MediWall

Home
MediWall

සෞඛ්‍ය සම්පන්න හා සතුටින් පිරුණු ජීවිතයක් කරා ඔබට මග පෙන්වන සෞඛ්‍ය අධ්‍යාපනික වෙබ් අඩවිය

08/06/2025

ඔන්න Perplexity AI PRO ගන්න ක්‍රමයක්!

Perplexity AI PRO 1 year free ගන්න දැන් පුලුවන්.

මෙන්න steps ටික follow කරන්න.

1. https://www.perplexity.ai ට යන්න.
2. ගිණුමක් හදලා PRO plan එකට register වෙන්න (1-year package)
3. Checkout එකේදී මේ gift code එක use කරන්න:
PPLXLIUMBLHOTVAJ2QI
4. 1-Year PRO subscription එක enjoy කරන්න 🥳

** Pro Subscription එක ගන්න එකට credit card details දෙන්න ඕනෙ. මුදල් කැපෙන්නෙ නෑ. නමුත් වැඩිය මුදල් නැති webcard එකක් වගේ දෙනවා නම් හොඳයි.
** ඒ වගේම මේක කරන දිනේ මතක තියාගෙන ඉඳල. ඊලඟ අවුරුද්දෙ ඒ දිනේට කලින් Perplexity AI PRO subscription එකෙන් free එකට මාරු වෙන්න දැන්ම calendar reminder එකක් තියාගන්න අමතක කරන්න එපා. (නැත්නම් ඉබේම ඊලඟට අවුරුද්දට ගාන කැපෙන්න පුලුවන්).
පොඩි කාලෙකට දුන්න limited gift code එකක් වෙන්න පුලුවන්. ඒ නිසා ඉක්මණින් මේ අවස්ථාව අවසන් වෙන්න පුලුවන්.
යාළුවොත් එක්කත් share කරන්න 😍

Credits:
Sandeepa Ichiro
https://www.facebook.com/ICHIROSADEEPA
&
Lakpriya Senevirathna
https://www.facebook.com/lakpriya.senevirathna

18/05/2025

😴 අධික නිදිමත ඇතිවීමට හේතුව කුමක්ද? 😴

📝 ප්‍රශස්ත ප්‍රමාණයෙන් සහ ගුණාත්මක නින්දක් ලබා නොගැනීම අධික නිදිමත ඇති වීමට ප්‍රධානම හේතුවකි.
සමහර පුද්ගලයන්ට ගුණාත්මක ප්‍රමාණවත් නින්දක් රාත්‍රියේ ලබා ගත්තද දීවා කාලයේ අදික නිදිමතක් දැනේනම් එ සදහා හෙතුවක් ඇත. එම හෙතු සොයා බලා එයට අවශ්‍යය ප්‍රතිකාර ගැනීමෙන් මෙම අදික නිදිමත අඩු කර ගත හැක.

🩺 අධික නිදිමත ඇතිවීමට සමහර හේතු

1️⃣ තයිරොයිඩ් ආබාධ

🩺 තයිරොක්සින් අඩු විම

🧪 (TSH නැමති රැධිර පරික්ෂණය මගින් මෙය හදුනා ගත හැක)

2️⃣ වෙනත් රෝග තත්වයන්

🩺 රැධිරයේ සීනී වැඩි විම

3️⃣ විටමින් උනතාවයන්

🥗 විටමින් B (B6, B12)
☀️ විටමින් D
🥕 විටමින් E
🧲 යකඩ

4️⃣ මානසික අවපීඩනය 😔

📌 ඔබේ නින්දේ කැපී පෙනෙන වෙනසක් මානසික අවපීඩනයේ පොදු රෝග ලක්ෂණයකි. ඔබ වෙනදාට වඩා බොහෝ සෙයින් හෝ අඩුවෙන් නිදා ගත හැක.

🚨 මානසික අවපීඩනයේ අනෙකුත් රෝග ලක්ෂණ:

වැඩක් කිරිමට සිතෙන්නේ නැති විම
කෝපය
ආහාර රුචිය වෙනස් වීම
බලාපොරොත්තු රහිත හැඟීම
ඔබේ ප්‍රියතම ක්‍රියාකාරකම් තවදුරටත් කීරීමට නොසිතීම

💤 ඔබ රාත්‍රියේදී හොඳින් නිදා නොගන්නේ නම්, දිවා කාලයේදී ඔබට අධික නිදිමත ඇතිවීමට ඉඩ ඇත. සමහර විට නින්දේ වෙනස්කම් මානසික අවපීඩනයේ මුල් සංඥාවකි.

5️⃣ ඖෂධ අතුරු ආබාධ 💊

📌 සමහර ඖෂධ අතුරු ආබාධයක් ලෙස නිදිමත සහ අධික නිදිමත ඇති කරයි.

🩺 පහත රෝග වලට ප්‍රතිකාර කිරීම සඳහා භාවිතා කරන සමහර ඖෂධ මගින් මෙය සිදු විය හැක:

අධි රුධිර පීඩනය
මානසික අවපීඩනය
ඇලජික් තත්වයන්
ඔක්කාරය හා වමනය (ප්‍රතිවෛතක)
මනසික රෝග
අපස්මාරය
කාංසාව

⚠️ ඔබේ බෙහෙත් වට්ටෝරුව ඔබට නිදිමත ඇති කළ හැකි යැයි ඔබ සිතන්නේ නම්, ඔබේ නිර්දේශ කරන වෛද්‍යවරයා සමඟ කතා කිරීම මගින් වෙනස් කර ගත හැක.

🚫 ඔබේ වෛද්‍යවරයාගේ අධීක්ෂණයෙන් තොරව කිසිදු ඖෂධයක් අත් නොහැරීම වැදගත් වේ. ඔවුන්ට එය අඩු කිරීමට හෝ මාත්‍රාව වෙනස් කිරීමට අවශ්‍ය විය හැකිය.

6️⃣ Sleep Apnea 😴

📌 Sleep apnea යනු ඔබ රාත්‍රිය පුරා නැවත නැවත නැවතී හුස්ම ගැනීම ආරම්භ කරන බරපතල තත්වයකි. මෙය ඔබ නොදැනීම සිදු වේ. එය ඔබට දිවා කාලයේ නිදිමත දැනීමට හේතු විය හැක.

🚨 අනෙකුත් ස්ලිප් ඇප්නියා රෝග ලක්ෂණ:

නිදා සිටියදී අධික ලෙස ගෙරවීම සහ වාතය සඳහා හුස්ම ගැනීම
අවදි වූ විට උගුරේ අමාරුව සහ හිසරදය
අවධානය සහ සාන්ද්රණය අභියෝග
නුරුස්නා බව

🩺 Sleep apnea නැමති තත්වය පහත රෝගවලින් පෙලෙන අයට අත්විඳීමේ අවස්ථාව වැඩිය:

අධි රුධිර පීඩනය
හෘද රෝග
දෙවන වර්ගයේ දියවැඩියාව
තරබාරුකම

💤 Sleep apnea නිසා ඔබට ප්‍රමාණවත් ගැඹුරු නින්දක් නොලැබෙන නිසා අධික නිදිමත ඇති විය හැක.

Sleep Apnea වර්ග

බාධාකාරී නින්දේ ඇප්නියා (OSA):
🩺 මෙය සිදු වන්නේ උගුරේ පිටුපස ඇති පටක ලිහිල් වන විටය.
😴 ඔබ නිදා සිටියදී සහ ඔබේ ශ්වසන මාර්ගය අර්ධ වශයෙන් ආවරණය කරයි.

මධ්‍යම නින්දේ ඇප්නියාව (CSA):
🧠 මෙය සිදුවන්නේ මොළය නිවැරදි ස්නායුව සන්නිවේදනය යවන්නේ නැති විටය.
😴 ඔබ නිදා සිටියදී ඔබේ හුස්ම පාලනය කරන මාංශ පේශිවලට සංඥා කරයි.

7️⃣ Restless Legs Syndrome (RLS) 🦵

📌 නොසන්සුන් කකුල් සින්ඩ්‍රෝමය:

ඔබේ කකුල් එකක් හෝ දෙකම පාලනයකින් තොරව ඉබේ චලනය ව්මයි.
😣 ඔබේ කකුල්වල නලියාමක් හෝ කැසීම දැනෙන්නට පටන් ගන්නා විට මෙය විය හැකිය.
🌙 මෙය රාත්‍රියේ දී සිදු වේ. මෙය ඔබට පාලනය කළ නොහැකි නිසා ඔබව අපහසුතාවයට පත් කරයි.
🚶 ඔබ නැඟිට ඇවිදින විට පමණක් හොඳ අතට හැරේ.

💤 RLS නිසා පසු දින අධික නිදිමත ඇති වීමට, වැටීමට සහ නිදා ගැනීමට අපහසු විය හැක.

📢 මෙම රෝගය පිළිබඳ Restless legs syndrome (RLS) සම්පුර්ණ ලිපියක් ඉදිරියෙදී මෙම page එක තුලින් බලාපොරොත්තු වන්න.

