Dr. Anjali

09/04/2026

අත්හරින්න කලින් මේ ටික කියවන්න...

​කවදාහරි දවසක "තවත් නම් ජීවත් වෙන්න බෑ" කියලා ඔයාට හිතුණොත්, එක මොහොතකට නතර වෙලා හිතන්න. ඔයා මේ නැති කරගන්න හදන්නේ කාගෙවත් වරදකට ඔයාට ලැබුණු දඬුවමක්ද කියලා.

​කවුරුහරි ඔයාගේ හිත රිදෙව්වා වෙන්න පුළුවන්, ඔයාව තනි කළා වෙන්න පුළුවන්, නැත්නම් ඔයාගේ විශ්වාසය පතුලටම බිඳලා දැම්මා වෙන්න පුළුවන්. ඒත් ඒ මිනිස්සු කරපු වැරදි වලට, ඒ මිනිස්සු ඇති කරපු තුවාල වලට, ඔයා ඔයාගේ ජීවිතයෙන් වන්දි ගෙවන්න ඕන නෑ.

​මතක තියාගන්න, සූසයිඩ් (Su***de) කියන්නේ ප්‍රශ්න වලට විසඳුමක් නෙවෙයි, ඒක ඔයාගේ වටිනා ජීවිතය ඔයාට අහිමි කරගැනීමක් විතරයි. ඔයාව රිදවපු මිනිස්සුන්ට ඔයා නැති වුණා කියලා ලොකු වෙනසක් නොවෙයි, ඒත් ඔයාගේ ජීවිතය ඔයාටත්, ඔයාට ආදරේ කරන අතළොස්සක් දෙනාටත් මුළු ලෝකයමයි.

​ඔයාව බිඳපු තැනින්ම ආයෙත් නැගිටින්න. ඔයාට රිදවපු අයට දෙන්න පුළුවන් හොඳම දඬුවම ඔයා ඔයාගේ ජීවිතය සාර්ථකව පවත්වාගෙන යන එකයි. වැටුණු තැනින් හයියෙන් හුස්මක් ගන්න... ඔයා තවමත් හුස්ම ගන්නවා කියන්නේ, ඔයාට අලුත් ආරම්භයක් ගන්න තවමත් අවස්ථාව තියෙනවා කියන එකයි.

​ජීවිතය ලස්සනයි, ඒක තව කෙනෙක් වෙනුවෙන් නිකරුණේ පූජා කරන්න එපා! ❤️

​මතක් කිරීමක්: ඔබේ හිතේ තියෙන බර සැහැල්ලු කරගන්න කවුරුහරි එක්ක කතා කරන්න. ලංකාවේ මෙවැනි වෙලාවක සහයෝගය දෙන්න 'ශ්‍රී ලංකා සුමිත්‍රයෝ' (011 269 6666) වැනි ආයතන ඕනෑම වෙලාවක සූදානමින් ඉන්නවා. ඔබේ ජීවිතය හරිම වටිනවා!

29/03/2026

ඔයාගෙන් පටන් ගන්න

26/03/2026

🛑 මාධ්‍ය සදාචාරය සහ අපේ මානසික සුවය: පුවත් විකාශවල AI 'නාට්‍යය'

අද ලංකාවේ ප්‍රධාන පෙළේ රූපවාහිනී නාලිකා කිහිපයක් පුවත් වාර්තාකරණයේදී AI (Artificial Intelligence) තාක්ෂණය භාවිත කරමින් සිදුකරන "සිද්ධීන් ප්‍රතිනිර්මාණය කිරීම" (Re-creation) ගැන බැලුවාම මනෝවිද්‍යාත්මක සහ සදාචාරාත්මක පැත්තෙන් බරපතළ ගැටලු කිහිපයක් මතු වේ.

​තාක්ෂණය කියන්නේ දියුණුවක් වුවත්, එය භාවිත කරන ආකාරය කොතරම් සදාචාර සම්පන්නද යන්න අනුව සමාජයක මානසික සුවය සහ සත්‍යය විකෘති විය හැකියි.

​📍 වින්දිතයන්ගේ කම්පනය (Trauma) නැවත අවදි කිරීම:

යම් සාහසික අපරාධයක් හෝ අනතුරක් සිදුවූ ආකාරය AI මඟින් වීඩියෝ ලෙස මවා පෙන්වීමෙන් එම වින්දිතයන්ගේ පවුල්වල සාමාජිකයන් නැවත වරක් දැඩි මානසික කම්පනයකට (Retraumatization) පත් වෙනවා. සැබෑ තොරතුරු වාර්තා කරනවා වෙනුවට එය "කුණු රසය" මුසු කළ නාට්‍යයක් බවට පත් කිරීම කිසිසේත්ම සදාචාර සම්පන්න නෑ.

