14/01/2022
Torticollis (ටෝටිකෝලිස්)
මෙය ළදරුවන් අතර බහුලව දක්නට ලැබෙන තත්ත්වයක් වන අතර බෙල්ල හා සම්බන්ධ මාංශපේෂියක ඇතිවන ගැටලුකාරි තත්ත්වය කි.
මෙහිදී ඔබේ දරුවාගේ හිස එක් පැත්තකට ඇලවී තිබෙන අතර ඔහුගේ නිකට හිස හැරී ඇති පැත්තට විරුද්ධ පැත්තේ උරහිස දෙසට යොමුව පවතී.
මෙම තත්ත්වය ළදරුවකු ට උපතේදීම ඇතිවිය හැකි අතරම පසුකාලීනව ත් වර්ධනය විය හැක. වඩා සුලබ වන්නේ උපතේදී ඇතිවන තත්ත්වයයි.
අපගේ බෙල්ල එක් පසෙකට හැරවීම සඳහා මාංශපේෂියක් පවතී. එය sternocleidomastoid (ස්ටර්නොක්ලෙයිඩොමැස්ටොයිඩ්) ලෙස හඳුන්වන අතර එම මාංශපේෂියේ ඇතිවන තදවීමක් හෝ කෙටිවීමක් මෙම තත්ත්වය ට හේතු වේ.
Torticollis සඳහා නිශ්චිත හේතුවක් නොමැති වුවත් උපතේදී ඇතිවන torticollis සඳහා ගර්භාෂය තුල කලලය පිහිටි වැරදි ආකාරය හේතුවක් විය හැක.
පසුකාලීනව ඇතිවන torticollis සඳහා වැරදි ඉරියව් වල නිදාගැනීම, මාංශපේෂියේ තුවාලවීමක් හෝ ඇදීමක්, එකම ඉරියව්වක හිඳ ස්මාර්ට් ෆෝන් භාවිතය හා වීඩියෝ ගේම් සෙල්ලම් කිරීම හේතුවක් විය හැක.
උපතින් සති 6-8 තුල දරුවාගේ අසාමාන්‍ය දෙයක් ඔබට නොපෙනීම ට පුළුවන්. ක්‍රමයෙන් දරුවා හිස හා බෙල්ල චලනය කිරීමට පටන්ගත්තායින් පසු ලක්ෂණ නිරීක්ෂණය කල හැකියි. එම ලක්ෂණ දරුවාගෙන් දරුවාට වෙනස් විය හැකියි.
▶️ ලක්ෂණ
🔺 දරුවාගේ හිස එක් පැත්තකට ඇලවී තිබෙන අතර ඔහුගේ නිකට හිස හැරී ඇති පැත්තට විරුද්ධ පැත්තේ උරහිස දෙසට යොමුව පවතී.
🔺 හිස පහසුවෙන් දෙපසට චලනය නොකරයි.
🔺 එක් පසෙකින් පමණක් මව් කිරි බීමට කැමැත්තක් දක්වයි.
🔶 එකම ඉරියව්වක වැතිර සිටීම නිසා එක් පැත්තකින් හෝ දෙපැත්තකින් පැතලි හිසක් ඇතිවීම පටන් ගැනීමට පුළුවන්. (මෙය positional plagiocephaly ලෙසහඳුන්වයි)
පලපුරුදු භෞත චිකිත්සකවරයෙක් මගින් ලබාගන්නා භෞත චිකිත්සක ප්‍රතිකාර මගින් මෙම තත්ත්වය මගහරවා ගත හැකියි.
Pavithra Ruwanjith Wickramasinghe
Senior Physiotherapist
BSc in physiotherapy (col)
MBM (col)
Acupuncture/ Dry needling practitioner
SLMC 480
