16/09/2025
📌 الحرارة عند الأطفال
✅ الحرارة الطبيعية: من 36.5 إلى 37.5 🌡️
❌ قياس الحرارة يكون بـ مقياس حرارة مش باللمس!
🔹 طريقة القياس:
• بالمقياس الرقمي: تحت الإبط لين يصدر صوت ➕ زيد 0.5 عالرقم.
• بالمقياس الزئبقي: خليه من 2 – 3 دقايق ➕ زيد 0.5 عالرقم.
➡️ مثال: لو طلع 37.5 معناها الطفل حرارته 38.
⸻
🔥 لقيت الحرارة عالية؟ شن ندير؟
1️⃣ لازم تمشي للطبيب مباشرة لو:
• الطفل أقل من 3 شهور.
• الطفل مدروخ، عنده أعراض عصبية، دهشة، جفاف، إسهال شديد أو ترجيع متواصل.
2️⃣ لو ما فيش الأعراض الخطيرة:
• نقص ملابسه وحطه في مكان بارد.
• عطِيه سوائل باردة.
• دوش ربع ساعة من الرقبة للقدمين (بدون رأس).
• بعد الدوش: كمادات حول الرقبة، تحت الإبطين، وبين الفخذين.
💡 ملاحظة:
• في الصيف: المية من الحنفية مباشرة.
• في الشتاء: المية فاترة.
⸻
💊 الأدوية المناسبة:
👶 أقل من 6 شهور:
• بنادول فقط (شرب كل 6 ساعات أو تحميلة كل 6 ساعات – ما تجمعش بينهم).
• لو فيه إسهال، ممنوع التحاميل.
👦 أكثر من 6 شهور:
• ممكن بنادول أو بروفين (كل 8 ساعات – أحياناً كل 6).
• لكن لو عنده حساسية صدر ❌ ممنوع بروفين.
👧 فوق السنة: نفس القاعدة (بنادول أو بروفين).
⸻
⚠️ نصائح مهمة:
• التحميلة تشتغل بعد 10 دقائق.
• الشراب يحتاج 40 – 45 دقيقة.
• الفولتارين مش خافض حرارة، وما ينصحش بيه إلا باستشارة طبيب.
• لو الحرارة 39+ ➡️ الخافض ما يشتغلش بروحه، لازم دوش.
⸻
👨⚕️ د. رضا محمود مرشان
