Dr. Fatma Elfaitury جلديّـه و تجميـل

Dr. Fatma Elfaitury جلديّـه و تجميـل dermatology and aesthetic medicine ..
طبيبة جلدية و تجميل ..

عودة بعد غياب طوووويل 😇منشور خاص بأصحاب البشره الدهنيه 👍😉جبتلكم واقي شمس ممتاز خاص بالبشره الدهنيه المعرضه لحب الشباب ...
28/02/2022

عودة بعد غياب طوووويل 😇

منشور خاص بأصحاب البشره الدهنيه 👍😉

جبتلكم واقي شمس ممتاز خاص بالبشره الدهنيه المعرضه لحب الشباب من الشركه الفرنسيه الغنيه عن التعريف ❤️

+

هذا الواقي صمماته الشركه خصيصاً للبشره الدهنيه و البشره المختلطه المعرضات لحب الشباب للحد من افراز الدهون و تكوين الحبوب و التصبغ الناتج عنها لاحتوائه على السالييليك أسيد و نياسينامايد 👌
قوامه عباره عن جل كريمي تمتصه البشره بسرعه ولا يسبب لمعان ✨

فاطمه الفيتوري 🌸
جلديه و تجميل 💜💉

💉(PRP)هي اختصار (platelet rich plasma) أو البلازما الغنيه بالصفائح الدمويه هي تقنيه يتم فيها سحب الدم من الشخص نفسه...
24/02/2021

💉

(PRP)هي اختصار (platelet rich plasma) أو البلازما الغنيه بالصفائح الدمويه

هي تقنيه يتم فيها سحب الدم من الشخص نفسه وعزل البلازما الغنيه بالصفائح وعوامل النمو عن باقي مكونات الدم عن طريق جهاز الطرد المركزي و يتم حقنه في الوجه او الشعر لتنشيط الخلايا الجذعيه في المكان المحقون 💜

⭐ فوائد حقن البلازما :
🌺 تحفيز انتاج الكولاجين.
🌺 اعطاء نظاره و حيويه للوجه وتعبئة الخطوط الرقيقه.
🌺 تحسين مظهر الندوب.
🌺 تصغير المسامات.
🌺 تجديد البشره و إزالة آثار التعب و الارهاق.
🌺 تنشيط بصيلات الشعر لوقف التساقط.

⭐الاحتياطات اللازمه قبل اجراء حقن البلازما :
🌺 شرب كميات كافيه من الماء قبل الحقن بكم يوم.
🌺 تناول وجبات تحتوي كميات كافيه من الفيتامينات والمعادن.
🌺 التخفيف من تناول الدهون.
🌺 تجنب الادوية المسيله للدم مثل الاسبرين قبل الاجراء بأسبوع.
🌺 الابتعاد عن شرب القهوة او الكافيين او التقليل منهن.
🌺 للرجال الابتعاد عن التدخين قبل و بعد الاجراء بأسبوع.

فاطمه الفيتوري🌸
جلديه و تجميل💉💜

19/02/2021

نتيجة مسابقة السحب العشوائي لمنشور التخفيض 😍

ألف مبروك للفائزه 💜💜

...تواصلي معايا ع الخاص 🌹

💜تخفيضات في أسعار الجلسات لمدة 3 أيام 🌸ثلاثاء و أربعاء و خميس 16_17_18 فبراير 🌸🌸💎 تنظيف عميق مع هيدرافيشيال 75 بدل 150...
12/02/2021

💜

تخفيضات في أسعار الجلسات لمدة 3 أيام 🌸
ثلاثاء و أربعاء و خميس 16_17_18 فبراير 🌸🌸

💎 تنظيف عميق مع هيدرافيشيال 75 بدل 150
💎 تنظيف عميق مع تقشير ألماسي 75 بدل 150
💎 تقشير بارد 150
💎تقشير كيميائي جسنر 90 بدل 150
💎 بلازما 75
💎 ميزو تفتيح 90 بدل 150
💎 ميزو هالات 90 بدل 150
💎 ميزو شعر 90 بدل 150
💎 ميزو بوتكس 120بدل 200
( 2.5 ملي )
💎 ديرما بن مع بلازما 150بدل 220
💎 ديرما بن مع ميزو 75 بدل 120
💎 ديرما بن مع فيتامين سي 65 بدل 100
💎 ليزر وجه 125 بدل 250
💎 هايفو وجه و رقبة 350 بدل 500
💎 بوتكس 490 بدل 650
💎فيلر اسباني 550 بدل 650
💎 خيوط نضارة 10خيوط 500

و الكشف مجاني 🤗💜

#ملاحظه حيكون في سحب عشوائي لوحده من التعليقات على باقه تتكون من تنظيف بشره مع تقشير ألماسي و ديرما بن مع ميزو تفتيح و نضاره 🥰💐

للحجز و الاستفسار الإتصال 0944497973

د.فاطمه الفيتوري🌸
د.دلال المغربي🌸

دلال بيوتي كلينيك~
شارع الخليج مقابل مخبز العماري .

