16/03/2026
: "قربان الصباح الجديد" 🎪
الصباح طلع، وأشعة الشمس دخلات خجولة وسط القاعة.
المنشط الجديد حل الساروت، دخل وهو كيصفر ومتحمس لنهار جديد مع الدراري.
شاف "لؤلؤة" محطوطة في بلاصتها، وحداها "دمية جديدة" متقونة بزاف، لابة قميص كيشبه لقميص سيمو، لدرجة أن ريحة "العطر" ديال سيمو كانت باقي لاصقة في الخشب ديالها.
لمس وجه الدمية الجديدة وقال بانبهار: "تبارك الله على الصانع! هاد الدمية كتحس باللحم ديالها دافي، وعينيها..
بحال لى فيهم حزن حقيقي!".
دار الموسيقى، وهز الخيوط.. وبدا كيحرك سيمو (الدمية) في أول عرض ليه.
سيمو كان كيرقص، والابتسامة مصبوغة على وجهو، بينما في الداخل.. كان الصمت هو اللي كيهضر.
🧠
🎭
#يتبع
