Médica WEB

Médica WEB bonjour à tous les gens qui intéressé par les conseils médicaux et les services sur ce domaine

ليوم غندويو على واحد الموضوع مهم بزاااف و معقد بزااااف ديال البنات😫و حتى الولاد ،هو حب الشباابالعدو اللدود للبشرة و خصوص...
07/06/2021

ليوم غندويو على واحد الموضوع مهم بزاااف و معقد بزااااف ديال البنات😫و حتى الولاد ،هو حب الشبااب
العدو اللدود للبشرة و خصوصا الوجه لي جا في الوااجهة😂مسكين كيباان مخبز بالحبوب واخا تعياي مطلي🤣،en fois تمشي وحدة و تقولي تهنيت تعاود تنود ختها في نفس البلاصة تقول كانت كتسناها باش تخرج هيا 😑و غادا القاضية في نفس الدوامة الميؤسة.
أولا وكيما العادة خاصك تعرفي الأسباب علاش كينود لك داك العجب في وجهك من غير البنات باش تفهمي كيفاش تجنبيه و تخلصي منو.

-👩🏼‍⚕️قلة النظافه: الصبونة لي كتغسلي بيها كيغسل بيها كولشي🤦‍♀️او ديال الريحة،المخدة لي كتنعسي عليها كتريغي عليها و ليها قرن و زمارة ونتي كل ليلة كتحطي عليها حنكك،كتعرقي بزااف و كتعرضي للغبرة و مكتغسليش وجهك كل ليلة،الشعر ديالك تا هو يجمع الاوساخ بزااف و نتي طالقاه على وجهك و كتنعسي عليه

-👩🏼‍⚕️المكياج:كثرت المكياج و فوندوتا كيخنق البشرة و كيجمع الأوساخ، و مع الوقت كيتحول لحبوب لي كتزيدي فوق منو الفوندوتا و كيزيد يكثر🤦‍♀️

-👩🏼‍⚕️البشرة الدهنية: هذا النوع من البشرة معرض بزاااف للحبوب كيف معروف حيت الجلد ديالهم كيفرز بكثرة واحد المادة دهنية سميتها sébum أو الزهم و سبب كيرجع لخلل في الغدد الدهنية لي عندهم تحت الجلد
-👩🏼‍⚕️التغيرات الهرمونية:الهرمونات كيلعبو بزااااف على البشرة و شعر ديالنا و من كيكونوا مخربقين، الحبوب كيبدا يشطح ليكم في وجهكم 💃داك شي علاش مين كتقرب الدورة الشهرية كطل علك على الأقل واحد جوج حبات 🙃و حتى حبوب منع الحمل كيزيدوا من ظهور الحبوب
-👩🏼‍⚕️الماااكلة: و ما أدراك ما الماكلة خصوصا الحلاوة ،بزااف ناس غالطين كيقولوا بلي الدهنيات لي كيزيدوا الحبوب في حين بزااف دراسات تبثت بلي السكريات أكثر مسبب للحبوب (شكلاط ،البيموات،فانيد...) وماكلة زانقة(بانيني،طاكوس،سندويشات...) ،المساند الرسمي للحبوب😅كوليه ليوم غذا يصبح لك لك في حنكك😏
مهم هذي أغلب الأسباب لي تقدر تنود لك الحبوب أكيد من بعد الوراثة، و في الجزء الثاني غندويو على العلاج في حالة العادية ليمتستدعيش تمشي عند الطبيب و في الحالة المستعصية لي كتستدعي ضرووري تمشي عند الطبيب
يتبع....

‎🔴 :‎✅مصاب ينزف بشكل كبير في الطريق و يقول لك أنا عطشان ‎لاتعطيه الماء لكن لماذا ؟ ‎لعدة أسباب منها...‎من الطبيعي أن يعط...
02/06/2021

‎🔴 :
‎✅مصاب ينزف بشكل كبير في الطريق و يقول لك أنا عطشان
‎لاتعطيه الماء لكن لماذا ؟

‎لعدة أسباب منها...
‎من الطبيعي أن يعطش المريض عند النزيف
‎ لأنه فقد سوائل كثيرة لكن إذا أعطيته ماء قد يؤدي ذلك لتوقف قلبه.

