14/05/2026
ඇඳේදී ඇය මවන ඒ "බොරු සතුට" පිටුපස තියෙන කවුරුත් නොකියන කතාව...
රාත්රිය නිහඬය. ඔහු තමන්ගේ පිරිමිකම ගැන දැඩි ආඩම්බරයකින් යුතුව, කායික එක්වීමෙන් පසු මහන්සිය නිවාගන්නට සුවබර නින්දකට වැටී සිටියි. ඔහු හිතන්නේ අද රාත්රියෙත් තමන් ඇයට උපරිම සතුටක් ලබා දුන්නා කියාය. නමුත් ඇය? ඇය අඳුරේම සිවිලිම දිහා බලාගෙන ඉන්නවා විය හැකිය. ඇගේ ඇස්වල තියෙන්නේ සතුටක් නොව, හිස්කමකි; දැඩි තෙහෙට්ටුවකි.
ලංකාවේ පවුල් ජීවිත ඇතුළේ කවුරුත් එළිපිට කතා කරන්නට අකමැති, නමුත් බොහෝ නිදන කාමර ඇතුළේ සිදුවෙන ලොකුම රහස මෙයයි. තමන්ට කිසිදු කායික තෘප්තියක් නොලැබුණත්, තමන්ට උපරිම සතුට ලැබුණා යැයි පෙන්වමින් කාන්තාවන් කරන මේ රඟපෑම, නැතිනම් මවන මේ බොරුව පිටුපස තියෙන්නේ හදවත පාරවන කතාවකි.
මෙය ඇය ඔබට කරන ද්රෝහීකමක් හෝ රැවටිල්ලක් නොවේ. මෙය සමාජය සහ ඇගේම යටිහිත විසින් ඇයව යොමු කර ඇති ඉතාම අසරණ "ආත්මාරක්ෂක උපක්රමයකි". ඇය මේ බොරුව කරන්නේ ඔබට ඇති ආදරේ අඩුවක් නිසා නොව, ඇය මුහුණ දෙන නොපෙනෙන පීඩනයන්ගෙන් ගැලවෙන්නට වෙනත් මඟක් ඇයට නොපෙනෙන නිසාවෙනි.
ඇයි ඇය මේ තරම් සංවේදී මොහොතකත් මෙහෙම රඟපාන්නේ? ඒ පිටුපස තියෙන සැබෑ මනෝවිද්යාත්මක හේතු කීපයක් තිබෙනවා.
1. පිරිමියාගේ මමත්වය රැකදීමේ බර ඇගේ කර මත වීම:
පිරිමියෙකුගේ ආත්ම අභිමානය, නැතිනම් ඔහුගේ "පිරිමිකමේ අහංකාරය" බොහෝදුරට බැඳී පවතින්නේ තමන්ගේ සහකාරියව යහන මතදී සතුටු කිරීමට ඔහුට ඇති හැකියාව මතයි. යම් හෙයකින් "මට කිසිම සතුටක් දැනුණේ නෑ" කියා ඇය සත්යය පැවසුවහොත්, ඔහුගේ ඒ ආත්ම අභිමානය බිඳවැටෙන බව ඇය දන්නවා. ඉන්පසුව ඔහු මානසිකව කඩාගෙන වැටෙන්නට හෝ, එය තරහවක් බවට පෙරළාගෙන ගැටුමක් ඇති කරගන්නට ඉඩ තිබෙනවා. අන්න ඒ ගැටුමට සහ ඔහුගේ හිත රිදවීමට ඇති බිය නිසාම, ඇය තමන්ගේ සැබෑ හැඟීම යටපත් කරගෙන ඔහුට අවශ්ය කරන "වීරයා" වීමේ සතුට ලබා දෙනවා.
2. නිහඬ වේදනාව සහ දරාගත නොහැකි මහන්සිය:
කාන්තාවකගේ ශරීරය කායික එක්වීමකට සූදානම් වීමට නම් ඊට පෙර ඇගේ මනස ආදරයෙන් පිරවිය යුතුයි. ප්රමාණවත් පෙර සූදානමක් නොමැතිව, හැඟීම් අවදි වීමකින් තොරව සිදුවන එක්වීමකදී ඇයට දැනෙන්නේ දැඩි වේදනාවක් පමණයි. ඒ වගේම, උදේ සිට රාත්රිය වනතුරු ගෙදර දොරේ වැඩ, දරුවන්ගේ වැඩ සියල්ල කර අවසන් වූ පසු ඇගේ ඇඟට ඉතිරි වී ඇත්තේ වචනයෙන් කිව නොහැකි තරම් තෙහෙට්ටුවක්. මේ වේදනාවෙන් සහ මහන්සියෙන් ඉක්මනින් මිදී, නිදාගන්නට අවශ්ය නිසාම, ඇය ඉක්මනින් තමන්ගේ සතුටේ උපරිමය පෙන්වා රඟපානවා. එයින් ඇය බලාපොරොත්තු වෙන්නේ කොහොමහරි මේ රාජකාරිය ඉක්මනින් අවසන් කරගැනීම පමණයි.
