PhysioLife

14/05/2026

😟දණහිස් වේදනාවට (Osteoarthritis)
වේදනා නාශක උගුල සහ තෙල් උගුල.💔

😢භෞතචිකිත්සක නිලධාරීයකු ලෙස මා අත්දකින කනගාටුදායක යථාර්ථය්.

වෛද්‍ය සායනවල සහ රෝහල්වල OPD හරහා අප වෙත යොමු වන බොහෝ රෝගීන් දකින විට, භෞතචිකිත්සක නිලධාරීන් (Physiotherapists)ලෙස අපට දැඩි වේදනාවක් දැනේ.වසර ගනනාවක් පුරා දණහිස් කැක්කුම සඳහා වේදනා නාශක පමණක් ගෙන, ආලේපන ගල්වා, අවසානයේ සන්ධිය විකෘති වී (deformed) අප වෙත පැමිණෙන රෝගියා, මෙම ඛේදවාචකයේ ජීවමාන සාක්ෂියකි.

😔වේදනාව පටන් ගත් මුල් අවස්ථාවේම, නිවැරදි මඟ පෙන්වීමක් ලැබුණේ නම්, මෙම රෝගීන්ට දණහිසට වූ හානිය සහ අහිමි වූ ක්‍රියාකාරීත්වය අවම කර ගැනීමට තිබුණි.

🥴නමුත් බොහෝ දෙනා තෝරා ගන්නේ ක්ෂණික සහනයක් දෙන වේදනා නාශක උගුලයි.

🚫වේදනා නාශක යනු මූලික ප්‍රතිකාරය නොවේ.

😮දණහිස් වේදනාවට ප්‍රධානතම හේතුව වන සන්ධි ප්‍රදාහය (Osteoarthritis) යනු මූලික වශයෙන් යාන්ත්‍රික (Mechanical) ගැටලුවකි. එනම්, සන්ධියේ කාටිලේජය ගෙවී යාම, මාංශ පේශිවල දුර්වලතාවය සහ ශරීරයේ ඉරියව්වල (Biomechanics) ඇති වන දෝෂ හේතුවෙන් වේදනාව ඇති වේ.

වේදනා නාශක භාවිත කිරීමෙන් සිදුවන්නේ මොළයට යන වේදනා සංඥාව යටපත් කිරීම පමණි. එය ගැටලුවට හේතුවන, සන්ධිය මත වැටෙන අසාමාන්‍ය බර, මාංශ පේශිවල දුර්වලතාවය හෝ සන්ධියේ අස්ථායි බව කිසිසේත්ම නිවැරදි නොකරයි.

වසර ගණනාවක් වේදනාව යටපත් වූ විට, රෝගියාට හානි වන අයුරින්ම දණහිස භාවිත කිරීමට පෙළඹේ. මෙම නොසැලකිල්ල නිසා සන්ධියේ ගෙවී යාම වේගවත් වන අතර, අවසානයේදී සන්ධිය ඇද වී (deformity) මුළුමනින්ම ක්‍රියාකාරීත්වය අහිමි වේ.
මේ වන විට අපට රෝගියාට ලබා දිය හැක්කේ ඉතා සීමිත සේවාවන්ය; බොහෝ විට අවසාන විසඳුම වන්නේ ශල්‍යකර්මයක් (Total Knee Replacement) බවට පත්වීම අපට දරාගත නොහැකි යථාර්ථයකි.

😔භෞතචිකිත්සාව(Physiotherapy) මග හැරීමේ ද්විත්ව ඛේදවාචකය
දණහිස් වේදනාවේ ඛේදවාචකයේ වඩාත්ම කණගාටුදායකම කොටස මෙයයි:
1. රෝගියාගේ නොදැනුවත්කම: වේදනාව පටන් ගත් විට ව්‍යායාම හෝ භෞත චිකිත්සාව වෙත යොමු නොවී, පෙති සහ තෙල්වලට මුල් තැන දීම.

2. වෛද්‍ය පද්ධතියේ දුර්වලතාවය: රෝගියා මුල් අවධියේදී වෛද්‍යවරයකු වෙත ගියද, බොහෝ විට ඔවුන්ව භෞත චිකිත්සාව වැනි ඖෂධ-නොවන ප්‍රාථමික ප්‍රතිකාර ක්‍රම වෙත නිවැරදිව යොමු නොකිරීම.

