Haus um Sand

Stéphanie Hallé-Fabbri
Doula
••••••••••••••••••••••••••
Gutt begleet vun Ufank un
Schwangerschaft-Gebuert-Wochebett-Elterenzäit Ech si Mamm vun zwee Jongen.

HALLO

ech sinn d'Stéphanie a liewe mat menger Famill zu Sëll. De Kaspar ass 2013 am Gebuertshaus zu Mäerzeg an Däitschland an de Moritz 2015 doheem op d’Welt komm. Duerch déi schéin an erfëllte Gebuerten huet mäi Liewen sech ëm 180 Grad gedréit. Ech sinn doduerjer vill méi a meng eege Kraaft komm a profitéieren haut nach vun deene schéinen Erfarungen, déi ech deemools gemaach hunn. Nieft mengem Beruff als Waldorfspillschoulsjoffer, sinn dunn nei Dieren opgaangen an hu mech ëmmer méi déif fir d'Theme Kannerwonsch, Schwangerschaft, Gebuert an Elterenzäit interesséiert, bis ech no an no Ausbildungen a Formatiounen an deene Beräicher gemaach hu fir ganzheetlech Berodungen, Coursen, Workshoppen a Ritualer ronderëm d'Familljeliewen ubidden ze kënnen. 2016 huet meng Rees an d'Selbstännegkeet ugefaang a bereien net dee Schratt an d'Ongewëssheet gewot ze hunn. Ech hoffen, dass ech nach vill Joren als Doula wierken kann, esou datt zukünfteg Elteren, Familljen a Fraen sech verstanen a gutt opgehuewen fillen. Eng vu menge Passiounen ass, zukünfteg Elteren, Familljen a Fraen duerch hir besonnesch Liewensiwwergäng ze guidéieren an se beschtméiglechst virzebereeden, sou datt se méi sécher a gebuergen duerch hir Phase goe kënnen. Liewensiwwergäng brénge Verännerunge mat sech a kënnen intensiv Gefiller an Onsécherheet ausléisen. Ech invitéieren d’Leit, sech méi mat hirer Essenz ze connectéieren a bewosst Ressourcen opzebauen, déi hinnen an usprochsvolle Momenter Halt ginn. Mat Hëllef vu Ressourcen a Ritualer kënnen Iwwergäng net nëmme méi douce verlafen, mee si bidden och d’Geleeënheet, sech weiderzeentwéckelen an nach méi a seng eege Kraaft ze kommen.

Kannerwonsch, Schwangerschaft, Gebuert, Wochebett an Elterenzäit sinn déi Iwwergäng op déi ech mech spezialiséiert hunn. Ech bidden ënner anerem och Fraekreesser fir Fraen un, déi sech méi bewosst mat hirer Weiblechkeet auserneesetze wëllen. Ech bidden souzesoen eng net-medezinesch Begleedung un, déi sech ganz gutt mat de Gesondheetsberuffer kombinéiere léist.

Ech ënnerstëtzen och Elteren, déi vill Froe ronderëm d'Begleedung vun hirem Kand oder hire Kanner hunn. Ech bidde bindungs- a bedierfnisorientéiert Berodungen, Eltere-Kand-Coursen, Workshoppen a Ritualer un, fir datt si hirt Kand besser verstinn, méi op d'Bedierfnisser agoe kënnen a Ressourcen hunn, fir mat usprochsvolle Momenter ëmgoen ze kënnen. Meng Aarbecht baséiert op der Theorie vum "Attachment Parenting", déi dem haitege Kenntnisstand vun der Entwécklungs- a Gehierfuerschung entsprécht.

Ech leeë ënner anerem vill Wäert op Präventioun a Resilienz, well ech d'Wuelbefanne vu menger Clientèle stäerken wëll an hinnen hëllefe wëll méi selbstbestëmmt duerch déi verschidden Etappe vum Liewe goen ze kënnen.

Firwat den Numm "Haus um Sand"? Ier am September 2017 “Haus um Sand” gegrënnt ginn ass, hunn ech verzweiwelt no engem Numm gesicht. Näischt war gutt genuch bis ech eist Haus mam Stroossennumm kombinéiert hunn. Sou ass “Haus um Sand” entstanen. Ganz einfach!

