Dr Bouihi Jamal الدكتور جمال بويهي

Dr Bouihi Jamal الدكتور جمال بويهي grossesses à risque, échomorpho, cancer gynécologique,prolapsus IU, colpohysterocoelioscopie,FIV,ICSI

DU de PMA et prise en charge de l'infertilité Paris Descartes en cours paris Descartes
DIU de colposcopie université Sorbonne
DU d'hystéroscopie et de ceoliochirugie Clermont Ferrand
DIU d'échographie gynécologique et obstétricale Paris Descartes
Diplôme d'échographie générale Nîmes France

Ex médecin des Forces Armées Royales
Ex-médecin CHU Mohammed VI Oujda
EX-MÉDECIN Hôpital Louis pasteur France

24/04/2026

"Santé de la maman et conseil de médecin أجي نهضرو على "أطفال الأنابيب" بكل صراحة 🇲🇦
​بزاف ديال العائلات فالمغرب كايعيشو ضغط كبير من المجتمع ("إيوا مابان والو؟"، "فوقاش نفرحو بيك؟"). هاد الهضرة كتقصح، ولكن خاصكم تعرفو بلي العلم اليوم، بجهد الله، لقا حلول لهاد التأخر.
​اليوم غانشرحو شنو هو الفرق بين أطفال الأنابيب (FIV) و الحقن المجهري (ICSI) بطريقة مبسطة:
​1️⃣ شنو الفرق بيناتهم؟
​أطفال الأنابيب (FIV): كنجمعو البويضة مع الحيوانات المنوية فـ "إناء" خاص فالمختبر، وتما كيوقع الإخصاب بشكل طبيعي.
​الحقن المجهري (ICSI): هادي هي التقنية الأكثر استعمالاً فالمغرب. هنا الطبيب كياخد حيوان منوي واحد "صحيح وفصيح" وكيحقنو وسط البويضة نيشان. هاد الطريقة كاتنفع بزاف يلا كان المشكل من عند الراجل (ضعف الحركة أو العدد).
​2️⃣ كيفاش كدوز المرحلة فالمغرب؟ (المراحل)
​العملية ماشي "سحر"، هي مراحل كتحتاج الصبر:
​التحاليل وتشخيص السبب: الطبيب كيشوف الحالة ديالكم بجوج.
​التنشيط (Stimulation): المرأة كتاخد حقن باش نخرجوا أكبر عدد من البويضات.
​السحب (Ponction): عملية بسيطة كنجبدو فيها البويضات تحت البنج.
​المختبر: تما فين كيوقع "اللقاء" وكيتكون عندنا جنين.
​الإرجاع (Transfert): كيرجعو الجنين للرحم، هاد المرحلة ما كتحتاجش بنج ومكتحسوش بها.
​3️⃣ واش هادشي "حرام" ولا عيب؟
​لا طبعاً! العلماء والفقهاء فالمغرب متفقين بلي هاد التقنيات حلال شرعاً، مادام العينة من الزوج والزوجة. وبالنسبة للعيب، راه المرض مافيهش العيب، والعلم راه سخروا لينا الله باش نعالجوا.
​ نصائح من القلب:
​ماتسمعوش للهضرة ديال الناس: "فلانة دارتها وماصدقاتش". كل حالة وعندها ظروفها (العمر، جودة التبويض، الحالة النفسية).
​اختاروا المركز المناسب: المغرب تبارك الله فيه مراكز فالمستوى العالمي (الدار البيضاء، الرباط، مراكش، فاس...).
​الجانب النفسي: كوني مرتاحة، وديري اليقين فالله. راه هادي غير "أسباب" والرزاق هو الله.
​ شحال كيقام هادشي؟ (الجانب المادي)
​فالمغرب، الثمن كيتراوح مابين 25,000 درهم و 40,000 درهم (على حسب الحالة والأدوية). والخبر الزوين هو أن التغطية الصحية (AMO/CNOPS) ولات كتعوض على جزء كبير من المصاريف والأدوية