සන්ධි ප්‍රදාහයේ මුල් අවධියේදී භෞත චිකිත්සාව (Physiotherapy)යනු රන් ප්‍රමිතියයි.

අපගේ භූමිකාව:
❤️මාංශ පේශි ශක්තිමත් කිරීම: දණහිස හා උකුල වටා ඇති මාංශ පේශි ශක්තිමත් කිරීමෙන් සන්ධියට ලැබෙන ආධාරය වැඩි කිරීම.

❤️චලන පරාසය යථා තත්ත්වයට පත් කිරීම: සන්ධියේ නම්‍යශීලී බව සහ චලනය කිරීමේ නිදහස වැඩි කිරීම.

❤️ඉරියව් නිවැරදි කිරීම: ඇවිදීමේ රටාවේ සහ දෛනික කටයුතුවල ඇති දෝෂ නිවැරදි කරමින්, සන්ධිය මත පැටවෙන අසාමාන්‍ය බර අවම කිරීම.

❤️නිවැරදි සෞඛ්‍ය අධ්‍යාපනය: රෝගයට මුහුණ දිය යුතු ආකාරය, බර කළමනාකරණය සහ නිවසේදී කළ යුතු ව්‍යායාම පිළිබඳව දැනුවත් කිරීම.

මුල් අවධියේදී මෙම ප්‍රාථමික ප්‍රතිකාර ලබා දුන්නා නම්, වසර කිහිපයක් ඇතුළත සන්ධිය විකෘති වීමේ අවදානම සහ රෝගියාගේ ජීවන තත්ත්වය පහළ වැටීම බොහෝ සෙයින් වළක්වා ගැනීමට හැකිය.

අවසාන වශයෙන්: වගකීම සහ දැනුවත් වීම
වේදනා නාශක යනු හදිසි වේදනාවන් කළමනාකරණයට මිස, නිදන්ගත තත්ත්වයන් සුව කිරීමට නොවන බව ජනතාව තේරුම් ගත යුතුය.

දිගුකාලීන වේදනා නාශක භාවිතයෙන් වකුගඩු, ආමාශය සහ හෘදයට වන හානිය දරුණුය.

අපගේ සෞඛ්‍ය පද්ධතියේ සිටින අප සියලු දෙනාටම මෙන්ම පොදු ජනතාවටද අපගේ දැඩි ඉල්ලීම වන්නේ: දණහිස් වේදනාව ආරම්භ වූ වහාම භෞතචිකිත්සක නිලධාරීයෙකු හමුවන්න.

ඖෂධවලට යොමු වීමට පෙර, චලනය සහ නිවැරදි ව්‍යායාම හරහා ඔබේ ශරීරයේ ස්වාභාවික ක්‍රියාකාරිත්වය යථා තත්ත්වයට පත් කර ගන්න.

ප්‍රදීප් ජයසේකර.
භෞතචිකිත්සක නිලධාරී .
දිස්ත්‍රික් මූලික රෝහල -තෙල්දෙණිය.
Follow the PhysioLife Physiotherapy clinic channel on WhatsApp: https://whatsapp.com/channel/0029VbBlyQqHFxP4s5M9jy3Q

29/01/2026

🔴ඔයත් දනහිස් සන්ධියට TKR (Total Knee Replacement) එකක් කරන්න ලිස්ට් එකේ ඉන්න කෙනෙක් නම් ,මේ ලිපිය අනිවාරයෙන් කියවන්න

🔴දිනෙන් දින වැඩිවන දනහිස් කැක්කුම, ඇවිදිවිට ඇතිවන වේදනාව, පඩිපෙළ නඟින විට හෝ ඉඳගෙන නැගිටින විට දැනෙන අමාරුව තව දුරටත් උත්සන්න වී කාලයත් සමඟ දනහිස් සන්ධිය ඇද වීම් හා චලන පරාසය අඩුවිම් සිදු වේ.

🔴මෙය බොහෝ දෙනාගේ දෛනික ජීවිතයට බරපතළ ලෙස බලපෑම් ඇති කරනවා.

🔴මෙවැනි අවස්ථාවලදී වෛද්‍යවරුන් විසින් අවසාන විසඳුමක් ලෙස Total Knee Replacement (TKR) ශල්‍යකර්මය නිර්දේශ කරනු ලබනවා.

