CSA pharmacy pelmadulla

12/06/2025

ඔන්න ඉතින් අදත් වැදගත් මාතෘකාවක් ගැන ලියන්න හිතුවා.. ඔයාල හැමෝම කවදා හෝ දවසක බඩ දැවිල්ලක් ආපු වෙලාවක Digene පෙත්තක් හපලා කාලා, Gaviscon, Belcid වගේ Syrup (syrup කියලා මේ ලිපියේ පහසුවට කිව්වට ඇත්තටම හරිම වෛද්‍ය විද්‍යාත්මක වචනය suspension කියන එක 😊😊) එකක් බීලා ඇති.. ඒත් ඔබ දැනගෙන හිටියා ද මේ දේවල් හරියට ගත්තෙ නැත්නම් අදාළ ප්‍රථිපල ලැබෙන්නේ නෑ කියලා.. මම අද ඒ ගැන ලියන්න හිතුවා..

Digene, Gaviscon, Belcid වගේ Tablet, Syrup වලට පොදුවේ කියන්නේ antacid කියලා..

මොනවද මේ Antacid කියන්නේ..?
Antacid කියන්නේ acid උදාසීන කරන්න පුළුවන් කියන එක.. මෙන්න මේ antacid නිශ්පාදනය කරලා තියෙන්නේ Aluminum Hydroxide, Magnesium Hydroxide, Magnesium Trisilicate වගේ රසායනික සංයෝග වලින්..

කොහොමද මේ Antacid ක්‍රියා කරන්නේ..?
වැදගත්ම කරුණ නම් antacid වලට ආමාශයේ න් acid ශ්‍රාවය වන එක නතර කරන්න බෑ.. ඒකට පුළුවන් ශ්‍රාවය වෙලා තියෙන acid ටික neutralize කරන්න එහෙමත් නැත්නම් acid ටික උදාසීන කරලා දාන්න.. ඉස්සෙල්ලා මම කියපු digene, belcid, gaviscon වල තියෙන රසායනික සංයෝග භාස්මික රසායනික,. අන්න ඒ භාස්මික රසායනික සමග ආමාශයේ තියෙන acid ප්‍රතික්‍රියා කරලා ආමාශයේ තියෙන acid ටික උදාසීන කරලා දානවා.. ඔන්න ඕක තමයි antacid වල ක්‍රියාකාරීත්වය..

මෙන්න මේ antacid ගන්න වෙලාවට ඔබ කරන වැරදි මොනවද..? කොහොමද නිවැරැදි ව මේ දේවල් භාවිතා කරන්න ඕන..?

1. ගොඩක් අය හිතන් ඉන්නේ මෙන්න මේ antacid ගන්න ඕන කෑමට පෙර කියලා.. මෙන්න මේ දේ නම් වැරදි කතාවක්.. Antacid ගන්න හොඳම වෙලාව කෑම අරගෙන පැයත‍් දෙකත් අතර කාලයක.. ඒකට ප්‍රධාන හේතුව නම් ආමාශයේ වැඩිපුරම acid ශ්‍රාවය වෙලා තියෙන්නේ කෑම අරගෙන පැයක් පමණ ගත උණාට පස්සෙයි. ඒක නිසා සාර්ථක ප්‍රතිඵල ගන්න නම් කෑම අරගෙන පැයක්, පැය දෙකක් අතර ගන්න..
2. ගොඩක් අය කරන තවත් වරදක් තමයි ඔබ වෙනත් රෝගයකට බෙහෙත් ගන්නවා නම් ඒ බෙහෙත් බීපු වෙලාවෙම මෙන්ම මේ antacid භාවිතා කරනවා.. මේ දේ ගොඩක්ම වැරදි දෙයක්.. ඒකට හේතුව තමයි බොහෝ ඖෂධ ශරීරයට උරා ගැනීම සැලකිය යුතු ප්‍රමාණයකි න් අඩු වෙනවා වෙනත් ඖෂධ හා antacid එකම වෙලාවක් තුළ ගැනීම නිසා..ඒ හේතුව නිසා ඔබ වෙනත් ඖෂධ ලබා ගන්නේ නම් ඒ ඖෂධ ලබාගෙන පැයක්, දෙකක් පමණ පරතරයක් තබාගෙන antacid ලබා ගන්න..
3. සමහර ඖෂධ නිශ්පාදනය කරන්නේ භාස්මික මධ්‍යයේ දියවී ශරීරයට උරා ගන්න.. ඒ කියන්නේ ඒවා අන්ත්‍රයේදී තමයි දිය වෙලා ශරීරයට උරා ගන්නේ.. මෙන්න මේ ඖෂධ නිශ්පාදනය කරන්නේ විශේෂිත ආවරණයක් මගින් ඖෂධ ආවරණය කරලා.. අපි අන්න ඒ වගේ පෙති වලට කියනවා enteric coated tablet කියලා.. මෙන්න මේ පෙති ආමාශයේ දි ඒ කියන්නේ ආම්ලික මධ්‍යයේ දි දිය වෙන්නේ නෑ.. හැබැයි මේ වගේ enteric coated පෙති එක්ක digene, gaviscon වගේ දේවල් ගත්තම ආමාශයේ ආම්ලික ගතිය අඩු වෙලා භාස්මික වෙනවා.. එහෙම උනොත් වෙන්නේ entoric coated tablet ආමාශය තුළ දිය වෙනවා.. එහෙම උනොත් ඒ ඖෂධය මගින් අදාළ ප්‍රථිපලය ලැබෙන්නේ නෑ.. මෙන්න මේ නිසා enteric coated විඳිය ට හදපු ඖෂධ සමග digene, gaviscon වගේ ඒවා ගන්න යන්න එපා.. පැයක් දෙකක් පමණ පරතරයක් තබාගෙන antacid භාවිතා කරන්න..

