https://www.facebook.com/100822755416868/

صيدلية رهف المركزية - Rahaf Pharmacy, Tripoli (2025)

28/09/2021

منتجات mizon متوفرة الأن في الصيدلية

‏‎ ✨💙
‏‎العنوان قصر بن غشير كوربه خميس 💙✨
‏‎متوفر لدينا خدمات دفع بطاقه المصرفية بنفس سعر الكاش بأسعار منافسة🔥

28/09/2021

مساء الخير 😍 اكيد الكل تعرفو شركة يورياج غنية عن التعريف 😍 من فيكم جرب منتجاتها ومدى فعاليتها 🤔

مجموعة Hyseac # من يورياج💚💚
لروتين البشرة الدهنية😍😍

علاج الرؤوس والحبوب الملتهبة ✅
علاج زيادة أفراز الدهون 👌
حماية البشرة الدهنية وترطيبها 👌
علاج أثار حب الشباب واثارها ✅
تنظيف البشرة وتطهيرها 👌
علاج الرؤوس السوداء 👌
💚Uriage Hyseac Cleansing 💚

غسول يورياج😍 هو عبارة عن جل منظف للبشرة الدهنية💧 أو التي تعاني من المسامات الواسعه😖 واللي تعاني من حب الشباب والرؤوس▪️ السوداء و البقع الحمراء 🔴و المتهيجه💢.

-مع الاستخدام المستمر تدريجيا 🤩يجفف البشره من الدهون يعنى وداعا للحبوب 🖐

💚Uriage Hyseac sunblock spf +50💚

واقي الشمس الخاص بالبشرة الدهنية 💚

واقي شمس يورياج السائل مناسب للبشرة الدهنية والمختلطة 🌼 خفيييييف جدااا وما يدهنش وريحته مقبوله
يوفر أعلى حماية من الشمس مع ترطيب لبشرتك💚 💪🏼

خالي من الزيوت ( oil free ) لا يسبب الحبوب والبثور ويعمل على ازالة اللمعة غير المرغوبة للبشرة الدهنية ويقلص في حجم المسام ويزيل الرؤوس السوداء مع الاستمرار 💚

💚 Uriage Hyseac 3-Regul 💚

✅ هو منتج شامل "all in one "
للعناية بالبشرة و القضاء على عيوبها
( البقع, الرؤوس السوداء, واللمعان,المسام )
💚يترك البشرة صافية 😊
✅ يحد من العيوب و يحد من البقع والرؤوس السوداء ....
🌟مع مركب من المكونات النشطة العالية الأداء
و Uriage Thermal Water ...
✅ ينقي نسيج البشرةو ينعم و يشد المسام 😍
✅ يحد من الدهن الزائد وذلك بفضل خلاصة عرق السوس 🤍

💚URIAGE HYSEAC MAT CREAM💚

كريم مرطب خالي من الزيوت ويحتوي على مواد مرطبة ومانعة للإفرازات الدهنية 😊
♻️يضيق المسام ويمنع الرؤوس السوداء😉.
♻️يغذي البشرة ويزيل اللمعة المزعجة🤐

28/09/2021

موضوع جديد وهلباااااا مهم

موضوعي إزالة شعر الوجه 🧔🏻
المتعارف عليه والتقليدي شمعة فتلة سير حلوة 🤔🤔🤔

فيه اللي تعاود كل اسبوع و فيه اللي تقول من مناسبة ل مناسبة اووووكي

اللي يصير مع اغلبكم تمشي للمزينة تدير وجهها تحرقه ترروح بيه مفرفط 🥵 هذا كان مش محروق ومسلخ و تقول معاش نعاودها
وأول مناسبة جديدة او عيد تنسى و تعاود من جديد

معلومة نبي نوصلها
اكتر سبب شائع للتصبغات العميقة و الكلف في مجتمعنا هو حروق السير والشمعة مع انعدام واقي الشمس
وأكيد تعرفو انهم يزيدو تجاعيد و ترهل البشرة 👵🏻
عمرها 35 تعطيها 55👵🏻

اكتر طريقة امنه فيهم الخيط لكن فيه ناس تتحسس او يطلع معاها حب و المنظر يبدا 🙅🏻‍♀️

الحل ???
نقوللكم الشفرة 😌
الشفرة احسن حل للناس اللي تبي اتنظف وجهها
لا تدير تجاعيد لا تصبغ لا ترهل بالعكس تدير في تقشير خفيف للطبقة السطحية 👌🏻
وأكيييييد الليزر حل نهائي