24/04/2026

"Santé de la maman et conseil de médecin أجي نهضرو على "أطفال الأنابيب" بكل صراحة 🇲🇦
​بزاف ديال العائلات فالمغرب كايعيشو ضغط كبير من المجتمع ("إيوا مابان والو؟"، "فوقاش نفرحو بيك؟"). هاد الهضرة كتقصح، ولكن خاصكم تعرفو بلي العلم اليوم، بجهد الله، لقا حلول لهاد التأخر.
​اليوم غانشرحو شنو هو الفرق بين أطفال الأنابيب (FIV) و الحقن المجهري (ICSI) بطريقة مبسطة:
​1️⃣ شنو الفرق بيناتهم؟
​أطفال الأنابيب (FIV): كنجمعو البويضة مع الحيوانات المنوية فـ "إناء" خاص فالمختبر، وتما كيوقع الإخصاب بشكل طبيعي.
​الحقن المجهري (ICSI): هادي هي التقنية الأكثر استعمالاً فالمغرب. هنا الطبيب كياخد حيوان منوي واحد "صحيح وفصيح" وكيحقنو وسط البويضة نيشان. هاد الطريقة كاتنفع بزاف يلا كان المشكل من عند الراجل (ضعف الحركة أو العدد).
​2️⃣ كيفاش كدوز المرحلة فالمغرب؟ (المراحل)
​العملية ماشي "سحر"، هي مراحل كتحتاج الصبر:
​التحاليل وتشخيص السبب: الطبيب كيشوف الحالة ديالكم بجوج.
​التنشيط (Stimulation): المرأة كتاخد حقن باش نخرجوا أكبر عدد من البويضات.
​السحب (Ponction): عملية بسيطة كنجبدو فيها البويضات تحت البنج.
​المختبر: تما فين كيوقع "اللقاء" وكيتكون عندنا جنين.
​الإرجاع (Transfert): كيرجعو الجنين للرحم، هاد المرحلة ما كتحتاجش بنج ومكتحسوش بها.
​3️⃣ واش هادشي "حرام" ولا عيب؟
​لا طبعاً! العلماء والفقهاء فالمغرب متفقين بلي هاد التقنيات حلال شرعاً، مادام العينة من الزوج والزوجة. وبالنسبة للعيب، راه المرض مافيهش العيب، والعلم راه سخروا لينا الله باش نعالجوا.
​ نصائح من القلب:
​ماتسمعوش للهضرة ديال الناس: "فلانة دارتها وماصدقاتش". كل حالة وعندها ظروفها (العمر، جودة التبويض، الحالة النفسية).
​اختاروا المركز المناسب: المغرب تبارك الله فيه مراكز فالمستوى العالمي (الدار البيضاء، الرباط، مراكش، فاس...).
​الجانب النفسي: كوني مرتاحة، وديري اليقين فالله. راه هادي غير "أسباب" والرزاق هو الله.
​ شحال كيقام هادشي؟ (الجانب المادي)
​فالمغرب، الثمن كيتراوح مابين 25,000 درهم و 40,000 درهم (على حسب الحالة والأدوية). والخبر الزوين هو أن التغطية الصحية (AMO/CNOPS) ولات كتعوض على جزء كبير من المصاريف والأدوية.
​
​ #المغرب #الأمومة

