03/01/2026
كنشوف واحد الفيديو ديال واحد ختنا كتقول: ولّيت غبية، وكل نهار كتشوف راسها وكتحس براسها كاتزاد غباء.
هاد البنت فالڤيديو ديما كانت ذكية بزاف، بل وكتقول حتى كانت عبقرية، وقْرات Neuroscience (علم الأعصاب). ولكن ملي رجعات تشوف ڤيديوهات قديمة ديالها ففترة الكلية، تفاجأت: رغم أنها كانت أصغر، كانت أذكى بزاف من دابا.
كتقول ملي شافت هداك الشي دابا ترعبات، بحال شي مرا أميّة گالسة كتتفرج على (آينشتاين). كلامها كان لبق ومنمق، كتعرف تهضر بطلاقة، وكتستعمل مفردات قوية وثقيلة.
دابا، كتقول، كلامي ولّى بسيط بزاف، كنستعمل مصطلحات ضعيفة، وما بقاتش عندي حتى القدرة نهضر بهاد الطريقة ولا بهاد الذكاء، وكل نهار كنحس براسي وليت أغبى.
كتقول حتى قرات واحد دراسة كتقول أن جيل العشرينات والثلاثينات دابا، نسبة كبيرة منهم تصابو بـ dementia (الخرف)،
والسبب هو التعرض المفرط للشاشات (overexposure to screens).
وكتقول: أنا متأكدة راه جاني الخرف، ما بقاتش عندي القدرة نكتب مقال ولا نعبّر على أفكاري، غير قاعدة النهار كلو كنقلب فـ (تيك توك) وصافي.
وكتزيد: هادي شحال كنت كنقرا كتب معقدة، وكندخل فـ نقاشات عميقة على هاد الكتب.
وكتقول واحد الحاجة مهمة: الذكاء ماشي شي حاجة مضمونة، وماشي حاجة متأصلة فيك (innate) ولا هبة كتدوز معاك طول الحياة، الذكاء خاصو تدريب وتمرين وتحدي (training & challenge).
وكتقول: رغم أنني ما كنستعملش الذكاء الاصطناعي ولا ChatGPT باش يدير المهام بلاصتي، إلا أن الوقت الكبير اللي كنضيعوا فالتليفون نقص من الذكاء ديالي.
وطبعًا هضرات على تأثير الذكاء الاصطناعي فزيادة الغباء، وعن تجربة كتلاحظها كل نهار فناس كايخلّيو ChatGPT يهضر ويفكر بلاصتهم.
تخيلوا، هادي وحدة ناضجة عندها تقريبًا 30 عام وكتقول هاد الكلام، وكنحلف بالله التعليقات كانت مرعبة:
واحد كايقول منين ولى كيقضي وقت طويل قدّام التليفون، الذاكرة ديالو ضعفات بزاف،
و واحد ختنا قالت ليها: من 3 سنين بدا عندي تلعثم (stuttering) بلا سبب واضح، ولكن كنظن بسبب التليفون،
وبزاف ديال الطلبة كيقولوا ما بقاوش قادرين يقراو نهائيًا وكيتمناو لو كانت الشاشات ماشي جزء من حياتهم.
✍️ زيد بن الطيب #
