්මල්,පැණි දොඩම් ලෙලි එම පත්,දෙහි ලෙලි එම පත්, අගිල්,හිඟුරු පියලි,කස්තුරි මංජල්,මදුරුතලා පත්,කළඳ බැගින් ගෙන සියල්ල චූර්ණ කර එම බරට කොකුම් පොතු චූර්ණ කර කලවම් කර සබන් ගා ස්නානයෙන් පසු මේ සියල්ල ඇල්දියෙන් අඹරා ගා විනාඩි 5ක් පමණ තබා පසුව නෑමෙන් සෝදා හරින්න.අනතුරුව ඇඟ වියළුණු පසු එම චූර්ණය ගිනි අඟුරට දමා ශරීරයට දුම් අල්ලන්න.මෙසේ පළමුව සුමාන දෙකක් කර පසුව සුමානෙකට දෙවරක් කිරීම යෝග්‍යයි.
Ayu dr janaka samaraweera Tp no034 2221689

16/09/2025

කටහඬේ ගොතයට අත්දුටු ප්‍රතිකාරයක්

කෝපි දළු එරඩු තෙලින් අඹරාගෙන ලාටුවක් ආකාරයට සකසා ගන්න
කනට වඩා අඟල් දෙකක් පමණ ලොකු පිරිසිදු රෙදි කැබැල්ලක් ගෙන කන් පෙත්ත ඇතුල් කරන්න පුළුවන් ප්‍රමාණයට මැදින් කපාගෙන එම සිදුරෙන් කන් පෙත්තට ඇතුල්කර ඉන් අනතුරුව සාදාගත් බෙහෙත් ද්‍රව්‍ය හොඳින් ආලේප කරන්න පැලැස්තරයක් ආකාරයට කන වටා දමන්න. මේ ආකාරයට කන් පෙති දෙකටම එම පැලැස්තරය යොදන්න. (කන වටා තිබෙන කෙස් රොද කපා ඉවත් කර දමනවා නම් වඩාත් ගුණදායකයි.) උදේ වරුවේ පැය පහක් පමණ ගල්වා තබා සෝදා හරින්න. එක දිගට මාසයක් පමණ මෙම ප්‍රතිකාරය කිරීමෙන් කටහඬේ ගොත බව කතා කිරීමේ අපහසු බව කටහඬ පිට නොවීම සුව වෙනවා.
Ayu dr. Janaka samaraweera

13/09/2025

තියඹරා
වැල් සහිත ශාකයක් වන තියඹරා වියලි කලාපයේ දක්නට ලැබේ. මෙය හොද්දක් ව්‍යංජනයක් සලාදයක් වශයෙන් ආහාරයට එක් කර ගන්න පුළුවන්.
රක්ත උෂ්ණ රෝගය නිසා ඇතිවන සංකූලතා සඳහා තියඹලා ආහාරයට ගත හැක. ලේ නහර වල ඇති මේදය තැන්පත් වීම දියකර හරි. ආහාර මාර්ගයේ ඇති සියලු සංකූලතා දුරු කරයි. ආහාරය හොඳින් ජීර්ණය වී මලබද්ධය පහසු කරයි. තුන්දොස් සමනය කිරීමේ ගුණයෙන් යුක්තයි. තෙල් මිරිස් ආහාර ගැනීම නිසා ඇතිවන බඩ පුරවා දැමීම, බඩ දැවිල්ල, හුස්ම ගැනීමේ අපහසුතා තියමරා මාලුව එකතු කර ගැනීමෙන් එම සංකූලතා මඟ හරි.
ලුණු සීනි මිශ්‍ර කරගත් බීමක් විදියට සාදා ගැනී මෙන් අම්ල පිත්ත ප්‍රධානය නිසා බඩේ රැඳිලා බැඳිලා තියෙන සියලු කාරම් ඇතුළු සියලු අපද්‍රව්‍ය හොඳින් ඉවත් වෙනවා. ආම්ලිකතාවය නිසා ඇතිවන බඩේ තුවාල ද සුව වෙනවා.
ඇසේ සුද කපා හරිනවාත් සමගම පෙනීම තීව්‍ර කරනවා. තියඹරා සහමුල තලතලීන් මලවා කන වටා තැවීමෙන් කනේ කලාඳුරු ඉවත් වී යයි.
Ayu dr. Janaka Samaraweera