​📍 සත්‍යය සහ ප්‍රබන්ධය අතර වෙනස නැතිකිරීම

ප්‍රේක්ෂකයාට සැබෑ දර්ශන සහ මෘදුකාංග මඟින් නිපදවූ දර්ශන වෙන්කර හඳුනා ගැනීමට අපහසු වීම නිසා ඕනෑම ව්‍යාජ පුවතක් (Fake News) සත්‍යයක් ලෙස සමාජගත වීමේ අවදානම වැඩියි. මෙය සමාජීය වශයෙන් දැඩි නොසන්සුන්තාවක් ඇති කිරීමට හේතුවෙන්න පුලුවන්.

​📍 මාධ්‍ය සදාචාරය පසෙකලා 'Ratings' පසුපස යාම:

ලෝකයේ පිළිගත් කිසිදු මාධ්‍ය ආයතනයක් සංවේදී පුවත් වාර්තාකරණයේදී මෙවැනි විකාරරූපී AI භාවිතයක් සිදු කරන්නේ නැහැ. ප්‍රවෘත්ති යනු තොරතුරු (Information) මිස විනෝදාස්වාදය (Entertainment) නොවේ. "ප්‍රේක්ෂක ආකර්ෂණය" සහ "Ratings" වෙනුවෙන් මානව ගරුත්වය පාවා දීම ඉතාම නින්දිත ක්‍රියාවක්.

​📍 අප කළ යුත්තේ කුමක්ද?

මාධ්‍යයක් ලෙස වෘත්තීය ගරුත්වය රකින ලෙසත්, තාක්ෂණය පාවිච්චි කරමින් මිනිසුන්ගේ වේදනාව විකිණීම වහාම නතර කරන ලෙසත් අප බලකර සිටිය යුතුයි. එවැනි මාධ්‍ය නාලික ප්‍රතික්ෂේප කිරීමට හෝ ඒ පිළිබඳව අවබෝධයෙන් කටයුතු කිරීමට අප දැනුවත් විය යුතුයි. තාක්ෂණය තිබිය යුත්තේ සත්‍යය තහවුරු කිරීමට මිස, සත්‍යය විකෘති කිරීමට නොවේ.

​පුවත් කලාවේ රන් රීතිය විය යුත්තේ "සත්‍යගරුක බව හා විශ්වාස්නීයත්වයයි".

​ඔබේ අදහසත් පහළින් කමෙන්ට් කරන්න. 👇

​

25/03/2026

🌴☀️ රස්නේ වැඩිද?

​ඔව්, මේ දවස්වල ඇඟට වගේම හිතටත් ලොකු පීඩනයක් දැනෙන තරමට උණුසුම වැඩියි. එල්නිනෝ (El Niño) තත්වය එක්ක මේ තත්වය තවත් දැඩි වෙන්න පුළුවන්. ඒත් බය වෙන්න එපා. අපි බුද්ධිමත්ව කටයුතු කළොත් අපේ සෞඛ්‍යය රැකගන්න පුළුවන්.

1. සජලනය (Hydration)

ශරීරයේ දියර මට්ටම රැකගන්න
​පිපාසය එනතුරු නොසිටින්න: දවස පුරා ක්‍රමවත්ව ජලය පානය කරන්න. ඔබේ මුත්‍රා පැහැය ලා කහ හෝ අවර්ණ නම් ඔබ ප්‍රමාණවත් තරම් ජලය පානය කර ඇත.

​දේශීය සිසිල් පාන: තැඹිලි, කුරුම්බා, බෙලි මල්, රණවරා සහ ඉරමුසු වැනි පාන වර්ග ශරීරයේ අභ්‍යන්තර උෂ්ණත්වය ස්වභාවිකවම පාලනය කරයි.

​සීමා කළ යුතු දෑ: කෝපි, තේ සහ අධික සීනි සහිත පැණිබීම මගින් ශරීරය ඉක්මනින් විජලනය වීමට (Dehydration) ඉඩ ඇති බැවින් ඒවා අවම කරන්න.

​👕 2. ඇඳුම් පැළඳුම් සහ බාහිර ආරක්ෂාව

​නිවැරදි රෙදි වර්ග: ලා පැහැති, ලිහිල් සහ කපු (Cotton) රෙද්දෙන් කළ ඇඳුම් තෝරාගන්න. එමගින් වාතය හුවමාරුව පහසු කර දහඩිය ඉක්මනින් වියළීමට උදව් වේ.

​හිරු එළියෙන් බේරෙන්න: පෙ.ව. 11:00 සිට ප.ව. 3:00 දක්වා උපරිම රශ්මිය පවතින බැවින් එම කාලය තුළ එළිමහන් කටයුතු සීමා කරන්න. අත්‍යවශ්‍ය ගමනක් යන්නේ නම් කුඩයක්, තොප්පියක් හෝ අව් කන්නාඩි (Sunglasses) භාවිතා කරන්න.

​🍎 3. ආහාර රටාවේ වෙනසක්

​ජලය බහුල ආහාර: පිපිඤ්ඤා, කොමඩු, පැපොල් සහ එළවළු වර්ග වැඩිපුර ආහාරයට ගන්න.
​තෙල් සහ මස් මාංශ: තෙල් අධික සහ අධික ප්‍රෝටීන් සහිත ආහාර ජීර්ණය වීමේදී ශරීරය තුළ වැඩි තාපයක් නිපදවන බැවින් දහවල් කාලයේදී ඒවා සීමා කිරීම වඩාත් සුදුසුයි.