22/04/2026

صحتكم هي الأولوية!
​بزاف ديال النساء كيعانيو في صمت من مشاكل صحية كتحرجهم ولا كتخوفهم، ولكن اليوم الطب تطور وكاينين حلول سهلة وبسيطة اللي كترجع ليك الراحة ديالك. اليوم غنهضرو على جوج عمليات مهمة:
​1. جراحة هبوط الأعضاء (الوالدة) عن طريق المهبل chirurgie vaginale
​يلا كنتي كتحسي بتقل لتحت، ولا "الوالدة هابطة"، متبقايش صابرة على الألم!
​شنو هي؟: هي جراحة كنصححو فيها الهبوط من "لتحت" بلا مكنحتاجو نفتحو الكرش.
​المميزات:
​مكانش جرح باين في الكرش.
​التعافي كيكون سريع بزااف.
​كتخلصي من داك الإحساس ديال الثقل والتبول اللاإرادي.
​2. جراحة كيس المبيض بالمنظار (Cœlioscopie)
​يلا قال ليك الطبيب عندك "كيس" (Kyste) في المبيض وكيخصو يتحيد، متبقايش خايفة من الفتحة الكبيرة!
​شنو هي؟: كنخدمو بتقنية "المنظار"، يعني غير تقيبات صغار بزاف (قل من 1 سنتيم).
​المميزات:
​كتخرجي من السبيطار في نهارك أو غد ليه.
​الوجع كيكون قليل بزاف مقارنة بالفتيح العادي.
​الندبات مباينينش. زائد esthétique
​ علاش تأجلي الراحة ديالك؟
​التطور الطبي كاين باش يسهل عليك الحياة. تشاوري مع الطبيب ديالك، حيدي الخوف، وتهلاي في صحتك هي الأولى!
​Dr Jamal Bouihi
Gynécologue obstétricien spécialiste en PMA
Diplômé en chirurgie cœlioscopique CICE Clermont Ferrand
Diplômé en chirurgie vaginale université de Lille
​ #المغرب الوالدة أمراض_النساء marocaine nador oujda oujda_48_city instalike مغربية

22/04/2026

صحتكم هي الأولوية!
​بزاف ديال النساء كيعانيو في صمت من مشاكل صحية كتحرجهم ولا كتخوفهم، ولكن اليوم الطب تطور وكاينين حلول سهلة وبسيطة اللي كترجع ليك الراحة ديالك. اليوم غنهضرو على جوج عمليات مهمة:
​1. جراحة هبوط الأعضاء (الوالدة) عن طريق المهبل chirurgie vaginale
​يلا كنتي كتحسي بتقل لتحت، ولا "الوالدة هابطة"، متبقايش صابرة على الألم!
​شنو هي؟: هي جراحة كنصححو فيها الهبوط من "لتحت" بلا مكنحتاجو نفتحو الكرش.
​المميزات:
​مكانش جرح باين في الكرش.
​التعافي كيكون سريع بزااف.
​كتخلصي من داك الإحساس ديال الثقل والتبول اللاإرادي.
​2. جراحة كيس المبيض بالمنظار (Cœlioscopie)
​يلا قال ليك الطبيب عندك "كيس" (Kyste) في المبيض وكيخصو يتحيد، متبقايش خايفة من الفتحة الكبيرة!
​شنو هي؟: كنخدمو بتقنية "المنظار"، يعني غير تقيبات صغار بزاف (قل من 1 سنتيم).
​المميزات:
​كتخرجي من السبيطار في نهارك أو غد ليه.
​الوجع كيكون قليل بزاف مقارنة بالفتيح العادي.
​الندبات مباينينش. زائد esthétique
​ علاش تأجلي الراحة ديالك؟
​التطور الطبي كاين باش يسهل عليك الحياة. تشاوري مع الطبيب ديالك، حيدي الخوف، وتهلاي في صحتك هي الأولى!
​Dr Jamal Bouihi
Gynécologue obstétricien
Diplômé en chirurgie cœlioscopique CICE Clermont Ferrand
Diplômé en chirurgie vaginale université de Lille
​ #المغرب #الوالدة #مغربية

19/04/2026

بزاف ديال النساء كيسحاب ليهم التنشيط هو غير "فانيد" كيتشرب وصافي. الحقيقة هي أن مريضة تكيس المبايض عندها "خزان" كبير، وإذا ما كانش تتبع دقيق بالسونار المهبلي، ممكن يوقع فرط تنشيط أو العكس، الجرعة تكون ناقصة.

