Abdelmohaymine zamour

Abdelmohaymine zamour Contact information, map and directions, contact form, opening hours, services, ratings, photos, videos and announcements from Abdelmohaymine zamour, Psychologist, Casablanca.

26/03/2026

هاد المشكل كيوقع حيت كاين فرق كبير بين "العياء البيولوجي" ديال الجسد، و"الهدوء النفسي" ديال الداخل.

بالنهار، ملي كتكون غاطس فالخدمة، القراية، والمشاكل ديال الحياة، داك الانشغال المستمر كيقدر يخدم بحال شي "ميكانيزم دفاعي كيعاونك بلا ما تحس باش تهرب من شي أفكار، صراعات داخلية، ولا قلق مخبي فاللاوعي ديالك. الخدمة والحركة كيكونو بحال شي مخدر كيسكت داك الصداع الداخلي.

ولكن، ملي كيطيح الليل وكتحط راسك على المخدة، كيسكت الصداع ديال برا، وكيبدا الصداع ديال الداخل. داك الهدوء والسكون ديال الليل كيحيد داك "المخدر" ديال الانشغال، وكيعري كاع دوك الأفكار والمشاعر اللي هربتي منهم بالنهار.

الجسد ديالك كيكون سخفان وباغي غير يتلاح، ولكن الدماغ كيرفض يطفى. علاش؟ حيت بالنسبة لللاوعي ديالك، النعاس والرخاء كيعني الاستسلام والمواجهة المباشرة مع داك القلق اللي كتهرب منو. داكشي علاش كيحطك فوضعية ديال "اليقظة المفرطة" بحال يلا كاين شي خطر خاصك تحضيه.
الخلاصة هي أن هاد الأرق ماشي مشكل فالنعاس بحد ذاتو، هو غير عَرَض (Symptôme) كيبين بلي كاين شي حوايج لداخل محتاجة تخرج وتواجهها، ماشي غير تخدرها بالخدمة والضغط ديال النهار.

تذكير: ما فيها حتا باس الى طلبتي المساعدة من اخصائي نفسي باش تفكك هاد القلق وتفهم شنو اللي حابسك.

11/03/2026

أجي نشرح ليك شنو واقع من الناحية النفسية والمنطقية باش نعرفو واش مرض ولا خرافات.
الموقف كيمشي فجوج ديال الاتجاهات، الأول واللي هو الأقرب للواقع، هو أن هاد السيدة مريضة نفسيا وعندها حالة ديال "الذهان" أو لي كيتسمى علميا بـ (Psychosis). هاد المرض كيخلي الإنسان ينفصل تماما على الواقع وكيبدا يعيش فواحد الأوهام والضلالات كيعتاقد أنها حقيقة 100% ومكيمكنش تناقشو فيها.

أجي نفهمو هضرتها مزيان، فاش كتقول "أنا ذو القرنين" ولا "كنت فقبر وسرقوني"، كنفهمو بالفعل انها "ضلالات العظمة" و"ضلالات الاضطهاد". السيدة عقلها كينسج ليها قصص خيالية وهادشي كلو كيدل على تشتت كبير فالأفكار ديالها.

الاتجاه الثاني، واللي كيبقى مستبعد هو أنها تكون كتمثل باش تستدرج هادوك البنات وتسرقهم او تخطفهم. وبالفعل، هاد الأسلوب كيخدمو بيه النصابة وكيتسمى "الصدمة الإدراكية"، بحيث كيبداو يرميو على الضحية هضرة غريبة ومخيفة ومخربقة بزاف وبزربة، باش العقل المنطقي ديالها كيتبلوكا ويعجز على التفكير، وهادشي اللي كنسميوه بمجتمعنا ب "السماوي".