​🏠 4. නිවසේ සහ සේවා ස්ථානයේ සිසිලස

​ස්වභාවික වාතාශ්‍රය: දහවල් කාලයේ හිරු රශ්මිය එන දිශාවේ ජෙන්නල් තිර රෙදිවලින් ආවරණය කර තබන්න. රාත්‍රී කාලයේ වාතය හොඳින් හුවමාරු වීමට ඉඩ හරින්න.
​Pulse Points Cooling: දැඩි රශ්මියක් දැනෙන විට මැණික් කටුව, බෙල්ලේ පිටුපස සහ කිහිලි ප්‍රදේශය සීතල වතුරෙන් තෙත් කරන්න. එමගින් රුධිරයේ උෂ්ණත්වය ඉක්මනින් පහත හෙළිය හැකියි.

​⚠️ 5. ජීවිත ආරක්ෂාව සඳහා විශේෂ අවධානය

​වාහන තුළ තනි නොකරන්න: සංවෘත වාහනයක් තුළ උෂ්ණත්වය විනාඩි කිහිපයකින් මාරාන්තික මට්ටමට ඉහළ යා හැක. එබැවින් දරුවන් හෝ සුරතල් සතුන් කිසිවිටෙකත් වාහනය තුළ තනි කර නොයන්න.
​සතුන් ගැන සොයා බලන්න: ඔබේ සුරතල් සතුන්ට පිරිසිදු පානීය ජලය සහ සෙවන ඇති ස්ථානයක් නිරන්තරයෙන් ලබා දෙන්න.

​🔴 6. හදිසි අවස්ථාවක් හඳුනාගනිමු (Heat Stroke)

ඔබට අධික හිසරදය, වමනය, දැඩි තෙහෙට්ටුව, සිහිමද ගතිය හෝ සම රතු වී වියළී යාම වැනි ලක්ෂණ පවතී නම් එය 'තාප කම්පනය' විය හැකියි. වහාම සිසිල් සෙවනකට ගොස් වෛද්‍ය උපදෙස් ලබාගන්න.

20/03/2026

🙂

#පිරිසිදුලංකා #සතුටුදවසක් #ලස්සනලංකා #පරිසරයසතුටයි #සතුටින්පිරිසිදුකරමු

16/03/2026

ඔයා දිනපතා දකින මේ "කොටු ජාලය" පිටුපස ඇති කතාව සහ අද ලංකාවේ එහි වටිනාකම! 🤔📱⛽

​අද අපි හැමතැනම දකින, විශේෂයෙන්ම මේ දවස්වල අපේ ඉන්ධන ලබාගැනීමේ ක්‍රියාවලිය පහසු කරලා තියෙන QR Code (Quick Response Code) එක ගැන ඔයා නොදන්න අපූරු කරුණු කිහිපයක් මෙන්න:

​✅ ආරම්භය:
මෙය 1994 වසරේදී ජපානයේ Masahiro Hara නම් ඉංජිනේරුවරයා විසින් නිර්මාණය කළා. ඔහු වැඩ කළේ Denso Wave කියන සමාගමේ.

​✅ ඇයි මේක හැදුවේ?
මුලින්ම මෙය හැදුවේ මෝටර් රථ කොටස් (Auto parts) නිෂ්පාදනයේදී ඒවා ඉතා වේගයෙන් track කරගන්නයි. සාමාන්‍ය Barcode එකකට වඩා වැඩි දත්ත ප්‍රමාණයක් මෙහි ගබඩා කරන්න පුළුවන් වීම විශේෂත්වයක්.

​✅ ලංකාවේ අපිට QR Code එකේ වැදගත්කම මොකක්ද?
අද වන විට ලංකාවේ පවතින ඉන්ධන අර්බුදය එක්ක, විධිමත් ලෙසත් සාධාරණ ලෙසත් ඉන්ධන බෙදාහැරීම සහතික කරන්න මේ QR තාක්ෂණය ලොකු පිටුවහලක් වෙලා තියෙනවා. දිගු පෝලිම් පාලනය කරමින් ඉතා කෙටි වේලාවකින් දත්ත පරීක්ෂා කර ඉන්ධන නිකුත් කිරීමට හැකිවීම මෙහි ඇති "Quick Response" වැදගත්කම පෙන්නුම් කරනවා. 🇱🇰⛽

​✅ ඇයි මේක මෙච්චර ප්‍රසිද්ධ?
QR Code එක අද ලෝකය පුරාම නොමිලේ භාවිතා කරන්න පුළුවන් වෙලා තියෙන්නේ, Denso Wave සමාගම මෙයට පේටන්ට් ගාස්තුවක් (Patent fee) අය නොකරන්න තීරණය කරපු නිසා. ඒ නිසයි අද අපිට Payment වල ඉඳන්, ලංකාවේ Fuel Pass එක දක්වා හැමදේටම මේක නිදහසේ පාවිච්චි කරන්න ලැබිලා තියෙන්නේ. 🌍✨

​තාක්ෂණය කියන්නේ ජීවිතය පහසු කරන කලාවක්.

