What are the opening hours?

Monday 07:00 - 20:00 Tuesday 07:00 - 20:00 Wednesday 07:00 - 20:00 Thursday 07:00 - 20:00 Friday 07:00 - 20:00 Saturday 07:00 - 20:00 Sunday 16:00 - 20:00

https://www.facebook.com/100173848865081/

Yasiru pharmacy kuruduwatta, No 04, Economic Center, Kurunduwatta Bazaar Nawa Kurunduwatta 20509, Kurunduwatta (2026)

15/11/2025

ඊට පස්සේ අහ ගත්ත සුන්දර වචන ටික ලියාගෙන යන්න.. Presciptin නැතුව අනිත් ඒවා දෙන්නත් බෑ හොදේ.. 😁😁😁

14/11/2025

හරි හරි මම විස්තරේ කියන්නම්..

මේ ඉන්නේ මුඛ පිළිකා රෝගියෙක්.එයාට මුඛ පිළිකාවක් ආවට පස්සේ කරපු ඔපරේෂන් එකකින් පස්සේ ගත්ත ෆොටෝ එකක් තමයි මේ..

හිතන්නකෝ..ඔයාගේ දැන් ඔය ක්‍රීම් ගගා ෆේස් වොෂ් ගගා මේකප් දම දමා තියන ලස්සන මුණට මෙහෙම කරන්න වුනොත් ?
🥴🥴 අවුල් නේද ?

මුඛ පිළිකා | Oral Cancer

ඔය කියන්නේ අපේ කට ආශ්‍රිතව එන පිළිකා ගැන..
දන්නවද ලංකාවේ , පිරිමි අය අතර තියන බහුලතම පිළිකා වර්ගය තමයි මේ මුඛ පිළිකා කියන්නේ.ඒ කියන්නේ ලංකාවේ පිළිකා හැදුන පිරිමි අයට වැඩියෙන්ම තියන පිළිකා වර්ගය තමයි මුඛ පිළිකා කියන්නේ.

හැමෝම දන්නේ පියයුරු පිළිකා , බඩවැලේ පිළිකා , අක්මාවේ පිළිකානේ.මුඛ පිළිකා ගැන කතා වෙන අය වගේම ඒ ගැන දැනුවත් අය සෑහෙන්න අඩුයි.ගොඩක් අය කතා කරනවා අඩු මාතෘකාවක්.

ඉතින් මට හිතුනා මුඛ පිළිකා එක්ක එන රෝග ලක්ෂණ ගැන පොඩි විස්තරයක් ලියලා දාන්න.
කාගෙත් දැනුවත්වීමට

✅ කට ආශ්‍රිතව කාලයක් පවතින තුවාල

සාමාන්‍යයෙන් ඕන කෙනෙක්ට කටේ තුවාල හැදෙන්න පුලුවන්.හැබැයි මේ කියන්නේ ඒ ගැනම නෙවෙයි.අද හැදිලා දවස් දෙක තුනක් තිබිලා අඩුවෙලා යන තුවාල ගැනත් නෙවෙයි.
මේ කියන්නේ ටික කාලයක් පවතින ( සති දෙක තුනකට වඩා ) කටේ එන තුවාල ගැන.
බොහෝ විට මේ තුවාල වලට මුල් අවදියේදි වේදනාවක් කැක්කුමක් එන්නේ නෑ..( සාමාන්‍යයෙන් කටේ එන තුවාල සෑහෙන කැක්කුමක් එනවා )

සති දෙක තුනකට වඩා පවතින | බෙහෙත් කලත් අඩුවක් නොවෙන | බොහෝවිට කැක්කුමක් නැති | රතු පාට තුවාල

✅ කට ආශ්‍රිතව එන රතු හෝ සුදු පැච්

දිවේ , කම්මුල් ඇතුල් පැත්තේ හෝ විදුරුමස් වල එන සුදු පාට හරි රතු පාට හරි පැච් වගේ තියෙනවා නම් ඒකත් මුඛ පිළිකා වල රෝග ලක්ෂණයක් වෙන්න පුලුවන්

විශේෂත්වය වෙන්නේ මේක පැච් එකක් වගේ තිබ්බත් කඩලා හෝ පිහදාලා යවන්න බෑ.
ඒ වගේම ලේසියෙන් හොද වෙන්නෙත් නෑ..

✅ කට ආශ්‍රිතව එන ඉදිමීම් / ගෙඩි

අර වගේම දිවේ , කම්මුල් වල ඇතුල් පැත්තේ , විදුරුමස් වල මෙහෙම එන්න පුලුවන්.
මේක ටිකක් ගොරොසු තැනක් , ඉදිමුන ස්වාභාවයක් තියන හෝ ගෙඩියක් වගේ දෙයක් වෙනවා.
බොහෝවිට වේදනාවක් නෑ මේවගේ.ඒ වගේම බෙහෙත් ගත්තට ලේසියකට සුව වෙන්නෙත් නෑ

මීට අමතරව

✅ ගිලිමේ අපහසුතා
✅ මුඛය විවෘත කිරිමේ හෝ සැපීමේ අපහසුතා
✅ කටහඩේ වෙනස්වීම්
✅ කට ආශ්‍රිතව හිරිවැටීම් / කැක්කුම්

වගේ දේවලුත් මේ එක්ක එන්න පුලුවන්...

කාටද මෙහෙම පිළිකා හැදෙන්න ගොඩක්ම චාන්ස් එක තියෙන්නේ ?

▶️ බුලත් හපේ කටේ තියන් ඉන්න සෙට් එක තමයි එකටම ඉන්නේ.බුලත් , පුවක් එක්ක දුම්කොල කන සෙට් එක..

සාමාන්‍ය බුලත් නොකන කෙනෙක්ට වඩා මුඛ පිලිකා හැදෙන්න හතර ගුණයක අවදානමක් තියෙනවා බුලත් කන කෙනෙක්ට.

ඉතින් ඔයත් නිතර බුලත් හපන කෙනෙක් නම් 🙏🏻 ඩෙන්ටල් එකට ගිහින් චෙක් කරගන්න

▶️ සිගරට් / බීඩි බොන සෙට් එක
▶️ ඇල්කොහොල් ගන්න සෙට් එක
▶️ විශේෂයෙන් මැදිවියේ පිරිමි අය
▶️ මුඛ සෞඛ්‍ය අඩු , හොද නැති අය

මේ විදියට මුඛ පිළිකා හැදෙන්න පුලුවන් අවදානම් කට්ටිය අතරේ ඉන්නවා.
ඒකෙන් කියන්නේ මෙහෙම නැති අනික් අයට මේක හැදෙන්නේ නෑ කියලා නෙවෙයි ඔන්න.කාටත් හැදෙන්න පුලුවන්.

