د.إسراء الرمالي Dr.Esra Alrmally

05/01/2026

☀️ واقي الشمس… خط الدفاع الأول ضد التصبغات من غيره كل الجلسات او الكريمات مليهمش اي فائدة

التصبغات تصير لما الجلد يفرز ميلانين زيادة، وأهم محفّز للميلانين هو التعرّض لأشعة الشمس حتى في الأيام المغيمه و الشتويه .

فايدة واقي الشمس في الوقاية من التصبغات:

▪️ يمنع ظهور بقع داكنة جديدة
▪️ يمنع غمقان التصبغات الموجودة
▪️ يساعد علاجات التفتيح تعطي نتيجة
▪️ يحمي من التصبغات بعد التقشير أو الليزر
▪️ يقلّل الالتهاب اللي يخلّي التصبغ يزيد

📌 طريقة الاستعمال الصح:
✔️ SPF 30 أو أكثر
✔️ يتدهن قبل الخروج بـ 15–20 دقيقة
✔️ يتعاود كل 2–3 ساعات مع التعرّض
✔️ يتستعمل يوميًا حتى داخل البيت

⚠️ بدون واقي شمس، أي علاج للتصبغات يعتبر ناقص
اول خطوه للعلاج وااااقي الشمس

05/01/2026

عوده للمركز الليبي البريطاني 💕

عيادتي كل ثلاتاء مساءاً بإذن الله

️ ▪️علاج حب الشباب وآثاره
▪️ علاج التصبغات، الكلف وتوحيد لون البشرة
▪️ نضارة البشرة ( Skin Booster)
▪️ بوتوكس بطريقة طبيعية وآمنة
▪️ علاج تساقط الشعر والصلع الوراثي
▪️ ميزوثيرابي و بلازما للشعر والبشرة
▪️ تقشير طبي حسب نوع البشرة
▪️ علاج الإكزيما، الصدفية، والحساسيه التأتبيه

حيكون في عروض حلوه تناسب الجميع
لحجز المواعيد التواصل مع رقم المركز

‏ #طرابلس #جلدية

05/01/2026

اكيد كلكم تسمعو هلبا في مصطلح نياسيناميد في منتجات العنايه بالبشره

شن فايدة النياسيناميد للبشرة؟

النياسيناميد هو فيتامين B3، مكوّن طبي قوي ومهم في روتين العناية بالبشرة، ومناسب تقريبًا لكل أنواع البشرة.

😍فايده النياسيناميد:

▪️ يقوّي حاجز البشرة
يساعد البشرة تحافظ عالرطوبة ويقلّل الجفاف والتقشّر، خصوصًا للبشرة الحساسة.

▪️ يخفّف الدهون والمسام الواسعة
ينظّم إفراز الدهون، وبهذا يقلّل من اللمعة ويخلّي شكل المسام أضيق مع الوقت و هدا علاش نوصفو فيه للناس اللي تعاني من حب الشباب و بشرتها تفرز في الدهون اكتر من الناس التانيه .

▪️ يفتح ويوحّد لون البشرة
يساعد في تخفيف البقع الداكنة، آثار الحبوب، والكلف مع الاستعمال المنتظم لانه يقلل انتقال الميلانين كصوره نهائيه لسطح الجلد .

▪️ يهدّي الاحمرار والالتهاب
ممتاز للبشرة اللي تعاني من حب الشباب أو الحساسية والوردية.

▪️ يعطي نضارة ونعومة
يحسّن ملمس البشرة ويخليها أنعم وأكثر إشراق.

📌 كيف نستخدمه؟
يتحط بعد الغسول وقبل المرطب، صباح أو مساء.
وفي النهار ضروري واقي شمس ☀️

📌 أنسب تركيز:
✔️ 5٪ للبشرة الحساسة
✔️ 10٪ للبشرة الدهنية أو اللي فيها تصبغات

04/01/2026

Cetaphil Moisturizing Cream

مرطب سيتافيل مفيش حاله وصفتهولها مدارش معاي الواجب بالدات حالات الإكزيما و الجفاف الصراحه يعتبر من المرطبات الطبية الموثوقة، ومناسب للاستعمال اليومي حتى للبشرة الحساسة.

🔬 شن يميّزه؟

• يحتوي على الجليسرين اللي يجذب الماء داخل الجلد
• غني بـ النياسيناميد والبانثينول → يهدّوا البشرة ويقوّوا الحاجز الجلدي
• يساعد على تقليل الجفاف والخشونة
• يحافظ على الترطيب لمدة طويلة
• يدعم الحاجز الواقي للبشرة ويقلّل التهيّج

مناسب لـ:

• البشرة الحساسة
• الجافة إلى العادية
• الأطفال والكبار المعرضين للجفاف و الاكزيما
• الاستخدام اليومي للوجه والجسم

❌ خالي من:

• العطور
• الكحول
• المواد المهيّجة

✨ النتيجة:
بشرة مرتاحة، ناعمة، ونضرة من أول استعمال ومع الاستمرار.

04/01/2026

ترطيب البشرة… خطوة علمية مش بس تجميلية💕

البشرة بطبيعتها تحتوي على نسبة ماء تحافظ على مرونتها ووظيفتها كحاجز واقي.
لما تنقص نسبة الترطيب، يضعف الحاجز الجلدي، وتبدأ تظهر علامات التعب، البهتان، والخطوط الدقيقة.