شنو هو الدور ديالنا كأطباء؟

نراقبوا "الجريبات" (Les follicules) حتى توصل للحجم المثالي، ونشوفوا سمك بطانة الرحم (L'endomètre) وفي بعض الحالات نسبة الاستراديول éstradiol لاختيار الوقت المناسب لاخد الحقنة التفجيرية و برمجة العلاقة الزوجية أو الحقن الاصطناعي حسب نتائج تحليل السائل المنوي.
"Santé de la maman" et "conseil de médecin"

19/04/2026

بزاف ديال النساء كيسحاب ليهم التنشيط هو غير "فانيد" كيتشرب وصافي. الحقيقة هي أن مريضة تكيس المبايض عندها "خزان" كبير، وإذا ما كانش تتبع دقيق بالسونار المهبلي، ممكن يوقع فرط تنشيط أو العكس، الجرعة تكون ناقصة.

شنو هو الدور ديالنا كأطباء؟

نراقبوا "الجريبات" (Les follicules) حتى توصل للحجم المثالي، ونشوفوا سمك بطانة الرحم (L'endomètre) وفي بعض الحالات نسبة الاستراديول éstradiol لاختيار الوقت المناسب باخد الحقنة التفجيرية و برمجة العلاقة الزوجية أو الحقن الاصطناعي حسب نتائج تحليل السائل المنوي.
"Santé de la maman" et "conseil de médecin"

18/04/2026

باغة تحملي وعندك "تكيس المبايض" (SOPK)؟
​بزاف ديال النساء كيسمعو "تكيّس المبايض" وكيخافو.. كيصحابلهم صافي، الحمالة مستحيلة! هادشي غلط وغادي نشرح ليكم علاش.
​أجي نفهمو شنو هو هاد المشكل وكيفاش نحلو الباب للحمل إن شاء الله:
​1️⃣ ماشي كيس ديال العملية الجراحية!
ماتخليوش السمية تخلعكم. هادو ماشي كرات (kystes) خاصهم الفتيح، هما غير بويضات صغيرة (follicules) كثار او متزاحمين مكيكملوش النمو ديالهم كما خّاص، وداكشي علاش "الإباضة" كتعطل او مكاتكونش منتظمة.
​2️⃣ الماكلة هي الدوا اللول!
هاد المشكل عندو علاقة كبيرة كثر من 70٪ من الحالات بـسبب مقاومة "الأنسولين". إلا قاديتي الماكلة ديالك، نقصتي الخبز الأبيض، السكر، والحلويات (لي عزيزة علينا حنا المغاربة )، راك درتي 50% ديال الخدمة. المشي والرياضة ضروريين بزاف باش الهرمونات يرجعو للمعدلات الطبيعية ديالهم
​3️⃣ الطبيب هو المساعد ديالك!
ماشي أي وحدة عندها SOPK خاصها دير التلقيح الاصطناعي او أطفال الانابيب والحقن المجهري. كاينين أدوية بسيطة كتحفز المبيض، ومع تتبع دقيق بالإيكو (Échographie)، كيوقع الحمل بطريقة طبيعية في بزاف ديال الحالات.
​الخلاصة:
تكيس المبايض ماشي "عقم"، هو غير اضطراب هرموني خاصو الخبرة والصبر. شحال من وحدة كان عندها هاد المشكل ودابا راها شادة ولدها او بنتها أو أكثر بين يديها! 👶
​📍 ماتبقايش في الحيرة، استشاري الطبيب ديالك، ديري التحاليل و"الإيكو" اللازمة، وبد