8️⃣ නාර්කොලෙප්සි 😴

📌 narcolepsy යනු ස්නායු ආබාධයකි.
🧠 narcolepsy සමග, මොළය නින්ද-අවදි කිරීමේ චක්‍රය නිසි ලෙස නියාමනය නොකරයි.
🌙 රාත්‍රියේදි narcolepsy ඇති පුද්ගලයෙකුට කිහිප වතාවක් (නින්ද නොයාමට සමාන) අවදි විය හැක.
😴 අහඹු ලෙස ක්‍රියාකාරී වේලාවන්හිදී ඔවුන්ට අධික දිවා කාලයේ නිදිමත තිබිය හැක.
🍽️ නර්කොලෙප්සි රෝගයෙන් පෙළෙන අයට සංවාදයක් මැද හෝ ආහාර වේලක් අතරතුර නින්දට වැටේ.
⚠️ Narcolepsy තරමක් දුර්ලභ වන බොහෝ විට මානසික ආබාධයක් ලෙස වැරදි ලෙස හඳුනාගෙන ඇත.
👶 වයස අවුරුදු 7 ත් 25 ත් අතර කාලය තුළ Narcolepsy වර්ධනය විය හැක.

9️⃣ පාරිසරික සාධක 🌍

📌 ගොරවන හවුල්කරුවෙකු, අවදි වන ළදරුවෙකු, ඝෝෂාකාරී අසල්වැසියන්, තාපය සහ සීතල හෝ අපහසු මෙට්ටයක් මත නිදාගැනීම වැනි විවිධ දේ නිසා බිඳුණු නින්දට හේතු විය හැක.

🔟 මාරුවීම් ⏰

📌 වැඩ මුර වැඩ කරන විට, විශේෂයෙන් රාත්‍රී වැඩ මුරය අතරතුර හොඳ නින්දක් ලබා ගැනීම ඉතා අපහසුය.
🕰️ නිදා ගැනීමට උත්සාහ කිරීමේ ගැටලුව මෙන්ම, ශරීරයේ අභ්‍යන්තර ඔරලෝසුව (සර්කැඩියානු රිද්මය) සමඟ සමමුහුර්තකරණයෙන් බැහැර වීමේ බලපෑම ද ඇත.

👨‍⚕️ කායික රෝග පිලිබද විශේෂඥ වෛද්‍ය
බන්දුල සත්කුමාර
(ශික්ෂණ රෝහල කුලියාපිටිය)

📢 තවත් වටිනා ලිපි සහ දැනුවත් කිරීම් සඳහා

👉 Facebook: https://www.facebook.com/profile.php?id=100091601123787
👉 YouTube: https://www.youtube.com/

📚 කායික රෝග විශේෂඥ වෛද්‍ය බන්දුල සත්කුමාර විසින් රචිත තවත් මෙවැනි වටිනා ලිපි කියවීමට හා කෙටි දැනුවත් කිරීම් ලබා ගැනීමට ඉහත සබැඳි වෙත පිවිසෙන්න!

18/05/2025

⭕ දනිස් බද්ධ කරන එක ප්‍රමාද කරන එක කොච්චර නැනවත්ද ?
===================================

🔶 දනිස් වල ආතරයිටිස් තියන රෝගීන් ඉතාම බහුලව ඉන්නවා.

🔶 මෙම රෝගීන්ගෙන් කොටසකට අනිවාර්යයෙන් දනිස් බද්ධ කිරීමකට යන්න වෙනවා.

🔶 බද්ධ නොකර ඉන්න තිබ්බ දනිස් පවා ඒ තත්වයකට යන්න ප්‍රධානම හේතු තමා වැරදි රෝග නිර්ණය, නිසි ප්‍රතිකාර නිසි කලට ලබා නොගැනීම, වැලදී ඇති ආතරයිටිස් රෝගයේ ස්වභාවය වැනි කාරණා

🔶 බහුතරයක් දැනුවත් නොවුනාට දනිස්සට එන්න පුලුවන් ආතරයිටිස් වර්ග තියනවා නිට්ටාවට සුව කරන්න පුලුවන්, සමහර රෝගීන් නිට්ටාවට සුව නොවුනට දනිස්ස ඇද නොවී බේර ගන්න පුලුවන්, සමහර රෝගී හන්ඳි කොහොමත් බද්ධ කරන්නම වෙන ගාණට ඇද වෙනවා.

⛔ ගොඩක් ලෙඩ්ඩු අමාරුවෙ වැටෙන්නෙ හැම ලෙඩාටම ඇවිල්ල තියෙන්නේ primary osteoarthritis කියල හිතාගෙන බෙහෙත් කරන සුදුසුකම් නොලත් පුද්ගලයන් නිසා.

🔶 දනිස්ස බද්ධ කරන ගාණට ඇද වුනහම කිසිම බෙහෙතක් බීල හෝ දනිස්සට දෙන කිසිම injection එකකින් දනිස්සෙ ගෙවිච්ච කාටිලේජ සම්පූර්ණව හදාගන්න බෑ.

🔶 දනිස්ස බද්ධ කරන්න යොමුවෙන්නෙ බොහෝ විට අවුරුදු හැට ඉක්මවා ගිය රෝගීන්. වයස ප්‍රධාන හේතුවක් වෙනවා දනිස්ස නොදා ප්‍රමාද කලහම එන ගැටලු වලට.

✅ දැන් බලමු දනිස්ස දාගන්න එක ප්‍රමාද කරගෙන යනකොට මොකද වෙන්නෙ කියල.

✅ බද්ධ කරන්න කියන්නෙ ඉතාම සැලකියයුතු ආකාරයට ගෙවී ගිය දනිස් සන්ධි.

✅ පලවෙනිම කාරණාව තමා සැත්කම එපා කිව්වට දනිස්ස තවත් ගෙවෙන එක නතර වෙන්නෙ නෑ.

🔺 අන්තිමට ඔත්පල වෙලා ඇඳට වැටෙනවා.

🔺 ජීවිතයේ අවසාන කාලයේ ඇදට වැටෙනවා කියන එක එම පුදගලයාට පමණක් නෙවේ, දරු මුණුපුරන්ට පවා බලපානවා.

🔺 මොකෝ වැසිකිලියට යන්න පවා වෙනත් කෙනෙක්ගේ උදව් ඕන වෙන තත්වයට ගියහම එක්කෝ ළඟම කෙනෙක්ට (බොහෝ විට දුව) රෝගියා බලාගන්න ගෙදර නතර වෙන්න වෙනවා (කර කර හිටපු රැකියාව අතඇරල පවා)

🔺 පවුලෙ ආර්ථිකයට කෙලින්ම ඕක බලපානවා

🔺 දෙවැන්න තමා ඇදවූ දනිස්සක් සමඟ ඇවිදගෙන යනකොට වැඩි වෙන බිම ඇද වැටීමේ අවදානම (Falls risk).

🔺 දනිස්ස බද්ධ කරන්න යොමුවෙන ලෙඩ්ඩුන්ගෙ වයසත් එක්ක එන අස්ථිවල හයිය අඩුවෙන osteoporosis රෝගය ඉතා බහුලව තියනවා.

🔺 බිම වැටුනොත් උකුල පවා කැඩෙන්න පවා පුලුවන්.

🔺 ඔබ නොදන්නවා වුනාට osteoporosis රෝගය නිසා උකුල කැඩෙන කාන්ථාවන්ගෙන් දල වශයෙන් තුන්දෙනෙක්ගෙන් එක් අයෙක් මාස 12ක් ඇතුලත මිය යනවා. සමහරු ජීවත් වෙලා සිටියත් සදාකාලිකව ඇඳට වැටෙනවා.

🔺 දනිස්ස බද්ධ කරගත් විට වැටෙන අවදානම අඩුවෙන නිසා උකුල, කොන්ඳ, අතේ අස්ථි කැඩෙන අවදානම අවම වෙනවා.

🔺 ඔය කාරණාව නිසා තමා දනිස්සේ සැලකියයුතු ලෙස ආතරයිටිස් තියන රෝගීන් අනිවාර්යයෙන් osteoporosis ලෙඩේ තියනවද කියල බලාගන්න ඕනේ

🔺 ඉහත සඳහන් කල ආකාරයකටම ලොකු සෞඛ්‍යය ගැටලුවක් සිදුනොවුනත් වයස යනකොට හැරමිටියක් හෝ වෝකර් එකක් නැතුව ඇවිදිගන්න පුලුවන් වෙන එක මානසිකව සහ ශාරීරිකව ඉතාම වැදගත් දෙයක්.

🔺 තමන්ගෙ දරු මුණුපුරන් සමඟ නිදහසේ විනෝද ගමනක් යන්න, එහෙම නැත්තම් පන්සලකට පල්ලිකට අනෙක් කෙනෙක්ගෙ උදව් නැතුව යාගන්න පුලුවන් කම තියෙන එක ඉතාම වැදගත්.

🔺 ඔබට වගකිවයුතු වැඩිහිටියෙක් නම් දනිස්සක් බද්ධ කරගන්න කිව්වොත් ඒකට ඔබට අවස්ථාව හම්බුවෙන මුල් අවස්ථාවෙම කරගන්න.

🔺 අරයට මෙයාට ඔපරේෂන් කරල එහෙම වුනා මෙහෙම වුනා, අරයට මෙයා කලා වගේ අරව ගාල මේව ගාල අඩුකරගන්නවා වගේ නිදහසේ කාරණ හොය හොය ඉන්න එපා.

🔺 අන්තිමට ඔබට දනිස්ස දැන් නම් දාගත්තනම් හොඳයි කියල හිතෙනකොට තවත් වයස ගිහින් මහලු වයසත් එක්ක එන වෙනත් සෞඛ්‍යය ගැටලු හින්ඳ සැත්කම කරගන්න බැරිවෙන්න පුලුවන්. නැත්තම් තමන්ගෙ නම පෙරැත්තු ලේකනයේ අවුරුදු ගාණකින් පිටිපස්සට ගිහිල්ල තියෙන්න පුලුවන්.