‎الشرح...
‎عند حدوث نزيف... تلقائياً القلب سوف يحاول تعويض نقص الدم فيزداد معدل ضربات القلب بشكل يكون أسرع من المعدل الطبيعي وسيكون هناك إجهاد قوي على القلب... بالتالي مع شرب الماء سيزداد الإجهاد أضعاف مضاعفة على القلب و سيتوقف عن ضخ الدم تماماً.
‎الله يديم الصحة والعافية على الجميع يارب

Bonne fête tout les mamans de monde 😍😍😍😍😙❤
30/05/2021

Bonne fête tout les mamans de monde 😍😍😍😍😙❤

#السكر كل واحد فينا شي نهار كيحفض و لا في القسم او الخدمة ظهروا فيه هذا الاهراض و محاسش بلي هو طايح او طالع ليه سكر،هن...
29/05/2021

#السكر
كل واحد فينا شي نهار كيحفض و لا في القسم او الخدمة ظهروا فيه هذا الاهراض و محاسش بلي هو طايح او طالع ليه سكر،هنا بعض الاعراض لي تخليك تميز بيناتهم

كل واحد فينا ممكن باه و لا مو فيه tension و لا هو نيتو بعض المرات كيدوز من هذا الأعراض و مكيعرفش واش طايح او طالع ليه...
29/05/2021


كل واحد فينا ممكن باه و لا مو فيه tension و لا هو نيتو بعض المرات كيدوز من هذا الأعراض و مكيعرفش واش طايح او طالع ليه tension،هنا في صورة كنوضحوا ليكم بضع الأراض ليتقدر تميز بيها واش طالع او طايح لك tension

الجزء التاني :العلاج الحقيقي و نهااائي لتساقط الشعر قبل متعرف أو تعرفي العلاج ديال تساقط الشعر خصك ضرووووري تعرفي المش...
29/05/2021

