Cabinet Dr Ahlam

17/06/2024

عيادة الدكتورة أحلام
لغة المقال : الدارجة
بداية عيد مبارك سعيد وتقبل الله منا ومنكم صالح الاعمال وجعلها خالصة لوجهه الكريم..
نحاول بتوفيق من الله وككل سنة الاحاطة بمجموعة من النقاط المتعلقة بالشق الغذائي في عيد الاضحى فالدراسات في مجال التغدية كتوصي بتناول وجبات اللحوم مرتين في الاسبوع..كيف الحال اذن الى ولينا كناكلوه ربما يوميا اوحتى جوج مرات فاليوم فهاد الايام د العيد فأقول بالنسبة للناس لي فصحة جيدة والحمد لله : كلوا واشربوا ولا تسرفوا وبالنسبة للناس المرضى شافاهم الله نقول : الوقاية خير من علاج المضاعفات..

لحم الغنم اكتر سعرات حرارية و اكتر دهون من اللحوم الحمراء الاخرى..بصح ولكن هدا مكيعنيش وخاصة بالنسبة للناس المرضى انهم يستهلكو بإفراط لحم المعز او البقر راه حتا هو فيه الدهون المضرة.

لحم الخروف اقل من سنة غني اكثر من حيت القيمة الغذائية و اقل دهون من الحولي لي عمرو فايت عامين.

لحم الغنم على العموم راه عامر بالاحماض الدهنية المشبعة و الضارة و غني بالكوليستيرول اذن الناس لي كيعانيو من ارتفاع الكوليستيرول ارتفاع الضغط الدموي او مرض السكري وأمراض القلب والشرايين... راه خطيييير و مضر بالصحة ديالهم.

واش هناك قطع او اجزاء من الخروف اقل دهون ؟ نعم اللحم ديال الفخد،الكليتين مثلا اقل دهون من اللحم ديال الصدر او الكبد..ممكن نقيو اللحم من الشحم قبل الطهي باش نقلو نسبة الدهون شوية

حذاري من طرق الطهي الغير الصحية : حذاري من ورق الالمنيوم راه كارثة.. ماتشويوش اللحم مباشرة على الفاخر (حاولو تختارو الفحم الخشبي) وشويو فمكان تكون فيه التهوية جيدة لأن الدخان المنبعت من الفاخر والشوى فيه مواد مضرة.

فايام العيد قبل الاقبال على وجبة الغذاء لي غادي يكون فيها الشوى وبولفاف وتقلية واللحم فالاستعداد تيكون بداية بتناول وجبة فطور متكاملة قليلة السكريات (حنا كنفطرو بالحلوى و البطبوط والعسل ووو.. ) ف اذا بدينا النهار بفطور فيه هاد السعرات الحرارية كاملة و زدنا عليه الغدا بالغنم (لحم 100℅ فالغالب) وكملناها بالكوتي عند الحباب وختمناها بالعشا باللحم تاني فتخيلو معايا الكمية والحجم الهائل ديال السعرات الحرارية لي دخلنا للجسم ديالنا فنهار واحد..

اشنو الحل ؟ بالنسبة للناس المرضى يتجنبو ما امكن الافراط فاللحوم من جهة اخرى كاين بعض التدابير السهلة لي ممكن تخلي الجسم ديالنا على الاقل ميتهلكش أولها كيف قلنا الفطور المتوازن تانيا ضروري ندخلو سلطات وخضر ماشي ناكلو اللحم وحدو..من جهة الخضر غنية بالالياف كتساهم فتحسين الهضم وحماية الامعاء الدقيقة و القولون وكتعطي إحساس بالشبع ومن جهة اخرى كتحد او كتقلل من الامتصاص ديال الدهنيات الموجودة باللحم المتناول.

بالنسبة للفواكه او الديسير معروف عليه انه سريع الهضم ملي كناكلوه بعد الوجبة الدسمة لي الهضم ديالها اطول تيوقع بلوكاج للفاكهة وطبعا كنتيجة طبيعية تيوقع التخمر..اذن الفاكهة ناكلوها من الاحسن قبل الاكل بساعة او من بعدو ب 3 ساعات على الاقل.