ඉතින් QR ගැන ඔයාගේ අදහස මොකක්ද කියලා comments කරන්න.

10/03/2026

කියවලා බලන්න.

දික් ඔය රෝහලේ මෝචරියක තිබුන , මියගිය තරුණියකගේ මළ සිරුරක් රෝහල් සේවකයන් තුන්දෙනෙක් දූෂණය කළා
කියලා ඒ තරුණියගේ මව පැමිණිල්ලක් ඉදිරිපත් කරනවා!
රෝහලේ ප්‍රධාන වෛද්‍යවරයාට!
cc ttv දර්ශන බැලුවම එවැනි කිසිදු රාජකාරිමය වශයෙන් මෝචරියේ ඉන්න ඕන නැති සේවකයෝ තුන්දෙනෙක් මෝචරියට අනවශ්‍ය වෙලාවක යනවා එනවා පේනවා!
ඔවුන් මෝචරියේ රැඳිලා හිටිය සමස්ත
කාලය පැය තුනක් !
(සමහර වෙලාවට පිළිකුල් භාවනාව කරා
වෙන්නත් පුළුවන්!)
පිටබැද්දර අම්මා කෙනෙක් සැමියා බීලා ඇවිල්ලා පහර දෙනකොට කැලේ හැංගෙනවා ගෙදර ඇවිල්ලා බැලුවහම ඈය විසින් කුලී වැඩ කරලා මහන්සියෙන් ජීවිත කාලයක් හම්බ කරගත්ත බඩුත් තියෙන ගේ අර "මී හරකා" ගිනි තියලා!
අරණායක හෙදියක් දරුවෙක් එක්ක තනි වෙලා තාවකාලිකව විවාහයෙන් වෙන් වෙලා ඉද්දි විවාහකයෙක්
එක්ක සම්බන්ධයක් පටන් ගන්නවා ..
(ආදරය සෙනෙහස රැකවරණය
ලිංගිකත්වය ඕන ගෑනියෙකුට අවශ්‍යයි)
හැබැයි අර අනියම් පෙම්වතාය කියන" බූරුවා" මොකක් හරි ප්‍රශ්නයකට "කුළුඳුල් පෙම" නැති වුනා වගේ හෙදිය පස්සෙ පන්නලා පිහියෙන් ඇනලා එයාව මරලා දානවා!
ඒකෙදි ලංකාවේ පේජ්කාරයෝ ,ඇය හෙදි නිල ඇඳුමින් ගහකට නැගල තහනම් ගහේ ගෙඩි කන පින්තූරයක් හදලා දාලා තහනම් ගහේ ගෙඩි කෑ හෙදිය ඝාතනය කරයි කියලා පින්තූර හදලා දානවා!
ගහට නැගලා ඒ ගෙඩිම කාලා ඇයව මරපු එකා ගැන කිසිම පින්තූරයක් හදන්නේ නෑ!
එතකොට හෙදිය මේ ගහේ ගෙඩි කාල තියෙන්නෙ තනියම!
බ්‍රිතාන්‍යයේදී පිහියෙන් ඇනලා ඝාතනය කරපු "නිරෝධා නිවුන් හැල්ල" පිළිබඳව එක්සත්. රාජධානියේ ලියුම්කරුවෙක් විසින් ම විශේෂ පුවතක් පල කරනවා .. ඝාතනයෙන් පසුව සමාජ මාධ්‍ය තුළ
ඒ ලිපියට අනුව නිරෝධා නිවුන් හැල්ල විවාහ වෙලත් වසර ගණනාවක් යනතුරු කන්‍යාවියක් !
ඇගේ සැමියාට තිබුණු ලිංගික දුබලතාවයක් නිසා තමයි ඇය ජේම්ස් කියන බ්‍රිතාන්‍ය ජාතිකයා සමඟ තමන්ගේ ප්‍රශ්න කතා කරන්න පෙලඹෙන්නේ
ඒ වගේම ඇගේ සැමියා කිසියම් මානසික පීඩනයකින් පෙළුනු නිසා ඇය ඔහුගෙන් වෙන් වෙලයි ඒ වනතුරු ජීවත් වෙන්නේ..
ඒ තත්ත්වය තුළයි ඇගේ සැමියා රථ ගාලකදි සැලසුම් කරලා
ඇයට පිහියෙන් ඇනලා ඝාතනය කරන්නේ !
හැබැයි ඊට පස්සේ කොල්ලට හුග දෙනෙක් මානසික අව පීඩනය නිසා එහෙම වෙන්න ඇත්තේ කියලා අනුකම්පා කරනවා!
ඒ කියන්නේ පිරිමියකුට "මානසික අවපීඩනය" තියෙනවා නම් "ගෑනි මරන්න පුළුවන්" කියන තැනට කතාව ගේනවා!
කහතුඩුවේ දී ඝාතනයට ලක් වෙච්ච ඇඟලුම් කම්හල් සේවිකාව සම්බන්ධයක් පවත්වන්නේ විවාහකයෙක් එක්ක.. වාර්තා වෙන ආකාරයට ඒ පිළිබඳව ඇය කිසිම දෙයක් දන්නේ නෑ.
ඒ කියන්නේ ඔහු විවාහකයෙක් කියන කාරණය ගැන ඇය දන්නේ නෑ!
ඒ පිළිබඳව දැනගත්තාම ඇය සම්බන්ධය නවත්වන්න ගත්ත තීරණය මේ ඝාතනයට හේතුවක් කියලා සැක කරනවා..
ගලෙන් බිඳුනු වැව, මිනිහෙක් තමන්ගේ ගෙට petrol දා ල ගිනි තියෙනවා. ගිනි තැබීමෙන් ඔහුගේ දියණියන් දෙදෙනාත් බිරිඳත් ඔහුත් එතනම මිය යනවා!
හේතුව බීමත්ව ඇවිල්ල බිරිඳට ලිංගිකව එක් වන ලෙස හිරිහැර කිරීම!
බිරිඳ ඒක ප්‍රතික්ෂේප කිරීම!
දැන් ඒකට අර අසරණ දරු දෙන්න මක් කරන්නද?