ඉතින් දත් මදින වෙලාවට කට ඇරලා කන්නාඩියකින් පොඩ්ඩක් තමන්ගේ කට ඇතුලේ බලාගන්න.මේ වගේ වෙනසක් දැක්කොත් පොඩ්ඩක් ඩොක්ටර් කෙනෙක් ගාවට ගිහින් පෙන්නාගන්න.
දත් බලන ඩෙන්ටල් ඩොක්ටර් කෙනෙක් ගාවට වුනත් ප්‍රශ්නයක් නෑ..

මේකට අදාලව එන ෆොටෝස් මම මගේ වට්සැප් චැනල් එකේ දානවා.ඒකට ඇවිල්ලා බලන්න..ලින්ක් එක කමන්ට් වල

14/11/2025

පොල් මිරිකනකොට, මිදුල අතුගානකොට එහෙමත් නැත්නම් බයික් එක පදිනකොට අත් හිරිවැටෙනවද? අද ඒ ගැන කතා කරමු.

මේක ගොඩක් අයට තියෙන ලෙඩක්. ඔයා කාන්තාවක් නම් අවදානම ටිකක් වැඩියි. ඔයාටත් මේ ලක්ෂණ තියෙනවා නම්, වෛද්‍ය උපදෙස් ගන්න.
🚨 ප්‍රධාන රෝග ලක්ෂණ
ඔයාටත් මෙහෙමද?
1️⃣හිරිවැටීම/සංවේදන අඩුකම: මහපට, දබර, මැද ඇඟිල්ල සහ මුදු ඇඟිල්ලේ කොටසක (සුළඟිල්ලේ නෑ!).
2️⃣රෑට වැඩිවීම, රෑට හිරිවැටිලා ඇහැරෙනවා.
3️⃣මැණික් කටුව, අත්ල ප්‍රදේශයේ කැක්කුම/පිච්චෙන ස්වභාවය.
4️⃣අතේ ශක්තිය එක අඩුයි. පොඩි දේවල් පවා අල්ලගෙන ඉන්න බැරි වෙනවා.

අපේ මැණික් කටුව කියන්නේ පොඩි උමඟක් (Tunnel) වගේ තැනක්. ඒ උමඟ හැදිලා තියෙන්නේ මැණික් කටුවේ අස්ථි සහ පටියක් වගේ තද පටකයක් එකතු වෙලා.
මේ උමඟ ඇතුළෙන් ඇඟිලි සහ අත චලනය කරන්න වැදගත් වෙන කණ්ඩරා (Tendons) සහ ස්නායුවක් ගමන් කරනවා.
ඒ පොඩි උමඟ ඇතුළේ තියෙන්නේ පොඩි ඉඩක්. මොනව හරි හේතුවක් නිසා ඒ ඉඩ අඩු වෙලා ස්නායුව තද වුණාම තමයි අර හිරිවැටීම, වේදනාව සහ දුර්වලතාව දැනෙන්න පටන් ගන්නේ. ඒකට අපි කියනවා Carpal Tunnel Syndrome කියලා.

ඉතින් මේ උමඟ ඇතුලේ ඉඩ අඩු වෙන්නේ ඇයි?
💥දිගින් දිගටම එකම විදිහට අත පාවිච්චි කිරීම (ටයිප් කිරීම, කම්පන උපකරණ භාවිතය).
💥pregnant කාලෙදි හෝමෝන වෙනස්කම් නිසා ඇතිවන ඉදිමීම.
💥වෙනත් ලෙඩ රෝග (දියවැඩියාව (Diabetes), Arthritis හෝ තයිරොයිඩ් ගැටළු වැනි රෝග
💥මැණික් කටුව ආසන්නයේ අස්ථි බිඳීමක්(Fracture) හෝ අස්ථි පැනීමක් නිසා

🎯 මේ තත්ත්වය අපි හැමෝටම හැදෙන්න පුලුවන්. ඒත් මේ අයට අවදානම වැඩියි.
🔥 ගැහැණු අයට (විශේෂයෙන් වයස 40න් පසුව).
🔥 pregnant කාලෙදි (ශරීරයේ ඉදිමීම නිසා). බබා ලැබුනට පස්සේ හරියනවා.
🔥 දිගින් දිගටම අතේ එකම විදියේ නැවීමක්/වෙවුලීමක් සහිත වැඩ කරන අයට (ටයිප් කරන අය, යන්ත්‍ර පාවිච්චි කරන අය).
🔥 දියවැඩියාව (Diabetes) වගේ වෙනත් ලෙඩ තියෙන අයට.

රෝග ලක්ෂණ තියෙනව නම් වෛද්‍යවරයෙක් (Neurosurgeon/ Surgeon) හමුවන්න. වෛද්‍යවරයා ඔයාව පරීක්ෂා කරලා බලලා, Nerve Conduction Study එකක් කරලා, ඔයාට තියෙන්නේ Carpal Tunnel Syndrome එකම ද කියලා හරියටම කියයි.

මේකට ප්‍රතිකාර කීපයක් තියෙනවා. ඔයාගේ තත්ත්වය අනුව වෛද්‍යවරයා විසින් ප්‍රතිකාරය තීරණය කරයි.

Operation එකේදි කරන්නේ අපි කලින් කතා කරපු උමඟේ පටියක් වගේ තියෙන පටකය කපලා හිර වෙලා තියෙන ස්නායුව නිදහස් කරන එක.

🗣ඔයාට මේ ගැන ප්‍රශ්න තියෙනව නම් "Dr.Gayan" page එකේ post එකට Comment එකක් දාන්න. පුලුවන් විදියට reply කරන්නම්.

📢 සමාජය දැනුවත් කිරීම යුතුකමක් කියලා මම හිතන නිසා කාර්ය බහුල උනත් මේ වගේ දෙයක් ලියන්න වෙලාව වෙන් කරගන්නවා. මට පුලුවන් ලියලා දාන්න විතරයි. මගේ facebook පිටුවේ ඉන්නේ 30k ක විතර followers ගානක්. ඒ අය මේක දකී. මේ ලිපිය තව අයට දකින්න share කරන්න. කාටමහරි වැදගත් වේවි.

වෛද්‍ය ගයාන් සෙනෙවිරත්න

© Dr. Gayan Senevirathne
🗣Please share, not copy-paste, to keep the info accurate and updated.
🗣නිවැරදි තොරතුරු සඳහා Share කරන්න. Copy paste කරන්න එපා.

,

14/11/2025

මේක තවත් එක් අවාසනාවන්ත කතාවක් විතරක් නෙවෙයි. අපි හැමෝටම පාඩමක් ඉගැන්වූ කඳුළු පිරුණු සිදුවීමක්..