13/09/2025

පාදවල හිරියට අත්දුටු ප්‍රතිකාරයක්

බොහෝවිට දියවැඩියා රෝග,වාත රක්ත රෝග,නොයෙකුත් ආසාදන තත්ත්ව,පාදවල නහර ගැටගැසීම්,කම්ප වාත,පිළිකා තත්ත්ව, හේතූන් මත පාදවල හිරි ඇතිවිය හැකිය. තවද පාදවල ස්නායු ආශ්‍රිතව ඇතිවන ගැටිති තත්වයක් නිසාද පාද හර්ෂ ඇතිවිය හැකි නමුත් ඉහත තත්ත්වයන් ගැන සලකා බලා ප්‍රතිකාර කළ යුතුය.

පාදවල හිරියට තැවිල්ලක්:-
නික කොළ,ආඩතෝඩ කොළ,ඔළිද කොළ, එරඬු කොළ,බැල තණ,කොට්ට පොල්, සුදු ලූනු සමව සියල්ල කොටා දිය පොල්කිරි ටිකක් දමා කලවම් කර පොට්ටනි බැඳ වණ්ඩුවේ තම්බා නිර්ගුණ්ඩ්‍යාදී තෛලය පාදවල අභ්‍යංග කර දවසට දෙවරක් තවන්න.පාද හර්ෂය නැති වෙයි.
Dr Janaka Samaraweera Tp no034 2221689

07/09/2025

පාදවල හිරිය ( numbness of the feet )
අද සමාජයේ බොහෝ අයට දක්නට ලැබෙන රෝග තත්ත්වයකි යටි පතුලේ හිරිය. මෙය රෝග කීපයක උපද්‍රවයක් ලෙස අද සමාජයේ දක්නට ලැබේ.
පාදවල හිරිය ඇතිවීමට පෙර පාද වල දැවිලි ගතිය බොහෝ අයට ඇති වෙයි. මෙම තත්ත්වයට බොහෝ විට රෝගීන් විවිධ වූ ප්‍රතිකාර පද්ධතීන් කිරීමට පෙළඹවෙයි. කෙසේ වෙතත් පිට හා සෙම් කෝපතාවය අධික වී පාදවල හිරි ගතිය ඇති කරයි. බොහෝ විට ඇතිවන මෙම පාදවල හිරිය පාදවල ඇතිවන බාහිර සම මතුපිට පවතින ස්නායු තන්තුන්ගේ දුර්වලකම නිසා ඇති වූ රෝග තත්ත්වයකි. එහිදී අධික රෝම හර්ෂය සහ ඇතුළතින් ශීතල ගතියෙන් යුක්ත පුපුරු ගසන්නාක් බඳු වේදනාවක් දනවයි. මේ රෝගයේදී ස්පර්ශය පිළිබඳ ඥානය කොටස් තුනකින් විග්‍රහ කිරීමට පුළුවන. එනම්
1. අධික ස්පර්ශ ඥානය ( hyperesthesia)
මෙහිදී ශරීරයේ හෝ එක් කොටසක ස්පර්ශය අධික සංවේදීතාවයක් දනවයි. එය කූඹි දුවන්නාක් බඳුවද, ධර්මයට අත තැබීමේදී පවා අධික වේදනාව, බොහෝ විට රෙද්දක් ගෑවුණු විට පවා වේදනාව තියුණු වෙයි.
2. විෂම වූ ස්පර්ශ ඥානය (parasthesia)
මෙහිදී පාදවල පුපුරු ගසන්නාක් බඳුව රත් වෙන්නාක් මෙන් වේදනාව දනවයි. තවද පතුල් හිරිය, බර ගතිය, දෙපයේ රෝම හර්ෂය ඇතිවීම දැනෙයි.
3. දැනීම නොදැනී යාම (anaesthesia)
මෙහිදී රෝගියාට යටිපතුලේ කිසිම හැඟීමක් දැනීමක් නොදැනෙයි. ස්නායු වල ක්‍රියාකාරිත්වය හීන වීම නිසා මේ තත්ත්වය ඇතිවීය හැකිය.