🔴මෙමගින් වේදනාව අඩු කර ගැනීමටත්,චලන පරාසයන් දියුණු කරගැනීමටත්,දනහිස් සන්ධිය ඇදවී ඇත්නම් එය නිවැරදි කරගැනීමටත් හැකියාව ලැබෙන අතර එදිනෙදා වැඩකටයුතු පහසුවෙන් සිදු කර ගැනීමේ හැකියාව ලැබෙනවා.

🔴නමුත් මෙම ශල්‍යකර්මයෙන් පසු ඉතා ඉක්මනින් සාර්ථක ප්‍රතිඵලයක් ලැබෙන්නේ
👉 ශල්‍යකර්මයට පෙර
👉 ශල්‍යකර්මයෙන් පසු
😃Physiotherapy නිසි ලෙස කරන අයට පමණයි.

✅ශල්‍යකර්මයට පෙර අවම මාසයක කාලයක් හෝ භෞතචිකිත්සක ප්‍රතිකාර වල නියැලීම ඉතාම වැදගත්.

මෙම කාලසීමාව තුලදී,
✅දනහිස හා උකුල අවට මාංශපේශී ශක්තිමත් කිරීමේ ප්‍රතිකාරමය ව්‍යායාම,

✅දනහිස් සන්ධියෙහි චලන පරාසයන් දියුණු කිරීමේ ව්‍යායාම,

✅මාංශ පේශී දිගු ඇදීමේ ව්‍යායාම පුහුණු කරනු ලබනවා.

🔴එමෙන්ම ශල්‍යකර්මය සිදු කිරීමෙන් අනතුරුව සිදු කල යුතු ව්‍යායාම පුහුණු කිරීම සිදු කරනු ලබන අතර එමඟින් ශල්‍යකර්මයෙන් අනතුරුව නිවැරදි ලෙස ව්‍යායාම සිදු කිරීම හා ඒ සඳහා ඇති වන බිය පහව යාම සුව වීම ඉක්මන් වීම සිදු වෙනවා.

𝐏𝐫𝐞-𝐨𝐩 𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 (ශල්‍යකර්මයට පෙර 𝐩𝐡𝐲𝐬𝐢𝐨𝐭𝐡𝐞𝐫𝐚𝐩y වැදගත් ඇයි?

1️⃣ මාංශපේශී ශක්තිය වැඩි කරගැනීම
TKR surgery එකෙන් පසු
Quadriceps
Hamstrings
Hip muscles
දුර්වල වුවහොත්, ඇවිදීම සහ දණහිස පාලනය කිරීම අපහසු වේ.
👉 Pre-op physiotherapy මඟින් මේ මාංශපේශී surgery එකට පෙරම ශක්තිමත් කරගත හැක.

2️⃣ දණහිස් සන්ධියේ චලන පරාසය (ROM) වැඩි කරගැනීම
ශල්‍යකර්මයට පෙර දණහිස් ස්න්දිය දැඩිව තිබුණොත්,
Surgery එකෙන් පසුවත් දණහිස හොඳින් නැමිය නොහැකි වීමට මෙන්ම සම්පූර්ණයෙන් දිගහැරීම අඩු වීමට අවදානම වැඩිය.

👉 Pre-op exercises මගින් දණහිස නැමිය හැකි ප්‍රමාණය වැඩි කරගැනීම, surgery එකෙන් පසු ඉක්මනින් සුවය ලැබීමට උපකාරී වේ.

3️⃣ ශල්‍යකර්මයෙන් පසු Physiotherapy ගැන රෝගියාට පුහුණුව ලැබීම.
බොහෝ රෝගීන් surgery එකෙන් පසු

🥴Exercises කරන්න බිය වෙනවා
🥴වේදනාවට exercise සිදු කිරීම නතර කරනවා
Pre-op physiotherapy තුළ
🥰ශල්‍යකර්මයෙන් පසු පසු කළ යුතු ප්‍රතිකාරමය ව්‍යායාම
🥰ඇඳ මත චලනයන් සිදු කරන ආකාරය
🥰ඇවිදීමට අවශ්‍ය විශේෂ ආධාරක(Walker / crutches )භාවිතය
🥰වේදනාව හා ඉදිමුම අඩු කරගැනීමට අවශ්‍ය දැනුම
කලින්ම ලබාදීම සිදු කරනවා.
👉 එවිට surgery එකෙන් පසු රෝගියා මානසිකව සූදානම් වේ.