ගෑණියෙකුට ගමන්ට ලිංගිකව හැසිරෙන්න මේ වෙලේ බෑ කියන්නවත් බැරි රටක්ද මේක!
මේ හැම කතාවකම තහවුරු කළ නොකළ අපි නොදන්නා කතන්දර බොහොමයක් තියෙන්න පුළුවන්...
හැබැයි මේ හැම කතාවකම යටින් එක සමාන හූයක් ඇදිලා යනවා...
ඒ තමයි "ගැහැනියක් විසින් කරන ලද ඕනෑම වරදකට දඬුවම් දීමේ අයිතිය තමන් සතුව තියෙනවා කියලා හිතන අසංවේදී පිරිමි ටිකක් තවමත් මේ මිහිමත නූගත් ගෝත්‍රිකයෝ සේ වාසය කිරීම!"
ඒක කොතරම් පහත් දෙයක්ද කියනවනම් අර දික් ඔය තරුණිය මිය ගියාට පස්සේ මෝචරියේදිත් පැය තුනක් තිස්සේ අර රෝහල් සේවකයෝ විසින් දුෂණය කරන්න ඇති!
ඒ කිව්වේ උඹල මැරිලත් මරලත් අපි වැඩේ කරනවා කියන එක!
ඒක එහෙම වෙච්ච පළවෙනි අවස්ථාව ඔය දික් ඔයතරුණියගේ සිද්ධිය විතරක් නෙමෙයි!
ගෑනු මෝඩයි!
ගෑනු ආදරේදී සංවේදී !
රැවටෙනවා
ගෑනුන්ගේ වැරදි !
ගෑණු දැනගන්න ඕනේ... කතන්දර ඔක්කොම බයිලා!
කිසිම හේතුවක් මත කිසිම මිනිහෙකුට ගැහැණියක් ඝාතනය කිරීමේ මරා දැමීමේ අයිතියක් නැහැ! කොටින්ම පහරදීමටවත් අයිතියක් නෑ!
මේක මේ ස්ත්‍රීවාදී මගුලක් නෙමෙයි!
ලෝකයේ දියුණු රටවල ගැහැණුන්ට එරෙහිව වචනවලින් කරන වාචික හිංසනය පවා විශාල වරදක්!
මේ ජාතියේ හුගක් සිද්ධිවලදී "වටේ ගියාම ඔහොම තමයි" කියලා කමෙන්ට් කරන මරිමෝල් බූරූ සෙට් එකක් ඉන්නව..
පුළුවන් නම් අන්න උන් ටිකට පිහියෙන් ඇනලා මරලා දැම්මත් පාඩු නෑ!
මොකද ඇත්තටම මේ සටහන ලියවෙන්න හේතුවත් ඒ" මරිමෝල් තක්කඩි බූරුවන්ගේ ප්‍රකාශ" මේ ඝාතන රැල්ලට විශාල වශයෙන් අනුබල දෙමින් පවතින තත්ත්වයක් නිර්මාණය වෙලා තියෙන හින්දා!
මේක ලියන්නේ ගෑනුන්ගේ පැත්තෙන් විතරයි ගෑනු ගැන හිතලා කියනවනම් ඔව් ඉතින් ඒක එහෙම තමයි!
කවුරුහරි කොන්ද පණ තියෙන පිරිමියෙක් ඉන්නවනම් මේවැ පිරිමි පැත්තත් ලියන්න පුළුවන් අපි එපා කියලා නෑ!
හැබැයි මොනම හේතුවක් මතවත් ඔබට ගෑනියෙක් මරන්ඩ අයිතියක් මේ මිහිමත නෑ!
එහෙම
මරන්න මට අයිතියක් තියෙනවා කියලා කොයිම වෙලාවක හරි හිතෙනවා නම්,...
හැබැයි ඊට ඉස්සෙල්ල කණ්ණාඩිය ළඟට ගිහිල්ලා මූණ බලාගන්න!
ගැණියක් හෝ ඕනෑම මනුස්සයෙක්ගේ ජීවිතය පිළිබඳව තීරණය කරන්න ඔයා දෙයියන් වහන්සේ නෙවෙයි!
ඔයා බෝතලයක් එක්ක යාළුවො එක්ක සෙට් වෙලා සතුටක් විඳිනකොට ගෑනියෙක් මෙහෙම පොඩි කරාබුවක් මාලයක් දාලා මේකප් එකක් දාලා සතුටක් විඳිනවා!
යකුනේ!
අපි දෙගොල්ලො දෙවිදිහක්!
උඹල සතුටු වෙන දෙයින් අපිට සතුටු වෙන්න බෑ අපි සතුටු වෙන දෙයින් උඹලට සතුටු වෙන්න බෑ
හැබැයි එහෙමයි කියලා උඹලට අපිව මරන්නත් බෑ!
සරලවම එච්චරයි!
මෙතැනදී ගෑණුන්ගේ ආධිපත්‍යයට යටවෙන කිසි දෙයක් කරගන්න බැරි ගෑනු විසින් ප්‍රශ්න වලට ඇදලා දාපු පිරිමින්ගේ කතා ඇති!
ගෑණු අපායක් කරපු පිරිමින්ගේ ජීවිතත් ඇති!
ඉතින් එව්වා ගැනත් උඹල ලියපල්ලා!
එතකොට අපි එව්වත් බලන්නම්!
හැබැයි අද රෑට මොන මගුලේහරි ගිහිල්ලා, රස්සාව කරලා බීලා, ආතල් අරගෙන, හරි එහෙම නැතුව හරි පවුල වෙනුවෙන් කැපවෙලා හරි ගෙදරට ගියාට පස්සේ බත් එක බෙදලා දෙන ගෑණි මරන්ඩ උඹලට බෑ!
මේක පෙමිනිස්ට් බැරි නම් කොමියුනිස්ට් හරි අල්කෙමිස්ට් හරි ලියමනක් කියලා .. වර්ග කරපල්ලා!
ඒ මොන මගුලෙන් හරි මේ ලියවිල්ල කියන්නෙ, අන්තිමටත්
ගෑණු මරන්න උඹලට මොනම අයිතියක්වත් නෑ කියලා විතරයි!