🔺 අන්තිමට කියන්න තියෙන්නේ ඔබ අමාරුවෙ වැටෙනකොට ඔබ විතරක් නෙවේ, ඔබට ආදරේ කරන හැමෝම අමාරුවෙ වැටෙන බව දැනගන්න.

✅ සිතන්න.......

Dr. Aruna Caldera
සන්ධි සහ සන්ධි ආශ්‍රිත රෝග විශේෂඥවයිද්‍ය
Consultant Rheumatologist
MBBS, MD, MRCP (UK), MRCP (Rheumatology)

31/03/2025

🌙✨ සියලුම මුස්ලිම් මිතුරන්ට සුභ ඊද් අල්-ෆිත්ර්! ✨🌙

මේ රාමසාන් (ඊදුල් ෆිතර්) උත්සවය ගෙන එන්නේ සතුට, එකමුතුකම සහ ආධ්‍යාත්මික සැනසුමයි. රාමසාන් මාසයේ උපවාසයෙන් පසු, එකට එකතු වෙලා, සමරන මේ මොහොත ජීවිතයට ආලෝකයක්. පවුලත්, යාළුවොත් එක්ක බෙදාගන්නා සිනහව, ආදරය මේ දවසට තවත් වටිනාකමක් එකතු කරනවා.

ඔබ සැමට සතුටින්, සමගියෙන්, ආධ්‍යාත්මික සැනසුම පිරුණු ඊද් උත්සවයක් වේවා! ඊද් මුබාරක්! 🌙✨

🌙✨ To all my Muslim friends, Happy Eid al-Fitr! ✨🌙

This beautiful festival brings happiness, unity, and spiritual strength. After the fasting of Ramadan, this moment of coming together and celebrating wholeheartedly adds a light to our lives. The smiles, love, and peace shared with family and friends make this day even more valuable.

May you all have an Eid filled with happiness, togetherness, and spiritual awakening! Eid Mubarak! 🌙✨

A heartfelt wish from mediwall.lk
(Empowering Healthier Lives 🌿)

23/03/2025

ලෝක ක්ෂය රෝග දිනය 2025: "ඔව්! අපිට ක්ෂය රෝගය අවසන් කරන්න පුළුවන්"

අද 2025 මාර්තු 24, ඒ කියන්නේ මේ වසරේ ලෝක ක්ෂය රෝග දිනය. මේ වසරේ තේමාව තමයි "ඔව්! අපිට ක්ෂය රෝගය අවසන් කරන්න පුළුවන්: කැපවීම, ආයෝජනය හා ඉටු කිරීම මගින්" (Yes! We Can End TB: Commit, Invest, Deliver). මේක ඇත්තටම ලස්සන පණිවිඩයක්, ඒ වගේම අපි හැමෝටම එකතු වෙලා මේ රෝගයට එරෙහිව සටන් කරන්න කරන ආරාධනාවක්.

ක්ෂය රෝගය මොකක්ද?

අපි හැමෝම ක්ෂය රෝගය ගැන අහල තියෙනවා නේ. ඉංග්‍රීසියෙන් Tuberculosis (TB) කියලත් කියනවා. මේක එන්නේ Mycobacterium tuberculosis කියන බැක්ටීරියාවකින්. ගොඩක් වෙලාවට මේක පෙනහළු වලට බලපානවා. ක්ෂය රෝගය බෝවෙන්නේ ආසාදිත කෙනෙක් ගේ කෙල බිඳිති මගින් , ඒ කියන්නේ කැස්ස, කිවිසුම් යනකොට පිටවන කෙල බිඳිති සහිත වාතය හරහා. ඒ වගේම දුප්පත්කම, මන්ද පෝෂණය වගේ දේවල් නිසා අපේ ප්‍රතිශක්තිකරණ පද්ධතිය දුර්වල වීම ක්ෂය රෝගය පැතිරෙන එක වැඩි කරනවා.

හැබැයි වාසනාවකට මේක සුව කරන්න පුළුවන්! ඒකට ඕන නිවැරදි ප්‍රතිකාර, කැපවීම සහ හිතවතුන්ගේ උදව් හා සහයෝගය. ඒ නිසා තමයි මේ වසරේ තේමාව මේ අවශ්‍යතා තුන මත ගොඩනැගිලා තියෙන්නේ: කැපවීම, ආයෝජනය, ඉටු කිරීම.

ක්ෂය රෝගය නැති කරන්න නම් අපි හැමෝම එකතු වෙන්න ඕන. රජය, වෛද්‍යවරු, සමාජය, රෝගීන්හැ, මේ හැමෝම සහයෝගයෙන් තමන්ගේ වගකීම ඉටු කල යුතුයි. ඒ වගේම අපිටත් පුළුවන් අනිත් අයට මේ ගැන කියලා දෙන්න, දැනුවත් කරන්න. කැපවීම කියන්නේ එක එක අයගේ උත්සාහයන් එකතු වෙලා ලොකු වෙනසක් කරන එක.

රෝග ලක්ෂණ

ශ්‍රී ලංකාවේ ක්ෂය රෝගය තාම තියෙනවා, නමුත් රෝගීන් සංඛයාව අඩු වෙමින් යනවා. මේ රෝගයේ ලක්ෂණ මොනවද කියනවා නම්, සති ගණනාවක් දිගටම පවතින කැස්ස, උණ, රෑට දහඩිය දාන එක, බර අඩු වෙන එක වගේ දේවල්. මෙන මේ රෝග ලක්ෂණ තියෙනවා නම් ඉක්මනින් වෛද්‍යවරක් හමු වෙන්න ඕනේ.

අපිට කරන්න පුළුවන් දේවල්

ක්ෂය රෝගය වළක්වන්න අපිට කරන්න පුළුවන් දේවල් ගොඩක් තියෙනවා. ආහාර වල පෝෂණය ගැන සැලකිලිමත් වෙන එක, පිරිසිදුව ඉන්න එක, රෝග ලක්ෂණ තියෙනවා නම් බෙහෙත් ගන්න යන එක. කිසියම් විදිහකින් අපිට ක්ෂය රෝගය වැළදිලා නම්, පොඩ්ඩක්වත් බය වෙන්න දෙයක් නෑ, හරියට බෙහෙත් ගන්න ඕන මාස 6-9 විතර, එතකොට රෝගය සම්පූර්ණයෙන්ම සුව වෙනවා.

ඒ වගේම ඉපදුන ගමන් දරුවන්ට ලබාදෙන BCG එන්නතත් ක්ෂය රෝගය වළක්වා ගන්න ගොඩක් වැදගත්.

එකතු වෙමු, සටන් කරමු

ඉතින්, මේ 2025 ලෝක ක්ෂය රෝග දිනයේදී අපි හැමෝම හිතට ගම්මු එකතු වෙලා මේ රෝගය සම්පුර්ණයෙන් නැති කරලා දාන්න. ඔයාලත් මේක ගැන යාළුවෝ එක්ක කතා කරන්න, හැමෝම දැනුවත් කරමු. එහෙනම්, තවත් සෞඛ්‍යමය කතා බහකින් හම්බවෙමු!

Massage From World Health Organization : https://www.who.int/europe/news-room/events/item/2025/03/24/default-calendar/world-tb-day-2025 #:~:text=Every%20year%2C%2024%20March%20is,the%20world's%20deadliest%20infectious%20disease.

~
මෙවැනි ලිපි කියවන්න MediWall.lk වෙබ් අඩවියට එන්න
https://mediwall.lk/

23/03/2025

සුඛෝපභෝගීත්වය හා බැඳුනු මරුවෙක් – දියවැඩියාව (Diabetes Mellitus)

ඔබට මෙම රෝගය අද නොමැති වෙන්න පුලුවන්, තිබෙන මුත් නොදන්නවා වෙන්න පුලුවන්, කෙසේ වුවත් සෑම කෙනෙක්ටම මෙය වැලඳීමේ අවදානමක් තිබෙනව හරි හැටි ප්‍රවෙශම් නොවුනොත්.

01 දියවැඩියාව යනු කවරේද?

ඕනෑම පුද්ගලයෙකුගේ ශරීරයේ රුධිර සීනි ප‍්‍රමාණය යම්කිසි සාමාන්‍ය පරාසයක් තුළ පාලනයකින් යුතුව පවතී.
මෙසේ පවතින රුධිරයේ සීනි මට්ටම අසාමාන්‍ය ලෙස ඉහල අගයක පැවතීම දියවැඩියා ව නම් රෝගී තත්වයයි.

02 ඔබගේ සාමාන්‍ය රුධිර සීනි මට්ටම කුමක්ද?

සාමාන්‍යයෙන් පැය 08 සිට 12 දක්වා කාලයක් නිරාහාරව සිටි අයෙකුගේ රුධිරයේ සීනි මට්ටම 100mg/dl ට අඩු අගයක පවතී. මෙය 100 mg/dl සිට 126 mg/dl දක්වා ඉහල යාම පූර්ව දියවැඩියා තත්වයකි. ඔවුන් ඉදිරි කාලයකදී පූර්ණ දියවැඩියා රෝගීන් බවට පත්වීමට වැඩි ඉඩකඩක් පවතී. මෙය 126 mg/dlකට වැඩි වීම දියවැඩියා රෝගී තත්වයකි.
යමෙකු තමන්ගේ සුපුරුදු සමබර ආහාර වේලක් අනුභව කර පැය දෙකකින් රුධිරයේ සීනි මට්ටම පරීක්‍ෂා කලේ නම් (PPBS) එය සාමාන්‍යයෙන් 140 mg/dl ට අඩු මට්ටමක පවතී එය 140 mg/dl සිට 199 mg/dlක දක්වා වැඩි වීම පූර්ව දියවැඩියා තත්වයකි එය 199mg/dl ට වැඩි වීම දියවැඩියාවයි.