මොනවද එන්න පුළුවන් අතුරු ආබාධ..?
1. එන්න පුළුවන් ප්‍රධාන අතුරු ආබාධයක් තමයි මේ antacid නිෂ්පාදනයට ගන්න aluminum hydroxide වලින් මළ බද්ධය ඇති වීම.. ඒ වගේම magnesium hydroxide වලින් බඩ බුරුල් කර මල පහ පිටවීම.. මෙන්න මේ අතුරු ආබාධ දෙක පාළනය කරන්න හොඳම විසදුම තමයි මේ සංයෝග දෙකම එකතු කරලා antacid නිශ්පාදනය කිරීම.. අන්න ඒ විඳිය ට තමයි ගොඩක් antacid නිශ්පාදනය කරලා තියෙන්නේ..
2. තව ඔක්කාරය, වමනය වැනි රෝග ලක්ෂණ එන්න පුළුවන්..

විශේෂ කරුණු...
1. ගැබිනි සහ කිරි දෙන මව්වරුන්ට මේ antacid ලබාදෙන්න පුළුවන්..
2. දවසට තුන් හතර පාරක් භාවිතා කරන්න පුළුවන්.. (ආහාර වේල් දෙකක් අතරතුර සහ නිදා ගැනීමට පෙර ආකාරයට, මීට අමතරව gastrities උග්‍ර වූ අවස්ථාවේ ලබා ගත හැක. )
3. පෙති වලට වඩා සිරප් වලින් ලැබෙන ප්‍රථිපලය ඉක්මන් සහ වැඩි යි.
4. වකුගඩු සහ අක්මා රෝග වලදී පරිස්සමින් ලබා දිය යුතුයි..

ඉතින් මම හිතනවා මේ සම්බන්ධව හොඳ දැනුමක් ලැබෙන්න ඇති කියලා.. මොනවා හරි ප්‍රශ්නයක් තියෙනව නම් comment කරන්න, ඒ වගේම like කරන්න, share කරන්න,
Page එකත් follow කරලා තියා ගන්න..
ඒ වගේම මගේ YouTube channel එකත් subscribe කරලා තියා ගන්න..

https://youtube.com/?si=x8U7D9UyaUlPZijy

එහෙනම් තවත් මේ වගේ ලිපියකින් හමු වෙමු..
RASIKA GAMAGE,
SLMC Registered Pharmacist,
B.Sc. (UOJ), Certificate of Efficiency as Pharmacist (CMCC)

12/06/2025

12/06/2025

තෙල් සහිත මසුන්ගේ පටක වලින් ලබාගන්නා තෙල් මත්ස්‍ය තෙල් වේ. මත්ස්‍ය තෙල්වල ඔමේගා-3 මේද අම්ල වන අයිකොසපෙන්ටේනොයික් අම්ලය (EPA)සහ ඩොකොසහෙක්සෙනොයික් අම්ලය (DHA) අඩංගු වේ.

ඔමේගා-3 මේද අම්ලවලට රුධිරයේ ට්‍රයිග්ලිසරයිඩ මට්ටම සැලකිය යුතු ලෙස අඩු කළ හැකි බවට ප්‍රබල සාක්ෂි ඇත.