18/04/2026

باغة تحملي وعندك "تكيس المبايض" (SOPK)؟
​بزاف ديال النساء كيسمعو "تكيّس المبايض" وكيخافو.. كيصحابلهم صافي، الحمالة مستحيلة! هادشي غلط وغادي نشرح ليكم علاش.
​أجي نفهمو شنو هو هاد المشكل وكيفاش نحلو الباب للحمل إن شاء الله:
​1️⃣ ماشي كيس ديال العملية الجراحية!
ماتخليوش السمية تخلعكم. هادو ماشي كرات (kystes) خاصهم الفتيح، هما غير بويضات صغيرة (follicules) كثار او متزاحمين مكيكملوش النمو ديالهم كما خّاص، وداكشي علاش "الإباضة" كتعطل او مكاتكونش منتظمة.
​2️⃣ الماكلة هي الدوا اللول!
هاد المشكل عندو علاقة كبيرة كثر من 70٪ من الحالات بـسبب مقاومة "الأنسولين". إلا قاديتي الماكلة ديالك، نقصتي الخبز الأبيض، السكر، والحلويات (لي عزيزة علينا حنا المغاربة )، راك درتي 50% ديال الخدمة. المشي والرياضة ضروريين بزاف باش الهرمونات يرجعو للمعدلات الطبيعية ديالهم
​3️⃣ الطبيب هو المساعد ديالك!
ماشي أي وحدة عندها SOPK خاصها دير التلقيح الاصطناعي او أطفال الانابيب والحقن المجهري. كاينين أدوية بسيطة كتحفز المبيض، ومع تتبع دقيق بالإيكو (Échographie)، كيوقع الحمل بطريقة طبيعية في بزاف ديال الحالات.
​الخلاصة:
تكيس المبايض ماشي "عقم"، هو غير اضطراب هرموني خاصو الخبرة والصبر. شحال من وحدة كان عندها هاد المشكل ودابا راها شادة ولدها او بنتها أو أكثر بين يديها! 👶
​📍 ماتبقايش في الحيرة، استشاري الطبيب ديالك، ديري التحاليل و"الإيكو" اللازمة، وبداي الطريق ديالك للحمالة انشاء الله بكل ثقة.
الدكتور جمال بويهي
اختصاصي في أمراض النساء والتوليد
حاصل على دبلوم من جامعة باريس في المساعدة الطبية على الانجاب.
#مغربية

16/04/2026

حلم الوليدات.." العلم كيسهل الطريق والكمال على الله"
​بزاف ديال الأزواج في المغرب كيعيشوا "صمت" قاسي بسباب تأخر الإنجاب. كاين اللي كيحشم، وكاين اللي كيصحاب ليه صافي هادي هي النهاية. ولكن اليوم، أطفال الأنابيب و الحقن المجهري في بلادنا مابقاش غير هضرة فالتلفزة، ولى واقع كيفرح آلاف العائلات كل عام. 🇲🇦

​شنو خاصكم تعرفوا؟

​ماشي عيب: العقم أو تأخر الحمل هو مشكل طبي بحال أي مرض آخر (بحال السكر أو الضغط)، وماشي نقص في الرجولة أو الأنوثة.

​المغرب رائد: عندنا في المغرب كفاءات طبية تبارك الله جد متمكنة تضاهي الكفاءات الدولية، ومختبرات مجهزة بأحدث ما كاين فالعالم. يعني ما بقيتيش محتاج تسافر للخارج باش تدير العملية.

​الوقت من ذهب: كل ما كان التشخيص بكري، كل ما كانت نسبة النجاح طالعة. العلم كيوصل لواحد الدرجة ديال الدقة اللي أصعب حالات ضعف الخصوبة كتعالج بالحقن المجهري ICSI
​نصيحة من القلب لكل زوج وزوجة:
​بركة من الهضرة ديال الناس: "فلان دارت العشوب"، "فلانة مشات عند الشوافة".. هادشي غير كيضيع الوقت والفلوس و
الصحة. تبعوا مع طبيب مختص.
في المساعدة الطبية على الانجاب
​الصبر والدعاء: الطريق تقدر تكون طويلة شوية، ولكن ملي كتشد داك الرضيع بين يديك، كتنسى كاع التعب.

​تضامنوا: هاد الرحلة خاصها "الكتاف" يكونوا مجموعين. الزوج يساند مرتو والزوجة تساند راجلها، حيت النفسية هي 50% من العلاج.

​كلمة أخيرة:
الحقن المجهري هو مجرد سبب، والرزاق هو الله سبحانه. ولكن "دير السبب يا عبدي وأنا نعينك".