الجزء التاني :
العلاج الحقيقي و نهااائي لتساقط الشعر
قبل متعرف أو تعرفي العلاج ديال تساقط الشعر خصك ضرووووري تعرفي المشكل منين جاي بعدا و هذا شي لي تكلمنا عليه بالتفصيل في البوسط لي فات(دخل الباج و شوف البوسط لي قبل من هذا و غتفهم مزيييان البلان) ،حيت غااالبا ما كايكون المشكل عضوي قبل مايكون خارجي يعني يقدر يكون عندك نقص(manque) في شي عنصر من العناصر الجسم بحال الحديد (فقر الدم)،نقص فيتامين D,مشكل في الغدة الدرقية(الگواط la thyroid)،العصاب و stress(بومزوي او القلون العصبي),تكيس المبيض،الحرارة ....الخ الخ،يعني ماشي نتي اصلا عند فقر الدم و لا بومزوي و كالسة طلي ليا في زيوتا و الوصفات لي للقيتيها ديريها و تقولي شعري اماكيزيد يطيح،ختي راك غير كديري العكر فوق الخنونة كي كنقولوا (حشاكم😂)
دابا ندوزوا الخطوات الحقيقية للعلاج:
-👩🏼‍⚕️الخطوة الأولى:
خاصك تديري تشخيص و تعرفي انا مشكل من هاذوا عندك و تحاولي تستبعديه ،كيفاش البلان ،أولا الا كنتي شاكة بلي عندك واحد من هادوا(فقر دم،الگواط،تكيس المبيض،بومزوي،نقص فيتامين D، مشكل في جلد الرأس) لي كنا دوينا عليهم في البوسط لي فات على الأعراض ديالهم بالتفصيل ،خاصك أختي تمشي عند شي طبيبة ديال الجلد و شعر dermatologue تكتب لك ديري هذا التحاليل باش تأكد و تستبعد أي مشكل من هادوك و هذا التحاليل هما غالبا:
‏*le fer
‏*la thyroïde(goitre) T3 T4
‏*vitamin D
و بومزوي و تكيس المبيض راسهم.
اوا اختي هنتي عرفتي المشكل فين عندك دابا غندوزوا الخطوة ثانية( غاصبري معايا لي مزلوطة بحالي معندهاش باش تمشي عند الطبيبة تنتي غنجيك 😅)
-👩🏼‍⚕️الخطوة الثانية:
و لي هي العلاج ،غالبا ما كيكون العلاج على حسب في عندك المشكل ،على سبيل المثل،إلا كان عند فقر الدم فطبيبة غتخرج لك مكملات الحديد بحال (ferplex,tardeferon) و معه مكملات أخرى كتجمع جميع العناصر الغذائية و لي هي قاهرة تساقط الشعر 😅عن تجربة (Forcapil أو perfectil أو spiruline)و أيضا بخاخ للشعر بحال cystiphane أو minoxidil الشهيرة 😂،و معهم شمبوانات anti-chute ضد التساقط ,و هما لي كتشوفوا في صورة
و شي lotion للشعر إلى كانت شي طبيبة سخية مسكينة 😂.
أما إلا كان عندك مثلا goitre فغتخرج لك دوا كيقاد هرمون الغدة الدرقية و معهم نفس المكملات الغدائية لي دكرت قبيلة (Forcapil أو perfectil أو spiruline +بخاخ minoxidil أو cystiphane+شمبوان anti-chute+lotion )
أما إيلا كان عندك القولون العصبي هنا غتعطيك أدوية ديال القولون بحال (librax،aliviar) لكن هنا العلاج النفسي بين يديك 60% حيت هو مرض مزمن (مزاال غنطرقوا ليه) و معه كيما العادة المكملات لي ذكرنا قبل .
و هكا غادا القادية ديال علاج تساقط الشعر بصفة نهائية لي كتعتمد على علاج المشكل الأساسي ثم تعزيز نمو الشعر من جديد بمكملات غذائية فعاالة و عناية من برا بشمبوانات و لوسيو..منقدرش ندوي على كلشي و لكن كنضن فهمتو الكونسيبت ديال العلاج
دابا ندوزوا المعقول و لي كتسناو فيه المزلوطات بحالي 😂😂هو شنو ندير أنا لي معنديش باش نمشي عند طبيبة و لا حتى مشاكاش بلي عندي مشكل صحي
🚨الحل هو أنك غتخدي هادوك المكملات الغذائية لي فيها كل العناصر الأساسية لي كتغدي الشعر و كتعوض النقص و كتعزز النمو ديالو و كتخلفوا و لي هما نعاود نذكرهم (forcapil ,perfectil,spiruline) لي تقدري تلقايهم في parapharmacie او pharmacie و من الأحسن من الpara حيث كايكونوا أرخص في ثمن,كتولي تاخدي حبة في نهار لمدة على الأقل 3 أشهر كنركزززززز لك على هذا 3أشهر حيث هي المدة الدنيوية باش يترمم فيها الشعر و يخلف و غتلاحضي الفعالية و النتيجة من بعد الشهر الأول + البخاخ (minoxidil أو cystiphane) لي غديريه للجبهتك إلا كانت عندك صلع الأمامي بدا فك هذا راه كينبت شعر مزيييان من القدام و معاه أكيد شمبوان anti chute ديال dercos anti chute من la marque vichy
اوا يا لالة هذا شي لي كاين و هذا شي ليكيديروا ناس لي كيتهلاو في راسهم و كيديروا شي حاجة لي كيشوفوا نتيجة ديالها و أخير نصيحة إلا طبقتي هذا شي غير بعدي ليا من داك شي ديال الوصافات راه عند رخصو كتحلي نصو 😉

كيطيح لك شعرك بزاااف لدرجة صلاعيتي🧑‍🦲 و مبقيتيش كتحيد الكاسكيط من راسك 🤠و لا تنتي صلعيتي و ديما مهبطة زيف على جبهتك و ك...
28/05/2021

