Cabinet de dr khayrat myriam

13/11/2018

06/07/2018

أهم ما يجب معرفته عن الحمى عند الطفل.

- الحمى او السخانة هي إرتفاع حرارة الطفل فوق 38 درجة.

- هي ردة فعل الجسم (عرض) و ماشي مرض. سببها الالتهابات او التعفنات لي كتكون فغالب الاحيان فيروسية .. و بكتيرية.

-أحسن طريقة لقياس السخانة هي باستعمال ميزان الحرارة الالكتروني عن طريق الشرج. ..ماشي بلمس الرأس اولا الكرش...

- السخانة عندها دور... كالحد من تكاثر الفيروسات و البكتيريا المضرة (لي ما كتحملش حرارة الجسم المرتفعة) و تنشيط الخلايا المناعية..

- متى تكون خطيرة؟
*عمر الطفل أقل من 3 أشهر.
*صعوبة او تسارع فالتنفس .
*زروقية او شحوب لون الطفل.
*برودة و زرقة الاطراف ..
*انتفاخ الملغيغة fontanelle antérieure .
* ارتخاء hypotonie.
*الطفل او الرضيع باغي غير ينعس somnolence او فقدان الوعي..
*صلابة الرقبة raideur cervicale.
*ظهور نقط حمراء اولا بقع زرقاء..purpura
*تغير مزاج الرضيع.. و عدم القدرة على الرضاعة..

-علاج ارتفاع الحرارة لا يهدف الى نقص درجة الحرارة فقط ولكن الى تحسين حالة الطفل Améliorer son confort..

-الادوية المضادة للحمى هي "الباراسيتامول" اولا "ايبيبروفين" ماشي "المخينزة و البصلة" .. هاد الادوية ماشي ضروري ناوبهم بجوج كل 3 د سوايع.. نقدر نعطي غي واحد فيهم و جرعة الدواء كتعطى عل حساب الوزن. غير هو نحضي من ابيبروفين حيت ممنوع نعطيه ف "بوشويكة" varicelle. الاسبيرين لا ينصح باستعماله كمضاد الحمى عند الطفل لانه يمكن يتسبب فمضاعفات ك syndrome de reye.

-ماشي غالدواء لي كيهبط السخانة ... كاين حتا les moyens physiques فحال: نقص الملابس دالطفل... نشربو الماء بكثرة.. ندير لو دوش بالماء دافئ.. تهوية الغرفة... الكمادات او الدوش الباردين من الاحسن نتفاداوهم حيت كيزيدو فاضطراب الطفل... و دواء السخانة نعطيه اذا كانت درجة الحرارة فوق 38.5 .

-السخانة ما كتسببش في الصمم او الشلل او العمى.. او كتطلع للرأس و كتذوب المخ كيفما كيتعتقدو بعض الامهات..هادوك مضاعفات ديال بعض الامراض التعفنية الخطيرة كالتهاب السحايا و لي تسببات فالسخانة... و هاد الامراض نقصت مع التلقيح....المضاعفات لي تقدر تسبب فيها السخانة هي حالات الاجتفاف deshydratation او نوبة كريز السخانة les convulsion fébriles. هاد الاخيرة يمكن تجي للطفل ما بين 6 اشهر و 5 سنوات... هي نوبات حميدة كتمشي ابتداءا من سن 5 سنوات.. ماشي مرض الصرع و ماكتسببش فاعاقة اولا تاخر ذهني.. و لكن ضروري من استشارة الطبيب لتشخيصها...

فوقاش نرجع عند الطبيب؟ اذا دازت 24ساعة و ما نزلتش السخانة واخا مع الدواء د السخانة ( الطفل فوق 3 اشهر) او ف حالة ظهور اي علامة جديدة او علامات الخطر الي ذكرناها الفوق..

28/05/2018

C'est la période des moustiques
Voici un remède efficace

24/05/2018

Moucher bébé relève parfois de tout un art. Saviez-vous qu'il fallait adapter votre geste à l'état de santé de bébé et que le simple nettoyage des narines n'est pas toujours suffisant ? Le point avec notre expert.