එදා ඉරිදා දවසක්. ගෙදර වත්තේ සුද්ධ පවිත්‍ර කරන අතරේ කකුලේ පොඩි කටුවක් ඇනුණා. ලොකු තුවාලයක් නෙවෙයි, නිකම්ම නිකන් පොඩි තුවාලයක් විතරයි. "මේක මොකක්ද, නිකන්ම හොඳ වෙලා යයිනේ" කියලා හිතපු ඔහු, කකුල වතුරෙන් හෝදලා නිකන් හිටියා. බෙහෙත් ටිකක් දාන්නවත්, ප්ලාස්ටරයක් අලවන්නවත් ඔහු උනන්දු වුණේ නෑ. මොකද ඒ වෙලාවේ ඒක ඔහුට 'සුළු දෙයක්'.

පහු වෙනිදා උදේ වෙද්දි තුවාලේ වටේ පොඩ්ඩක් රතු වෙලා තිබුණා. යාන්තම් රිදෙනවා වගේ දැනුනා. ඒත් එදා රාජකාරි වැඩ ගොඩක් තිබුනු නිසා ඔහු වේදනා නාශක පෙත්තක් බීලා වැඩට ගියා. රෑ වෙද්දි ඇඟට පොඩි උණ ගතියක්, සීතලක් දැනුනත්, "මේ දවස් වල පවතින වෛරස් උණක් වෙන්න ඇති" කියලා ඔහු හිත හදාගත්තා.
තුන්වෙනි දවස උදා වුනේ භයානක විදියට. උණ හොඳටම වැඩි වුනා. ඇඳෙන් නැගිටගන්නවත් පණ නෑ. කකුල ඉදිමිලා, අල්ලන්න බැරි තරම් රස්නෙයි. ඒ පුංචි තුවාලයෙන් ඇතුළු වුනු විෂබීජය (Bacteria) දැන් රුධිරය පුරාම පැතිරිලා. ශරීරයේ ප්‍රතිශක්තිකරණ පද්ධතිය පිස්සු වැටිලා වගේ ක්‍රියා කරන්න පටන් අරන්.
පවුලේ අය කලබලෙන් ඔහුව රෝහලට අරන් ගියා. දොස්තර මහත්වරු සහ හෙදියන් ඔහුට ඉක්මණින් ප්‍රතිකාර ආරම්භ කලා.

"Blood Pressure (රුධිර පීඩනය) හොඳටම අඩු වෙලා. Pressure එකක් measure කරගන්න බෑ."එයාගේ අත් පය ඔක්කොම සීතලම සීතල වෙලා. ඇඟ සුදු මැලි වෙලා.
හදිසි ප්‍රතිකාර ඒකකයට ඇතුල් කර විනාඩි කිහිපයක් ගත වන්නට ඇති. ඔහුට සිහි තත්වය ඉතා අඩු වී ගියා.
ඔහුව ඉක්මණින් කෘතීම ශ්වසන ආධාරකයකට සවි කිරීමට සිදුවන නිසා ඔහුව වහාම දැඩිසත්කාර ඒකකය වෙත යොමු කෙරුනේ ඔහුගේ රුධිර පීඩනය වැඩි කරන ඖශධ ලබා දෙන ගමන්මයි.

ඔහු, Sepsis තත්ත්වය දැන් දරුණුම අවස්ථාවට එනම් 'Septic Shock' තත්ත්වයට පත්වෙලා. ඔහුගේම ශරීරය, ඔහුගේම අවයව වලට පහර දෙන්න පටන් අරන්.

දැන් ඔහු ඉන්නේ ICU එකේ. කටට බට දාලා, වටේම මැෂින්. ඒ පුංචි සීරීම පටන් ගත්තු තැන දැන් කළු පාට වෙලා. ශරීරයේ අවයව එකින් එක අක්‍රිය වෙනවා. වකුගඩු වලින් මූත්‍රා පෙරීම නතර වෙලා. ඇඟ ඇතුලේ විශාල සටනක්. අක්මාව අක්‍රීය වෙලා. දොස්තර මහත්වරු හෙද හෙදියන් හැමෝම ජීවිතේ බේරගන්න මාරාන්තික සටනක් දෙනවා. දැඩි සත්කාරයේ ඉස්සරහා ඉදගෙන එයාගේ අම්මා, බිරිඳ, දරුවෝ අඬන සද්දේ ඇහෙනවා ඇතුලටත් ඇහෙනවා.

නමුත්, ඒ වෙනකොටත් පමා වැඩියි...
පැය කිහිපයකට පස්සේ, මැෂින්වල "කීක්... කීක්..." සද්දේ දිගම දිග "කී......" හඬක් බවට පත් වුනා. හදවත නැවතුණා. හදවත නැවත පණගන්වන්න සෑහෙන වෙලාවක් ගත් උත්සහය අවසානයේ ව්‍යවර්ත වී ගියේ ඒ එලියේ තමන්ගේ දරුවා වෙනුවෙන් බලාගෙන හිටපු අම්මගේ, තමගේ ස්වාමියා වෙනුවෙන් බලාගෙන හිටපු බිරිඳගේ, තාත්තා දැන් නැඟිටීවි කියලා බලාපොරොත්තුවෙන් හිටපු දරුවන්ගේ සියලු ප්‍රාර්ථනා සුනු විසුණු කරමිනි.

ඔහුගේ මරණ සහතිකයේ Severe sepsis, Septic shock and Multiorgan failure ලෙස සඳහන් වුනා.

ඒ පුංචි, නොසලකා හැරපු සීරීම අවසානයේ වටිනා ජීවිතයක් අරන් ගියා.

ඔබටත්, මටත් ඕනෑම වෙලාවක මෙහෙම දෙයක් වෙන්න පුළුවන්.

🛑 තුවාලයක් වුනාම: පිරිසිදු වතුරෙන් හෝදන්න. විෂබීජ නාශකයක් ගාලා වහලා තියන්න.
🛑 රතු වෙලා, ඉදිමිලා, සැරව ගලනවා නම්: වහාම වෛද්‍යවරයෙක් හමුවෙන්න.
🛑 තුවාලයක් තිබියදී උණ, හුස්ම ගැනීමේ අපහසුතා, සිහි මද ගතිය එනවා නම්: තත්පරයක්වත් පමා නොවන්න. ඒ Sepsis විය හැකියි.
ජීවිතය කියන්නේ හරිම සියුම් දෙයක්. පුංචිම දෙයක් ගැන වුනත් සැළකිලිමත් වෙන්න.