خلال الاسبوع نحاولو نوعو من التغدية ديالنا ومناكلوش غير اللحم اللحم اللحم

المشروبات الغازية مكنصحش بيها نهائيا (مبغيتش نكول ممنووووعة) فإلى جانب المضار ديالها المتعددة فهي كتشكل سعرات حرارية زائدة وفارغة وحنا شرحنا قبل ان وجبة اللحم الدسمة لوحدها كتشكل ثقل على الجسم فمنزيدوش الحمل عليه بالمشروبات السكرية لي غتحول لدهون اضافية.
مشروب الشاي او اتاي كيبقى خيار جيد والى كان بدون سكر فهو جيد جدا.

مسألة كيغفل عليها عامة الناس فالعيد هي النشاط البدني فنحاولو ما امكن نمارسو نشاط بدني على الاقل المشي السريع الى مكانش نهار العيد نبداو النهار التاني.

نذكر انه مهما كلنا من اللحوم فالجسم ديالنا كياخد غير داكشي الي محتاج ليه الفائض فين تيمشي اذن ؟؟ راه كيشكل عبء على الكبد والكليتين و كيترسب على شكل دهون فالجسم والاعضاء الداخلية..

اخيرا..فالايام لي كتجي بعد العيد كتكثر امراض واعراض كالاسهال او القبط و التهابات المعدة ايضا للاسف السلوك الغذائي و اللامبالاة فالعيد كتكون الشرارة لي كتشعل المضاعفات الخطيرة للناس ذوي الامراض المزمنة او السبب فاكتشافها فنحاولو ان شاء الله نتابعو سلوك غذائي سوي باش نتجنبو المشاكل الصحية.
د.احلام ازكوار "الدروة"

05/10/2023

طائر "تائه" دخل عندي للعيادة (مخلوف بدر الخير)البارح الاربعاء 04 أكتوبر كنظن من فصيلة les inséparables
لي مشا ليه هاد الفرخ يتواصل معانا..

21/09/2022

بحال باقي الدول ف العالم وككل سنة خلد المغرب اليوم العالمي لمحاربة الالتهاب الكبدي الفيروسي ف 28 يوليوز 2022 ولكن هاد العام الاحتفاء غادي يكون ميداني وبهدف واضح : المغرب بدون التهاب الكبد الفيروسي pour un Maroc sans hépatite C

وزارة الصحة والحماية الإجتماعية طلقات أول حملة وطنية للكشف و علاج إلتهاب الكبد الفيروسي C فهاد الأيام كتدار تحليلة الكشف السريع على الڤيروس C فمختلف المراكز والمؤسسات الصحية فالبلاد..

150.000 تحليلة مبرمجة وبشكل مجاني والتكلف بعلاج الحالات الإيجابية حتى هو غادي يكون مجاني وهنا من المهم نشيرو أن العلاج غادي يتم عن طريق دواء حديث وجد فعال : كينة كتخاد عن طريق الفم لمدة ثلاث أشهر فقط والحاجة المزيانة لي فيه هي أن الآثار الجانبية ديالو قليلة بالمقارنة مع الحقن والدواء السابق لي كانو كياخدو المرضى

هاد الاستراتيجية لي دارت السلطات الصحية فالبلاد من بين الاهداف ديالها هو نقص نسبة حالات الإصابة الجديدة بالڤيروس و حالات الوفاة لي كيتسبب فيها إلى 50٪ من هنا ل 2026 من الاهداف أيضا هو القضاء على داء إلتهاب الكبد الڤيروسي C بشكل نهائي فالمغرب بحول الله في أفق سنة 2030 الشيء لي غادي يمكن من إنقاذ 4000 حياة بشرية و تجنب 2300 حالة ديال سرطان الكبد ولي كيتسبب فيه هاد الڤيروس.