03 ඔබට දියවැඩියාව වැළඳුනේ කෙසේද?

දියවැඩියාව වැළඳීමට හේතු කාරණා රැසක් පවතී. කුඩා අවධියේ දී වැළදෙන දියවැඩියාව (Type I) අග්න්‍යාශයේ ඉන්සියුලින් හෝර්මෝනය නිපදවීමේ ඌනතාවය මත හට ගන්නා අතර, වැඩිහිටි වයසේ දී සෑදෙන දියවැඩියාව (Type II) බොහෝ විට ඉන්සියුලින් හෝර්මෝනයේ ක‍්‍රියාකාරිත්වයේ ප‍්‍රතිරෝධී බව නිසා හට ගනී. මෙයට බොහෝ විට ආරය බලපායි.
මෙයට අමතරව කරුණු කාරනා හා තත්වයන් රැසකට ද්විතීයිකව දියවැඩියාව සෑදිය හැකිය. ඔබට වැළදී ඇත්තේ කුමන ආකාරයේ තත්වයක් ද බව ඔබගේ වෛද්‍යවරයා ඔබට පවසනු ඇත.

04 මේ වැළදී ඇති දියවැඩියා රෝගී තත්වය සුව වන්නේ කවදාද?

දියවැඩියාව යනු සුව කළ නොහැකියි. නමුත් මනා ලෙස පාලනය කළ හැකි රෝගී තත්වයකි.
නමුත් කලාතුරකින් සමහර විශේෂිත අවස්ථා වල දී ඇතිවන දියවැඩියා තත්වය ( උදා :- ගර්භනී අවධියේ දී ) නැවත සුව විය හැකි නමුත් ඔවුන්ට පසු කලකදී දියවැඩියාව වැළදීමට වැඩි ඉඩකඩක් පවතී.
ඔබට දියවැඩියා රෝගය වැළඳී ඇත්නම්, වෛද්‍ය උපදෙස් මත ක‍්‍රියා කිරීමෙන් එය ඉතාමත් ප‍්‍රශස්ථ මට්ටමකින් පාලනය සිදු කළ හැක.

05 දියවැඩියාවේ රෝග ලක්‍ෂණ මොනවාද?

දියවැඩියාවට රෝග ලක්‍ෂණ නොමැත. එනම් එදිනෙදා සාමාන්‍ය පරිදි ජීවත්වන අයෙකුට ඔහු නොදැනුවත්වම දියවැඩියාව තිබෙනවා වුවද විය හැකිය. නමුත් එහි කෙටි කාලීන හා දිගු කාලීන සංකූලතාවයන් මත යම් කිසි රෝගී ලක්‍ෂණ ඇති විය හැක.

උදා :-

කෙටි කාලීන සංකූලතා:
* දැඩි පිපාසය හා මුත‍්‍රා අධික ලෙස පිටවීම. ( විශේෂයෙන් රාත‍්‍රීයේදී)
* පිරිමින්ගේ මුත‍්‍ර මාර්ගය ආශ‍්‍රිතව ඇතිවන ආසාදන හා වන වීම්.
* ගැහැණුන්ගේ යෝනි මාර්ගය ආශිත ආසාදන (සුද යෑම)
* ශරීරයේ බර වෙනස් වීම.

දිගු කාලීන සංකුලතාවයන්:

* හෘදයාබාධ.
* අංශභාගය.
* ශරීරයේ කොටසක් අප‍්‍රාණික වීම.
* අන්ධ භාවය හෝ දෘෂ්‍යාබාධ.
* පාදයේ වනවීම්.
* වකුගඩු ක‍්‍රියාකාරිත්වය අකර්මන්‍ය වීම.
* අතපයේ හිරි වැටීම්.

06 රෝගී ලක්‍ෂණ ඇත්නම් කුමක් කළ යුතුද?

ඔබ වයස අවුරුදු 35 ට වැඩි නම් රුධිර සීනි පරීක්‍ෂාවක් කර ගැනීම සුදුසු වේ.

ඔබගේ කිට්ටු ඥාතීන්හට දියවැඩියාව වැළදී ඇත්නම්.
ඔබ පූර්ව දියවැඩියා රෝගී තත්වයෙන් පෙළේ නම්
ඔබ තරබාරු අයෙක් නම්.
හෝ ඉහත රෝග ලක්‍ෂණ වේ නම් රුධිරයේ සීනි මට්ටම වෛද්‍ය උපදෙස් මත පරීක්‍ෂා කරගත යුතුය.

07 දියවැඩියාව පාලනය කළ යුත්තේ ඇයි ?

ප‍්‍රතිකාර නොගත්තත් සමහර විට ඔබට ගැටලුවකින් තොරව යම් කාලයක් ජීවත් වීමේ හැකියාවක් පවතී.

නමුත් මෙම කාලය දැඩි කුණාටුවකට පෙර පවතින දැඩි නිහැඩියාවක් තරමට භයානකය. ඒ ඔබට නොදැනීම දියවැඩියා රෝගී තත්වය නිසා දිනෙන් දින ක‍්‍රමක් ක‍්‍රමයෙන් ඔබගේ ශරීරයේ සෑම අවයවයක්ම විනාශය කරා ලගා කරමින් පැවතීම. එනම් නිහඩව කාලයා විසින් ඔබ මරා දැමීමට (a silent killer) දියවැඩියා රෝගය ක‍්‍රියා කරනු ඇත. අනතුරුව සංකූලතා මතු වී එමගින් ඔබට දැඩි සෞඛ්‍ය අපහසුතා හා මාරාන්තික රෝගී තත්වයන් උදා කරනු ඇත.

උදා :-

* හෘදය හා නහර – හෘදයාභාධ, පාදයේ නහර සිහින් වී රුධිර ගමනා ගමනය මද වී කකුල් කැපීමට පවා සිදු විය හැක.
* ස්නායු – අංශභාග තත්ව, ස්නායු දුර්වලතා, ලිංගික අප‍්‍රාණික තත්වය, අතපයේ හිරිවැටීම් හා වේදනා පාද අහිමි වීම දක්වා දිවයෑම.
* වකුගඩු – වකුගඩු අකර්මන්‍ය වී බද්ද කිරීමක් දක්වා දරුණු වීමේ හැකියාව.

08 එසේනම් මේවා වළක්වා ගැනීමට කළ යුත්තේ කුමක් ද?

1 ඔබගේ වෛද්‍යවරයාගේ උපදෙස් නිසි පරිදි පිළිපදින්න.

තවදුරටත්

2 ඔබගේ වෛද්‍යවරයාගේ උපදෙස් නිසි පරිදි පිළිපදින්න.

ඉවසීමෙන් හා සිහියෙන්

3 ඔබගේ වෛද්‍යවරයාගේ උපදෙස් නිසි පරිිදි පිළිපදින්න.

එනම් කළ හැකි එකම දේ නිසි වෛද්‍ය ප‍්‍රතිකාර ලැබීම පමණකි.

09 ඒ කියන්නේ දියවැඩියා රෝගියෙකුට සාමාන්‍ය කෙනෙකුට මෙන් ජීවත් වීමේ හැකියාවක් නැත්ද?
අනිවාර්යෙන්ම පුළුවන්.

බාල අවඩියේදී වැළදෙන රෝගියෙකුට වුනත් එදිනෙදා රෝග පාලනයක් කර ගත්තේ නම් ඕනෑම ඉහල නිලයක් දක්වා ඉගෙන ගෙන, විවාහ වී දරු මල්ලන් ලබා ප‍්‍රීතිමත් යුග දිවියක් ගත කළ හැක.

නමුත් ඒ සඳහා එක් අවශ්‍යතායක් පවතී. රෝගය පිළිබඳ එළඹ සිටි සිහියෙන් යුතුව කටයුතු කොට මනා පාලනයක් කර ගැනීමයි. එයට ඔබගේ වෛද්‍යවරයා අඛණ්ඩව සහය වනු ඇත .

10 කලයුතු හා කල නොකල යුතු දෑ කවරේද?

පළමුව ඔබ රෝගය හා එහි චර්යාව හොඳින් හඳුනා ගත යුතුය. සාමාන්‍ය අයෙකු පිෂ්ඨය හා සීනිමය ආහාරයක් අහාරයට ගත් විට රුධිරයේ සීනි මට්ටම ඉහල අගයකට පත් වන අතර ශරීරය ඒ අනුව ක්‍ෂණිකව ක‍්‍රියාකර අගන්‍යාෂයෙන් ශ්‍රාවය කරන ඉන්සියුලින් වල ක‍්‍රියාකාරීත්වය විසින් එම ඉහල සීනි මට්ටම සැනෙන් සාමාන්‍ය මට්ටම දක්වා අඩු කර පාලනය කර තබා ගනී.