Copied from Manjula

08/03/2026

"කාන්තාවක් තේ බෑගයක් වැනිය; ඇය කෙතරම් ශක්තිමත්දැයි ඔබට වටහාගත හැකිවන්නේ, ඇයව උණු වතුරට දැමූ විට පමණි." ☕️

— එලිනෝර් රූස්වෙල්ට්

​ලෝකයේ සියලුම ආශ්චර්යයන්ට වඩා උතුම් ආශ්චර්යය වන්නේ මවකගේ හෝ කාන්තාවකගේ ආදරයයි. ඇය ඇතුළතින් සිංහ ධේනුවක මෙන් ශක්තිමත් වන අතර පිටතින් මලක් මෙන් සුකුමාල වන්නීය. 🦁🌷
​"ගැහැනියක් යනු සම්පූර්ණ මණ්ඩලයකි. මැවීමට, පෝෂණය කිරීමට සහ ලෝකය වෙනස් කිරීමට අවශ්‍ය සියලු ශක්තිය ඇය සතුය."

— ඩයෑන් මාරිචයිල්ඩ් 🌍✨

​ඇය දෙස බලන්න, ඇය ලෝකය තමන්ගේ කර මත දරාගෙන සිටින අතර එය පියාපත් මෙන් සැහැල්ලුවට දැනෙන්නට සලස්වයි. අභියෝග හමුවේ නොසැලී, ආදරය අත්නොහැර, ජීවිතය ජයගන්නා ඇය සැබවින්ම අසිරිමත් නිර්මාණයකි. ❤️💪

​ඉතින්, ඇය දෙස බලන්න! ඇයගේ ශක්තියට, ආදරයට සහ කැපකිරීමට උපහාර දක්වන්න. 🥂✨

​

07/03/2026

ඔයාටත් මිග්‍රේන් තියෙනව ද?

01/03/2026

තෙල් නෑ කියලා බයවෙලා අද නිවාඩු දවසෙත් ඔයා බොරුවට පාරේ තෙල් පෝළිමේ ද?

​🧠 ඇයි අපි මෙහෙම හැසිරෙන්නේ? (The Trauma Response)

​2022 වසරේ අප ලැබූ අමිහිරි අත්දැකීම් නිසා ඇති වූ "පශ්චාත් ව්‍යසන පීඩනය" (Post-Traumatic Stress) තවමත් අපේ යටිහිතේ තියෙනවා. පෝලිමක් දැකපු ගමන්, අපිට අවශ්‍ය නැතත් පෝලිමට එකතු වීමට පෙළඹෙන්නේ "අනිත් අයට ලැබිලා මට නැති වෙයිද?" යන බය (FOMO) නිසයි. මොකක් හරි අහිතකර ආරංචියක් පැතිර යනකොට, අපේ මොළය ස්වයංක්‍රීයවම අපව "ආරක්ෂක පියවර" (Survival Mode) වෙත යොමු කරනවා.මේක අනවශ්‍ය බියක් ඒත් මේ "අනවශ්‍ය කලබලය" (Panic Buying) හරහා අපි කරන්නේ නැති ප්‍රශ්නයක් නිර්මාණය කර ගන්න එකයි. මෙය සාමාන්‍ය මනුෂ්‍ය ස්වභාවයක් වුවත්, එය පාලනය කරගැනීම බුද්ධිමත්කමයි.

