25/09/2025
فعلاااااا الكلام 💯💯💯💯 مشكوره دكتوره نسرين🥰🥰🥰🥰
هذا نص كيلو لوز ني غير محمص وهذا مانخليه يكمل أبداً عشان أبني وحنقوللكم ليش
المرة هذي شريته وخطرتوا في بالي فقلت نقمعز ونحسب بيدي كم يكفي يوم للطفل الواحد وكم سعره ونقارنوه بالفوائد عديته بيدي لو كل يوم 10-15 حبة حيكفي أكثر من ثلاثين يوم✅✅
نجو لفوائده :
1-بروتين العضلات والطول والنمو الصحيح
2- دهون مفيدة غير مشبعة للدماغ والجهازي العصبي أوميجا 6& وشوية 3
3-نشويات طبيعية لزيادة الوزن
4-ڤيتامين E للمناعة للذاكرة
5-ڤيتامينات B2&3&6 وحمض الفوليك للدم والتركيز
6-الألياف فيه عاليه فيمنع الامساك
7-ماغنيسيوم معناها نوم مريح وعضلات ممتازة
8-كالسيوم للعظم والاسنان
9-حديد لمنع فقر الدم وزيادة التركيز والحفظ
10-زنك للطول والنمو
11-نحاس للناس اللي عندها شيب نشوفوا فيه في الاطفال حالياً
12-فوسفور منجنيز بوتاسيوم كلها مهمة لصحة القلب الأمعاء العضلات العظام
نجو للسعر والناس تقول غالي ومانقدراو عليه
نص كيلو سعره 30 دينار يكفي 30 يوم يعني كل يوم كأنك تعطي في ابنك دينار فيا ترى نعطيه دينار يجيب بيه كيكة ولا عصير ولا ياخذ كل هالفوائد
أنا كيف ندير كل يوم نعطي فيه حفنة بكف اليد تعادل 12-15 حبة اما وهو ماشي للمدرسة ولا وقت الدراسة في العشية وأنتوا أختاروا الوقت المناسب
30 دينار معش يديرو شي يعادلن 4 دولار✅