05/11/2025

https://kikudoo.com/stephanie-fabbri/courses/W5L8aQ

Dei 12 Rauhnuechten - déi mageschst a geheimnisvollst Zäit vum Joer

03/11/2025

Hallo,

ab Mëtt November bidden ech nees individuell oder an engem klenge Krees “Meng selbstbestëmmte Gebuert” un, fir mat méi Rou, Vertrauen a Kloerheet duerch deng eenzegaarteg Gebuertsrees ze naviguéieren.

Gutt virbereet mécht definitiv en Ënnerscheed a jiddereen profitéiert dovun, wann d’Gebuert als beräichernd Erfarung erlieft konnt ginn.

Zesumme kënne mir Weeër fannen, fir deng Gebuertsrees méi bewosst a selbstbestëmmt gestalten ze kënnen 🥰

INFO&UMELDUNG

E Krees fir schwanger Fraen mat oder ouni Partner(in) zu Sëll.

27/10/2025

INFO&UMELDUNG
https://www.facebook.com/share/19r568TfvF/?mibextid=wwXIfr

22/10/2025

Hallo,

no der Allerhelljevakanz fänken nees nei Eltere-Kand Coursen an engem gemittlechen Raum zu Sëll un:

-Bëbeemassage
-Bräi/Bräifräi Workshop
-BabySteps (0-1 Joer)
-ZiZaZappel (0-3 Joer)

Hei kanns du dech informéieren an umellen:
https://kikudoo.com/stephanie-fabbri

17/10/2025

BËBEEMASSAGE

D'Massage no Bruno Walter ass eng ganzheetlech a bindungsorientéiert Massage, geduecht fir Bëbeeën tëscht 6 Wochen a 6 Méint. De Cours besteet aus enger Mëschung aus Theorie a Praxis. Du léiers all Kéiers nei Grëffer, sou dat de Cours ganz gebucht muss ginn. Du kriss och nach zousätzlech Informatiounen iwwer "BëbeeSinn" a mir schwätzen nach iwwer aner spannend Themen. Aromatherapie, Kläng a Stëmmgafele sinn och feste Bestanddeel vum Cours. No deene 6 Kéieren kann s du däi Bëbee ganz selbststänneg doheem mat där wonnerbarer rhythmescher Massagetechnik verwinnen. An och du als Mamm/Papp profitéiers dovunn, wann s du gesäis wéi gutt dat Ritual dir an déngem Bëbee deet.

Déi harmonesch Bëbeemassage no Bruno Walter ass iwwregens vill méi wéi nëmmen eng Massage. Si ass eng déifgräifend Form vun non-verbaler Kommunikatioun, déi d’Bindung tëscht Elteren a Kand immens stäerkt. Duerch déi zäertlech Beréierungen entsteet eng super Geleeënheet, fir Urvertrauen, Sécherheet a Gebuergenheet ze vermëttelen.

D’Massage hëlleft net nëmmen dobäi, Spannungen ze léisen an d’Kand zur Rou ze bréngen, mee kann och positiv Auswierkungen op d’Verdauung, de Schlofverhalen an d’kierperlecht Wuelbefannen hunn. Si ënnerstëtzt d’Entwécklung vum Nervesystem, stäerkt d’Immunitéit a kann hëllefen, Bauchkrämp ze léisen. Bebeëen léiere hiren eegene Kierper besser kennen, wat och fir hir motoresch Entwécklung wichteg ass.

Dës intim Momenter droen dozou bäi, eng staark emotional Bindung opzebauen, eng Basis, déi e Liewe laang bleift. Och fir d’Elteren ass et eng Zäit fir ofzeschalten a sech mat hirem Kand voll a ganz ze verbannen.

Ech bidden dës Massage an engem rouegen, harmoneschen a waarme Kader un - individuell oder an engem Mammekrees.

INFO&UMELDUNG

Massagegrëffer, Aromatherapie, Kläng a Stëmmgafelen.

08/10/2025

DR MED WOLF LÜTJE (GYNEKOLOG)
IWWER DOULAEN

07/10/2025

WALDORFSPILLGRUPP SËLL

Am Waldorfspillgrupp zu Sëll, ëmmer Mëttwochs vun 9:30-12:00 sinn nach zwou Plaze fräi fir Kanner tëscht 0-4/5 Joer mat enger Begleetpersoun.