4️⃣ Surgery එකෙන් පසු වේදනාව හා සංකූලතා අඩු වීම
Pre-op physiotherapy කරපු රෝගීන්ට
✅වේදනාව අඩු වීම
✅ඉදිමුම අඩු වීම
✅රුධිර නාලිකා තුල ලේ කැටි ඇති වීම (DVT) වැනි සංකූලතා අඩු වීම
ඉතා බහුලව දැකිය හැක. #

5️⃣ ඉක්මනින් ඇවිදීමට හා සාමාන්‍ය ජීවිතයට යා හැකි වීම
Physiotherapy කලින්ම සිදු කළ රෝගීන්,
✅Surgery එකෙන් පසු ඉක්මනින් නැගී සිටිති
✅ඉක්මනින් ඇවිදීමට හැකි වේ
✅රෝහල් ගත වී සිටීමට සිදුවන කාලය කෙටි වේ

🤷‍♂️Pre-op Physiotherapy නොකළොත් මොනවාද වෙන්නේ?
❌ Surgery එකෙන් පසු දණහිස දැඩිවීම
❌ Exercises කරන්න අපහසු වීම
❌ වේදනාව දිගු කාලයක් පැවතීම
❌ සම්පූර්ණ සුවය ලැබීමට වැඩි කාලයක් ගත වීම සිදුවේ.

🤷‍♂️ අවසානයේ ශල්‍යකර්මයෙන් පසු ඔබ බලාපොරොත්තු වන දෙය ඉටු කරගැනීමට නොහැකි වීම හෝ කල් ගත වීම සිදු වේ.

Pre-operative Physiotherapy ආරම්භ කළ යුත්තේ කවදාද?
👉 TKR surgery එකට අවම වශයෙන් මාසයකට හෝ පෙරphysiotherapist කෙනෙක් හමුවී ප්‍රතිකාර ආරම්භ කිරීම ඉතා සුදුසුය.

අවසන් වශයෙන්…
Total Knee Replacement surgery එක සාර්ථක වීමට,surgery එක පමණක් ප්‍රමාණවත් නොවේ.
👉 Surgery එකට පෙර කරන Pre-operative Physiotherapy
👉 Surgery එකෙන් පසු කරන Post-operative Physiotherapy
මේ දෙකම එකසේම වැදගත් වේ.
ඔබත් TKR surgery එකක් සඳහා සූදානම්ව සිටිනවා නම්,

අදම physiotherapist කෙනෙක් හමුවී Pre-op physiotherapy ආරම්භ කරන්න.

එය ඔබේ අනාගත ඇවිදීම තීරණය කරයි.

TKR එකෙන් පස්සේ Physiotherapy පටන් ගන්න ඕනේ කවදාද?
👉 TKR ශල්‍යකර්මයෙන් පසු පැය 24 – 48 ඇතුළත physiotherapy ආරම්භ කළ යුතුයි (වෛද්‍ය උපදෙස් අනුව).
බොහෝ රෝහල්වල
🔵ශල්‍යකර්මය කළ දවසේම හෝ
🔵ඊළඟ දවසේම Physiotherapist කෙනෙක් රෝගියා හමුවෙනවා.
🔵නමුත් ඔබ රෝහලෙන් පිට්ව ගිය පසු ප්‍රතිකාර මඟ හැරගන්න එපා.
ශල්‍යකර්මයෙන් පසු මුල් physiotherapy වල අරමුණු:
☺️දනහිස් සන්දිය දැඩි වීම (stiffness) වැළැක්වීම
☺️ඉදිමුම අවම කිරීම .
☺️Blood circulation හොඳින් පවත්වා ගැනීම
☺️Blood clot (DVT) අවදානම අඩු කිරීම
☺️මාංශපේශි සක්‍රීය කරගැනීම
☺️ඉක්මනින් නැගිටින, ඇවිදින්න පුහුණු කිරීම

🥴TKR පස්සේ Physiotherapy ප්‍රමාද කළොත් මොනවා වෙයිද?
මේක බොහෝ රෝගීන් නොසලකා හරින්නා වූ, නමුත් ඉතා වැදගත් කරුණක්.