දියවැඩියාව සහිත ඔබගේ මෙම ඉන්සියුලින් ක‍්‍රියාකාරීත්වය සාමාන්‍ය නොවන නිසා එවන් පාලනයක් බලාපොරොත්තු විය නොහැක. එනිසා භෞතික ක‍්‍රම හා ඖෂධ ක‍්‍රම මගින් අප විසින් පාලනයක් ඇති කර ගත යුතු වේ.

නමුත් මෙය ස්වභාවික පාලනය තරම්ම පහසු හා කාර්යක්‍ෂම නොවේ. එම නිසා ශරීරයට පාලනය කරගත නොහැකි සීනි මට්ටමක් (ග්ලූකෝස්) අප ලබා නොදිය යුතුය.

මෙහිදී මතක තබා ගන්න. වෛද්‍යවරයා ඔබට මාර්ගෝපදේශකයෙක් පමණි උපදෙස් පිළිපදිමින් රෝග පාලනය කර ගැනීම ඔබ විසින් ම කල යුත්තකි. එය පහත ආකාර වලින් කල හැකිය.

භෞතික ක‍්‍රමවේදයන්.

* ආහාර පාලනය මගින් කොලෙස්ටරෝල් හා සීනි පාලනය.
* ශරීර බර පාලනය.
* නිසි ව්‍යායාම.
* දුම්පානය නතර කිරීම හා මත්පැන් පාලනය.
* ශරීර අවයව හා කොටස් පිළිබඳ විශේෂ අවධානයක් යොමු කිරීම. උදාඃ පාද නඩත්තු කිරීම.

ඖෂධ භාවිතය.
වෛද්‍යවරයා නියම කරන ඖෂධ නියමිත මාත‍්‍රාව නියමිත වාර ගණනක් භාවිතා කල යුතුය.
වරින් වර සිදු කරන රුධිර හා මුත‍්‍රා පරීක්‍ෂණ හා අනෙකුත් විශේෂ පරීක්‍ෂණ නිසි පරිදි සිදු කරගත යුතුය.

දියවැඩියාව මෙතරම් දරුණු වන්නේ ඇයි සහ ආහාර පාලනය කල යුත්තේ කෙසේද
යන කරුණු සහිතව ලිපියේ ඉතිරි කොටසින් හමුවෙමු

~
මෙවැනි ලිපි කියවන්න MediWall.lk වෙබ් අඩවියට එන්න
https://mediwall.lk/

#දියවැඩියාව

18/03/2025

තේ ද? කෝපි ද ?

ගොඩක් අය උදේට ඇහැරෙනකොටම තේ කෝප්පයක් හරි කෝපි එකක් හරි බොන්න බලාගෙන තමයි නැගිටින්නේ. ලෝකය පුරාම මිනිස්සු දවස පටන් ගන්න මේ පාන වර්ග දෙකෙන් එකකට හුරු වෙලා ඉන්නවා. ශ්‍රී ලංකාවේ නම් තේ තමයි ජාතික පානය වගේ තියෙන්නෙ! ගෙදරදී, වැඩපලේදී, වගේ ඕනෙම තැනක තේ කෝප්පයක් නැත්නම් කෝපි කෝප්පයක් බිව්ව ගමන් හිතට පොඩි කික් එකක් එනවා. ඒත් මේ තේ සහ කෝපි ගැන ටිකක් හොයල බලමු. ඒවා ඇත්තටම අපේ සෞඛ්‍යයට හොඳද?

තේ සහ කෝපි වලට ඇබ්බැහි වෙන්නේ ඇයි?

තේයි කෝපියි ඇතුළේ තියෙනවා “කැෆේන්” කියලා දෙයක්. මේක තමයි මේ පොඩි ජවයක් එහෙම නැත්නම් කික් එන්න හේතුව. කැෆේන් කියන්නේ මොළයට බලපාන උත්තේජකයක්. ඒකෙන් මහන්සි බවේ පණිවිඩකාරක හඳුනාගන්න උදව් කරන මොළයේ ග්‍රාහක (රිසෙප්ටර්) කියන ඒවා අවහිර කරනවා. ඒ නිසා තේ එකක් බිව්වම ටික වෙලාවකට ඔළුව ටිකක් පැහැදිලි වෙනවා, ප්‍රබෝධමත් ගතියක් දැනෙනවා.

ඒත් මේකේ ගැටලුව තියෙන්නේ. කැෆේන් බලපෑම ඉවර වුණාම, ශරීරයට මහන්සි බව දෙගුණ තෙගුණ වෙලා දැනෙනවා. විද්‍යාත්මකව බැලුවම, මේකට හේතුව තමයි කැෆේන් වලින් ඇබ්බැහි වීමක් ඇති කරන එක. එක දිගට තේ හෝ කෝපි බොන අයට ඒක නැතුව ඉන්න බැරි තත්ත්වයක් එනවා. උදාහරණයකට, උදේට තේ එකක් නොබිව්වොත් ඔළුව රිදෙනවා, හරිම මහන්සියි වගේ දැනෙන්න පුළුවන්.

තේ සහ කෝපිවල ඇති ඇබ්බැහි කාරක දේවල් මොනවාද?

තේ සහ කෝපිවල ප්‍රධානම ඇබ්බැහි කාරකය තමයි කැෆේන්. ඒ වගේම තේවල තවත් තියෝබ්‍රෝමින් වගේ දේවලුත් ටිකක් තියෙනවා, ඒත් කැෆේන් තමයි වැඩිපුරම වැඩ කරන්නේ. මේ කැෆේන් කියන්නේ අපේ මොළයට ටිකක් “ඇවිස්සෙන්න” උදව් කරන දෙයක්, එකෙන් ඇස් වල නිදිමත ගතිය ඇරෙනවා, හිත ටිකක් ප්‍රබෝදමත් වෙනවා. ඒත්, එක දිගට බොනකොට, ශරීරය ඒකට හුරු වෙලා, “නැතුවම බැරි” තත්ත්වයට එනවා.

කැෆේන් ශිෂ්‍යයන්ට කොහොමද බලපාන්නේ?

ඔයාලා රෑට පාඩම් කරන්න කෝපි එකක් බිව්වම, ටිකක් නිදිමත අඩු වෙනවා වගේ දැනෙනවා නේද? ඒක ඇත්තටම එහෙම තමයි, කැෆේන් මොළයේ මහන්සි හිතෙන කොටස් ටිකක් “බ්ලොක්” කරනවා. ඒ නිසා, ටික වෙලාවකට පාඩම් කරන්න ලේසි වෙනවා. ඒත්, මේකේ වෙන පැත්තකුත් තියෙනවා:

කෙටි කාලීන බලපෑම්: කැෆේන් බිව්වම ටික වෙලාවකට ඇස් ඇරෙනවා, හිත පැහැදිලි වෙනවා. ඒත්, ඒ බලපෑම ඉවර වුණාම, ශරීරයට දෙගුණයක මහන්සියක් එනවා. එතකොට තව කෝපි එකක් බොන්න හිතෙනවා, එතනින් තමයි ඇබ්බැහිය පටන් ගන්නේ.

නින්දට බාධා වීම: රෑට වැඩිපුර කැෆේන් ගත්තම, හොඳට නිදාගන්න බැරි වෙනවා. ඔයාලා දන්නවා ඉගෙන ගන්න කෙනෙක්ට නින්ද කොච්චර වටිනවාද කියලා? නින්ද මදි වුණාම, පහුවදාට තවත් මහන්සියි, පාඩම්වලට හිත එකඟ කර ගන්න අමාරුයි.

අවධානය සහ මතකය: කැෆේන් ටිකක් ගත්තම හිතට ටිකක් ගැම්මක් එනවා වගේ දැනුණත්, හිත එහෙමෙහෙ යන ගතිය වැඩි වෙන්න පුළුවන්. එතකොට පාඩම් කරන්න ඕන එකඟතාව නැති වෙනවා. ඒ වගේම, එක දිගට කැෆේන් ගන්නකොට, මතකයට බාධා එන්නත් පුළුවන්.

ශරීරයට වන බලපෑම්: වැඩිපුර කැෆේන් ගත්තම, හදවත ගැහෙන වේගය වැඩි වෙන්න පුළුවන්, අහාර ජීරණ පද්ධතියේ ගැටළු, ඒ වගේම ශරීරයේ ජලය ප්‍රතිශතය අඩු වෙන්නත් පුළුවන්. ඉතින්, ඔයාලා දවස පුරාම තේ හෝ කෝපි බොනවා නම්, වතුර හොඳට බොන්නත් අමතක කරන්න එපා!

සීනි එකතු කිරීමේ ගැටලුව

ශ්‍රී ලංකාවේ තේ හෝ කෝපි කියන්නේ සීනි යහමින් දාන්න පුරුදු වුන බීමක්. “තේ එකක් හදන්න, හැබැයි සීනි ටිකක් දාන්න” කියන්නේ ඒ නිසානේ. ඒත් දවස ගානේ සීනි එක්ක තේ හෝ කෝපි බොන එක එතරම් හොඳ නැහැ. ලෝක සෞඛ්‍ය සංවිධානය (WHO) කියනවා, දවසකට සීනි ගන්න ඕනේ අපේ ආහාරවලින් ලබා ගන්නා කැලරි වලින් 10%ටත් වඩා අඩුවෙන් කියලා. ඒත් අපි තේ එකකින් විතරක් ඒකටත් වඩා සීනි ගන්නවා.