#عرض #مميز نهاية الاسبوع ليومين فقط الاربعاء و الخميس جلسة. 😍🤩 Baby Face جلسة بيبي فيس😍تشمل الاتي :- 💟تقشير ا...
02/02/2021

#عرض #مميز
نهاية الاسبوع
ليومين فقط الاربعاء و الخميس

جلسة. 😍🤩 Baby Face

جلسة بيبي فيس😍

تشمل الاتي :-

💟تقشير الماسي
تنظيف بشرة كامل من غسول طبي و بخار و سكراب + ازالة زوان و دهون و شوائب في بشرة و رووس سوداء +ماسك الطحالب للتغذية و التفتيح و الشد و جهاز RF لاغلاق مسام
شيت ماسك كوري لترطيب الفوري

💟جلسة بلازما مع اكتفيتر

💟 ميزو تفتيح و نضارة مع ميزو لفت من شركة توسكاني الاسبانية

السعر تفاعلو و نديرو تعديل و نقبل سداد كاش فقط
#تعديل السعر فقط 250 💜💜💜


للحجز و استفسار الاتصال 0944497973

العنوان الليثي شارع خليج مقابل مخبز العماري

👩‍⚕️د. دلال المغربي
👩‍⚕️د.فاطمة الفيتوري
تاق لصاحبتك اختك قريبتك 🤗💜

بناءاً على رغبة اكثر من عضوة جبتلكن مجموعة تونرات لجميع أنواع البشره جمعتهن في بوست واحد 💕الشرح تحت الصور 🌸
26/01/2021

بناءاً على رغبة اكثر من عضوة جبتلكن مجموعة تونرات لجميع أنواع البشره جمعتهن في بوست واحد 💕
الشرح تحت الصور 🌸

🧚‍♀️صاحبة البشره العاديه محظوظه لأنها أقل مشاكل و أقل عيوب 😍 و تتميز بالنعومه و التجانس و المسام فيها ضيقه وغير واضحه ...
25/01/2021

🧚‍♀️

صاحبة البشره العاديه محظوظه لأنها أقل مشاكل و أقل عيوب 😍 و تتميز بالنعومه و التجانس و المسام فيها ضيقه وغير واضحه 🥰 و تشبه البشره المختلطه من حيث أنها تجمع بين الدهون البسيطه المتناثره و الجفاف البسيط اللي مش حيبان الا إذا اهملتيها او اهتميتي بيها بشكل غلط زي الافراط في غسلها 👌و بصفه عامه سهل التحكم فيها😉

من عيوبها انها مع التقدم في العمر اذا ماتم العنايه بيها بشكل جيد فهي عرضه للتجاعيد المبكره و زي ماقلت تقدري باهتمامك تحافظي عليها و تحميها من اي مشاكل 💜

بالنسبه للروتين اليومي نفس ماذكرت من قبل غسول طبي يومياً مرتين و تونر مناسب و ترطيب و واقي شمس و مقشر مره اسبوعياً و حنزل منتجات العنايه بيها 💕

فاطمه الفيتوري🌸
جلديه و تجميل 💜💉

كريمات ترطيب للبشره الدهنيه و الدهنيه المختلطه 💚🌿
25/01/2021

كريمات ترطيب للبشره الدهنيه و الدهنيه المختلطه 💚🌿

مجموعة كريمات ترطيب ممتازه للبشره الجافه 🌺💙
20/01/2021

مجموعة كريمات ترطيب ممتازه للبشره الجافه 🌺💙

غسولات للبشره الجافه 💙الأسماء تحت الصور 💙
18/01/2021

غسولات للبشره الجافه 💙

الأسماء تحت الصور 💙

🧚‍♀️البشره الجافه من مواصفاتها أن ملمسها يكون خشن و تكون باهته وأحياناً بها احمرار و حتى حكة و تشققات و غالباً بتكون ح...
18/01/2021