❌ 1. දනහිස් සන්ධිය දැඩිවීම (Severe stiffness)
Physiotherapy ප්‍රමාද කළොත්
👉චලන පරාසයන් සහ ශක්තිමත් බව අඩු වීම
👉 සන්ධිය දැඩිවීම නිසා
👉 පසුව physiotherapy කළත් යතා තත්වයට පත්වීම අඩු වෙන්න පුළුවන්.

❌ 2. දිගුකාලීන වේදනාව
චලනයන් සිදු නොකර සන්දිය තියාගත්තොත්
👉කැක්කුම වැඩි වෙනවා
👉 Pain killer මත රඳා පවතින තත්ත්වයක් ඇති වෙන්න පුළුවන්.

❌ 3. මාංශපේශි දුර්වල වීම (Muscle wasting)
Physiotherapy කිරීම පරක්කු වීමෙන්
👉 Quadriceps වගේ වැදගත් මාංශපේශි ඉක්මනින් දුර්වල වෙනවා
👉 ඇවිදිනවිට ද්නහිස ශක්තිමත් නෑ වගේ (knee instability)දැනෙන්න පුළුවන්.

❌ 4. අධාරකයක් නැතිව ඇවිදින්න බෑ / assistive devices දිගුකාලීනව අවශ්‍ය වීම
Walker,Crutchesදිගු කාලයක් භාවිතා කරන්න සිද්ධ වෙන්න පුළුවන්.

❌ 5. රෝහලේ හා නිවසේ recovery කාලය දිගු වීම

Physiotherapy පරක්කු වීමෙන්
👉රෝහල් ගත් වී සිටීමට සිදුවන කාලය දිගු වෙනවා
👉 එදිනෙදා දවසේ වැඩ කටයුතු (ඇවිදීම,වැසිකිලි යාම, පඩිපෙල් නැගීම,) කරගන්න අමාරු වෙන්න පුලුවන්

“කැක්කුම තියෙනකම් physiotherapy කරන්න එපා” කියලා හිතනවාද?
මෙය වැරදි අදහසක්.
👉 Physiotherapy කියන්නේ කැක්කුම අඩු කරන, සන්ධිය ආරක්ෂා කරන විද්‍යාත්මක ප්‍රතිකාරයක්.
👉 නිසි ලෙස භෞතචිකිත්සක උපදෙස් අනුව කරන physiotherapy මඟින්
➡️ කැක්කුම වැඩි කරන්නේ නෑ
➡️ කැක්කුම අඩු කිරීමටම උපකාකාරී වෙනවා

Pre-op + Post-op Physiotherapy එකතු වුණාම ලැබෙන හොඳම ප්‍රතිඵල තමයි
✔️ ඉක්මන් ඇවිදින්න පුලුවන් වෙනවා
✔️ දනහිස් සන්ධියේ හොඳ චලන පරාසයක් ලබාගන්න පුලුවන් වෙනවා
✔️ ඉක්මනින් වේදනාවන් අඩු වෙනවා
✔️ වඩා හොඳ ජීවන තත්ත්වයක් ලබා ගැනීමට හැකි වෙනවා

අවසාන වශයෙන්
ඔබ කෘතීම දනහිස් බද්ධ කිරීමකට(TKR) කරන්න සූදානම් වෙමින් ඉන්නවා නම්
හෝ දැනටමත් TKR ශල්‍යකර්මය කරගෙන ඉන්නවා නම්
👉 Physiotherapy ප්‍රමාද කරන්න එපා.

👉 ඔයත් TKR list එකේ ඉන්න කෙනෙක් නම්, physiotherapy ටික “පස්සේ කරමු” කියලා හිතන්න එපා – අදම පටන් ගන්න.

ප්‍රදීප් ජයසේකර
භෞතචිකිත්සක නිලධාරී
දිස්ත්‍රික් මූලික රෝහල -තෙල්දෙණිය.
SLMC-1067
0760810260

05/01/2026

💊🧴 දනහිස් කැක්කුමට (Osteoarthritis)වේදනා නාශක පෙති බීලා, තෙල් වර්ග / ආලේපන ගාලා නවත්තපු ගමන්
👉 තිබුණට වඩා වැඩියෙන් වේදනාව දැනෙනව නේද?
ඒ ඇයි කියලා ඔබ දන්නවද?

ගොඩක් අය දනහිස් කැක්කුම (Knee Pain) ඇතිවූ විට කරන පළමු දෙය තමයි,
1.වේදනා නාශක පෙති (Pain killers) බීම.