Sepsis මුල් අවස්තාවේ හඳුනාගැනීම ඉතා අපහසුයි, නමුත් හැකි ඉක්මණින් හඳුනාගතහොත් ප්‍රතිකාර කිරීම ඉතා පහසුයි. නමුත් කල් ගියහොත් හඳුනාගැනීම පහසු වුවත් ජීවිතය බේරාගැනීම ඉතා අපහසුයි. 💁‍♀️

මේ පණිවිඩය තව කෙනෙක්ගේ ජීවිතය බේරගන්න පුළුවන්. Share කරන්න! ❤️‍🩹

අපි කැමති නෑ ඔයාලා කවුරුත් මේ ලෝකෙන් තමන්ගේ ආදරණීය පවුල දාලා යනවට.🤷‍♂️යන්න ඕනි කාලේ ආවම යන්න වෙනවා තමයි. ඒත් නොසැළකිලිමත්කම නිසා ජීවිතයක් අපරාදේ නැති වෙන්න හොඳ නෑ. අපි කැමති නැ තව කෙනෙක්ගේ කඳුලු දිහා බලන්න. ඒ නිසා විය හැකි දේ ගැන දැනුවත් වෙන්න. ❤️

ස්තූතියි.
-හෙදියකගේ දිනපොත-

#හෙදියකගේදිනපොත

10/11/2025

Doctor මගේ ඔලුවේ කැක්කුම දැන් දවස් දෙක තුනක ඉදන්.ප්‍රෙශර් එක බලාගන්න පුලුවන්ද ?
අවුරුදු 50 විතර පැන්න හැමෝම වගේ අපි ගාවට ඇවිල්ලා කියන්නේ මෙහෙම..

ඉතින් ඒ වෙලාවට මම නම් ප්‍රෙශර් බලන ගමන් කියන්නේ හිසේ කැක්කුම හැදෙන්න සෑහෙන හේතු ගානක් තියෙනවා.හිසේ කැක්කුම එන්නේ ප්‍රෙශර් වැඩි වුනාම විතරක් නෙවෙයි කියලා..

ඉතින් ඔන්න තියෙනවා හිසේ කැක්කුම එන්න පුලුවන් හේතු ටිකක්

Migraine | ඉරුවාරදය - ගොඩක් අයට කාලයක් තිස්සේ තියෙන ලෙඩක් මේක.දරාගන්න බැරි තරම් අමාරු හිසේ එක පැත්තක එන කැක්කුමක්.හෝමෝන වල වෙනස් වීම් , ඇල්කොහොල් , ආතතිය , නිදිමැරීම වගේ හේතු නිසා මිග්‍රේන් එන්න පුලුවන්

Sinusitis | සයිනසයිටීස් - මෙතනදි වෙන්නේ අපේ නාසය නළල ආශ්‍රිතව හිස්කබලේ ඇති කෝඨරාභ / sinus වල ඇතිවන ප්‍රදාහ තත්වයක්.බොහෝදුරට මෙය වයිරස් බැක්ටීරියා නිසා එන ආසාදන වලින් තමයි හැදෙන්නේ.හිස බර ගතිය , සෙම ගතිය මේ එක්ක එන්න පුලුවන්

Glucoma | ග්ලුකෝමා - මේක ඇස වල ඇතිවන තත්වයක්.ඇසේ ස්නායු සැපයුම කරන optic nerve කියන ස්නායුවට සිදුවන හානිවීම් නිසා තමයි මේ තත්වය ඇතිවෙන්නේ.එකවර සිදුවන ඇසේ පෙනීමේ අඩුවීමක් එක්ක හිසේ කැක්කුම මෙහිදි එන්න පුලුවන්.ඇසේ ප්‍රෙශර් වැඩිවෙනවා කියන්නෙත් මේකට තමයි.

Stroke | ආඝාතය - තේරෙන විදියට කියනවා නම් අංශභාගය.ශරීරයේ පැත්තක් පණ නැතිවීම,කට පැත්තකට යාම , කතා කරන විට වචන පැටලීම වගේ ලක්ෂණ එක්ක හිසේ කැක්කුම එනවා නම් හේතුව මේක වෙන්න පුලුවන්.මෙතනදි වෙන්නේ මොළයට රුධිරය සපයන රුධිර වාහිනි වල රුධිර කැටියක් සිරවීම හෝ රුධිරවාහිනීයක් පුපුරා යාම

Hypertension | අධි රුධිර පීඩනය - මෙතනදි වෙන්නේ නම් අධි රුධිර පීඩනය නිසා මොළයට හානි වීමෙන් ඇතිවන හිසේ කැක්කුම.ඒ එක්ක ඇස් පෙනීමේ අඩුවීම් සිහිමද ගතිය පපුවේ කැක්කුම වගේ රෝග ලක්ෂණත් එන්න පුලුවන්.
ගර්භනී කාලයේදි සෑදෙන අධි රුධිර පීඩනය නිසා ඇතිවන pre eclampsia කියන තත්වයේදිත් හිසේ කැක්කුම එන්න පුලුවන්

Cervical spondylosis - අපේ බෙල්ල ආශ්‍රිතව තියන කශේරුකාවල ව්‍යුහය හරි ඒ අතර තියන අන්තර් කශේරුක මඩල වල හරි ඇතිවන වෙනස්කම් නිසා තමයි මේ තත්වය ඇතිවෙන්නේ.හිසේ පිටුපස එන කැක්කුම සමග බෙල්ලේත් වේදනාවක් මේ සමග එන්න පුලුවන්

Trigeminal neuralgia - මුහුණ ආශ්‍රිතව ස්නායු සැපයුම් කරන trigeminal nerve නිසා හිසේ එක පැත්තක ඇතිවන කක්කුමක්.දත් සහ මුහුණ ආශ්‍රිත වේදනාවක් මේ තත්වයේදි එන්න පුලුවන්

Giant cell arteritis - හිස බෙල්ල ආශ්‍රිතව රුධිර සැපයුම කරන රුධිර වාහිනී වල ඇතිවන ප්‍රදාහ තත්වයන් නිසාත් හිසේ පැත්තක කැක්කුම එන්න පුලුවන්

Tension Headache - අධික ආතතිය , ඩිප්‍රෙශන් තත්ව , හිසට සිදුවන අනතුරු , අධික බය වගේ හේතු නිසා තමයි මේ අවස්ථාවේදි හිසේ කැක්කුම එන්නේ.බෙල්ල සහ හිස ආශ්‍රිත මස්පිඩු හිරවීමක් වගේ දැනෙන්න පුලුවන්

Drugs - සමහර ඖෂධ වල අතුරු ප්‍රතිඵල විදියටත් හිසේ කක්කුම එන්න පුලුවන්

Dehydration - ශරීරය විජලනයට ලක්වුනාමත් හිසේ කැක්කුම ඇතිවෙනවා

කාබන් මොනොක්සයිඩ් - මෙවැනි වායු ආඝ්‍රාණය කිරීමෙනුත් හිසේ කැක්කුම එන්න පුලුවන්

හිසට සිදුවන අනතුරු
දත් කැක්කුම්
එකවර උස් ස්ථානයක ගියාම
ෆිට්ස් හැදුනට පස්සේ
නොයෙක් ආසාදන තත්ව නිසා
වගේ එකි නොකී මෙකී ගොඩක් හේතු වලට ඔලුවේ කැක්කුමක් එන්න පුලුවන්.