بتقولولي الموس يغلظ الشعرة و يخليها زي لحية الراجل 🙃🙃
معلومة غلط الشعر الخفيف ح يقعد خفيف والخشن برضو ح يقعد خشن ويبي ليزر
ياناس سمك الشعرة وغزارتها موضوع هرمونات هرمونات يعني الرجالة شعرتهم غليظة بفعل هرمونات ذكرية

يعني اللي عندها مشكلة في الهرمونات تكيس او غيره ماتستعملهاش❌
اللي عندها حب شباب ملتهب ماتستعملهاش❌
اللي تسببلها في تحسس ما تستعملهاش

تستعمل ع بشرة جافة
ومتنزلوش بقوة باش مايصيرش تقشير قوي او تحسس او جرح 😘
استعملوها للوجه الا منطقة الشنب خلوها بالفتلة
علاش !!
لان المنطقة هذي بالطبيعة الشعرة بتكون اغلظ من باقي الوجه لو نحيتها بالشفرة ح يبان الجدر اخضر

طبعا تستعمل ع وجه جاف و من فوق لتحت

تلقوهم في الصيدليات استعملو النوع اللي يناسبكم

28/09/2021

هيا تعالو 🧏🏻‍♀️

ضروري يا بنات تحطو روتين ل بشرتكم من عمر العشرين تخلي في حاجات أساسيه قبل النوم تحطيها جنب سريرك و اديريها لبشرتك عشان تحافظو علي بشرتكم من التجاعيد المبكره و التصبغات و الكلف و المشاكل الشينه اللي تزيد تطلع و تكتر مع العمر ولازم تكون الحاجات هذي مضمونة و جودتها عالية فيتامينات و حاجات كلها مفيده و ما اضرش بشرتنا
تعتبر وقاية من الشيخوخة المبكره للبشرة و زي مانعرفو الوقايه احسن من العلاج
و محلااااها البنت لما تكون مهتمه و واقفه لروحها 👸🏻

يعني مش فيراندلافلي ❌🚫⛔️ ومش شارلي ❌🚫📛 ومش جاما فيت ⛔️❌🚫 و مش الخلطات الغريبه اللي معبيه كورتيزون قوي ❌⛔️🚫 ومش سبوتلس اللي مش معروف تركيبها اساسا ⛔️❌🛑و مش إلكوم elocom هذو دمار شامل للبشرة

💛

‏

28/09/2021

🦋💙
معلومة عالسريع✍️
شمس 🌞🌞= اسمرار 🌚 تصبغات كلف و بقع 🌓 شيخوخة مبكرة وتجاعيد 👵🏻👵🏻مسامات و حب و حساسية 😖😖

هذا علاش واقي الشمس مهم 👌🏻
حتى في الشتي والدنيا مغيمة ⛅️الشمس موجودة راه والاشعة الضارة توصل
اختارو واقي يناسب بشرتكم و خلوه روتين والافضل يتجدد كل ساعتين

12/09/2021

اخطاء تدمر البشره حاولو تجتنبوها 👇🏻

✖️ازالة شعر الوجه بالشمع او السير .

✖️غسل الوجه بالمية السخونه .

✖️ استخدام كريمات التفتيح التجاريه ❌❌

✖️فرش المكياج الغير نظيفه .

✖️مكياج منتهي الصلاحيه❌

✖️نوم بالمكياج😕(نامي مظلومه ما تنامي بالمكياج)

✖️إهمال الروتين اليومي .

✖️قلة شرب الماء.

✖️التنت فوووتيه🔛 (فوتيه التنت)❌

✖️استخدام المقشرات بطريقة الخطاء❌

❌ماتطلعيش من غير واقي شمس كلمة من اخر السطر ❌

مش كل منتج تشوفوه و عليه دعايه يعني كويس اقري عليه كويس قبل مش اي حاجه تنحط على الوجه❌

06/09/2021

متوفرات في الصيدلية😍😍

‏‎ ✨💙
‏‎العنوان قصر بن غشير كوربه خميس 💙✨
‏‎متوفر لدينا خدمات دفع بطاقه المصرفية بنفس سعر الكاش بأسعار منافسة🔥

21/08/2021

كمية جديدة من منتاجات شركة (carvien’s)🖤
كريم كارفين العلاج الأفضل لجميع مشاكل البشرة
نتيجة بيضاء وصافية❤️
أيضًا 🥺
غسول كارفين من شجرة الشاي 😻😻
لازالة الحبوب والرؤوس السوداء 🙂
المنتج غير متوفر الا في ❤️