පාදවල වල හිරි ගතිය ඇතිවන වෙනත් රෝග මොනවාද?
දියවැඩියා රෝගය කල්ගතවීමෙන් පාදවල පවතින සංවේදී ස්නායු දුර්වලතාවයට පත්වෙයි.
එහිදී පාදවල හිරිය හෝ දැනීම නොදැනියාම හෝ නින්දට යන විට රෙදි පෙරවීමේදී පාදවල ගෑවුණු විට පවා වේදනාව දැනීම වැනි විවිධ වූ සංකූලතා මතුවිය හැකිය.
නහර ගැට ගැසීමේ රෝගය නිසාද පාදවල ක්‍රියාකාරිත්වයට අවශ්‍ය වන පරිදි මනා රුධිර ධාවනයක් මස් පිඩු වලට නොලැබීමේදී පාදවල හිරිය සමඟ විවිධ වූ වේදනාවන් මතුවිය හැකිය. තවද රක්ත හීනතා රෝගය නිසාද මෙවැනි වූ ලක්ෂණ මතු විය හැකිය. කොඳු ඇට පෙළේ පවතින විවිධ වූ රෝග නිසාද පාදවල හිරිය ඇතුළු විවිධ වූ සංකූලතා මතුවිය හැකිය. ස්නායු පද්ධතියට බලපාන වෙනත් බොහෝ රෝග නිසාද පාදවල සංකූලතාවයන් ඇතිවන බැවින් වෛද්‍යවරයෙක් වෙත ගොස් රෝග තත්ත්වය නිරාකරණය කර ප්‍රතිකාර ගැනීම නුවණට හුරුය.
Dr. Janaka samaraweera

11/06/2025

Alzheimer's disease(AD) ඇල්සයිමා රෝග තත්ත්වය
මොළයේ ඇතිවන ස්නායු සෛල දුර්වලවීම හේතුකොටගෙන ඇතිවන රෝගී තත්ත්වයකි. සියයට හැට හැත්තෑවක් පමණ රෝගීන් සංඛ්‍යාවක් මෙයින් ඩිමෙන්ශියා රෝගීන් බවද හඳුනාගෙන ඇත.
මෙවැනි රෝගීන්ගේ ප්‍රධාන රෝග ලක්ෂණය හැටියට දිගුකාලීන මතකය ගිලිහී යන අතර කෙටිකාලීන මතකය පමණක් ඉතිරි වෙයි. ( උදාහරණ:- පොතක් කියවීමේදී එහි අන්තර්ගතය අමතක වීම, එහි පිටු අංකය පමණක් මතකයෙහි රැඳීම ) මතකයට නැගිය යුතු කරුණු අමතක වීම ( උදාහරණ:- වෙලාව, යම් ස්ථානයක සිදුවිය හැකි දෙයක් පිළිබඳව විස්තර කිරීමට නොහැකි වීම.) කතාවේදී ඇතිවන ශාරීරික ඉරියව් වෙනස් නොවීමේ දුර්වලකම්. (උදාහරණ:- සිනහව දුක මුහුණින් දැකිය හැකි නොවීම ) උද්යෝගීමත් බව අඩුවීම. ආත්ම විශ්වාස බව අඩුවීම. හැසිරීම් රටාවේ දුර්වලකම්. ශාරීරික ක්‍රියාකාරීත්වය දුර්වලකම් ඇති විය හැකිය. මුලදී මේ සියලු රෝග ලක්ෂණ දැකිය නොහැකි අතර රෝග තත්ත්වය උස්සන්න වීමේදී රෝග ලක්ෂණ වැඩිවීම රෝගයට හේතුවයි.
මෙයට ආයුර්වේද ප්‍රතිකාර වශයෙන් ස්නායු තර්පනයට හිසට දමන සුදුසු තෙලක් සහ අභ්‍යන්තර ඖෂධ ප්‍රතිකාර ලබාදීමෙන් රෝගය වැඩි දියුණු වීම වළක්වා ගත හැකිය.
Ayu. dr. janaka samaraweera
Tpno. 0775587695