​📊 සැබෑ තත්ත්වය මොකක්ද?

​මැදපෙරදිග ගැටුම් තිබුණත් ලංකාවට ඉන් ක්ෂණික බලපෑමක් ඇති වීමේ අවදානම ඉතා අඩුයි:

​අද වෙනකොට අපි තෙල් ලබාගන්නේ මැදපෙරදිග වගේ එක කලාපයකින් නෙමෙයි. රුසියාව, ඉන්දියාව සහ සිංගප්පූරුව වැනි රටවල් සමඟ පවතින සෘජු ගනුදෙනු නිසා සැපයුම අඛණ්ඩව පවත්වාගෙන යාමේ හැකියාව පවතිනවා. රුසියාව ඉන්දියාව වගේ රටවල් එක්ක ගණුදෙනු කරන නිසා කොහොමවත් තෙල් හිඟයක් ඇතිවෙන්න තියෙන අවස්ථාව අඩුයි.

​කෘතිම හිඟය: සාමාන්‍යයෙන් සතියකට ප්‍රමාණවත් තෙල් සංචිතයක්, හැමෝම එකවර පිරවීමට උත්සාහ කළහොත් පැය කිහිපයකින් අවසන් වෙනවා. මෙය සැබෑ තෙල් හිඟයක් නොව, කළමනාකරණය කරගත නොහැකි "ඉල්ලුම ඉහළ යෑමක්" පමණයි. මොකද සාමන්‍යයෙන් තෙල් ප්‍රවාහනය කරන්නේ සතියට සැරයක් හෝ දෙසැරයක්. සතියකට හරියන තෙල් රටපුරා සංචිත ගත කරාම නැවත තෙල් ප්‍රවාහනය කරන්නේ අවශ්‍යතාවය කළමණාකරනය කරගෙනයි. ඒත් මේ විදියට අනවශ්‍යය කලබලයකින් තෙල් රැස්කරගැනීමෙන් වෙන්නේ මේ හැමදේම අක්‍රමවත් වෙලා හැමෝම අපහසුතාවයට පත්වෙන එකයි. අපි මේක අවබෝධ කරගන්න ඕනේ.

​📢 ඒ වගේම තමා ල්මාධ්‍ය සහ දේශපාලන බලපෑම

​මේ වෙලාවේ සමහර මාධ්‍ය සහ දේශපාලනික පක්ෂ වාසි තකා මේ තත්ත්වය අවස්ථාවක් කරගෙන කලබලයක් හා විවිධ ගැටලු ඇති කිරීමට කටයුතු කරනවා. ඔවුන් කරන්නේ ඔබේ "බිය" ආයෝජනයක් කරගෙන වාසි ලබා ගැනීමයි. එම නිසා එවැනි අවස්ථාවාදී තැන්වල දී ඔබ අතලොකුවක් නොවීමට තරම් බුද්ධිමත් වෙන්න.

​🤝 අනිතය ගැනත් හිතමු (Social Responsibility)

​ඔයා අනවශ්‍ය ලෙස තෙල් ලබාගැනීමට පෝලිම් ගැසීමෙන් සිදු වන්නේ සැබෑ ලෙසම අවශ්‍යතාවයක් ඇති අයෙකු අතිශය අපහසුතාවයට පත්වීමයි. * හදිසි රෝගියෙකු රැගෙන යන වාහනයකට,

​අත්‍යවශ්‍ය සේවාවක නිරත වන්නෙකුට,
ඔයා මේ කලබලය නිසා අවස්ථාව අහිමි විය හැකියි. "මට තිබුණොත් ඇති" යන සිතුවිල්ලට වඩා "අපි හැමෝම එකට මේකෙන් බේරෙන්න ඕනේ" යන සාමූහික හැඟීම මේ මොහොතේ අත්‍යවශ්‍යයි.

​🧘‍♂️ මානසිකව ශක්තිමත් වී වගකීම් සහගතව කටයුතු කරන්නේ කොහොමද?

​අනවශ්‍ය කලබලයකට (Panic) පත් නොවී බුද්ධිමත්ව කටයුතු කිරීම සඳහා මේ කරුණු අනුගමනය කරන්න:

​තොරතුරු විමසා බලන්න: ඕනෑම පුවතක් දුටු සැනින් කලබල නොවී, එහි විද්‍යාත්මක හා ප්‍රායෝගික පදනම සොයා බලන්න. තොරතුරු විකෘති කරමින් වාසි ලබාගන්නා පිරිස්වලට ඔයාගේ "මානසික සාමය" බිලි දෙන්න එපා.

