10/05/2026
💔💔💔
تزوجت وانا عمري 17 سنه وراجلي كان اكبر مني بي 10سنين. كان فرحان بيا هلبا من حد انا مخطوبه كان ديمه مهتم بيا هدايا وكل مناسبه خاصه بينا مينسهاش بكل
كانت الحاله الماديه مش تمام هلبا ع المعاش وخلاص وتجاره مرا يربح ومرا خساره وتمشي كان حوشنا بجنب حوش العيله كانو عندي سته سلفات وزوز حموات وحدا متجوزه وحدا مطلقه وعندها زوز صغار ولما كنت مخطوبه فجأة شيبانيه جاته جلطه ع الدماغ وتعب وقعد مقعد ولما بدت حالته تسوء كان ديمه يطلب من ولده انه يتجوز ويبي يفرح بيه قبل لا يموت ويوم كلمني قالي الاسبوع الجاي العرس قتله كيف هكي حكالي ع بوه وكل شي صار بسرعه .....المهم من لما تجوزت لا طلعت ولا ادهورت بكل بحكم كان انه بوه تعبان وهكي مقدرش
كنت شايله مسوليه زيني زيهم
وعزوزي فرضت عليهم كل ليله زوز من اولادها يباتو معاها بي نسونهم
واعطوني ليله زيهم وانا ليا شهر بس متجوزه. وكنت انوض من الساعه 8 نعطي لي شيبانيه يبره السكر و ادويته كلهم ونرفع معاي فطور لي شيبانيه. وكانت بنته ولا هامها بوها ولا شي الدار الي فيها بوها متجيش شورها بكل
تقعمز تقرم في عباد ربي وتفتن وتكذب وخلاص. في يوم تعب شيبانيا وجمعو ولاده فلوس باش يمشو بيه تونس وراجلي معنداش المعاش منزلش فأنا اعطيته التاكم متعي وقتله مش اهم من شيبانيه
اول مرا رفض انه ياخدا بعدين بإصارار مني اخداه وباعه وجمع معاهم رفعو بوهم لي تونس
وبعد هما طلعو قعمزنا انا وسلفاتي وحماتي هادي قعدت اتلوح في الدوه وتقول في كلام انا انا منجيش لي عزوزي ومنعاونش فيها لما هيا تطلع
قتلها انا عارفه انك تحكي عليا وانتي علاش تطلعي طالما انا بوك تعبان وامك يجوها الناس ياريت حتي تمشي مشاوير مهمه كانت تزرد هيا واختها وتبينا احنا نقيمو في حوش امها قتلي لما نتصل بي خوي اليوم يطلقك وقعدت تعيط زي المجنونه قتلها هاك تالفوني اتصلي بيه خلي يطلقني وكانو سلفاتي يسكتو فيها نضت انا روحت وامها قلبتلها الكلام كله اتصلت بيا عزوزي قتلي تعالي وين مشيت قتلها انا مدرتلها شي هيا تقولي انا اليوم نخلي راجلك يطلقك قعدت حماتي تحلف انه كذب الكلام ناضو سلفاتي قالولها قلتيه بلا كذب
وفجأة خش راجلي عزوزي تقولي باللهي عليك متقوليش لي راجلك يقتلها اخته بي الضرب
سكتت مبيتش نحكي. ومن اهنا بدت رحلت معاناتي معاها وحطت راسها من راسي رغم انها اكبر مني بي 25سنه وبعد شهر هكي شيبانيا توفي. فا
#ترند
