30/03/2026
🌺තිරුමේච්චූර් ලලිතාම්භිකා දේවිය
(සහස්රනාමයේ අපූරූ උපතේ කථාව)
අරුල්මිගු ශ්රී ලලිතාම්භිකා සමේත මේඝනාද ස්වාමී කෝවිල මෙම කෝවිලේ සැබෑ නාමයයි. සත්යවශයෙන්ම මෙය ශිව දෙවියන්ගේ ස්ථලයකී. එහෙත් බොහෝදෙනා මෙහි පැමිණෙන්නේ ලලිතාම්භිකා දේවිය දැකීමටයී. මෙම කෝවිලේ සුවිශේෂත්වය නම් අද ඔබ මම පරායණය කරන ශ්රී ලලිතා සහස්රනාමයේ උපත සිදුවුන ස්ථලයේ මෙය බැවිනි. එම පුරාවෘත්තය මෙසේය.
තුන් ලෝකයටම හිසරදයක් වූ භණ්ඩාසුර අසුරයා දේවීය විසින් සම්හාරය කිරිමෙන් අනතුරුව දේවිය අතිශයින් උග්ර භවයකට. පත් වූ අතර මෙය දුටු ශිව පෙරුමාන් දේවියට තිරුමේච්චූර් ප්රදේශයට ගොස් ස්වයං තපසක් සිදු කරන ලෙස ඉල්ලා සිටියේය. දේවිය විසින්
තිරුමේච්චූර් ප්රදේශයට පැමිණ මහා තපස්යාවක නිරත වී තම තාමසික ස්වභාවය යටපත් කරගනිමින් ස්වයං ශාන්ත ස්වභාවයකට පත්විය. මෙම සිද්ධිදාමය නිසා දේවියගේ සිතේ ආනන්දයක් ජනිත වූ අතර දේවිය තම වශින්යාදී වාග් දේවතාවියන් වන වශිනී, කාමේශ්වරී, මෝදිනී, විමලා, අරුණා, ජයනී, සර්වේශ්වරී, කෞලිනී යන වාග් දේවතාවියන් හට අමතන ලදී ඔවුන් මහා දේවියට "මනෝන්මනී" යනුවෙන් අමතනු ලැබු අතර මෙම කරුණ නිසා දේවියට තම සියලු නාමයන් ඇතුලත් කර සහස්රනාමයක් නිර්මාණය කිරිමට සිත්විය. එහිදී වාගේ දේවතාවියන් අතින් එක් පරායණයකින් පවා කෝටී පුණ්යයන් අත්වන ශ්රී ලලිතා සහස්රනමය නිර්මාණය කර මහා දේවිය ඉදිරියේ ගායනා කරන ලදී. එසේ මුල් වරට සහස්රනාමය ගායනා කල අතර පසු කලෙක හයග්රීව භගවාන්ගෙන් මෙම රහස්ය නාමයන් දැනගත් අගස්ත්ය සෘෂී මෙම ස්ථලයේ වෙත පැමිණ දේවියට ආර්චනා කරමින් ස්තෝත්රය ගායනා කරන ලදී. එහිදී දේවියගේ දර්ශනයෙන් ප්රමෝද වූ අගස්ත්ය මුණි දේවිය වෙත සැණකින් ස්තෝත්රයක් නිර්මාණය කල අතර එය "ලලිතා නවරත්නමාලිකා"ලෙස අද අප හදුන්වයි.
මෙහි සිටින ශිව පෙරුමාන් ද දේවිය තරම්ම වැදගත් අතර එ පුවත ද අසිරිමත්ය. වරක් සූර්යා තම රශ්මියෙන් අහංකාර වි කයිලාශ සමීපයෙන් දැඩි රශ්මියකින් ගමන් කරන ලදී. මෙම රශ්මිය නිසා පාර්වතී දේවියගේ අතක් පිළිස්සීමට ලක්විය. මෙයින් කෝප වූ ශිව දෙවියන් සූර්යයාගෙ ප්රභව නැති කර දමන ලදි. මෙයින් වරද වටහා ගත් සූර්යයා පෘතුවියේ මේ ක්ෂේත්රයේදී දෙවිදුන් උදෙසා පුජා පැවැත්වූ අතර ශිව දෙවියන් ඔහුට මේඝයක ස්වරූපයෙන් පැමිණ ශාප විමෝචනය ලබා දුන් නිසා මෙම මේඝනාද නාමය දෙවිඳුන්ට ලැබිණි එම කරුණ නිසා වර්ෂයකට එක වතාවක් මෙහි ඇති ශිව ලිංගයට සූර්ය කිරණ වැටෙන බව පැවසේ.
