12/07/2023
السلام عليكم
شفت هلبا اسئلة في قروبات وصفحات عن اشياء تحرق الدهون وما الي ذلك من منتجات ومن غير رياضة او دايت او متابعة من دكتور مختص واغلب اخصائيين التغذية العلاجية اتكلمو ع الموضوع هذا الا للأسف قاعد في عدم وعي و فهم ان لا توجد اي درسات تثبت فعالية منتجات حرق الدهون او منتجات الديتوكسز بدون عجز في السعرات +رياضة لتنقيص الوزن لان هاذي اشياء تعتبر من العوامل المكملة لنظام الي ممكن اديريه وثاني شي بتجي وحدة وتقولي لا اني جربت شراب او ما إلي ذلك ونقصت 20 كيلو في شهر وكله من الدهون نحب انقولك انتِ ضريتي جسمك هل من الطبيعي بعقل حكيم انك تخسري وزن بشكل مش طبيعي في شهر، هل هذا ميخليش ايدور في رأسك جسمك شن الي حيصيرله وشن هيا المواد الي خشتله باش لعب في نظام طبيعي وحوله إلى مش طبيعي باش خلاه يحرق كل كمية الدهون هاذي من غير مجهود او دايت او رياضة منك هل هذا بجديات شي ايخليكم تفرحو
هل الأهمية في صحة جسمك وطريقة عمله الصحيحة في الحياة الصعبة، هل الأهم ان ايكون جسمك صحي مش متعب مش مجهد نشيطة قادرة علي التوازن وعندك ليونة ع طريق الرياضة وجسمك متغذي بطريقة صحية ام الاهم ان شكل جسمي ان خسرت دهون وفوقها من منطقة معينة بس باش ايكون شكلي حلو!
لازم نغيرو التفكير بحيث ايكون اهم شي صحتك وانك تنزلي وزنك بشكل صحي مع دكتور مختص والحمد الله ان ليبيا بدي عندنا اخصائين تغذية في وقت كان لايسمع بهذا المجال رغم كل ضعف الإمكانيات الي في بلادنا ارجوكم انتبهو ع الصحة الصحة وتركيز ع الهدف الي تبي توصليله لما تنقصي وزنك هو صحتك وشكلك من داخل ام شكلك الخارج مجرد يتحسن الي من داخل تشوفي الجمال من الخارج.
زميلاتي اخصائين التغذية شاركوني في البوست وعطوني رأيكم 🤍
شيرو البوست للوعي وزيادة النشر لعلى وعسى ايكون خير ونزيدو الثقافة التغذوية.
#تغذيةعلاجيك