3. සමාජය ඇති කළ ලැජ්ජාව සහ බිය:
පුංචි කාලයේ සිටම අපේ සමාජය ගැහැනු දරුවන්ට කියා දෙන්නේ ලිංගිකත්වය යනු කතා නොකළ යුතු, ලැජ්ජා විය යුතු දෙයක් කියායි. විවාහයෙන් පසුවත් ඇයට තමන්ගේ සැමියාට "මට මේ විදිහට ස්පර්ශ කරනවට මම ආසයි, මේ විදිහට කරනවට මම කැමති නෑ" කියා විවෘතව කියන්නට ඇයට ලොකු ලැජ්ජාවක් සහ බියක් තියෙනවා. තමන් එහෙම කිව්වොත් "මෙයාට මේවා ගැන කොහෙන්ද මෙච්චර දැනුමක්?" කියා සැමියා තමන්ව වැරදි විදිහට තේරුම් ගනීවි යැයි ඇය නිතරම බියෙන් පසුවෙනවා. ඒ නිහඬකම ඇයව ගෙන යන්නේ මේ බොරු සතුට මවන තැනටයි.
මේ මායාවෙන් වෙන දිගුකාලීන විනාශය:
මේ රඟපෑම එදිනෙදා ප්රශ්නයෙන් ගැලවෙන්නට හොඳ විසඳුමක් සේ පෙනුණත්, දිගුකාලීනව එයින් වෙන්නේ විශාල විනාශයක්. ඇය බොරුවට සතුට පෙන්වන විට, සැමියා සිතන්නේ තමන් අනුගමනය කරන ක්රමය ඉතාම සාර්ථකයි කියායි. ඔහු මුළු ජීවිත කාලය පුරාම ඒ වැරදි දේම දිගටම කරනවා. ඇයට කවදාවත් සැබෑ සතුටක් ලැබෙන්නේ නැහැ.
කාලයක් යද්දී, මේ කායික එක්වීම කියන්නේ ඇයට කිසිදු හැඟීමක් නැති නිකන්ම නිකන් "යුතුකමක්" හෝ සමහරවිට "වදයක්" බවට පත් වෙනවා. එකම ඇඳේ, එකම සෙවිලි තහඩුව යට නිදාගත්තත්, හැඟීම්වලින් ඒ දෙදෙනා හැතැප්ම දහස් ගණනක් දුරස් වෙනවා.
ආදරණීය බිරිඳට...
අදින් පසුව මේ රඟපෑම නවත්වන්න. ඔබේ ශරීරයේ අයිතිය සහ සතුට ලැබීමේ අයිතිය ඔබට තිබෙනවා. මේ බොරුව කිරීමෙන් ඔබ රවටා ගන්නේ ඔබවමයි. ඒ වගේම ඔබ ඔබේ සැමියාට සත්යය තේරුම් ගැනීමට ඇති අවස්ථාවත් නැති කරනවා. ආදරයෙන්, නිවුණු වෙලාවක ඔහුට කියන්න ඔබට සැබවින්ම අවශ්ය කුමක්ද කියා. ඔබට රිදෙනවා නම් "මට රිදෙනවා" කියන්න. එය ඔබේ අයිතියක්.
ආදරණීය සැමියාට...
නිදන කාමරය කියන්නේ ඔබ වීරයෙක් විය යුතු සටන් බිමක් නෙවෙයි. එතනදී ඔබේ ඒ පිරිමිකමේ අහංකාරය පැත්තකින් තියන්න. ඇයට ආදරය කරන්න. ඇගේ මනස නිදහස් කරන්න. එක්වීමක් අතරතුර "ඔයාට මේකෙන් සතුටක් දැනෙනවද? නැත්නම් රිදෙනවද?" කියා අසන්නට තරම් නිහතමානී වෙන්න. ඇයගේ සැබෑ සතුට ප්රකාශ වෙන්නේ කෙදිරියකින්,කෑගැසීමකින් හෝ වේගවත් හුස්ම ගැනීම් වලින් නෙවෙයි, ඇගේ ඇස්වල තියෙන නිවීමෙන් සහ ඇගේ ශරීරය ඔබට දක්වන ආදරණීය ප්රතිචාරයෙන්. ඇයට ඇහුම්කන් දෙන්න.ඇගේ ඇස්දෙක තුලින් ඔබව දකින්න පුරුදු වෙන්න..
ජීවිතය ඉතාම කෙටිබව වටහා ගන්න..ලෝක "සැබෑව"තේරුම් ගැනීම හෙටට කල් නොතබන්න.. සැබෑ ආදරය පටන් ගන්නේ, මායාවන් අවසන් වෙන තැනින්!
❤️