2.තෙල් වර්ග, gel, cream වගේ ආලේපන ගල්වා බැලීම.

මේ දේවල් වලින් ටික කාලයක් වේදනාව අඩු වුණා වගේ දැනෙනවා.
ඒත් ඒවා නතර කළාම…🤷‍♂
👉 කලින් තිබුණටත් වඩා තද වේදනාවක් එනවා කියලා ඔබටත් අත්දැකීමක් තියෙනවද?🤦‍♂

🔍 ඒකට හේතු මොනවාද?

මේ දේවල් වලින් කරන්නෙ කැක්කුම දැනෙන එක නතර කරනවා පමණයි. එනම්,
✅ වේදනාව තාවකාලිකව වසං කිරීමයි. (Masking the pain).රෝගී තතවය පාලනය කරනවා නෙවෙයි.

එම නිසා,
කැක්කුම අඩු වුණාම සාමාන්‍ය විදියටම එදිනෙදා වැඩ කටයුතු වල නියැලෙනවා.
😃වැඩියෙන් ඇවිදිනවා

😃පඩිපෙල් නගිනවා

😀බිම වාඩිවෙලා වැඩ කරනවා

😄දනහිසට වැඩි බර යෙදෙන විදියේ ක්‍රියාවන් වල යෙදෙනව.

📌ඉතින් මේ දේවල් නිසා දනහිස් සන්ධිවල කාටිලේජ තව තවත් හානි වෙනවා.ඔස්ටියෝආතරයිටීස් තත්වය තව තවත් වැඩි වෙනවා .දිගින් දිගටම කාලයක් තිස්සේ මේ විදියටම කලාම ද්නහිස් සන්ධි ගෙවිල ඇද වෙලා යනකන්ම දන්නෙ නැහැ.අවසානයේ කෘතීම දනහිසක් බද්ධ කරන එක තමයි අවසාන විසඳුම.🤷‍♂️

✅ එහෙනම් හොඳ විසඳුම තමයි භෞතචිකිත්සක ප්‍රතිකාර (💪 Physiotherapy )කරන එක
එහිදී..

➡️🏋️ දනහිස් සන්ධිය, උකුල් සන්ධිය වටා ඇති මාංශ පේශී ශක්තිමත් කිරීම ම්ඟින් දනහිස් සන්ධිය වෙත කෙලින්ම යෙදෙන පීඩනය අඩු කරනු ලබනවා.
➡️දනහිස් සන්ධියේ චලන පරාසයන් උපරිම අයුරින් තබා ගන්නවා.
➡️වේදනාව අඩු කරනු ලබනවා.
➡️එදිනෙදා වැඩ කටයුතු වල නියැලිය යුතු ආකාරය පිළිබඳ උපදෙස් ලබාදෙනවා.

ඔබත් ඔස්ටියෝආතරයිටීස් තත්වයෙන් පෙලෙන අයෙක් නම් හැකි ඉක්මනින් භෞතචිකිත්සක (Physiotherapy )ප්‍රතිකාර වෙත යොමුවන්න.

ප්‍රදීප් ජයසේකර.
භෞතචිකිත්සක නිලධාරී.
දිස්ත්‍රික් මූලික රෝහල.
තෙල්දෙණිය.

‎Follow the PhysioLife Physiotherapy clinic channel on WhatsApp: https://whatsapp.com/channel/0029VbBlyQqHFxP4s5M9jy3Q

Whatsapp -: wa.me/94760810260

31/12/2025

27/12/2025

⚠️ දනහිස් කැක්කුමට Knee Guard භාවිතය ගැන සත්‍යය ඔබ දන්නවාද?

😫ගොඩක් අය දනහිස් කැක්කුම (Knee Pain) ඇතිවූ විට, වෛද්‍ය උපදෙස් නැතිවම Knee Guard භාවිතා කරනවා.

🙂ඇත්තටම, සමහර අවස්ථාවල මෙය කෙටි කාලීනව වේදනාව අඩු කරලා හොඳයි වගේ හැඟීමක් ලබා දෙන්න පුළුවන්.

😳ඒත් දිගු කාලීනව භාවිතා කළාම සිදුවෙන්නේ මොකක්ද කියල දන්නවද??