සීනි වැඩිපුර ගත්තම ශරීරයේ බර වැඩි වෙනවා, දියවැඩියාව වගේ රෝග එන්න පුළුවන්, හදවතටත් ප්‍රශ්න ඇති වෙනවා. ශ්‍රී ලංකාවේ දියවැඩියා රෝගීන් ගොඩක් ඉන්න එකට මේ විදියට තේ එක්ක සීනි බොන එක හේතුවක් වෙන්නත් පුළුවන්.

ස්වාභාවික විකල්ප ටිකක් බලමු

ඉතින් තේයි කෝපියි අඩු කරලා වෙනත් ලස්සන පාන වර්ග ටිකක් ගැන හිතමු. එකක් තමයි පළතුරු යුෂ. අන්නාසි, කොමඩු වගේ පළතුරු වලින් හදන යුෂ එකකින් විටමින් ලැබෙනවා, හිතටත් සතුටක් දැනෙනවා.
තව එකක් තමයි පොල් වතුර හෝ තැඹිලි වතුර. තැඹිලි වතුර කියන්නේ පිරිසිදු, ස්වාභාවික පානයක්. ඒකෙන් ශරීරයට හිතකර ලවණ (ඉලෙක්ට්‍රෝලයිට්) ඉතා ඉහල මට්ටමින් ලැබෙනවා, විශේෂයෙන් මේ කාලේ වගේ උණුසුම් දවස් වල සිරුරට අවශ්‍ය ජලය ප්‍රමාණය ලබා ගන්න සුදුසුම වෙන්නේ මේ වගේ බීමක්.

මොනවා තිබ්බත්, හොඳම පානය තමයි වතුර. හොඳට වතුර බිව්වොත් ශරීරය පිරිසිදු වෙනවා, සම ලස්සන එනවා, හැම අවයවයකටම නව ජීවයක් ලැබෙනවා. කාර්යබහුල දවසකදී තේ වෙනුවට තැඹිලි වතුර බොන්න, එහෙම නැත්නම් හොඳ පළතුරු යුෂ එකක් බොන්න ට්‍රයි කරලා බලන්න.

යාළුවෝ එක්කත් රස වෙනසක්

අපි ශ්‍රී ලාංකිකයෝ ගෙදරකට ගියාම “තේ එකක් බොමුද?” කියලා තමයි අහන්නේ. ඒත්, වෙනසකටත් එක්ක වෙනත් බීමක් ට්‍රයි කරන්න පුළුවන් නේද?. යාළුවෝ ආවම තැඹිලි වතුර ටිකක් දෙන්න පුළුවන්. නැත්නම් පළතුරු යුෂ එකක් හදලා තියන්න, එයාලත් ඒකට කැමති වෙයි. “මාරු වෙනසක්” කියලා හිතයි!

තේ සහ කෝපි ගැන කතා කරද්දී, ඒවායේ ඇබ්බැහි කරන දේවල් ගැන විතරක් නෙමෙයි, හොඳ දේවල් ගැනත් කියන්න ඕනේ නේ.

ඇන්ටිඔක්සිඩන්ට් (ප්‍රතිඔක්සිකාරක): තේවල, විශේෂයෙන් හරිත තේවල (green tea), ඇන්ටිඔක්සිඩන්ට් තියෙනවා. මේවා ශරීරයේ නිරෝගී සෛල රැකගන්න උදව් කරනවා, ඒ කියන්නේ ඔයාව තරුණව තියාගන්න ටිකක් උදව් වෙනවා!

හදවතටත් හොඳයි: ටිකක් සැලකිල්ලෙන් පාලනයක් ඇතිව බිව්වොත්, තේ සහ කෝපි හදවතේ සෞඛ්‍යයටත් උදව් වෙනවා කියලා පර්යේෂණ තියෙනවා.

සමාජ රසයක්: යාළුවෝ එක්ක තේ එකක් බිව්වම, කතාබහටත් රසයක් එනවා. ඒක ජීවිතේට ලස්සන මතකයක් එකතු කරනවා.

හොඳයි-නරකයි එකට තියාගන්නේ කොහොමද?

තේ සහ කෝපිවල හොඳ දේවල් තියෙනවා වගේම, ඇබ්බැහි වෙනවා, තාවකාලිකව මහන්සි නිවෙනවා වගේම නරක ප්‍රතිපලත් තියෙනවා. ඉතින්, මේ දෙක එකට තියාගෙන භුක්ති විඳින්න පුළුවන් විදිහ තමයි හොඳම දේ.

මෙන්න එකට ලේසි ටිප්ස් ටිකක්:

දවසට සීමාවක් තියාගන්න: පුරුද්දක් හැටියට තේ කොපි බොන පුරුද්ද නැති කර ගන්න.

ටිකක් සීනි අඩු කරන්න: ශ්‍රී ලංකාවේ තේ එකක් කියන්නේ සමහර වෙලාවට සීනි වතුර එක්ක නේ. ඉතිං , සීනි ටිකක් අඩු කරලා බිව්වොත්, ශරීරයට ගොඩක් හිතකර විදිහට බලපානවා. හෝ සමහර වෙලාවට සීනි නැතුව බිල බලන්න බලන්න නියම තේ රස දැනෙන්නේ එතකොට.

හරි වෙලාව තෝරාගන්න: උදේට තේ එකක් බිව්වට ගැටළුවක් නෑ. ඒත් රෑට වැඩිපුර බිව්වොත් නින්දට බාධා වෙනවා. ඉතින්, සවස 4-5න් පස්සේ තේ කෝපි බොන එක ටිකක් අඩු කරන්න.

වෙනත් බීම වර්ග එක්ක මාරුවෙන් මාරුවට බොන්න: හැමදාම තේ හෝ කෝපි විතරක් නෙමෙයි, තැඹිලි වතුර, පළතුරු යුෂ, වගේ වතුරත් බොන්න. එතකොට ශරීර සෞඛයටත් වෙනසක් එනවා, ඒ වගේම තේ එකට ඇබ්බැහි වෙන එකත් අඩු වෙනවා.

ශරීරයට ඇහුම්කන් දෙන්න: තේ එකක් බිව්වත් මහන්සි නම්, ටිකක් විවේක ගන්න. විශේෂයෙන් වාහන පදවනය අය. ඉහත කිව්වා වගේ සුළු ප්‍රබෝධයක් ලැබුනත් අවධානමක් ගන්න එපා.

තේ සහ කෝපි කියන්නේ ජීවිතේ රසවත් කරනවා. ඒත් ඒවා එක දිගට බොන එකෙන් අපේ සෞඛ්‍යයට ටිකක් හානියක් වෙන්න පුළුවන්. ඒ නිසා ටිකක් හිතලා බලලා, ඒවා ටිකක් අඩු කරලා ස්වාභාවික බීම වර්ග වලටත් ටිකක් හුරු වෙමු.

~
මෙවැනි ලිපි කියවන්න MediWall.lk වෙබ් අඩවියට එන්න
https://mediwall.lk/

15/03/2025

මෙවර සාමාන්‍ය පෙළ විභාගයට පෙනී සිටින දුවල පුතාල හැමෝම විභාගය හොඳටම ලියන්න, මේ ටික කියවල යන්න!

මෙවර සාමාන්‍ය පෙළ විභාගයට පෙනී සිටින දුවල පුතාල හැමෝටම සුභ පැතුම්!

සාමාන්‍ය පෙළ විභාගය කියන්නේ අපේ දුවල පුතාල හැමෝටම ගොඩක් වැදගත් විභාගයක්. මොකද මේ විභාගයෙන් තමයි උසස් පෙළට තෝරාගන්න විෂය ධාරාව තීරණය වෙන්නේ. ඒ වගේම අනාගතයට බලපාන කඩඉමක්. ඒ නිසා අපි මේ විභාගයට පුළුවන් උපරිමයෙන් ලියන්න ඕනේ. හැබැයි ඒ ගැන හිතල අනවශ්‍ය පීඩනයක් අරන් විභාගයට යන එක කිසිම ප්‍රයෝජනයක් නෑ.

අද මම මේ ලිපියෙන් ඔයාලට සුභ පතනවා වගේම, විභාග කාලේ මනස ශක්තිමත්ව තියාගන්න වැදගත් කරුණු කීපයක් ගැනත් කියන්න යනවා. විනාඩි 3ක් 4ක් අරන් කියවන්න.

දෙමව්පියොත් කියෙව්වොත් වැදගත් වෙයි කියල හිතනවා.

1. උවමනා දේවල් ඔක්කොම ලෑස්ති කරගන්න.

කලින් දවසේ රෑට ඔයාලට විභාගෙට ඕනෑ දේවල් ඔක්කොම ලෑස්ති කරගන්න.

පෑන් (අඩුම දෙකක්වත්, ලියවෙනවද කියලත් බලන්න ), පැන්සල්, මකන, ID එක, admission එක – මේ හැමදේම බෑග් එකට දාගන්න. උදේට ඉක්මනට ලෑස්ති වෙන්න ඇඳුමත් තෝරලා මැදලා තියාගන්න. සපත්තු, ටයි එක හොයල තියන්න එතකොට උදේට ඔයාලට කලබල වෙන්න දෙයක් නෑ, පරක්කු වෙලා දුවන්න දෙයක් නෑ.

2. හොඳ නින්දක් ගන්න.