​තම පාලනයෙන් බැහැර දේ ගැන නොසිතන්න: මැදපෙරදිග ගැටුම් ඔයාගේ පාලනයෙන් බැහැර දෙයකි. ඒත් ඔයාගේ ප්‍රතිචාරය (Response) ඔයාගේ පාලනය යටතේ පවතී. පාලනය කළ හැකි දේ ගැන පමණක් අවධානය යොමු කිරීමෙන් මානසික පීඩනය අවම කරගත හැකියි.

​වගකීම් සහගත වන්න: ඔයා අනවශ්‍ය ලෙස තෙල් ගබඩා කිරීමෙන් කරන්නේ තවත් කෙනෙකුට ඇති අවස්ථාව අහිමි කිරීමයි. රටක් ලෙස අප නැවත ගොඩනැගීමට නම් "මම" යන පුද්ගලවාදී සිතුවිල්ලෙන් මිදී "අපි" යන සාමූහික වගකීමෙන් යුතුව කටයුතු කළ යුතුයි.

​පෙර අත්දැකීම් බුද්ධිමත්ව භාවිත කරන්න: 2022 වසරේ අත්දැකීමෙන් අප ඉගෙන ගත යුත්තේ "කලබල වීමෙන් ප්‍රශ්නය තවත් දරුණු වන බව" මිස, බයෙන් පෝලිම් ගැසිය යුතු බව නෙමෙයි.

​✅ අප කළ යුත්තේ කුමක්ද?

​බුද්ධිමත් මිනිසෙකු යනු තොරතුරු දන්නා අයෙකු පමණක් නොව, එම තොරතුරු හමුවේ නොසැලී බුද්ධිමත්ව සහ වගකීම් සහගතව ප්‍රතිචාර දක්වන අයෙක් වීමයි.

අපි බ්​අනවශ්‍ය බය පසෙක ලා, සන්සුන්ව සහ අන් අය ගැනත් සිතමින් වගකීමෙන් කටයුතු කරමු. 🇱🇰

​

01/03/2026

හැම යුද්ධයකින්ම පීඩාවට පත්වෙන්නේ කිසිම වරදක් නොකරන අහිංසක නිරායුධ මිනිස්සු...🥺

🔴සුන්බුන් අතර වැළලුණු මල් කැකුළු: ඉරාන බාලිකා පාසලකට එල්ල වූ මිසයිල ප්‍රහාරයෙන් දැරියන් 100කට දිවි අහිමි වෙයි"

දකුණුදිග ඉරානයේ මිනාබ් (Minab) නගරයේ පිහිටි බාලිකා පාසලකට එල්ල වූ අතිශය ඛේදනීය මිසයිල ප්‍රහාරයකින් කුඩා පාසල් දැරියන් 100 කට අධික පිරිසකට සිය ජීවිත අහිමි වී තිබේ. දෙමාපියන් විසින් සිය ආදරණීය දරුවන් පාසලට ඇරලවා නිවෙස් බලා යමින් සිටි සෙනසුරාදා උදෑසනක, ඇමරිකානු සහ ඊශ්‍රායල හමුදා විසින් දියත් කළ මෙම ඒකාබද්ධ ප්‍රහාරය හමුවේ මුළු මහත් ඉරානයම දැඩි කම්පනයකට පත්ව ඇත. මේ වන විටත් තවත් දරුවන් විශාල පිරිසක් සුන්බුන් අතර අතුරුදන්ව සිටින අතර, ගින්නෙන් දැවී ගිය පාසල් ගොඩනැගිල්ල සහ දරුවන් සොයා දිව එන දෙමාපියන්ගේ හද කම්පා කරවන විලාපයන් ඇතුළත් දර්ශන සමාජ මාධ්‍ය පුරා සංසරණය වෙමින් පවතී.

මෙම බිහිසුණු ප්‍රහාරය, ඩොනල්ඩ් ට්‍රම්ප් විසින් ඉරානයට එරෙහිව ප්‍රකාශයට පත් කළ "ප්‍රධාන යුධ මෙහෙයුමේ" (major combat operations) ඛේදනීය ප්‍රතිඵලයක් බවට පත්ව ඇති අතර, අදාළ පාසල ඉරාන විප්ලවීය මුරභටයන්ගේ (Revolutionary Guards) කඳවුරකට යාබදව පිහිටා තිබීම මෙතරම් විශාල ඛේදවාචකයකට හේතු වී ඇත. මෙය වත්මන් යුධ ගැටුමේ මෙතෙක් වාර්තා වූ අමිහිරිම සහ කෲරතම සිදුවීම ලෙස ඉරාන සෞඛ්‍ය අමාත්‍යාංශය හඳුන්වා දෙයි. දේශපාලනික ගැටුම් සහ බල අරගල මධ්‍යයේ, කිසිදු වරදක් නොකළ අහිංසක මල් කැකුළු වැනි දරුවන්ගේ ජීවිත මෙලෙස අමානුෂික ලෙස අහිමි වීම සමස්ත ලෝකයේම හදවත් කම්පා කරවන සිදුවීමක් බවට පත්ව තිබේ.