السماوي ماشي قوة خارقة بقدر ماهو هو غير تلاعب نفسي واستغلال لعنصر المفاجأة لي كيخلي الضحية تستسلم.
لكن علاش البنت تبلوكات او تبعاتها بلا ما تحس؟ باش نوضح ليك هاد النقطة اللي كتخلع بزاف ديال الناس وكتخليهم يتيقو بلي فعلا سماوي،
ملي الدماغ كيتعرض لصدمة بكلام غريب، كيوقع ليه شلل مؤقت وكيدخل فحالة ديال "الانفصال المؤقت" (Dissociation) أو الشرود الذهني. البنت تبعاتها لا إراديا حيت العقل المنطقي ديالها طفا بسبب "الصدمة الإدراكية"، والجسم ديالها خدم بـ"الطيار الآلي" (Autopilot) وتبع مصدر ديك الصدمة باش يحاول يستوعب داك الموقف المربك لي تسالا فجأة. هاد العطل المؤقت فالدماغ هو لي كيسحابوه الناس سلب للإرادة.

فالخلاصة، هاد الموقف كيبين لينا شحال حنا محتاجين نوعاو بالصحة النفسية، حيت هاد السيدة غالبا ضحية ديال مرض عقلي قاهر خلاها تهيم فالزنقة وتهتر بهاد الهضرة، والبنات حتى هما ضحية ديال الخلعة وقلة التجربة فكيفاش يتصرفو مع بحال هاد الحالات.
#اكسبلور

08/03/2026

بأي مرأة تحتفلون.. وأنتم تختزلون نضال قرون وعذابات أجيال في وردة حمراء، وعبارة تهنئة باردة، وابتسامة مصطنعة لا تعيش سوى أربع وعشرين ساعة؟

بأي مرأة تحتفلون؟ أبتلك التي ينهش الفقر ملامحها في الحقول الجرداء والمصانع المكتظة، تبيع عمرها وعرقها بأبخس الأثمان لتسد رمق أبنائها، بينما يتاجر العالم بصورتها في المؤتمرات والشعارات الرنانة؟ أم بتلك التي حُولت إلى مجرد سلعة استهلاكية، تُقاس قيمتها بمقاسات جسدها وما تدره من أرباح في سوق الإعلانات والوهم والمشاهدات؟

عن أي احتفال تتحدثون، وصرخات المكتومات تبتلعها جدران البيوت المظلمة؟ تقيمون لها المهرجانات في الساحات، وتغضون الطرف عن العنف المادي والنفسي الذي يجلد روحها وجسدها خلف الأبواب المغلقة. تُعنف باسم التربية، وتُقمع باسم التقاليد، وتُسكت باسم "الستر" وخوف الفضيحة، ثم تأتون في يوم واحد من السنة لتقدموا لها درعاً من ورق!

انه واقع مرير نلبس فيه أقنعة التحضر ليوم واحد، نكتب فيه المعلقات عن كونها "نصف المجتمع"، وفي الثلاثمائة والأربعة والستين يوماً المتبقية، نسلبها حقها في القرار، ونستكثر عليها أجرها العادل، ونصادر حريتها، ونضع ألف سقف زجاجي فوق طموحها لضمان بقائها تابعة، خانعة، أو مجرد أداة.

بامرأة لا تزال حتى اليوم تناضل فقط لتثبت إنسانيتها وأهليتها في مجتمع لا يرحم. احتفظوا بورودكم، وخطاباتكم، وهداياكم الموسمية.. فهي لا تضمد جرحاً نازفاً، ولا تطعم جائعة، ولا تحمي معنفة، ولا ترد حقاً مسلوباً.

المرأة لا تحتاج إلى يوم لـ "الاحتفال" بها، بل تحتاج إلى عمر من الاحترام.
يوم تكسرون قيود استغلالها، ويوم تمشي في طرقاتكم آمنة لا تلاحقها نظرات التسليع ولا سياط الأحكام المسبقة، ويوم تقف أمامكم نداً بند، بعقلها وكيانها وحقوقها الكاملة غير المنقوصة... حينها فقط، يحق لكم أن تحتفلوا.
#اكسبلور ✨