08/11/2025

මට තුවාල වෙලා මැහුම් 5ක් දැම්මනේ..
සීයට වැටිලා මැහුම් 8ක් දැම්මා...

ඇයි මේ සමහර තුවාල මහන්නේ ?

සමහර ? ඔව් සමහර තුවාල.
හැම තුවාලෙම මහන්නේ නෑනේ.තෝරාගත්ත ස්මහර තුවාල විතරයි.ඇයි ඒ ?

තුවාල ඇතිවෙන්නේ සම මතුපිට.සමට පහලින් තියන පටක
එක්කත් මේ තුවාල ගැඹුරට විහිදෙන්න පුලුවන්.ඉතින් මේ වගේ ගැඹුරු , පරතරයක් තියන තුවාල මහන්න වෙනවා.

ඉතින් සිද්ධවෙන හැම තුවාලෙම මේ වගේ ගැඹුරු පරතරයක් තියන තුවාල නෙවෙයි.ඒ නිසා හැම තුවාලෙම මේ වගේ මහන්න ඕන නෑ.
ගොඩක් වෙලාවට කැපුම් ඇනුම් තුවාල තමයි මෙහෙම මහන්න වෙන්නේ.

ඇයි තුවාල මහන්න වෙන්නේ ? මොකද්ද ඒකෙන් බලාපොරොත්තු වෙන්නේ ?

✅ සමහර තුවාල වලින් නොනවත්වා රුධිර වහනයක් වෙන්න පුලුවන්.පුංචි පුංචි රුධිර නාළිකා කැපිලා ඒවගෙන් රුධිර වහනය වෙන නිසා.ඉතින් මේක නවත්තන්න නම් තුවාල මහන්න වෙනවා
✅ ඒ එක්කම තුවාලේ සම කෙළවරවල් දෙක එක ලගට අරන් තුවාල සුව වෙන process එකට උදව් කරන එක
✅ ඒ වගේම තුවාල හොදවෙනකොට ලොකු කැලැලක් හැදෙන එක නවත්තන්නත් මේක උදව් වෙනවා
✅ අනික තමයි තුවාල වලට විෂබීජ ගිහින් ආසාදනය වෙන එක වළක්වන්නත් තුවාල මහන්න අවශ්‍ය වෙනවා

ඉතින් මේ වගේ හේතු නිසා සමහර තුවාල මහන්න ඕන.සමහර තුවාල මහන්න අවශ්‍ය වෙන්නේ නෑ..

07/11/2025

ඔයත් ඔයාගේ අග්න්‍යාශයට ඕනවට වඩා වද දෙන කෙනෙක්ද ?

ඒ මොකද්ද ඒ කතාව..

අග්න්‍යාශය / pancreas එක කියන්නේ අපේ ආහාර මාර්ග පද්ධතියත් එක්ක තියන තවත් එක අවයවයක්..
ඕකෙන් වැඩ ගොඩක් කරනවා..හැබැයි මම මෙතනදි කියන්න යන්නේ එයා කරන එක වැඩක් ගැන..

මෙයා තමයි ඉන්සියුලින් කියන හොර්මෝනය හදලා අපේ රුධිරයට එකතු කරන්නේ..

ඒකෙන් මොකද්ද කරන්නේ ?

ඉන්සියුලින් හොර්මෝනයෙන් තමයි අපේ රුධිරයේ තියන සීනී මට්ටම පාලනය කරන්නේ..
ලේ වල සීනී මට්ටම ඕනවට වඩා වැඩි වෙන්න නොදි හරි ගානට තියන් යන්නේ ඉන්සියුලින් කියන හොර්මෝන් එක.

( හිතන්නකෝ ඉන්සියුලින් හොර්මෝන් එක අපේ ලේ වල තියන සිනී කාලා දානවා කියලා ) 😁

එතකොට රුධිරයේ සිනී මට්ටම අඩු වැඩි වෙන්නේ , එහෙම නැත්නම් වෙනස් වෙන්නේ අපි කන බොන කෑම එක්ක.

ඒ කියන්නේ සිනී අධික කෑමක් කෑවොත් රුධිරයේ සීනි මට්ටම ඉහල යනවා.
ඔය වෙලාවට අග්න්‍යාශය ඉන්සියුලින් නිකුත් කරලා සිනී මට්ටම පහලට ගේනවා..

හිතන්න...ඔයා නිතර ටොෆි චොක්ලට් කන කෙනෙක්..සීනී කන කෙනෙක්.සිනී දාලා තේ බොන කෙනෙක්..
🥯🥓🥨🍡🍭🍫

ඉතින් ඔය දේවල් කන්න කන්න අග්න්‍යාශයට සිද්ධ වෙනවා ඉන්සියුලින් හොර්මෝනය වැඩි වැඩියෙන් නිදහස් කරලා වැඩිවෙන සිනී මට්ටම අඩු කරගන්න..

කනවා කනවා කනවා...ඉවරයක් නෑ..
අග්න්‍යාශයට ඉතින් හති...

අග්න්‍යාශයට ඕක කරන්න පුලුවන් සීමාවක් තියෙනවා..
ඒ සීමාව පැන්න ගමන් ඉන්සියුලින් හොර්මෝනයට අපේ රුධිරයේ සිනී මට්ටම පාලනය කරගන්න බැරුව යනවා...
Out of control

🥴🥴🥴

ඔන්න එතකොට බඩු හම්බවෙනවා...

ඒ තමයි ' දියවැඩියාව '

07/11/2025

අම්මා කෙනෙක්ගේ ඇගේ ලේ කිරට හැරෙන්නේ කොහොමද කියලා දන්නවාද ???

ඔන්න දරුවෙක් ඉපදුනාට පස්සේ මුලින්ම එයා අම්මාගේ තනපුඩුවෙන් කිරි උරන්න ගන්නවා.
එතකොට අම්මාගේ තනපුඩුව සහ ඒ අවට කලාපයේ / areolar තියෙන සංවේදි ස්නායු වලට ඒක දැනෙන්න ගන්නවා...