🧚‍♀️

البشره الجافه من مواصفاتها أن ملمسها يكون خشن و تكون باهته وأحياناً بها احمرار و حتى حكة و تشققات و غالباً بتكون حساسه و من مشاكلها هي أنها تكون عرضه للتجاعيد المبكره 🤷‍♀️

🌟العوامل اللي تزيد من جفاف البشره:
-الطقس البارد و الرطوبه المنخفضه.❄️
-الغسل بالماء الساخن.💧
-غسل الوجه بالصابون.😱
-عدم شرب كميات كافيه من الماء.😰

🌟كيفها كيف أي نوع بشره لها روتين عنايه خاص بيها عشان تحافظي عليها وتحميها💆‍♀️👇

📍أول شي غسول طبي الأفضل أن يكون قوامه كريمي عشان يحافظ على الترطيب على عكس غسول البشره الدهنيه اللي عادة يكون قوامه جل.💁‍♀️

📍ثاني شي زي ماذكرنا من قبل هو التونر بالرغم من أن البشره الجافه بتكون مساماتها مسكره غالبا و لكن هذا لا يمنع استعمال تونر خاص بالبشره الجافه لتنظيف البشره و ترطيبها و المحافظه على توازنها.🤩

📍كريم مرطب طبعا شي مهم و أساسي لجميع أنواع البشره وخاصة الجافه يلزمها ترطيب مكثف وحنزل افضل كريمات ترطيب خاصة بالوجه للبشره الجافه.😍

📍المقشر زي ماذكرنا من قبل يكون مره في الأسبوع او حتى مره كل اسبوعين للبشره الجافه و يكون من ضمن مكوناته مثلا زبدة الشيا او العسل او الافوكادو .💙

📍واقي الشمس نفس الشي بيكون فيه نسبة ترطيب عاليه ويكون يحتوي على زيوت و عادة يكون قوامه كريمي .🌞

فاطمه الفيتوري🌸
جلدية و تجميل 💜💉

جبتلكم مجموعة غسولات ممتازه خاصة بالبشره الدهنيه و الدهنية المختلطه 💙🌼غسول Effaclar gel من شركة لاروش بوزيه الفرنسيه.🌼غ...
13/01/2021

جبتلكم مجموعة غسولات ممتازه خاصة بالبشره الدهنيه و الدهنية المختلطه 💙

🌼غسول Effaclar gel من شركة لاروش بوزيه الفرنسيه.
🌼غسول Normaderm phytoaction من شركة فيتشي الفرنسيه .
🌼غسول Avéne cleansing gel من شركة أڤين الفرنسيه.
🌼غسول Hyséac cleansing gel من شركة يورياج الفرنسيه.
🌼غسول Normacne antibacterial cleansing gel من شركة ديرميدك البولنديه.
🌼غسول PIRETIX cleanser من شركة بيرتكس الأسبانيه .

فاطمه الفيتوري🌸
جلديه و تجميل💜💉

🧚‍♀️من علامات البشره الدهنيه انها تكون لامعه و فيها مسامات واسعه في منطقة الخدين و من مشاكلها انها تكون معرضه باستمرار...
11/01/2021

🧚‍♀️

من علامات البشره الدهنيه انها تكون لامعه و فيها مسامات واسعه في منطقة الخدين و من مشاكلها انها تكون معرضه باستمرار لحب الشباب اذا ماتم العنايه بيها بشكل خاص.

🌼🌼 الروتين اللي مفروض تتبعه صاحبة البشره الدهنيه👇

🌟أول شي غسول طبي مخصص للبشره الدهنيه والافضل انه يستخدم مرتين في اليوم مره صباحا و مره مساءًا قبل النوم 💜
🌟الشي الثاني اللي جزئيه كبيره تهمل فيها هي التونر مهم جدا في روتين العنايه بالبشره وخاصة الدهنيه لأنه يعمل على تنظيف البشره بعمق من الاوساخ و نفس الوقت مع الاستمرار ايضيق المسام 😉
🌟ثالث شي هو استعمال كريم مرطب بعد الغسول و التونر و لازم يكون كريم مرطب خاص بالبشره الدهنيه يعني يكون خالي من الزيوت عشان ماتكونش عرضه للحب المزعج😊
🌟رابع شي هو استعمال مقشر مره في الأسبوع ونفس الشي يكون خاص بالبشره الدهنيه ويفضل يكون يوم اجازتك عشان بشرتك تاخد راحه🥰
🌟 و أخيرا ً و ليس آخراً هو واقي الشمس 🌞 اللي هو مهم جدا جدا كروتين للعنايه قبل الخروج للشمس بنصف ساعه او حتى في المنزل عند الانشغال في المطبخ ومع حرارة الغاز و الطبخ و لازم يكون قوامه سائل مايكونش كريم 🌸