කලින් දවසේ රෑට හොඳට නිදාගන්න. නින්ද තමයි ඔයාලගේ මනස නැවුම්ව තියාගන්න ලොකුම රහස. ජාත්‍යන්තරවත් පිළිගන්නවා හොඳ නින්දක් (පැය 7-8ක් වත්) මනසට වගේම ශරීරයටත් කොච්චර වැදගත්ද කියලා. ඉතින් අන්තිම මොහොතේ රෑ එක දෙක වෙනකල් පාඩම් කරන්න යන්න එපා, අවුරුදු ගානක් ඔය ඉගෙන ගත්ත දේවල් ඔයාට විභාගයට ලියන්න හොඳටම ඇති, දැන් වැදගත්ම දේ හෙට සැහැල්ලු මනසක් තියා ගන්න එක. එතකොට තමයි අවශ්‍ය දී හරියට වෙලාවට මතක් වෙලා එන්නේ. ෆෝන් එක, චැට් කරන එක අයින් කරලා, කාමරේ ලයිට් ඕෆ් කරලා, සුවපහසුව නිදාගන්න. එතකොට උදේට ඔයාලගේ හිත හරිම නැවුම් වෙයි!

3. උදේට හොඳට කාල යන්න අමතක කරන්න එපා.

විභාගෙට යන්න කලින් බඩගින්නේ ඉන්න එපා, පෝෂ්‍යදායී උදේ කෑමක් කන්න. විශේෂ දේවල් නැතුව සාමාන්‍යයෙන් වෙනදා කන දෙයක් නම් හොඳයි. පිටින් කනවා නම් පුළුවන් පිරිසිදුවට කෑම හදන විශ්වාස තැනකින් ගන්න. ඒ වගේම කෝපි වැඩිය බොන්න එපා, තෙල්, මිරිස් ගොඩක් තියෙන කෑමත් කන්න යන්න එපා.

වෙලාවට යන්න ඉන්නේ නැතුව ටිකක් කලින් යන්න, ට්‍රැෆික් වගේ ප්‍රමාද වීම් වෙන්න පුළුවන්නේ. කලින් ගියාම හිත සැහැල්ලුවෙන් ඉන්න පුළුවන්. හැබැයි යාලුවෝ එක්ක මොනවා එයිද කියල සාකච්චා තියන්න යන්න එපා, පොඩ්ඩක් සතුටු හිතෙන දෙයක් ගැන කතා කරලා සැහැල්ලුවෙන් ඉන්න.

Stress වගේද? ගැඹුරු හුස්මක් ගන්න.

ඔයාලට බය හිතෙනවා නම්, හිතට ලොකු බරක් දැනෙනවා නම්, ගැඹුරින් හුස්ම ගන්න ටිකක්. ලෝකෙ පුරාම මේ ක්‍රමය මනස සන්සුන් කරන්න භාවිතා කරනවා. ලේසියෙන් කරන්න පුළුවන් – සෙමින් හුස්ම ගන්න, ටිකක් ඒක ඇතුළේ තියාගන්න, ඊට පස්සේ සෙමින් හුස්ම පිට කරන්න. විනාඩි 2-3ක් මෙහෙම කරන්න. ඔයාලට එකපාරටම සැහැල්ලුවක් දැනෙයි. දැන්, හෙට උදේ එහෙම නැත්නම් විභාග වෙලාවේ උනත් බයක් ආතතියක් දැනුනොත් කලබල නොවී මේ විදිහට විනාඩියෙන් හිත සන්සුන් කර ගන්න පුළුවන්.

විභාගෙදි හිත ශක්තිමත්ව තියාගන්න.

විභාගේ වෙලාවේ ප්‍රශ්න පත්‍රය ගත්ත ගමන් හැමදේම කියවලා බලන්න. මුලින්ම හරියට විභාග අංකය ලියන්න. ඔයාලට හොඳටම පුළුවන් ප්‍රශ්න ටිකෙන් පටන් ගන්න. එතකොට ඔයාලට විශ්වාසයක් එනවා පේපර් එක ගැන. අමාරු ඒවා ටික අන්තිමට තියන්න. එක ප්‍රශ්නයකට වැඩි වෙලා ගන්න යන්න එපා – වෙලාව හොඳට බෙදාගෙන ලියන්න.

අමාරු ප්‍රශ්න තියෙන්න පුළුවන්, ගොඩක් ප්‍රශ්න අමතකයි වගේ දැනෙන්න පුළුවන්, අතාරින්න එපා දන්නා දේවල් සාමාන්‍ය දැනීම පාවිච්චි කරලා ලැබෙන කාලයෙන් උපරිම ප්‍රයෝජන අරන් පුළුවන් තරම් ප්‍රශ්න වලට ලියන්න.

විභාගෙන් පස්සේ රිලැක්ස් වෙන්න.

එක විභාගයක් ඉවර වුණාම ඒ විෂය හිතින්න අයින් කරලම දාන්න, නිකමටවත් ලියපු දේවල් හරිද බලන්න යන්න එපා (බලන්න දෙයක් නෑ හරි). කාල බිල හිත සැහැල්ලු වෙන්න පොඩ්ඩක් විවේක ගන්න. කලින් හදාගත්ත පොඩි ෂෝර්ට් නෝට් තියෙනවා නම් මම කලින් ලිව්ව ලිපියක් තියන විදිහට Pomodoro Technique එක්ක පොඩි Time Block ටිකක් හදාගෙන ඊළඟ විභාගෙට පොඩි පසු විපරමක් කරගන්න. අලුත් මාතෘකා විෂය කරුණු කියවන්න යන්න එපා, දන්නා දේ තහවුරු කර ගන්න. ඊට පස්සේ මම ඉහල කිව්ව පියවර 3 පිළිපදින්න.

ඔයා තනි වෙලා නෑ!

මතක තියාගන්න, ඔයා තනියෙන් නෙවෙයි මේ අභියෝගයට මුහුණ දෙන්නේ. ඔයාලගේ අම්මා, තාත්තා, ගුරුවරු, යාළුවෝ හැමෝම ඔයාලට උදව් කරන්න ඉන්නවා. ඔයාට බයක්, ප්‍රශ්නයක් තියෙනවා නම් ඒ ගැන කතා කරන්න. එයාල ඔය වෙනුවෙන් ඉන්නවා.

මතක තියාගන්න.

මේ විභාගය ඔයාලගේ ජීවිතේ එකම දේ නෙවෙයි. ඒක එක පියවරක් විතරයි, ජීවිතේ එක අභියෝගයක්. සාර්ථකව විභාගයකට මුහුණ දෙන එකම වටිනා life skill එකක්. ඔයාලා හොඳට උත්සාහ කරනවා නම්, හොඳ ප්‍රතිඵල ගන්න ඔයාලට පුළුවන්. ඒත් ඒක එක්කම ඔයාලගේ හිතත් ශරීරයත් නිරෝගීව තියාගන්න ඕනේ.

එහෙනම් දුවේ පුතේ, විභාගය හොඳටම ලියන්න ඔයාලට ශක්තිය, ධෛර්යය සහ සාර්ථකත්වය උපරිමයෙන් ලැබෙන්න කියල මුළු හදින්ම මම ප්‍රාර්ථනා කරනවා!

ජය වේවා ! සුභ පැතුම්!

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

දෙමව්පියෝ මේ ලිපිය කියවනවා නම්,

විභාගේ ලියල ආපු දුව පුතාගෙන් එකපාර ලෙසි ද අමාරුද කියල අහන්න යන්න එපා, කියක් ප්‍රශ්ණ ලිව්වද අහන්න යන්න එපා. ඕනේ නම් වෙලාවට ගියාද අහන්න, යාලුවෝ ඔක්කොම ආවද අහන්න. දුව පුතා හිතල විස්තරයක් කිව්වොත් හොඳට අවදානය දීල සවන්දෙන්න. සමහරවිට කියයි, අම්මා, තාත්තා විභාගේ අමාරුයි ප්‍රශ්න ගොඩක් ලියන්න බැරි උනා කියල, එතකොට ඒවා ගැන මොනවත් හිතන්න එපා ලියපු ගාන හොඳටම ඇති කියල හිත සැහැල්ලු කරන්න. කෑම බීම ඉක්මනට ලෑස්ති කරලා දීල ටිකක් විවේක ගන්න දෙන්න. අවසන් මොහොතේ ගොඩක් පාඩම් කරනවා කියන එක සාර්ථක ක්‍රමයක් නෙවෙයි. හිත සැහැල්ලුවෙන් තියා ගන්න එකයි වටින්නේ.

සමහර දරුවන් ටිකක් ඉක්මනට කලබල වෙනවා, stress වෙනවා එයාලට පවුලේ අයගේ සහය ගොඩක් අවශ්‍යයි, එයාලට දැනෙන්න ඕනේ විභාග ප්‍රතිපල මොකක් වුනත් ජීවිතේ ජයගන්න පුළුවන් කියන එක, මොනදේ වුනත් එයාගේ පව්ලේ අය එයා වෙනුවෙන් ඉන්නවා කියන එක. මේ කාලේ එයාල ගැන ටිකක් අවදානයෙන් ඉන්න. වෙනදට වඩා ටිකක් සංවේදී වෙන්න, තරහා ගන්න එපා, පුළුවන් තරම් කරුණාවෙන් සැහැල්ලුවෙන් කතා බහ කරන්න. ඔයාලත් ගෙදර සතුටින් සැහැල්ලුවෙන් ඉන්න. ඒ වටපිටාව දරුවන්ට විභාගයට හොඳින් මුහුණ දෙන්න ගොඩක් බලපානවා.