මෙම කෝවිලේ ඇති ප්රධාන උත්සවයක් ලෙස "නෙයී කුලම් දරිසනම්" හැදින්විය හැකිය. එනම් තරමක් දිගු තටාකයක් සාදා එය කොටස් තුනකට බෙදා එහි පලමු කොටස චක්කර පොංගල් ද, දෙවන කොටසේ පුලියෝදරම්/පුලි සාදම් ද, තුන්වන කොටසේ තයීර් සාදම්ද දමා චක්කර පොංගල් කොටස් මට්ටම් කොට එයට ලීටර් 500 පමණ ගිතෙල් පුරවා ලලිතා දේවියට පූර්ණ නිත්ය අලංකාරම් සිදු කොට දීපාරාධනා සිදු කරයී. මෙම කර්තව්ය ශක්ත වේවා! කුමන දේවි භක්තිකයෙකු වේවා! ජීවිතේ එකදු වතාවක් හෝ තම දෑස් දෙකෙන් දැකිය යුතුම දෙයක් ලෙස හින්දුන් සලකති. එහිදී දේවියගේ ඡායාව ගිතෙල් තුලින් දිස්වන අතර මෙය දකින. බැතිමතුන්ගේ දුක අසුරු සැණකින් දුරු වන බවට බැතිමතුන් තදින්ම විශ්වාස කරයි. මෙහිදී දේවියගේ මුවගේ එක් අර්ධයකින් රුද්ර ස්වාභාවයද අනික් අර්ධයෙන් සෞම්ය භාවයද දිස්වේ! මෙම පුජාව වර්ෂයකට 3 වතාවක් සිදු වන අතර,
1. වයිකාසී පෞර්ණමී දිනයේ ද
2. මාසී අශ්ටමී දිනයේද,
3. නවරාත්රී විජය දශමි දිනයේද?
මෙම අසිරිමත් පුජාව බැතිමතුන්ට දැක බලා ගැනීමට හැකිය. මෙම පුජාවට අමතරව ලලිතා සහස්රනාම ලක්ෂාර්චන පූජාව, සිලම්බු පූජාව(සෞභාග්යය සහ විවාහ සමෘද්ධිට), කස්තුරි තිලක පූජාව (මෙම තිලකය දේවියට තැබූ පසු ප්රසාදයක් ලෙස ලබාගත හැකිය),මනෝන්මනී පූජාව(දැනුම සහ ප්රඥාව ලැබීමට), නවරාත්රී පූජාව සහ ආඬි පූරම් යන නොයෙකුත් පූජාවෝ සිදු වෙන අතර දේවිය වදින බැතිමතුන් මේ අපූරු සිද්ධස්ථානය තම වන්දනා ගමනේ එක් ස්ථානයක් ලෙස වැදීමට අමතක නොකරතී. ඔබත් චෙන්නායි සිට කි. මී. 267 ක දුරින් පිහිටි මෙම අපූරූ දේවස්ථානය ජීවිතයේ එක් වරක් හෝ වන්දනා කර ආදී පුරුෂයන්ගේ, ආදී පරාශක්තීයගේත් අඛණ්ඩ ආශීර්වාදය ඔබේ ජීවිතයට එකතු කරගන්න.
🕉️ සර්ව ලෝක රක්ෂකී, සර්ව රෝග හරිණී, ශ්රී චක්ර වාසිනී, තිරුමේච්චූර් අරුල්මිගු ලලිතාම්බිකෛ තිරුවඩිගලේ පෝට්රී!
🕉️වාග් දේවතා පෝට්රිය ලලිතා සහස්රනාම නායකී, මන නිම්මදියුම් මගිල්ච්චියුම් අරුළුම් අම්මා ලලිතාම්බිකෛ පෝට්රී!
🌺දේවී තුනයී🌺