فالمغرب الاحصائيات الرسمية المتوفرة تشير إلى أن نسبة انتشار هاد المرض كتوصل ل 0.5% فالمئة بين الساكنة العامة وأن مجموع الأشخاص المصابين ف المغرب كيبلغ 125 ألف حالة.

نسبة انتشار هاد الداء الفتاك والصامت كتزاد عند بعض الفئات منها مرضى القصور الكلوي المزمن لي كيديرو حصص الدياليز الاشخاص لي كيتعاطاو المخدرات عن طريق الحقن والإبر أيضا علاجات الأسنان فأوساط لاتحترم شروط التعقيم...

وللإشارة فداء إلتهاب الكبد الفيروسي C مكاينقلش العدوى عن طريق الاحتكاك المباشر بالمرضى ، عن طريق الماء أو الأكل أو الرضاعة

08/07/2022

بداية عيد مبارك سعيد وتقبل الله منا ومنكم صالح الاعمال وجعلها خالصة لوجهه الكريم..
نحاول بتوفيق من الله الاحاطة بمجموعة من النقاط المتعلقة بالشق الغذائي في عيد الاضحى فالدراسات في مجال التغدية كتوصي بتناول وجبات اللحوم مرتين في الاسبوع..كيف الحال اذن الى ولينا كناكلوه ربما يوميا اوحتى جوج مرات فاليوم فهاد الايام د العيد فأقول بالنسبة للناس ليةفصحة جيدة والحمد لله : كلوا واشربوا ولا تسرفوا وبالنسبة للناس المرضى شافاهم الله نقول : الوقاية خير من علاج المضاعفات..

لحم الغنم اكتر سعرات حرارية و اكتر دهون من اللحوم الحمراء الاخرى..بصح ولكن هدا مكيعنيش وخاصة بالنسبة للناس المرضى انهم يستهلكو بإفراط لحم المعز او البقر راه حتا هو فيه الدهون المضرة.

لحم الخروف اقل من سنة غني اكثر من حيت القيمة الغذائية و اقل دهون من الحولي لي عمرو فايت عامين.

لحم الغنم على العموم راه عامر بالاحماض الدهنية المشبعة و الضارة و غني بالكوليستيرول اذن الناس لي كيعانيو من ارتفاع الكوليستيرول ارتفاع الضغط الدموي او مرض السكري وأمراض القلب والشرايين... راه خطيييير و مضر بالصحة ديالهم.

واش هناك قطع او اجزاء من الخروف اقل دهون ؟ نعم اللحم ديال الفخد،الكليتين مثلا اقل دهون من اللحم ديال الصدر او الكبد..ممكن نقيو اللحم من الشحم قبل الطهي باش نقلو نسبة الدهون شوية

حذاري من طرق الطهي الغير الصحية : حذاري من ورق الالمنيوم راه كارثة.. ماتشويوش اللحم مباشرة على الفاخر (حاولو تختارو الفحم الخشبي) وشويو فمكان تكون فيه التهوية جيدة لأن الدخان المنبعت من الفاخر والشوى فيه مواد مضرة.

فايام العيد قبل الاقبال على وجبة الغذاء لي غادي يكون فيها الشوى وبولفاف وتقلية واللحم فالاستعداد تيكون بداية بتناول وجبة فطور متكاملة قليلة السكريات (حنا كنفطرو بالحلوى و البطبوط والعسل ووو.. ) ف اذا بدينا النهار بفطور فيه هاد السعرات الحرارية كاملة و زدنا عليه الغدا بالغنم (لحم 100℅ فالغالب) وكملناها بالكوتي عند الحباب وختمناها بالعشا باللحم تاني فتخيلو معايا الكمية والحجم الهائل ديال السعرات الحرارية لي دخلنا للجسم ديالنا فنهار واحد..

اشنو الحل ؟ بالنسبة للناس المرضى يتجنبو ما امكن الافراط فاللحوم من جهة اخرى كاين بعض التدابير السهلة لي ممكن تخلي الجسم ديالنا على الاقل ميتهلكش أولها كيف قلنا الفطور المتوازن تانيا ضروري ندخلو سلطات وخضر ماشي ناكلو اللحم وحدو..من جهة الخضر غنية بالالياف كتساهم فتحسين الهضم وحماية الامعاء الدقيقة و القولون وكتعطي إحساس بالشبع ومن جهة اخرى كتحد او كتقلل من الامتصاص ديال الدهنيات الموجودة باللحم المتناول.