මෙන්න ඔයාගේ පුංචි කෙල්ලට එහෙම නැත්නම් පුංචි කොල්ලාට බඩගිනි වෙලා එහෙම නැත්නම් මව්කිරි ඕනවෙලා කියලා...

ඒ ස්නායු වලින් කෙලින්ම මේ පණිවිඩය අරන් යනවා අම්මාගේ මොළයට..මේ පණිවිඩය බාරගන්නේ මොලයේ හයිපොතැලමස කියන ප්‍රදේශයෙන් තමයි..
මේ හයිපොතැලමස තවත් පණිවිඩයක් දෙනවා පිටියුටරි ග්‍රන්තියට...
ඊට පස්සේ මේ පිටියුටරි ග්‍රන්තියෙන් හදනවා ප්‍රොලැක්ටින් කියලා හොර්මෝන් එකක් සහ ඔක්සිටොසීන් කියලා හොර්මෝන් එකක්...

ප්‍රොලැක්ටින් කියන හොර්මෝන් එකෙන් පියයුරු වලට පණිවිඩයක් එනවා ඔන්න දැන් මව්කිරි හදන්න පටන් ගන්න කියලා...එතකොට අම්මාගේ ලේ වල තියන පෝෂ්‍යදායක දේවල් අරන් මව්කිරි හැදෙන්න පටන් ගන්නවා.

අම්මා කෙනෙක්ගේ ලේ කිරට හැරෙන්නේ මෙතනදි තමයි...

එහෙම මව්කිරි හැදුනට පස්සේ ඔක්සිටොසීන් කියන හොර්මෝන් එකෙන් පණිවිඩය අරන් එනවා ඔන්න දැන් මව්කිරි හැදිලා තියෙන්නේ..තනපුඩුවෙන් මේ මව්කිරි වෑස්සෙන්න කියලා...

ඊට පස්සේ පොඩ්ඩෝ අම්මාගෙන් කිරිබීලා බීලා බන්ඩිය full කරගන්නවා...

මෙහෙම කිරි බොන්න බොන්න අර හොර්මෝන ස්‍රාවය වෙන එක තව වැඩිවෙනවා...ඉතින් ඒකෙන් තව තව මව්කිරි හැදෙන්න ගන්නවා...

ඒ වගේම ඊස්ට්‍රජන් ප්‍රොජෙස්ටෙරොන් කියන හොර්මෝනත් මේ වැඩේට දායක වෙනවා ගර්භණි කාලේ ඉදන්ම

එතකොට මේ මව්කිරි වල තියෙන්නේ අම්මාගේ ලේ වල තියන
• ජලය
• ප්‍රෝටීන (casein, whey)
• මේදය
• කාබෝහයිඩ්‍රේට (lactose)
• විටමින් , ඛනිජ සහ ඇන්ටිබොඩි

( ඇන්ටිබොඩි එකක් කියන්නේ අම්මාගේ ප්‍රතිශක්තිකරණ පද්ධතියේ තියන දෙයක්.ඒක බබාලව ලෙඩ රෝග හැදෙන එකෙන් ආරක්ෂා කරගන්නවා )

06/11/2025

ඇයි දියවැඩියාව හැදුන අයට තුවාල එන්නේ ?
දියවැඩියාව තියන අයට එන තුවාල ලේසියෙන් හොද වෙන්නේ නැත්තේ ඇයි ?
කකුල් ඇගිලි කපන්න වෙන්නේ ඇයි ?

දියවැඩියාව කාලයත් එක්ක කරන වැඩක් තමයි අපේ ස්නායු පද්ධතිය ටිකෙන් ටික දුර්වල කරන එක

දන්නවනේ...ස්නායු පද්ධතියෙන් කරන්නේ අපේ සංවේදන වලට අදාල සිග්නල් එහෙට මෙහෙට අරන් යන එක.සංවේදන කිව්වේ අපට දැනෙන දේවල් කියලා හිතන්නකෝ.

ඉතින් දියවැඩියාව නිසා ස්නායු වලට හානි වුනාම ඔය ස්නායු හරහා එහෙට මෙහෙට යන සිග්නල් හරියට යන්නේ නැතුව යනවා.එතකොට අපිට අපේ සවේදන දැනෙන්නේ නැතුව යනවා.
සරලව කියනවා නම් අපේ දැනීම් නැතුව යනවා..

එතකොට සිරීම් කැපීම් ගල් තැලුම් වගේ දේවල් නිසා එන කැක්කුම දැනෙන්නේ නෑ.සැලකිල්ලෙන් බැලුවේ නැත්නම් සමහර වෙලාවට තුවාලයක් වෙලා කියලා අපි දන්නෙත් නෑ..

ඒ නිසා කකුල්වලට තුවාල ඇතිවෙලා ඒවා වැඩිවෙන්න ලොකුවෙන්න තියන චාන්ස් එක වැඩිවෙනවා.

එතකොට ඊලගට මෙහෙම හැදෙන තුවාල ලේසියකට හොද වෙන්නේ නැත්තේත් දියවැඩියාව නිසාම තමයි.

කාලයක් තිස්සේ අපේ රුධිරයේ සීනි ප්‍රමාණය වැඩිපුර තියෙනකොට අපේ රුධිරය අරන් යන රුධිරවාහිනී වලට හානි වෙලා ඒ තැන් වල අවහිරතා ඇතිවෙනවා.එතකොට කකුල් වලට ඕන කරන නිසි රුධිර සැපයුමක් කරගන්න බැරිවෙනවා.

රුධිර සැපයුම කරගන්න බෑ කියන්නේ තුවාලයක් හොද කරගන්න ඕන කරන දේවල් ටික තුවාලය තියන තැනට අරන් යන්න බැරිවෙනවා.

ඊලග ප්‍රශ්නේ තමයි දියවැඩියාව එක්ක අපේ ප්‍රතිශක්තිකරණ පද්ධතිය දුර්වල වෙනවා.
එතකොට ඉක්මනට පහසුවෙන් තුවාලයට ආසාදන එන්න පුලුවන්.ඒ කියන්නේ පැසවනවා.සැරව එනවා..

පේනවනේ...
තුවාල හැදෙන එක දැනෙන්නෙත් නෑ.හැදුනොත් ලේසියෙන් හොද වෙන්නෙත් නෑ..

ඉතින් දියවැඩියාව තියන අය මුලින්ම කරන්න ඕන කකුල් වල තුවාල හදාගන්නේ නැතුව ඉන්න බලන්න එක..

කොහොමහරි හැදුනා කියමුකෝ..එහෙම හැදුනත් හරි අවදානයෙන් ඉදලා ඒවගේ මුල් අවදියේදිම හොද කරගන්න බලන්න ඕන.