16/08/2021

منشور للتذكير 💡

يا بنات اللي تستعمل ف مقشرات زي الاكريتين او الريتن اي او الديفيرين جل بروحها من غير متابعة مع دكتور👩🏻‍⚕️
تووووقف ❌❌❌❌
الجو صيف وحرارة عالية وشمس قوووية منبوش يصير تحسس

وااااااقي الشمس اهم شي ف الوقت هذا ✔️✔️✔️

خلو روتينكم واقي شمس و غسول و كريم مرطب و تفتيح ليلي🤍🤍

واللي يبو تفتيح و ديما يسألو ع تفتيح 👇🏻👇🏻
✔️فيه كريم dark spot eraser cream تفتيح ممتاز و تقشير خفييييف مناسب للجو هذا
واللي بشرتها حساسة لااااا

✔️فيه كريم يورياج uriage depiderm cream
حلو و يمشي مع جميع انواع البشرة

✔️كريم يوسيرينeven pigment perfector night cream
كريم تفتيح ليلي ممتاز

هذا الكلام للناس اللي ماعندهمش مشاكل و مش متابعين مع دكاترة 🌹🌹

13/08/2021

قبل ما ترقدو اغسلو وجهكم و حطو الكريم الليلي

و هذو غسولات البشره الجافه ويمشو للبشره العاديه …
زي ماقلت فيه غيرهم هلبا لكن نحاول نحط الاكثر استخدام مع فرق في السعر وكلهم كويسات
وفي منهم يخدمو حتى على التفتيح

12/08/2021

مسائكم حلو زيكم ♥️

غسولك ..... مرطبك ..... واقي الشمس ... و يومك حلو

الواقي يتعاود كل ساعتين ...

اشربي ميه ...
هكي نكونو درنا اول خطوه واهم خطوه للمحافظه على بشرتنا 🤍

08/08/2021

نوع بشرتك هكي تعالي استفيدي 👇🏻

🔻بشرتك فيها مسام واسعه و تنوضي الصبح تلقيها مدهنه و عندك رؤوس سوداء مسكره او حب معناها افراز الغدد الذهنيه عندك عالي معناها بشرتك ذهنيه .
🔻عندك دهون في خشمك و خدودك و جبهتك بس حولين فمك في جفاف و قشور و قالي شويه عاللون الداكن معناها بشرتك مختلطه مناطق ذهنيه و مناطق جافه .

نوعين البشره هذي ليهم نفس الروتين تقريبا ….

✔️نبدو بالواقي كيف نختاره لبشرتنا ….
بشرتك ذهنية او مختلطه بتاخدي واقي يكون قوامه خفيف او جل سريع الامتصاص خالي من الزيوت مطفي و نفضل ان يكون مش ملون يعني عالباكو متع الواقي بتلقي مكتوب انه oil free او light او gel او mat او Dry touch و اغلب الشركات يرمزو للمنتجات الخاصه بالبشره الدهنية باللون الاخضر يعني الواقي متع البشره الذهنيه تلقو عليه خط اخضر او واحده من الكلمات اللي كتبتها☝🏻

حنزلكم صور ليهم في البوستات الجايه✌🏻

كيف تختاري غسولك ….
اهم حاجه في غسول البشره الذهنية انه يقلل من افرازات الدهون و تستعمليه مرتين تلاته في اليوم عادي بدات في الجو هدا …
يكون جل سائل قوامه خفيف يجفف البشرة و يحافظ على افرازات الدهون
حنزلكم صور ليهم في البوستات الجايه ✌🏻

و بالنسبه للترطيب للبشره الدهنيه محتاجه ترطيب …
لكن يكون خفيف على البشره قوامه سريع الامتصاص و يحافظ على المسام

حنزلكم صور ليهم في البوستات الجايه ✌🏻

✔️و طبعا ننصح بتنظيف البشره العميق للبشرة الذهنية خاصةً في الصيف بشكل مستمر ….

صيدلية رهف المركزية - Rahaf Pharmacy

28/09/2021

28/09/2021

28/09/2021

28/09/2021

28/09/2021

12/09/2021

06/09/2021

21/08/2021

16/08/2021

13/08/2021

12/08/2021

08/08/2021

Address

Telephone

Website

Alerts

Shortcuts

Share