සාමාන්‍යයෙන් දිනපතා ඔමේගා-3 අතිරේකයක් ගැනීම ආරක්ෂිතයි. ඔමේගා-3 මේද අම්ල හෘද හා මොළයේ ක්‍රියාකාරිත්වය ඇතුළු සෞඛ්‍යයේ විවිධ අංශ සඳහා වැදගත් වේ. කෙසේ වෙතත්, ඔබේ පුද්ගලික සෞඛ්‍ය අවශ්‍යතාවලට එය සුදුසු දැයි සහතික කර ගැනීම සඳහා ඕනෑම නව අතිරේක පිළිවෙතක් ආරම්භ කිරීමට පෙර ඔබට ඔබේ වෛද්‍යවරයා හමුවිය හැකිය.

මසුන් තෙල්වල ඇති ඔමේගා-3 මේද අම්ල කිහිප ආකාරයකින් පුද්ගලයන්ට බර අඩු කර ගැනීමට උපකාරී විය හැකි අතර, ඉන් පළමුවැන්න කුසගින්න සහ ආහාර රුචිය අඩු කිරීමයි. මෙම බලපෑම බර අඩු කිරීමේ ආහාර වේල් අනුගමනය කරන පුද්ගලයන්ට විශේෂයෙන් ප්‍රයෝජනවත් විය හැකි.

ඔබ වෝෆරින්, ඇස්පිරින් වැනිරුධිරය තුනී කරන වෙනත් ඖෂධ ලබා ගන්නේ නම්, පළමුව ඔබේ සාමාන්‍ය වෛද්‍යවරයා හමුවිය යුතුය.

සියලුම බිත්තරවල කුඩා ඔමේගා-3 ප්‍රමාණයක් අඩංගු වේ.

ඔමේගා 3 ඌනතාවය සහ ක්ෂය වීමේ රෝග ලක්ෂණ
වියළි, රළු සම, හිසකෙස් සහ නියපොතු

වියළි, කැසීම සහිත හෝ කඳුළු සහිත ඇස්.

නිතර නිතර ආසාදන සහ දුර්වල තුවාල සුව වීම.

දුර්වල මතකය සහ අවධානය යොමු කිරීමට අපහසුව.

අධික පිපාසය.

හෘද වාහිනී සෞඛ්‍ය ගැටලු

පොල්තෙල්වල යම් ප්‍රමාණයක ඔමේගා-6 මේද අම්ල අඩංගු වුවද ඔමේගා-3 මේද අම්ල අඩංගු නොවේ. ඔමේගා-3 හි ප්‍රභව අතර මේද සහිත මාළු, හණ ඇට සහ walnuts ඇතුළත් වේ. එබැවින්, පොල්තෙල් පමණක් මේද ප්‍රභවයක් ලෙස රඳා නොසිටීම වැදගත් වේ, මන්ද අපගේ ශරීරයට අවශ්‍ය අත්‍යවශ්‍ය මේද අම්ල එහි අඩංගු නොවේ.

හණ ඇට සහ කැනෝලා තෙල් සාමාන්‍යයෙන් ඔමේගා-3 මේද අම්ලවලින් ඉහළම වේ.

අලිගැටපේර ඔමේගා-3 මේද අම්ලවලින් පොහොසත් ප්‍රභවයක් නොවේ. අනෙකුත් සත්ව නොවන ඔමේගා-3 මේද අම්ල ප්‍රභවයන් මෙන්, අලිගැටපේරවල ALA නම් ඔමේගා-3 මේද අම්ලය අඩංගු වන අතර එය EPA සහ DHA තරම් ඔබේ ශරීරය විසින් ඵලදායී ලෙස භාවිතා නොකරයි. මෙම වඩාත් ප්‍රයෝජනවත් වර්ග හමුවන්නේ මේද සහිත මාළු වැනි සත්ව පදනම් කරගත් ප්‍රභවයන්ගෙන් පමණි..

ඔබේ දැනුමට..අන් අය අතරේ බෙදා හරින්න..☘️

12/06/2025

12/06/2025

ඇස්පිරින් Aspirin (ඇසිටයිල්සැලිසිලික් අම්ලය) යනු වේදනා නාශකයක්, උණ නාශකයක්,Anti inflammatory කාරකයක් සහ රුධිරය තුනී කරන blood thinner ද්‍රව්‍යක් ලෙස බහුලව භාවිතා වන ඖෂධයකි..