كيطيح لك شعرك بزاااف لدرجة صلاعيتي🧑‍🦲 و مبقيتيش كتحيد الكاسكيط من راسك 🤠و لا تنتي صلعيتي و ديما مهبطة زيف على جبهتك و كتحشمي تبينيه و لا كتجيك البكية مين كتعومي و كتشوفيه كيطيح بحال شتا قدام عينك😢🥺.
مين كيولي عندك مشكل لي كيسبب لك عقدة نفسية و عدم التقة في الذات و هذا شي ثبتاتوا دراسات،هنا خاصك توقف ✋ وتعرف المشكل فين و تلقى ليه الحل😧.
قبل منقلبوا على العلاج ديال المشكل خاصنا نعرفوا قبل،شنو هما الاسباب ديالو🤔؟
اولا خاصنا نعرفوا بلي اي شعرة كتدوز من دورة حياة ما بين 2 الى 7 سنوات، و كل يوم كتطيح لينا في المعدل الطبيعي من 50 ل 100 شعرة و هذا المعدل هو معدل طبيعي عند المرأة👩🏻‍🦰يعني هنا ميخافش الواحد و هذا شي حسب دراسة دارتها خبيرة الأمراض الجلدية الأمريكية فرانسيسكا فوسكو،اذا تال هنا مزيان. دابا ندوزوا الاسباب من غير العوامل الوراثية و انقطاع الطمث، ولي تقدر تخلي شعرنا يفوت هذا المعدل الطبيعي كيما كتشوفوا في صورة :
-👩🏼‍⚕️مشكل الغدة الدرقية ؛la thyroid
هي واحد الطرف بحال الفراشة 🦋كاين في العنق ديالنا لي مسؤول على إفراز واحد الهرمون (التيروكسين T3وT4) و هذا الهرمون هو لي كيعاون على نمو الشعر و الأظافر و معدل الأيض ...إلخ، ويلا تزاد و لا نقص هذا الهرمون هنا كاين الخلل وراكم عافين شنو غيوقع 😅.(من بعد غندوي لكم على العلاج)
-👩🏼‍⚕️فقر الدم :l’anémie 🩸💉
هذي معلومة شاااائعة و معرووفة أن النقص في الحديد le fer سبب رإسي بحال الغدة في تساقط الشعر بحيث أن الحديد هو لي كوصل لينا الأكسيجين oxygène فوق من لخلايا للجسم كاامل و منهم الشعرة ديالنا و راكم عارفين الا مكانش كافي 😅 اش غيطرا،و من بين الأعراض ديالوا (لي مزااال غنهدروا عليه مزيااان في بوسط اخرى) ؛العيا بزاااف على أقل مجهود la fatigue🤕،الضعف،البشرة الحاشبة و لا الشاحبة 😂،و صعوبة في التركيز و برودة في اليدين و الرجلين و أهم حاجة تسااقط الشعر 💇‍♀️(كاينة واحد لعيبة تقدر تعرف بيها بلي عندك فقر دم مي ماشي à100% هي تجمع يديك بونية شي 5ثواني و طلقها و شوف يدك واش حمرة و عامرة دم و لا مسكينة صفرة بحال وجهك😅)
-👩🏼‍⚕️الأمراض الجلدية:
بحال الصدفية،القشرة الرأس،فروة الذهنية...
بحيث الا شفتي بقع حمرة و لا صفرة و لا بيضاء سيييري و سيير أ خويا لطبيب سول على راسك (غندويو من بعد على العلاجات لي كيوصفهم غالبا الطبيب)
-👩🏼‍⚕️متلازمة تكيس المبيض:
هي واحد الكيس و لا جيوب عامرين بواحد السائل بحال اللوزة و لي كيخربقوا لينا الهرمونات و هكا كتولي الوحدة بحال المراة لي كتشرب الفانيد مسكينة،و كتبدا تخربق ليها الدورة الشهرية طبعا و كيبدا الشعر كيطيييح مسكين 💇‍♀️.
-👩🏼‍⚕️أسباب أخرى :
*و لي هي معرووفة بحال العناية الزااائدة بشعر ،بحال الغسيل بالماء سخون بزاف ،سشوارات و البريسات و صباغات...الخ المهم الحراارة❌
*فقدان الوزن المفرط على غفلة بشي حمية غذائية صعيبة و لا بمرض نفساني و لا القولون العصبي ..الخ الخ ،و لي كيحرم الجسم من العناصر الأساسية بحال البروتينات ،le zinc,vitamine D...
يتبع...
هنا تكلمنا على الاسباب في الحلقة الجاية😂 غنتكلموا على العلااااج و خليني من هنيني داك شي ديال الوصفات السحرية لي عمرها صدقت لينا 😂

28/05/2021

Bienvenu chez MEDICA WEB Vente 🛍et livraison 🚚 :
*des produits paramédicaux /cosmétiques 🧴
*matériels médicaux et paramédicaux 👨🏻‍🦽
*avec une livraison jusqu’à votre domicile gratuite 🏡
*prestations des soins infirmières à domicile 🏥💉💊
*conseils et informations médicaux et paramédicaux en santé 👩🏼‍⚕️

27/05/2021

Bienvenue sur la page Medica WEB.

Address

Casablanca

Website

Alerts

Be the first to know and let us send you an email when Médica WEB posts news and promotions. Your email address will not be used for any other purpose, and you can unsubscribe at any time.

Shortcuts

Share