Hei ginn flott Aktivitéiten ronderëm d’Joreszäiten ugebueden. Mir baken zesumme Bréidercher, déi mir dono och zesummen iessen an nach Villes mei. Mell dech roueg, falls du méi iwwert de Spillgrupp wëlls gewuer ginn ☺️

Dierf gären weidergedeelt ginn.
Villmools Merci!

🍂🍁🍄‍🟫🍁🍂
Info&Umeldung:
info.spillgrupp@waldorf.lu

12/06/2025

DËST AN DAT

Oh, scho säit 6 Deeg näischt méi gedeelt hei?! D’Zäit vergeet esou séier. Ech hunn am Moment och zimlech vill ze dinn, soudass ech kaum dozou kommen, meng Gedanken hei ze deelen, ausser elo, well ech mer eng kleng Paus gënnen.

Nodeems ech dat hei geschriwwen hunn, bereeden ech dem Kaspar säi Gebuertsdagskuch, deen en muer mat an d’Schoul hëllt, vir. Mäi klenge grousse Kasperche gëtt muer schonn 12 Joer al an am September geet et schonn an de Lycée! Ech kann et bal net gleewen 🥹

De Moien war eng Mamm mat hirem Bëbee bei mir, déi 6 Kanner huet. Si huet sech eng Rebozomassage gegënnt a sot, si wier scho laang net méi esou déif entspaant gewiescht wéi haut. Mir Fraen droen dacks esou vill, soudass eng Rebozomassage wéi eng kleng Otempaus fir d’Séil ass. E Moment, wou een sech erëm spiere kann, wou e Lassloossen erlaabt ass, an een einfach nëmmen ka sinn, ouni mussen eppes ze maachen. Et deet gutt, einfach selwer emol gehalen a gefouert ze ginn. Ech sinn ëmmer erëm beréiert, wéi vill Rou a Gebuergenheet duerch dëst Ritual entsteet a wéi vill mir Fraen se tatsächlech brauchen.

De Mëtten war ech dunn mat enger gudder Frëndin zu Tënten “beim Struwwel” https://www.struwwel.lu iessen, aktuell mäi absolute Liiblingsrestaurant! A wat soll ech soen? Et war einfach nees mega lecker 😋

Duerno sinn ech bei d’Sara op Diddeléng gefuer. Mir sinn am gaang un eisem Projet ze schaffen, deen mir am Hiescht lancéiere wäerten. Et ass esou, dat mir an Zukunft eis Kreesser ëmmer bei him zu Diddeléng ubidden an net zu Sëll.

Sou sinn ech zu Sëll aktiv, um Kass Haff, am Süden vum Land an den 1. Juli sinn ech am Norden zu Woltz beim Eltereforum, wou ech e Spillgrupp an en Austauschkrees ubidden, wou et ëm d’Thema Gesëschter https://eltereforum.lu/fr/agenda/event/krabbelgrupp-an-austauschkrees-zum-thema-geseschter/?event_occurence=6511 geet.

Alles huet sech esou erginn…dat eent fléisst an dat anert, wéi wann et genee esou hätt misse sinn. Eng Dier geet zou, anerer ginn op.

Et ass mir eng grouss Éier, ëmmer nach mat der Waldorfschoul, neierdéngs mam Linda, mam Sara an och mam Eltereforum kënnen ze collaboréieren. Mat Mënschen kënnen zesummenzesinn, déi preventiv schaffen, déi eppes beweege a bewierke wëllen an sech dat Bescht fir Familljen wënschen an dat ass fir mech e riese Kaddo. Merci! 💐

Fotoen: Kaspar

05/06/2025

https://kikudoo.com/stephanie-fabbri/courses/epv5zQ

Massagegrëffer, Aromatherapie, Kläng a Stëmmgafelen.

01/06/2025

https://www.gofundme.com/f/help-timo-to-fund-gene-therapy-to-save-his-life

Timo was born in November 2024, a beautiful, tiny angel. But jus… Jane Lux needs your support for Help Timo fund a gene therapy cure (WWOX) to save his life

Adresse

7, Um Sand
Luxembourg

Téléphone

+352621727465

Site Web

http://www.hausumsand.lu/

Notifications

Soyez le premier à savoir et laissez-nous vous envoyer un courriel lorsque Haus um Sand publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.