එහි ප්‍රධාන භාවිතයන්..✅
වේදනා සහනය
හිසරදය, දත් කැක්කුම සහ මාංශ පේශි වේදනාව සඳහා ඵලදායී වේ.

ප්‍රතිප්‍රදාහක (Anti inflammatory )..☘️
ආතරයිටිස් සහ සන්ධි වේදනාව වැනි තත්වයන් හා සම්බන්ධ වේදනාව සමනය කිරීමට උපකාරී වේ.

උණ අඩු කිරීම..antipyretic..🙋

හෘද වාහිනී ආරක්ෂාව..Antiplatelet..❤
අඩු මාත්‍රාවක් සහිත ඇස්පිරින් රුධිරය තුනී කිරීම මගින් හෘදයාබාධ සහ ආඝාත වැළැක්වීම සඳහා නියම කරනු ලැබේ..

ඇස්පිරින් ක්‍රියා කරන්නේ සයික්ලොඔක්සිජනේස් (COX) එන්සයිම අවහිර කිරීමෙනි, එමඟින් වේදනාව, දැවිල්ල සහ උණ ඇති කරන ප්‍රොස්ටැග්ලැන්ඩින් නිෂ්පාදනය අඩු කරයි. ඊට අමතරව, එය පට්ටිකා එකතු වීම වළක්වයි, එමඟින් රුධිර කැටි ගැසීම් වළක්වයි..

භාවිතය අනුව පොදු මාත්‍රා වෙනස් වේ..

හෘද රෝග වැළැක්වීම සඳහා සාමාන්‍ය මාත්‍රා දිනකට 75-150 mg අතර වේ.

වේදනාව හෝ උණ සඳහා, සෑම පැය 4-6 කට වරක් 300-600 mg මාත්‍රාවක් සාමාන්‍ය භාවිතය වේ..

ප්‍රයෝජනවත් වුවද, ඇස්පිරින් ආමාශ ආබාධ හෝ තුවාල සහ ලේ ගැලීමේ අවදානම වැඩි කිරීම (විශේෂයෙන් ආමාශයේ හෝ මොළයේ) වැනි අතුරු ආබාධ ඇති කළ හැකිය. අසාත්මිකතා දුර්ලභ වන නමුත්, (Reye's syndrome) බරපතල තත්ත්වයක් වන අතර, වෛරස් ආසාදන ඇති ළමුන් සඳහා ඇස්පිරින් භාවිතය සාමාන්‍යයෙන් නිර්දේශ නොකරයි...

ලේ ගැලීමේ ආබාධ, පෙප්ටික් තුවාල හෝ ඇස්පිරින් වලට අසාත්මිකතා ඇති පුද්ගලයන් ඇස්පිරින් ගැනීමෙන් වැළකිය යුතුය..

වෛද්‍යවරයෙකු විසින් විශේෂයෙන් උපදෙස් නොදෙන්නේ නම්, වයස අවුරුදු 16 ට අඩු ළමුන් සඳහා ද එය සාමාන්‍යයෙන් නිර්දේශ නොකරයි.

සාරාංශයක් ලෙස, ඇස්පිරින් යනු වේදනාව, උණ, දැවිල්ල සහ හෘද රෝග වැළැක්වීම ඇතුළු විවිධ යෙදුම් සහිත ඉතා ප්‍රයෝජනවත් ඖෂධයකි. කෙසේ වෙතත්, ලේ ගැලීමේ අවදානම හේතුවෙන්, එය ප්‍රවේශමෙන් සහ වෛද්‍ය උපදෙස් පරිදි භාවිතා කළ යුතුය..ඔබට වාසනාවන්ත නීරෝගී දිවියක්..❤

12/06/2025

(Hyperthyrodism) තයිරොක්සින් හෝමෝන ප්‍රමාණය අවශ්‍ය ප්‍රමාණයට වඩා ඉහළ යාම සහ (Hypothyrodism) තයිරොක්සින් හෝමෝන ප්‍රමාණය අවශ්‍ය ප්‍රමාණයට වඩා පහළ යාම මත ශාරීරිකව සිදුවන වෙනස්වීම්...ගබ්සා වීම වැනි සැලකිය යුතු තත්වයන් ද ඒ අතර වේ..☘️

12/06/2025

විටමින් ඌණතාවය නිසා සිදුවනදේවල්..🙄

01/01/2024

31/12/2022

සුබ නව වසරක් වේවා !