06/03/2026

ظاهرة اختطاف واستغلال الأطفال ماشي شي حاجة يالاه بانت هاد الأيام، بل هي واقع كان ديما حاضر. الفرق الوحيد هو أن الإعلام، اللي كان غايب أو "ناعس" ففترات سابقة، ولى اليوم كيسلط عليها الضوء بكثافة. هادشي كيخلينا نتوهمو أن الظاهرة عاد تانتشرات بشكل غير مسبوق، بينما الحقيقة هي أن نسبة التغطية الإعلامية هي اللي ارتفعات.
هاد التركيز الإعلامي المفاجئ والمكثف، عوض ما يخلق وعي حقيقي وهادئ، حوّل مسألة "حماية الأطفال" لهلع اجتماعي وقلق معدي. ولينا كنتسناو حتى كنسمعو شي فاجعة عاد كنفيقو باش نحميو ولادنا، في حين أن حماية الأطفال والاهتمام بصحتهم النفسية خاصو يكون مسؤولية مستمرة ويومية، ماشي مجرد ردة فعل مؤقتة.
بسبب هاد الهلع، بزاف ديال الآباء طاحو ففخ كبير، بحيث عوض ما يمارسو دور "الحماية"، ولاو كيتصرفو بدافع "الخوف"، وكاين فرق شاسع وتأثير مختلف تماماً بين انني نخاف على ولدي لي هو سلوك غير صحي كينتج عليه تدخل مفرط بحال "مانخليهش يخرج، مانخليكش يلعب مع الناس…". هاد السلوك كينقل القلق مباشرة للطفل، كيحرمو من التطور الطبيعي ديالو، وكيولي أرضية خصبة لاضطرابات نفسية فالمستقبل. وبين نحمي ولدي باش أنك توفر ليه الأمان النفسي والجسدي، تبني معاه حوار مفتوح، تعلمو كيفاش يحط حدود لراسو وللآخرين، وتوعيه بلا ما تزرع فيه الرعب.
#اكسبلور

27/02/2026

ديما القصة كتبدا ب"النية". المرأة كتدخل للزواج وهي معتبرة بلي العطاء اللامحدود هو اللي غايضمن ليها السعادة، هنا كيبدا أول خطأ وهو إلغاء "الحدود الشخصية" باسم الحب. كتسمح فخدمتها، كتقطع علاقتها بصحاباتها، وكتعطي لشريك حياتها السوارت ديال قيمتها، وكتولي هي كتشوف راسها غير بعينيه هو.

لكن، كيفاش كتقلب هاد "النية" لمأساة وعنف؟ الشريك اللي عندو ميولات تسلطية أو نرجسية، ملي كيحس بلي الطرف الآخر وما بقاو عندو لا ناس يساندوه لا استقلال مادي لا شخصية مستقلة، تما كيحيد القناع. العنف هنا ما كيبداش بالضرورة بالضرب، بل كيبدا بـ "العزل" و"التحقير". والمجتمع كيطالب لمرا تصبر او تستر ما ستر الله وهادشي اللي كيخلي المرأة تحبس دموعها سنين وتصبر، كتحاول تحمي صورة "L'amour" اللي بقات غير فالتصاور.

المرأة كتبقى عالقة فالصورة الثانية (ديال الألم) وهي كتحلم ترجع للصورة الأولى (ديال البدايات)، حيت تربات على ان "التضحية بالذات" هي قمة الرومانسية، بينما الحقيقة العلمية كتقول بلي أي حب كيطلب منك "تلغي وجودك" راه ماشي حب، بل هو مشروع تدمير ممنهج.
الخلاصة هي أن "النية" بلا "وعي" كتهلك، و"الحدود النفسية" التنازل على النفس عمره ما كان هو الطريق للقلب ديال الآخر، بل هو الطريق اللي كيعطيه الحق باش "يقتلك" معنوياً أو جسدياً وهو حاس براسو بطل.

Address

Casablanca

Telephone

+212679669387

Website

Alerts

Be the first to know and let us send you an email when Abdelmohaymine zamour posts news and promotions. Your email address will not be used for any other purpose, and you can unsubscribe at any time.

Shortcuts

Share

Category