❌ Knee Guard දිගු කාලීනව භාවිතා කිරීමේ අහිතකර බලපෑම්

1️⃣ මාංශ පේශී දුර්වල වීම (Muscle Weakness)
දනහිස් සන්ධිය ශක්තිමත්ව තබාගන්නේ
👉 Quadriceps
👉 Hamstrings
👉 Calf muscles වැනි මාංශ පේශීන් මගින්.

Knee Guard එකක් දිගු කාලයක් තිස්සේ දාගෙන ඉන්නවිට,

🔵සන්ධියට අවශ්‍ය support එක knee guard එකෙන් ලැබෙනවා

🔴එවිට මාංශ පේශීන්ට වැඩ කරන්න අවශ්‍යතාවය අඩු වෙනවා

🔴එම නිසා ටිකෙන් ටික මාංශ පේශී දුර්වල වෙනවා

📌 දුර්වල මාංශ පේශී නිසා ද්නහිස් සන්ධියට වැඩි පීඩනයක් ලබා දෙනවා(Joint Stress)

2️⃣ Osteoarthritis වැඩි වීම
Osteoarthritis (OA) කියන්නේ,
✅සන්ධියේ කාටිලේජ (cartilage )හානියට පත් වීම හා
Joint stability එක අඩු වීම නිසා සිදුවන දෙයක්.

මාංශ පේශී දුර්වල වුණාම,
🔴දනහිස් සන්ධියට වැඩි බරක් (Load) වැටෙනවා

🔴කාටිලේජ (Cartilage) එකට direct pressure එක වැඩි වෙනවා.

🔴ඔස්ටියෝආතයිටීස් තත්ත්වය වඩාත් වේගයෙන් නරක අතට හැරෙනවා.

👉 ඒ නිසා Knee Guard එක මඟින් OA නවත්වන්නේ නැහැ.👉 ඔබ නොදැනුවත්වම ආතරයිටීස් තත්වය වැඩි කරනවා.

3️⃣ knee Guard එකට ඇබ්බැහි වීම.

😔Guard එක නැතිව ඇවිදිනකොට අස්ථිර බවක් දැනෙනවා.

😔Pain වැඩි වෙලා වගේ හැඟීමක් එනවා.

😔එවිට පුද්ගලයා guard එකට මානසිකව හා ශාරීරිකව ඇබ්බැහි වෙනවා.

🥴මෙය rehabilitation process එකට විශාල බාධාවක්.

✅ එහෙනම් Knee Guard භාවිතා කරන්නම බැරිද?
භාවිතා කරන්න පුළුවන්, ඒත්..

✔️ කෙටි කාලයකට (උදා:හදිසියේ ඇති වන දරාගත නොහැකි වේද්නාවක්,සහ ඉදිමුමක් තියෙන වෙලාවල් වලදී)

✔️විශේෂ අවස්ථාවන් වලදී.
(උදා-ලොකු දුර ප්‍රමානයක් ඇවිදින්න වෙන,පඩිපෙලක් නඟින්න වෙන,ලොකු වේලාවක් හිටගෙන ඉන්න වෙන අවස්ථා වලදී)

🚫Physiotherapist හෝ Doctor කෙනෙක්ගේ උපදෙස් නැතිව ,
❌ නිතර නිතර

❌ දවස පුරා

❌ මාස ගණන්

භාවිතා කිරීම හොඳ නැහැ

💪 හොඳම විසඳුම මොකක්ද?
🔹 Physiotherapy කරන එක තමයි හොඳම විසඳුම..
එමඟින්,
😍කැක්කුම අඩු කර ගැනීමට.

😍සන්ධි වල චලන පරාසයන් උපරිම ලෙස තබා ගැනීමට .

😍මාංශ පේශි ශක්තිමත්ව තබා ගැනීමට පුලුවන්.

🧠 මතක තියාගන්න.

Knee Guard එක ඔස්ටියෝආතරයිටීස් වලට විසඳුමක් නෙවේ..
එය සමහර විට තාවකාලික සහනයක් විතරයි.නමුත මාංශ පේශී ශක්තිමත් කිරීමේ ප්‍රතිකාරමය ව්‍යායාම නොකරන්නේ නම්, ඔස්ටියෝආතරයිටීස් තත්වය ඉක්මනින් වැඩිවිය හැක.

දනහිස් කැක්කුම පාලනය වීමට අවශ්‍ය මූලිකම දෙය මාංශ පේශී ශක්තිමත් වීමයි.