🔬 شن يصير علميًا لما نرطّب البشرة؟

• نحافظوا على مرونة الجلد ونقلّل فقدان الماء
• نقوّوا الحاجز الواقي للبشرة
• نبطّئ ظهور التجاعيد والخطوط الرفيعة
• نعطوا البشرة مظهر نضر ومشدود لفترة أطول

🧪 استعمال مرطب مناسب لنوع البشرة، فيه مكونات كيف
حمض الهيالورونيك، السيراميدات، الجليسرين
يساعد البشرة تحتفظ بالماء ويأخر علامات التقدم في العمر.

📌 الترطيب اليومي صباح وليل و شرب كميه كافيه من الماء
مش رفاهية… هو أساس الحفاظ على بشرة صحية ونضرة مع الوقت
د إسراء الرمالي

31/12/2025

30/12/2025

شن تعرفو علي ال double cleansing يا بنات و شن الماركات الحلوه اللي استعملتوها في الغسولات الزيتيه ؟؟

باش نكتبلكم بوست يشرحه بالتفصيل 💕

28/12/2025

الأكزيما عند الأطفال

الأكزيما هي حساسية جلدية شائعة جداً عند الأطفال خصوصاً في موسم الجفاف اللي هوا الشتاء يترددو هلبااااا علي عيادتتا و ديما نفس الاعراض غالباً تكون على شكل
🔹 احمرار
🔹 جفاف
🔹 حكة مزعجة مع علامات تخبيش scratching marks و تقلقه حتي في النوم

وغالبًا تزيد مع الجو البارد أو عند استخدام منظفات قوية.

👶 كيف نحمي بشرة أطفالنا؟
✔️ نرطّب البشرة يوميًا ضروري و بعد كل دوش بكريم مناسب للأطفال خالي من العطور و في بوست تاني حنززلكم انواع كويسه
✔️ نستخدم ملابس قطنية ناعمةو نبعد عالبوليستر و الصوف
✔️ نبتعد عن العطور والمنظفات القوية و نحاول يكون الدوش بميه دافيه فقط احياناً
✔️ نقص أظافر الطفل لتجنب خدش الجلد

💗 الاهتمام اليومي البسيط يساعد طفلك يعيش براحة وبشرة صحية بإذن الله.

#الأكزيما #أمومة #توعيه

28/12/2025

✨ الأكزيما… أكثر من مجرد جفاف جلد! ✨

الأكزيما هي حالة جلدية شائعة جداً تسبب حكة، احمرار، جفاف وتقشّر في الجلد، وتظهر عند الأطفال والكبار على حد سواء.
تزداد أعراضها مع التوتر، الطقس الجاف، بعض الأطعمة أو المنظفات القوية و مرات حتي بعض الحيوانات كتحسس من وبرهم او صوفهم .

💡 كيف نخفف من أعراضها؟
✔️ ترطيب الجلد يومياً بكريمات طبية مناسبة
✔️ تجنّب الصابون القاسي والعطور
✔️ ارتداء ملابس قطنية
✔️ شرب كمية كافية من الماء
✔️ مراجعة الطبيب ضروري عند زيادة الأعراض وعدم اخد كريمات كورتزون من الصيدليات لانه الاستمرار عليهم لفترات يفاقمو الوضع بدل ما يعالجوه

🌸 العناية اليومية تصنع فرقًا كبيرًا، والأكزيما يمكن السيطرة عليها بالترطيب بس مرات و نخفف انه ممكن يطلعلي تهيج كل فتره و نسيطر عالاعراض

بالعلاج الصحيح والاهتمام المستمر بدل ما تطلعلك خمسه مرات في السنه تخليهم مره وحده و مرات اقل .

#الأكزيما

27/12/2025

بعد إجازه طويله عُدنا و العود أحمد بعون الله💕

جانب من حضوري اليوم لمحاضره الدكتور عبد العظيم ابودبوس للشرح عن الacne و الhyperpigmentation برعاية شركة إسناد ..

أثرانا فيها بأخر التحديثات و أفضل الحلول لعلاج حب الشباب و التصبغات .
مشكورين و بارك الله في علمكم و عملكم

‏

16/02/2025

Tips and tricks 💕
لبشرة حلوه في رمضان

غسول كويس مناسب لنوع بشرتك لمنع تراكمات الأوساخ و الدهون و قفل المسام 👌🏻

واقي شمس يتجدد كل ساعتين ل اربعه ساعات مع انه اخر دراسات تقول يحمي من الاشعه فوق بنفسجيه و ليس الحراره لاكن شخصياً اني الكوشه تسمر فيا و الواقي يساعد فيا في الموضوع هدا 😅

تجنب التعرض للحراره لو تعالجو في بشرتكم بأي كريم مقشر او مبيض او مدايرين جلسات تقشير من اي نوع او ديرما بن 👌🏻

دلعي بشرتك ب هيدرافيشيال عميق قبل العيد 👌🏻

الإبتعاد علي الزيوت و المقالي بالدات لو بشرتك معرضه لحب الشباب لانه في علاقه بينهم حتي لو غير مباشره 😩..

البوتكس و السكن بوستر و الجلسات للنضاره او الشد او اي مشكله في البشره باش تعطيك نتيجه حلوه للعيد محتاجه اديريها من بدايه رمضان مش اسبوع العيد👌🏻

و كل عام و انتم بخير و يجينا بالصحه و الخير يا رب ❤️
د.إسراء الرمالي