නැත්නම් ඔය තුවාල හොද කරගන්න මාස ගණන් අවුරුදු ගණන් යනවා.හැමදාම බෙහෙත් දාන්න ඕන..හොස්පිටල් එන්න ඕන..ඇඩ්මිට් වෙන්න ඕන..තුවාල සුද්ද කරන්න ඕන...

✅ඒ නිසා හැමදාම නින්දට යන්න කලින් කකුල් දෙක පරික්ෂා කරලා බලන්න
✅පුලුවන් හැමවෙලාවෙම සෙරෙප්පු දාන්න
✅පොඩි තුවාලයක් ආවත් බෙහෙත් අරන් හොද කරගන්න
✅කකුක් වේලිලා පැලෙන එක නවත්තගන්න බලන්න

මේ ඔක්කොටම ඕන ඕනකම විතරයි..

දියවැඩියාව එක්ක එන තුවාල හැදුන පලියට කකුල් කපන්න ඕන නෑ...හැබැයි ගණන් ගන්නේ නැතුව හිටියොත් නම් කපලා තමයි නවතින්නේ

05/11/2025

දියවැඩියාවට බය වෙන්න ඕන ඇයි ?

මූලිකව අපට දියවැඩියා කියන රෝගයේ වර්ග දෙකක් හැදෙන්න පුලුවන්.ඒ Type 1 සහ Type 2 යනුවෙන්.
අපිට බහුතරයක් දකින්න හම්බවෙන්නේ Type 2 කියන දියවැඩියාවයි.

දියවැඩියාව හැදුනම වෙන්නේ මේකයි.අපි කන බොන ආහාර වල තියෙන සීනි රුධිරයට එකතු වුනාම ඒක යම් මට්ටමක තියාගෙන පාලනය කරන්නේ අග්න්‍යාශය මගින් ස්‍රාවය කරන ඉන්සියුලින් කියන හොර්මෝන් එක.

දියවැඩියාව හැදුනම වෙන්නේ මෙන්න මේ ඉන්සියුලින් කියන හොර්මෝනයේ සිදුවන අඩුවීමක් හෝ වෙනස්වීමක් නිසා එයාගේ වැඩේ හරියට කරගන්න බැරුව යන එක.එතකොට අපේ රුධිරයේ සීනි ප්‍රමාණය පාලනය කරගන්න බැරුව ඉහල යනවා.

ඉතින් රුධිරයේ තියන සීනී ප්‍රමාණය ඉහල ගියාම මොකද වෙන්නේ ?

▶️එහෙම වුනාම වකුගඩු මගින් රුධිරය පෙරනකොට රුධිරයේ තිබෙන සීනී / ග්ලූකෝස් වැඩිපුර එලියට යවන්න ඕන නිසා ඒ එක්කම වැඩිපුර ජලය ප්‍රමාණයක් එලියට යවනවා.එතකොට අසාමාන්‍ය විදියට මූත්‍රා පිටකරන්න ඕන වෙනවා.රෑ තිස්සේ වුනත්.

▶️ශරීරයේ තියෙන ජලය මේ විදියට වැඩි වැඩියෙන් මූත්‍රා විදියට එලියට යන නිසා අධික වතුර තිබහක් ඇතිවෙනවා.

▶️ඒ වගේම ඉන්සියුලින් හොර්මෝනයේ මදිකම නිසා රුධිරයේ තිබෙන සීනි වලින් ශක්තිය නිපදවීම වෙනුවට ශරිරයේ තිබෙන තැන්පත් වූ මේදය දහනය කිරීමෙන් ශක්තිය නිපදවන්න යනවා.එතකොට ඇග බලන් ඉද්දි කෙට්ටු වෙනවා.

▶️ කාලයක් එක්ක දියවැඩියාව තියන අයගේ රුධිර නාල වල ඇදීමේ / elasticity ස්වභාවය අඩුවෙලා රුධිර නාල පටුවෙන්න ගන්නවා.ඒ එක්කම රුධිර පීඩනය ඉහල යාමෙන් අධි රුධිර පීඩනය ඇතිවෙනවා.ඒ වගේම ශරීරයේ ලිපිඩ පරිවෘත්තිය වෙනස් වීමෙන් රුධිරයේ කොලෙස්ටරෝල් ප්‍රමාණයත් ඉහල යනවා.මේ දෙන්නා තමයි දියවැඩියාවේ යාලුවෝ දෙන්නා.

▶️ ඊලගට දියවැඩියාව නිසා වකුගඩු වල තිබෙන රුධිර නාළ වෙනස්වීම් රුධිර පෙරන ක්‍රියාවලියට බලපානවා.ඒ නිසා නිදන්ගත වකුගඩු රෝගය ඇතිවෙන්න පුලුවන්.

▶️ දියවැඩියාව ශරීරයේ තිබෙන ස්නායු වලටත් බලපානවා.ඒ නිසා අතපය හිරිවැටීම් , සමේ කටු අනිනවා සේ දැනීම , පිච්චෙනවා වගේ දැනීම , නිතර ඇතිවන අතපය වේදනාව වගේ ලක්ෂණ ඇතිවෙනවා.දියවැඩියාව නිසා ඇතිවන ස්නායු සම්බන්ධ අමාරුකම් බොහෝමයි.

▶️ දියවැඩියාව නිසා ඇස් වල තිබෙන රුධිර නාල වලත් වෙනස්කම් ඇතිවෙනවා.ඒකෙන් ඇස් පෙනීමත් ටිකෙන් ටික අඩුවෙනවා.

▶️ ඔය එක්ක අපේ ප්‍රතිශක්තිකරණ පද්ධතියත් දුර්වල වෙනවා.ඒ නිසා නිතර ආසාදන රෝග ඇතිවෙන්න පුලුවන්.කකුල් වල ඇතිවන තුවාල ලේසියෙන් හොද වෙන්නේ නැත්තේත් මේ නිසා.සුව නොවෙන තුවාල නිසා අවසානයේ කකුල් ඇගිලි කපන්නත් වෙන්න පුලුවන්.

▶️ හාට් ඇටෑක් වගේම අංශභාගය හැදෙන්න ලොකු අවදානමක් තිබෙනවා මේ දියවැඩියාව නිසා ඇතිවන රුධිර නාල වල මේදය තැන්පත් වීමෙන්.

▶️ උඩින් කිව්ව කාලයක් තිස්සේ ඇතිවෙන තත්ව වගේම හදිසියේ ඇතිවන රුධිරයේ සීනි අඩුවීම සහ ඉහල යාම නිසාත් සිහි නැතිවීම් ක්ලාන්තය ඇතිවීම කැරකිල්ල වගේ රෝග ලක්ෂණ ඇතිවෙන්න පුලුවන්.මේ නිසා නිතර හොස්පිටල් ඇඩ්මිට් වෙන්න සිදුවෙන්න පුලුවන්.