වෛද්‍ය කසුන් එරංග

මෙවැනි ලිපි කියවන්න MediWall.lk වෙබ් අඩවියට එන්න
https://mediwall.lk/

13/03/2025

සාමාන්‍ය පෙළ විභාගයට බය නැතුව ලෑස්ති වෙමු! තව දවස් 4යි.

කොහොමද ඔයාලට! ඔන්න තව දවස් හතරයි ඔයාලගේ O- Level විභාගේට. ගොඩක් අයට මේක ලොකු තීරණාත්මක මොහොතක්. ඒත් බය වෙන්න දෙයක් නෑ, මොකද මේක ජීවිතේ අන්තිම විභාගේ නෙවෙයි, ඔයාලට ඉස්සරහට යන්න තව ගොඩක් අවස්ථා තියෙනවා. ඒ වුණත්, මේ දවස් ටික ලස්සනට ගත කරලා, හොඳ විශ්වාසයකින් විභාගේට මූණ දෙන්න ලෑස්ති වෙන්න පුළුවන් නම් එක එකයි වැදගත්ම වෙන්නේ. මන් මේ ලියන්නේ ඔයාලට ලේසියෙන් කරන්න පුළුවන්, ලෝකෙම භාවිතා කරන ක්‍රම ටිකක් එක්ක, සැහැල්ලුවෙන් ටිකක් relax වෙලා ඉන්න විදියක්.

1. දවසට පැලැනක් හදාගන්න

ඔයාලට ඉතුරු වෙලා තියෙන්නේ දවස් 4යි. ඉතින් හැම දවසකටම කුඩා පැලැනක් හදාගන්න. ලොකු ලොකු ඉලක්ක දාන්න යන්න එපා. උදාහරණෙකට, “අද මන් ගණිතය පරිච්ඡේද 3ක් බලනවා, විද්‍යාව past paper එකක් කරනවා ” වගේ පොඩි ටාර්ගට් ටිකක් ලියාගන්න. මේකට ගොඩක් අය භාවිතා කරන “Time Blocking” ක්‍රමේ යෝදාගන්න පුළුවන්. ඒ කියන්නේ දවසේ ටිකක් වෙලාව බෙදලා, උදේ 9-10 ගණිතේ, 10-11 විවේකයක්, 11-12 ඉතිහාසේ වගේ. ඒත් එක බරපතල විදිහට හිතල stress වෙන්න එපා, මේ දවස් 4 සැහැල්ලුවෙන් වගේම ප්‍රයෝජනවත් විදිහට ගත කරන එකයි වැදගත්. මම “Time Blocking” ගැන සවිස්තරාත්මක ලිපියක් කලින් ලියල තියනවා එකත් කියවල බලන්න. – Time Blocking: ඔයාලගේ වෙලාව ලස්සනට හසුරවමු! (https://mediwall.lk/time-blocking-%e0%b7%80%e0%b7%99%e0%b6%bd%e0%b7%8f%e0%b7%80-%e0%b6%bd%e0%b7%83%e0%b7%8a%e0%b7%83%e0%b6%b1%e0%b6%a7-%e0%b7%84%e0%b7%83%e0%b7%94%e0%b6%bb%e0%b7%80%e0%b6%b8%e0%b7%94/ )

2. හිත relax කරගන්න

විභාගේ ගැන හිතනකොට හිතට ලොකු පීඩනයක් දැනෙනවා නේද? ඒකට ලෝකෙම භාවිතා කරන “Mindfulness” ක්‍රමේ ගොඩක් හොඳයි.

මේක ලේසියි. දවසට විනාඩි 5ක් ගන්න, ඇස් දෙක පියාගෙන, හුස්ම ගැන විතරක් හිතන්න. හුස්ම ඇතුළට යනවා, පිටට යනවා විතරක් හිතන්න. මේක ඔයාලගේ හිතේ බර ටිකක් අඩු කරලා, focus එක වැඩි කරනවා.

Phone එකෙන් “Smiling Mind” මේ සම්බන්ධ හොඳ app එකක්.

3. කන්න, බොන්න, නිදාගන්න

සමහර අම්මලා තාත්තලා කියනවා ඇති “පාඩම් කරන්න, නිදියන වෙලාව අඩු කරලා” කියලා. ඒත් ඒක වැරදියි! ඔයාලගේ මොළයට විවේකය අත්‍යවශ්‍යයි. පාඩම් කල ඒවා මොලයේ තැම්පත් වෙන්නත් ඒවා පහසුවෙන් මතක් වෙන්නත් නින්ද ගොඩක් වැදගත්. රෑට අඩුම ගානේ පැය 6-7ක් නිදාගන්න.

ඒවගේම හොඳට කන්න – පලතුරු, එළවළු, බිත්තර වගේ ටිකක් සමබර කෑම වේලක් healthy දේවල් ගොඩක් එක්ක. වතුර බෝතල් එකක් අතේ තියාගන්න, දවසට වතුර ලීටර් 2ක් වත් බොන්න අමතක කරන්න එපා.

මේ විදිහට ඔයාල නිරෝගිව හොඳ fit එකේ හිටියොත් විභාගෙට සාර්ථකව මුහුණ දෙන්න පුළුවන්.

4. පොඩි විවේක ගන්න

පැය 2-3ක් එක දිගට පාඩම් කරන්න යන්න එපා. “Pomodoro Technique” එක ගැන අහලා තියෙනවද? ලෝකේ පුර ගොඩක් අය භාවිතා කරනවා. විනාඩි 25ක් පාඩම් කරලා, විනාඩි 5ක් විවේකයක් ගන්න. මේ විවේකේට Phone එකේ ගේම් එකක් ගහන්න යන්න එපා, ඒකෙන් හිත තවත් මහන්සි වෙනවා. ඒ වෙනුවට ජනේලෙන් එළිය බලන්න, ගෙදර බල්ලව ටිකක් අතගාන්න, ගෙදරට එන කුරුල්ලෙක්ව හරි බලන් ඉන්න.

මම “Pomodoro Technique” ගැන සවිස්තරාත්මක ලිපියක් කලින් ලියල තියනවා එකත් කියවල බලන්න. – Pomodoro Technique: ලේසියෙන් වැඩ ඉවර කරමු! (https://mediwall.lk/pomodoro-technique-%e0%b6%bd%e0%b7%9a%e0%b7%83%e0%b7%92%e0%b6%ba%e0%b7%99%e0%b6%b1%e0%b7%8a-%e0%b7%80%e0%b7%90%e0%b6%a9-%e0%b6%89%e0%b7%80%e0%b6%bb-%e0%b6%9a%e0%b6%bb%e0%b6%b8%e0%b7%94/
)

5. ඔයාට පුළුවන් කියලා විශ්වාස කරන්න

විභාගේ ලියන්න යනකොට “මට බෑ” කියලා හිතන්න එපා. ඔයා මේ තරම් කල් ලෑස්ති වුණා, ඒක හොඳටෝම ඇති. “Positive Affirmations” කියන ලෝකප්‍රසිද්ධ ක්‍රමේ යෝදාගන්න. උදේට කණ්ණාඩිය ඉස්සරහට ගිහින් “මට පුළුවන්, මන් හොඳට කරනවා” කියලා කියන්න. හිනාවෙන්නත් අමතක කරන්න එපා, මොකද හිනාවෙන එක ඔයාලගේ හිතට ලොකු හයියක්. ඒවගේම හොඳම සැහැල්ලු වීමේ ක්‍රමයක්.

“Positive Affirmations” ගැනත් සවිස්තරාත්මක ලිපියක් කලින් ලියල තියනවා කියවල බලන්න. – Positive Affirmations: අපිට පුළුවන් කියලා හිතට කියමු! (https://mediwall.lk/positive-affirmations-%e0%b6%85%e0%b6%b4%e0%b7%92%e0%b6%a7-%e0%b6%b4%e0%b7%94%e0%b7%85%e0%b7%94%e0%b7%80%e0%b6%b1%e0%b7%8a/)

මේ දවස් 5 ඔයාලට ලස්සන මතකයක් වෙන්න ඕනෑ, බයෙන් ගෙවන කාලයක් නෙවෙයි. විභාගේ එක පඩිපෙළක් විතරයි, ජීවිතේ තව ගොඩක් දේවල් තියෙනවා. ඉතින් relax වෙලා, හිත හයිය කරගෙන, ඔයාලගේ උපරිම උත්සාහය දෙන්න. ඔයාලට හදවතින්ම සුබ පැතනවා! O-Level එක ලස්සනට ඉවර කරලා, ඊළඟ පියවරට ලෑස්ති වෙන්න. ජය වේවා!

Original Post: https://mediwall.lk/%e0%b7%83%e0%b7%8f%e0%b6%b8%e0%b7%8f%e0%b6%b1%e0%b7%8a%e0%b6%ba-%e0%b6%b4%e0%b7%99%e0%b7%85-%e0%b7%80%e0%b7%92%e0%b6%b7%e0%b7%8f%e0%b6%9c%e0%b6%ba%e0%b6%a7_%e0%b6%bd%e0%b7%91%e0%b7%83%e0%b7%8a/

Address

Website

https://mediwall.lk/

Alerts

Be the first to know and let us send you an email when MediWall posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic?

Country:

City:

08/06/2025

18/05/2025

18/05/2025

31/03/2025

23/03/2025

23/03/2025

18/03/2025

15/03/2025

13/03/2025

Address

Website

Alerts

Shortcuts

Share