18/05/2025

11/05/2025

පොල්/coconutකුලය:-genus cocos/ජීව විද්‍යාත්මක නම:-coco nuciferaකල්ප වෘක්‍ෂයක් වශයෙන් හදුන්වන පොල් ගස හෙළයන් අතර එකළ සුවිශේෂී කප්රුකක්. මොකද ජීවත් වෙන්න අවශ්‍ය කරණ සියල්ල මෙහි අන්තර්ගත නිසා.පොල් මුලේ සිට අඟ කොළය දක්වාම මානවයාට නැතුවම බැරි දෙයක්.විශේෂයෙන් පොල් මුල් කොටලා ඉස්ම අරගෙන සහිඳලුනු ටිකක් එකතු කර අඩු කෝප්ප 1/2 පමණ කටේ ටික වෙලාවක් තියාගෙන උදේ රාත්‍රියට කට සේදුවිට දත්මුල් දියවීමත්,මුඛදුර්ගන්ධයටත් ඉතා ගුණ ඔෟෂධයක් වෙනවා.සර්ප දෂ්ඨ යකදී පොල් මුල් පච්චාගෙන එම අළු පොල් තෙල් සමග කලවන්කර දෂ්ඨ මුකයේ ගෑමෙන් විස නැසෙනවා.තවද පොල් මුල්,මූණ මල් පොතු,පිල මුල්,සමව ගෙන පුච්චාගත් අළු වලින් දත් මැදීමෙන් දත් සෙලවීම වළකිනවා.පොල් මුල් වගේම පොල් නටු හොඳ දැහැටි කූරක්. පොල් මුල් කැඳ සාදා බීමෙන් ස්නායු පද්ධතියේ රෝග වලට හා සුශුම්නාවේ රෝග වලට ඉතා ගුණ දායකයි.තවද පොල් මුලේ ළපටියට තියෙන අලයවගේ කොටස අළුකරලා අරගෙණ අැට පිළිකා අස්ථි පලාගෙන එන ගෙඩි වලටත් හෙළයන් එකල ඔෟෂධීය පිනිස යොදාගෙන තියෙනවා.පොල් පිති අළු ක්‍ෂාර කර්මයට එනම් තුවාලවල කුන කැපීමටත් අර්ශස් වලටත් භාවිතා කරනවා.සුලඟට වැටෙන පොල් කොළ පොලවේ අැනී තිබෙනවා ඔබ දැක අැත.එම පොල් කොළය කතානොකර උදුරා භූමි දෙවියන්ට වූ වේදනාව සිහිකර පින්දී ගැලවූ දිනය හා වෙලාව කොළයක සඳහන් කර කකුල් පෙරළුණුවිට හෝ සර්ප දෂ්ඨ යකදී ප්‍රතිකාර කරණවිට භූමි දෙවියන්ට කල උපකාරය සිහිකර රෝගියාට ප්‍රතිකාර කරනන්න.එවිට ඉක්මනින් රෝගය සුවවෙන බව පැරන්ගේ මතයයි.**ඉතිරි ගුණ පසුව දන්වමි.***Ay dr.Janaka S Samaraweera.

19/04/2025

දත් කැක්කුමට පණුගෙඩි සුවයට බෙහෙතක්

පෙරුම්කායම් කුඩු ටිකක් කඩදාසියක ඔතලා උණුඅළු පල්ලේ තම්බලා විනාඩි 5ක් පමණ තැම්බෙන්න තියලා කඩදාසි කැබැල්ල ඉවත් කරගන්න, පෙරුම්කායම් කුඩු ටික ළිපේ අළු ස්වල්පයක් සමග කලවම් කර රෙදිකඩක පොට්ටනි බැඳ විනාඩි විස්සක් පමණ තියන්න. අවශ්‍ය නම් ඒ විදිහට වරු දෙක තුනක් තියන්න.
Auy dr. Janaka Samaraweera
Tp no. 0775587695

05/03/2025

සමේ රෝගවලට බිලින්
බිලින් ගැට ගෙඩි කොටා පොට්ට නියක් ගෙන නෑමට පෙර දඳ, කුෂ්ඨ, කුඩු අළුහම්, උඳුගොව්වන් කෑ තැන්වල, හොඳින් අතුල්ලා විනාඩි තිහක් හතළිහක් තියෙන්න හැර සෝදා දමන්න. දින හතක් හෝ සුව වෙනකල් කරන්න. සබන් ගැල්වීමෙන් වළකින්න. ක්‍රමානුකූලව සුවවෙයි
Ayu dr. Janaka Samaraweera