بالنسبة للفواكه او الديسير معروف عليه انه سريع الهضم ملي كناكلوه بعد الوجبة الدسمة لي الهضم ديالها اطول تيوقع بلوكاج للفاكهة وطبعا كنتيجة طبيعية تيوقع التخمر..اذن الفاكهة ناكلوها من الاحسن قبل الاكل بساعة او من بعدو ب 3 ساعات على الاقل.

خلال الاسبوع نحاولو نوعو من التغدية ديالنا ومناكلوش غير اللحم اللحم اللحم

المشروبات الغازية مكنصحش بيها نهائيا (مبغيتش نكول ممنووووعة) فإلى جانب المضار ديالها المتعددة فهي كتشكل سعرات حرارية زائدة وفارغة وحنا شرحنا قبل ان وجبة اللحم الدسمة لوحدها كتشكل ثقل على الجسم فمنزيدوش الحمل عليه بالمشروبات السكرية لي غتحول لدهون اضافية.
مشروب الشاي او اتاي كيبقى خيار جيد والى كان بدون سكر فهو جيد جدا.

مسألة كيغفل عليها عامة الناس فالعيد هي النشاط البدني فنحاولو ما امكن نمارسو نشاط بدني على الاقل المشي السريع الى مكانش نهار العيد نبداو النهار التاني.

نذكر انه مهما كلنا من اللحوم فالجسم ديالنا كياخد غير داكشي الي محتاج ليه الفائض فين تيمشي اذن ؟؟ راه كيشكل عبء على الكبد والكليتين و كيترسب على شكل دهون فالجسم والاعضاء الداخلية..

اخيرا..فالايام لي كتجي بعد العيد كتكثر امراض واعراض كالاسهال او القبط و التهابات المعدة ايضا للاسف السلوك الغذائي و اللامبالاة فالعيد كتكون الشرارة لي كتشعل المضاعفات الخطيرة للناس ذوي الامراض المزمنة او السبب فاكتشافها فنحاولو ان شاء الله نتابعو سلوك غذائي سوي باش نتجنبو المشاكل الصحية.
د.احلام ازكوار "الدروة"

24/06/2022

10/05/2022

مع ارتفاع درجات الحرارة ، تتزايد حالات اللسعات والتسممات الناتجة عن العقارب لهذا أشاطر معكم بعض المعلومات المهمة للوقاية ولتفادي تفاقم الحالات :
1.من بين كل 10 لسعات 9 تكون بيضاء و تكون واحدة سامة
2. في المغرب وخاصة بعض المناطق كإقليم قلعة السراغنة، خريبكة ،يوجد نوع قاتل من العقرب "" الاندروكتونوس مورياتانيكوس""

2.في جميع الحالات يجب الذهاب للمستشفى باش تبقى تحت المراقبة وخاصة الطفل أقل من 15 سنة يجب نقله على جناح السرعة الى المستشفى الذي يمر من خلاله عن طريق قسم المستعجلات كببقى الملسوع تحت المراقبة 4 ساعات بعد اللسعة من بعد ممكن يغادر بعد علاج الاعراض الخفيفة ك الوجع في موضع اللسعة الاحمرار الانتفاخ.. اما الذا تفاقمت الاعراض ممكن يمشي حتى للانعاش اذا اقتضى الامر

3.لا يوجد اي مصل,سيروم او دواء ناجع لمواجهة التسمم..هذا الأخير ينتشر في الجسم بسرعة البرق ويؤثر على وظائف القلب وتكون الوفاة بسبب قصور عمل هذا الأخير والعلاج يكون بمحاولة موازنة الأعراض التي تظهر هاد الأعراض يمكن تلخيصها في مايلي ،:
ارتفاع او انخفاض الحرارة
ألم في البطن او إسهال أو قيء
ارتعاش و تعرق
اضطراب في التنفس في دقات القلب