හැමෝටම දැනගන්න Post eka share කරන්න.Page එකට like එකක් දාන්න.

ප්‍රදීප් ජයසේකර
භෞතචිකිත්සක නිලධාරී
දිස්ත්‍රික් මූලික රෝහල -තෙල්දෙණිය.

‎

25/12/2025

කාන්තා ඔබට ඇයි මේ වැඩිඩියෙන් දණහිස් කැක්කුම?” 🤔

බොහෝ කාන්තාවන් නිතරම කියන ගැටළුවක් තමයි දණහිස් වේදනාව.
විශේෂයෙන් වයස 40 පසු කළ කාන්තාවන් අතර මෙය බහුලව දකින්නට පුළුවන්.

මෙයට ප්‍රධාන හේතුවක් වන්නේ ඔස්ටියෝආර්ත‍්‍රයිටිස් (Osteoarthritis) කියන සන්ධි රෝගයයි.

🔴 කාන්තාවන්ට වැඩිවෙන්නේ ඇයි?

👉 හෝමෝන වෙනස්වීම්
Menopause (මාසික ඔසප් චක්‍රය නැවතීමෙන්) පසු estrogen hormone අඩුවීම නිසා සන්ධි ආරක්ෂාව අඩු වීම.

👉පළල් ඌ උකුලක් තිබීමත් කාන්තාවන්ට ඔස්ටියෝආතරයිටීස් වැලඳීමට හේතුවක් වෙනවා.

👉 එදිනෙදා සිදුකරන ක්‍රියාකාරකම්.
බිම හිඳිමින් වැඩ කිරීම, දණ ගහගෙන වැඩ කිරීම දණ සන්ධියට වැඩි පීඩනයක් දෙනවා.වැඩි වේලාවක් හිටගෙන වැඩ කිරීම.

මීට අමතරව,

👉 ශරීර බර වැඩිවීම
1kg බරක් වැඩිවුණත් දණහිසට 3–4kg තරම් පීඩනයක් යනවා.

👉 දනහිස වටා මාංශපේශි දුර්වල වීම.
විශේෂයෙන් දනහිස වටා ඇති මාංශපේශි සහ ඉන වටා ඇති මාංශ පේශි දුර්වල වීම .

👉 දනහිසට මින් පෙර සිදු වී ඇති අනතුරු.
දනහිසට මින් පෙර සිදු වී ඇති අනතුරු නිසා කාටිලේජ වලට හානි වී ඇත්නම් ඔස්ටියෝආතරයිටීස් සෑදීමේ වැඩි ප්‍රවනතාවයක් තියෙනවා.

🔴 ඔස්ටියෝආර්ත‍්‍රයිටිස් රෝග ලක්ෂණ
⚠️ උදේ නැගිටිනවිට දණහිස් දැඩිවීම
⚠️ පඩිපෙළ නගිනවිට වේදනාව
⚠️ වැඩි වෙලාවක් හිඳලා නැගිටිනවිට කැක්කුම
⚠️ දණහිසෙන් ශබ්ද (කුරුකුරු) ඇසීම.

🔴 රෝග තත්වය පාලනය කල හැකිය.
නිසි Physiotherapy ප්‍රතිකාර මගින්,
✅ වේදනාව අඩු කරගැනීමට
✅ මාංශපේශි ශක්තිමත් කරගැනීමට
✅ද්නහිස් සන්ධියේ චලන පරාසන් උපරිම මට්ටමින් තබාගැනීමට
✅ දණහිස ආරක්ෂා කරගෙන දෛනික ජීවිතය සාමාන්‍ය කරගන්න පුළුවන්.

📌 දණහිස් වේදනාව සාමාන්‍ය දෙයක් නෙවෙයි
ඉක්මනින් අවධානය යොමු කළොත් ශල්‍යකර්ම අවශ්‍ය නොවී ජීවිතය සුවපහසු කරගන්න පුළුවන්.
👉 ඔබට හෝ ඔබේ මවට දණහිස් වේදනාව තියෙනවාද?
👉 අදම Physiotherapist කෙනෙක් හමුවන්න 💙

ප්‍රදීප් ජයසේකර
භෞතචිකිත්සක නිලධාරී
දිස්ත්‍රික් මුලික රෝහල -තෙල්දෙණිය.

16/12/2025