මෙතන සදහන් නොකල දේවල් තවත් බොහෝමයි.ඉතින් මේ ටික කියවලා බැලුවම දියවැඩියාව හැදෙන එක ගැන බය වෙන්න ඕනද නැද්ද ?

වයස 35 න් විතර පස්සේ හැමෝම පුලුවන් නම් මාස හයකට අවුරුද්දකට සැරයක් Fasting blood sugar කියන සීනි පරික්ෂාවක් කරගන්න.වෛද්‍යවරයෙක් හමුවෙන්න.උපදෙස් ගන්න
පුලුවන් තරම් සීනි පිටි කෑම ගන්න එක පාලනය කරගන්න.ව්‍යායාමයක් ඇග මහන්සි කරලා දහඩිය දාන වැඩක් කරන්න.

නැත්නම් ඉතිරි ජීවිත කාලයම ගත කරන්න වෙන්නේ බෙහෙත් මුට්ටයක් බිබී උඩින් කිව්ව අමාරු එක්ක ජීවත් වෙන්න සිද්ධ වෙන එක තමයි.

03/11/2025

ගොඩක් අයට තියන ප්‍රශ්නයක්නේ මේ.වාහනේකට ගොඩ වෙලා ටිකක් දුර යද්දි වමනේ දාන්න වෙනවා.ඉතින් ඒ අය මේ නිසා ලොකු අපහසුතාවයකට මුහුණ දෙන්න වෙනවා..
ඒ ගැන ඉතින් අමුතුවෙන් කියන්න ඕන නෑනේ...

මේ සිද්ධියට කියන්නේ motion sickness කියලා..

හරි මොකද්ද මෙතනදි වෙන්නේ..

ඔයාලා දන්නවද අපේ ශරීරය බැලන්ස් එකේ තියාගන්න විදිහ ගැන..ඒකට අපේ ඇතුල් කණ තමයි මැදිහත් වෙන්නේ.

මෙතනදි වෙන්නෙත් ඕකට සම්බන්ධ දෙයක්ම තමයි.

ඇතුල් කණ සමග අපේ ඇස් හරහා පෙනීම / vision සහ අපේ ශරීරය තිබෙන ඉරියව්ව පිලිබද දැනීම / propioception වගේ දේවලුත් මේකට සම්බන්ධ වෙනවා..

ඔන්න හිතන්න අපි වාහනේක නැගලා යන්න පටන් ගන්නවා..එතකොට අපේ ශරීරය වාහනය තුල ඉදිරියට ගමන් කරනවා.

එහෙම යනකොට අපේ ඇස් වලින් මොළයට පණිවිඩ යනවා අපි ඉස්සරහට යනකොට පෙනෙන දේවල් ගැන.

ඊලගට වාහනය ඇතුලේ වෙන චලනයන් නිසා අපේ ඇතුල් කණෙනුත් මොළයට පණිවිඩ යනවා..මොකද ඇතුල් කණ තමයි අපේ සිරුරේ බැලන්ස් එක තියන් ඉන්නේ.

ඒ එක්කම මේ වෙලාවේ ශරීරය තියන ඉරියව් ගැනත් සිගනල් මොළයට යනවා.

ඉතින් අපේ ශරීරය වාහනය ඇතුලේ නොනවත්වාම එක එක වර්ගයේ චලනයන් වලට මුහුණ දෙන නිසා මොළයට එන මේ පණිවිඩ සේරම හරියට coordinate / එකලස් කරගන්න බැරිවෙනවා...

නැවක බෝට්ටුවක ගිහින් තියෙනවා නම් ඒක මතක් කරගන්නකෝ..එහාට මෙහාට කැරකෙනවා උඩයනවා වැනෙනවා..ඒ වගේ

ඉතින් අපේ අසරණ මොළයට මේක හරියට අල්ලගන්න ඇනලයිසිස් කරගන්න බැරිවෙනවා..🤯🤯🤯

මොළය confused වෙනවා...

ඊලගට...

▶️ ඔක්කරය හැදෙන්න පුලුවන්
▶️ වමනේ යන්න පටන් ගන්නවා
▶️ හිසරදය ඇතිවෙන්න පුලුවන්
▶️ බඩේ කැක්කුම් ඇතිවෙන්න පුලුවන්
▶️ නුරුස්නාගතියක් එන්න පුලුවන්

ඕකට තමයි motion sickness කියන්නේ...

වැඩිහිටි අයට වඩා පොඩි අයට මේක ගොඩක් දකින්න පුලුවන්නේ..ඇයි ඒ ??

වැඩිහිටි අයට වඩා කුඩා දරුවන්ගේ මොළය මේකට හැඩගැහිලා නෑ.එයාලගේ මොළය වර්ධනය වෙමින් පවතින කාලය..ඒ නිසා ඇනලයිස් කරන දේවල් හරියට කරගන්න බැරිවෙනවා..

මේක වළක්වාගන්න බැරිද ????

▶️ පුලුවන්තරම් වාහනේ ඉස්සරහින් වාඩිවෙලා යන්න.ඒ කියන්නේ වාහනේ හෙල්ලෙන එක අඩු තැනක්
▶️ පුලුවන්නම් ඇස් පියාගෙන යන්න
▶️ නිදාගෙන යන්න පුලුවන් නම් ඒත් හොදයි
▶️ හාන්සි වෙලා යන්න
▶️ ගමන යන්න කලින් ලොකු කෑම වේලක් ගන්න එපා
▶️ අවශ්‍ය නම් පොඩි පොඩි කෑම කන්න

▶️ මේ වගේ දේවල් කරලත් මේක පාලනය කරගන්න බැරිනම් ගමන යන්න කලින් බෙහෙත් අරන් තමයි මේක නවත්වාගන්න වෙන්නේ...

මේ ටික තමයි මෝෂන් සික්නස් ගැන කියන්න තියෙන්නේ...
ප්‍රශ්න තියෙනවා නම් comment එකක් දාන්න...

Yasiru pharmacy kuruduwatta

15/11/2025

14/11/2025

14/11/2025

14/11/2025

10/11/2025

08/11/2025

07/11/2025

07/11/2025

06/11/2025

05/11/2025

03/11/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 20:00
Tuesday	07:00 - 20:00
Wednesday	07:00 - 20:00
Thursday	07:00 - 20:00
Friday	07:00 - 20:00
Saturday	07:00 - 20:00
Sunday	16:00 - 20:00