16/04/2026

حلم الوليدات.." العلم كيسهل الطريق والكمال على الله"
​بزاف ديال الأزواج في المغرب كيعيشوا "صمت" قاسي بسباب تأخر الإنجاب. كاين اللي كيحشم، وكاين اللي كيصحاب ليه صافي هادي هي النهاية. ولكن اليوم، أطفال الأنابيب و الحقن المجهري في بلادنا مابقاش غير هضرة فالتلفزة، ولى واقع كيفرح آلاف العائلات كل عام. 🇲🇦

​شنو خاصكم تعرفوا؟

​ماشي عيب: العقم أو تأخر الحمل هو مشكل طبي بحال أي مرض آخر (بحال السكر أو الضغط)، وماشي نقص في الرجولة أو الأنوثة.

​المغرب رائد: عندنا في المغرب كفاءات طبية تبارك الله جد متمكنة تضاهي الكفاءات الدولية، ومختبرات مجهزة بأحدث ما كاين فالعالم. يعني ما بقيتيش محتاج تسافر للخارج باش تدير العملية.

​الوقت من ذهب: كل ما كان التشخيص بكري، كل ما كانت نسبة النجاح طالعة. العلم كيوصل لواحد الدرجة ديال الدقة اللي أصعب حالات ضعف الخصوبة كتعالج بالحقن المجهري ICSI
​نصيحة من القلب لكل زوج وزوجة:
​بركة من الهضرة ديال الناس: "فلان دارت العشوب"، "فلانة مشات عند الشوافة".. هادشي غير كيضيع الوقت والفلوس و
الصحة. تبعوا مع طبيب مختص في المساعدة الطبية على الانجاب
​الصبر والدعاء: الطريق تقدر تكون طويلة شوية، ولكن ملي كتشد داك الرضيع بين يديك، كتنسى كاع التعب.

​تضامنوا: هاد الرحلة خاصها "الكتاف" يكونوا مجموعين. الزوج يساند مرتو والزوجة تساند راجلها، حيت النفسية هي 50% من العلاج.

​كلمة أخيرة:
الحقن المجهري

12/04/2026

أهمية ليكو-مورفولوجي المبكرة (Échomorphologie précoce) في تتبع الحمل
​ليكو ديال المورفولوجيا المبكرة، اللي كيدار عادة ما بين 12 و 15 اسبوع، ولا اليوم مكمل ضروري ليكو ديال التريماستر الأولéchographie du premier trimestre
(11-13 اسبوع) وليكو الكبيرة ديال 22 اسبوع.
​ها هوما الفوائد الرئيسية ديال هاد الفحص:
​1. الكشف المبكر على التشوّهات الخلقية
​بفضل التطور ديال الماتريال (Haute fréquence)، ولينا كنقدروا نعرفوا ما بين 40 حتى لـ 60% من التشوّهات الكبيرة من هاد المرحلة:
​الجهاز العصبي: كنقدرو نشوفو واش كاين مشكل في التكون ديال الراس ولا الدماغ بشكل مبكر.
​القلب: كنشوفو المكونات ديال القلب (4 cavités) والعروق الكبارles gros vaisseaux باش نتأكدوا بلي ما كاينش تشوه خلقي صعيب.
​الكرش: كنشوفو واش المصران مجموع داخل الكرش ولا كاين مشكل (omphalocèle).
​الأطراف: كنراقبوا اليدين والرجلين واش كاملين وبلايصهم هي هاديك.
​2. تقييم علامات الكروموزومات (Trisomie)
​من غير العبار (clarté nucale)، هاد الفحص كيقلب على علامات خرين باش نعرفوا واش كاين خطر ديال التريزومي 21:
​واش كاين العظم ديال النيف.
​العبار ديال الدم في "الدكتوس" (Ductus venosus).
​مراقبة الصمام ديال القلب (Tricuspide).
​3. تتبع حالات الحمل اللي فيها خطر
​بالنسبة للسيدات اللي فايت ليهم حمل فيه تشوه أو مشاكل جينية، هاد ليكو كتعاون في:
​التشخيص السريع: إذا كان مشكل لا قدر الله، باش نديرو تحاليل أدق بحال (Choriocentèse) في الوقت المناسب.
​4. مراقبة المشيمة وخطر طانسيو ديال الحامل
​هاد ليكو كتمكننا نعبروا الدوبلير ( des artères utérines Doppler) ديال العروق ديال الوالدة. إذا لقيناهم مزيّرين، كنقدرو نتوقعوا الخطر ديال "التسمم ديال الحمل" أو أن الجنين يتزاد ناقص في الوزن (RCIU). هكذا، كنعطيو للسيدة "الاسبرين" بكري باش نحميوها هي والجنين.
​5. راحة البال للوالدين
​وخا هاد الفحص ما كيعوضش ليكو ديال 22 اسبوع (اللي هي المرجع الأساسي للقلب والدماغ)، إلا أن نتيجة مزيانة في 14 اسبوع كتعطي راحة نفسية كبيرة للوالدين، خاصة في حالات الحمل عن طريق المساعدة الطبية على الإنجاب (PMA) أو عند العائلات اللي كيكونوا خايفين بزاف بسبب سن الأم أكتر من 38 سنة.
ملاحظة مهمة: هاد الفحص كيحتاج خبرة كبيرة وماتريال متطور ، حيت كاين أعضاء كتكون عاد كتصاوب، وخاص الطبيب يكون حريص باش ما يغلطش في التشخيص.
Dr Bouihi jamal
Spécialiste en gynécologie obstétrique et PMA
Expert en échographie obstétricale morphologique et gynécologique
Diplômé en échographie gynécologique et obstétrical de l'université de Paris Descartes, Diplômé en échographie générale CIE Nîmes-Montpellier .