4.السرعة التي ينتشر بها السم تجعل الوسائل التقليدية غير ناجعة ( التشراط- ربط العضو الذي تعرض للسع- التعزام.الخ) هذه الوسائل تشكل مضيعة للوقت وقد تؤدي احيانا الى عواقب وخيمة كبثر العضو الذي تم ربطه

5. أغلب الوفيات تقع لأن المريض لا يصل في الوقت المناسب ولأن العائلات تلتجأ لطرق تقليدية لعلاج الملسوع: خاصكوم تعرفو بأن الشخص لي كتقضي فيه هاد الطرق تيكون اصلا من دوك 9 لسعات كتسمى ( بيضاء) ماشي تسمم...الا كان التسمم فالأمر يتعقد والوقت كيضيع

6. أغلب اللسعات تقع بالليل وفي الاطراف يعني بالليل نضويو الاماكن المظلمة ونحاولو نزولو "" الدخاشش"" اي الاماكن لي العقرب كيتخبى فيها نملسووالحيوط ونسوسو الحذاء او البلغة قبل مانلبسوه وكذلك الافرشة..في العمل او التجوال نلبسو احذية مرتفعة

7. رش الادوية حول المنازل والضيعات ليست له أية فائدة لأن العقرب هو الكائن الوحيد لي حتا دوا ماقتلو والكائن الوحيد لي مقتلوش المفاعل النووي تشرنوبيل

8. تربية الدواجن مزيانة لانها غادي تساعدكوم في التخلص من العقرب

9. السادة المنتخبون في القرى المرجو توفير سيارات الاسعاف وتشغيل الهواتف طيلة الاشهر الممتدة من ماي الى شتنبر

10.للحد من الوفيات يجب تظافر الجهود والتوعية الصحية كل من موقعه وتفادي السلوكات الخاطئة التي غالبا ماتؤدي الى تفاقم الحالات
""وأخيرا الى تعرضتي ل لسعة حاول تشوف حجم ولون العقرب و عقل على الساعة لي تقرصتي فيها الطفل قل من 15 سنة شكيتي فيه تلسع طير بيه للمستشفى...متفكرش ومتشاورش الابغيتي تنقذو ""

02/05/2022

عيادة الدكتورة أحلام تتمنى لكم عيد مبارك سعيد

24/04/2022

السلام عليكم.." عيادة الدكتورة أحلام " ستنتقل إلى العنوان الجديد (مابعدناش بزاف غير شي 200 متر )

23/11/2020

السلام عليكم..
من أجل تقليل مدة الانتظار لأقصى حد فتنظيم المواعيد و الإستشارات الطبية والدخول للعيادة سيتم عن طريق الاتصال الهاتفي برقم العيادة 0700861313 : باش ملي تجي تدخل مباشرة للفحص عن طريق الاتصال المباشر بهاتف المريض

قاعة الانتظار مساحتها كافية وجيدة التهوية وتم ترتيبها على اساس احترام مسافة أمان كافية بين المرتفقين

يتم التعقيم الدوري والمستمر للعيادة ومختلف مرافقها وأجهزتها.

المرجو عدم اصطحاب مرافقين للمرضى إلا عندوالضرورة وخاصة الأطفال.

طاقم العيادة يرتدي اقنعة واقية من اجل حماية المرتفقين ورغم ذلك ابقى على مسافة كافية بينك وبين المساعدة.

وسائل التعقيم الضرورية متوفرة للزوار من اجل غسل اليدين عند الدخول ومغادرة العيادة.

بالنسبة لفحص المراقبة البعدي"الكنترول" فالاستشارات الطبية و عرض التحاليل تتم عن طريق "الواتساپ"

يتم فرز المرضى الوافدين على العيادة حسب الاعراض لكن رغم ذلك فعند الاحساس باعراض شبيهة للزكام والام في الحلق كحة مع ارتفاع في الحرارة لاتأتي للعيادة بل اتصل