البوست الجاي حنزل مجموعة منتجات خاصه بالبشره الدهنيه💜

فاطمه الفيتوري🌸
جلديه و تجميل💜💉

أهلين بمتابعات صفحتي الجميلات 💜أول شي حابه نحكي عليه هو كيف تعرفي نوع بشرتك🤗💜 لأن هو الأساس اللي تقدري تعرفي من خلاله كي...
03/01/2021

أهلين بمتابعات صفحتي الجميلات 💜

أول شي حابه نحكي عليه هو كيف تعرفي نوع بشرتك🤗💜 لأن هو الأساس اللي تقدري تعرفي من خلاله كيف اتعاملي معاها وتعالجيها وتهتمي بيها و لأن في جزئيه كبيره من البنات اتعامل مع بشرتها بطريقه خطأ لأنها مش عارفه نوعها فبالتالي تلقى نفسها بدال ماتعالجها تزيد الموضوع سوء و تقول ليش أنا نهتم ببشرتي بس بدون فايده 🤷‍♀️

طبعاً عشان تعرفي نوع بشرتك في اختبار بسيط اديريه في الحوش اللي هو أنك تنظفي وجهك من المكياج ومن اى شي و تغسليه بغسول مناسب( غسول مش صابون) و تجففيه كويس وتخليه ساعه كامله من غير ما تحطي عليه أي شي و بعد ساعه اوقفي عند المرايه و خوذي قطعة منديل ارقيقه و ناعمه و أمسحي كامل و جهك بطريقة الطبطبه البطيئه أو الضغط الخفيف ع جميع مناطق الوجه( الجبهه_ الأنف_ الخدود_الذقن) 💆‍♀️

النتيجه هي كالتالي 👇
📍 في حالة لقيتي المنديل فيه زي أثر الدهون في جميع مناطق الوجه فهذا يعني أن بشرتك من النوع الدهني وحتلقيها فيها لمعه 🤷‍♀️ ✅

📍في حالة لقيتي آثار الدهون بس في منطقة الجبهة و الأنف ( انسموا فيها منطقة T او T zone ) و باقي الوجه كان المنديل جاف ونظيف فهذا ايدل ع أن بشرتك مختلطه💁‍♀️✅

📍في حالة لقيتي المنديل جاف و نظيف في جميع مناطق الوجه و لكن لاحظتي في قشور بسيطه في مختلف مناطق الوجه معناها بشرتك من النوع الجاف 🙅‍♀️✅

📍أما إذا لقيتي المنديل نظيف و جاف و كانت بشرتك ناعمه ومفيش وجود للقشور أو الملمس الخشن و لا لمعان معناها بشرتك من النوع العادي 🙆‍♀️✅ و نقدروا نقولوا أنك محظوظه لأن هي أفضل نوع و أقل مشاكل 😍

حاولت نختصر الموضوع بطريقه مبسطه و سلسله ان شاءالله تكونوا فهمتوا و كل وحده تقدر تعرف نوع بشرتها 😉💜

في بوستات جايه حنحكي ع كل نوع بروحه و كل بشره شن النظام اللي تتبعه و كيف اتعامل معاها و حنزل منتجات كويسه تمشي مع كل نوع 😘💜

تاق لصاحبتك عشان تستفيد 🌹

فاطمه الفيتوري🌸
جلديه و تجميل 💜💉

د.فاطمه الفيتوري.._بكالوريوس طب و جراحه جامعة بنغازي 2012_2013.💜_عضو في الجمعية الليبيه للجلديه التجميليه.💜_طالبة دراسات...
31/12/2020

د.فاطمه الفيتوري..
_بكالوريوس طب و جراحه جامعة بنغازي 2012_2013.💜
_عضو في الجمعية الليبيه للجلديه التجميليه.💜
_طالبة دراسات عليا /جامعة بنغازي (ماجستير) تخصص جلدية .💜
_متحصلة على الجزء الأول زمالة ليبيه .💜

Address

Benghazi

Website

Alerts

Be the first to know and let us send you an email when Dr. Fatma Elfaitury جلديّـه و تجميـل posts news and promotions. Your email address will not be used for any other purpose, and you can unsubscribe at any time.

Shortcuts

Share