11/04/2026

الفرق بين التلقيح الاصطناعي وأطفال الأنابيب والحقن المجهري… شنو تختار؟ 🤔
بزاف ديال الناس كيسمعو بهاد المصطلحات، ولكن ماشي كاملين فاهمين الفرق بينهم. اليوم غنشرحهم ليكم بطريقة بسيطة 👇
1. التلقيح الاصطناعي (IUI)
هاد الطريقة سهلة وبسيطة:
الطبيب كياخذ الحيوانات المنوية وكيحطهم مباشرة فـ رحم المرأة فـ الوقت المناسب للتبويض.
- كتستعمل فالحالات البسيطة
-قليلة التكللفة نسبيا نسبة النجاح ديالها ما بين 10 او 20%
2. أطفال الأنابيب (IVF)
هنا العملية كتكون خارج الجسم:
كيتم تلقيح البويضة بالحيوان المنوي فـ المختبر، ومن بعد كيرجعو الجنين للرحم.
-نسبة نجاح أعلى من التلقيح الاصطناعي
- مناسبة لمشاكل أكثر تعقيد
كتحتاج وقت ومصاريف أكثر
🔬 3. الحقن المجهري (ICSI)
هاد الطريقة متطورة أكثر من IVF:
الطبيب كيختار حيوان منوي واحد وكيحقنو مباشرة داخل البويضة.
-الحل الأفضل فحالات ضعف الحيوانات المنوية
- نسبة نجاح مرتفعة بزاف
أدق وأكثر تكلفة
💡 الخلاصة:
الحالة بسيطة 👉 التلقيح الاصطناعي
مشاكل متوسطة 👉 أطفال الأنابيب
مشاكل صعبة أو ضعف كبير 👉 الحقن المجهري
كل حالة خاصة، والاستشارة مع الطبيب المختص في المساعدة الطبية على الانجاب ضرورية باش تختار الحل المناسب.

#وجدة #الخصوبة

Address

Oujda Angad
Oujda
60000

Telephone

+212668725200

Website

Alerts

Be the first to know and let us send you an email when Dr Bouihi Jamal الدكتور جمال بويهي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Bouihi Jamal الدكتور جمال بويهي:

Shortcuts

Share

Category