خوي قلبك- مع عدنان- انا معاك

11/09/2022

04/09/2022

اليوم بغيت نعاود ليكم قصتي اللي قلبات حياتي من سعادة للحزن كانت حياتي زوينة بزاف وكنت عايشة هانية حتى دخلت لواحد لحياة خلات حياتي تقلب 180٪ كنتمنا تاخدو عبرة مني وتستافدو من الاغلاط اللي ارتاكبت واللي انا نادما عليهم و غنبقا حياتي كاملة وأنا نادمة عليهم .
انا غنعرفكم عليا ونوصف راسي بلا ما ندكر الإسم ديالي المهم انا عندي 20 سنة بنت ما طويلة ما قصيرة العينين عسليين وكبار الشعر كحل ومسبسب من عند الله كان كلشي كيحماق عليا فورمتي هي هاديك ماغليضة مارقيقة انا عنيدة بزاف ماكتسوقش لحتى شي حد اي حاجة بغيتها كنوصل ليها كنت شعبية بزاف وضحوكية الى ما حدرتش فشي مجمع ولا فالقسم ما كيكونش زويين المجمع ههههه تعمقت ليكم فالوصف ديال شخصيتي هه المهم أنا غنعاود ليكم على الصغر ديالي هو اللول انا واحد البنت تزاديت فحي زوين وشعبي وكنت أنا الصغيرة فالدار و كنت عزيزة على الدار والعائلة كاملة كلشي كان كيبغي يهزني و يلعب معايا الاب ديالي كان خدام فواحد الشركة ديال الحوايج وماما كانت ربة بيت كان مهلي فينا وما كان خاصنا حتى خير. حتى لواحد النهار الاب ديالي قال لينا غنتحولو من الحي اللي كنا ساكنين فيه وبطبيعة الحال حتى واحد ما عجباتو الفكرة حيت ولفنا الحي ديالنا ولكن الضروف هي اللي حتمت علينا نتحولو ، حيت كنا غير كاريين و كنا حنا 6 الناس وكان الاب ديالي هو اللي خدام علينا ، ولفنا الجو ديال تما والبحر كان قريب لينا بزاف و كنا بحال العائة مع الجيران كنا منساجمين بزاف وكنا كنديرو غير الكوارث هههه الام ديالي كانت مجاورة مع ناس ضريفين بزاف انا ما عاقلاش عليهم حيت كنت صغيرة بزاف
2المهم توادعنا مع الناس والحي ديالنا والجو اللي كنا عايشين فيه شرينا واحد الدار فحي عشوائي انا ديك الساعة كانت عندي عامين ماعارفة والو دارباها الدنيا بركلة هههههه ملي ولات عندي 3 سنين الدار دخلوني الجامع نقرا ونتعلم نكتب واحد الفقيه كان الجن اللي فيا ما كيحملو ههههه حيت كان عندي الموشكيل كنت كنكتب بالليسرية ههههه كان نهاري كيدوز كحل عندو ديما كان كيجر ليا كمي ديال ادي الليسرية ويحزمها ليا بقنبة وكان يبزز عليا نكتب بالليمنية وكان ديما حازمها ليا وما كانش كيحلها ليا ملي نبغي نخرجو كنبقا غادا الطريق كامل وانا كنبكي وكلشي كيضحك عليا و كانو خوتي كيتلقاو ليا و يبقاو غير يضحكو وانا نبكي ونطلبهم )ههههه( حتى كنمشي الدار وكتحلها ليا ماما مسكينة عاد كترجع فيا الروح بقيت هاكاك كل نهار نفس العداب حتى تعلمت نكتب باليمنية واحد النهار الفقيه ما حزمش ليا ايدي صالات الحصة زوينة وخرجنا وانا ايدي ما حازمهاش كنضحاك بحال الى درت شي انجاز فحياتي )هههههه (تلقا ليا خويا كيف العادة ولكن انا اللي ضحكت عليه هاد المرة ههخهخهخههه كانت ايام واعرة بزاف من احسن الايام اللي عشت فحياتي
3 جا وقت الدخول المدرسي للسنة الاولى ابتدائي فرحانة فحال الى غنتخرج استاذة الفلسفة هه ، المهم العام الأول داز زوين حيت هاداك الفقيه علمني نقرا ونكتب وليت كنكتب بالليمنية الله يجازيه بالخير واخا دوزها عليا الله ههه الله يسمح ليه المهم دازت السنة بيخير وفالاخر ديال العام غادة ماشطة ولابسة مزيان ومقادة الحالة حيت جاء وقت النتائج والخلعة شاداني وما ناسياش البيمو والموناضا باش نحتافل وكنقول يا ربحة يا دبحة المهم شريت بيمو وموناضا وغنحتافل هههه فرقو النتائج و نجحت وفرحت وجيت كنجري قلتا الدار فرحو داز داك الصيف زوين بزاف وحنا كل عام كنا كنسافرو لبلاد والديا ندوزو الصيف كنا كنمشيو كنخربوها تما ههههه العكارب كانو يطلبو معايا الشرع ههههه كنت معدية عليهم نقلب عليهم نقتلهم ونجمعهم فقرعة و نمشي نخلع بيهم ولاد خالتي وعمتي والدوار كامل ههههههه كنا الاجرام منوضينو كنا نمشيو انا وخويا و ولاد عمتي لدار جدا مت بابا ندخلو لكوزينة نقربلوها و كنا نطلعو ليها فوق الحمام حتى كتجي لينا بالقصبة ديالها وتجمعها معانا هههه ديما كنا واكلين العصا من عندها كانت قبيحة ولكن حنينة بزاف الله يرحمها
3(... تتمة) كان عندنا واحد الكلب هو رئييس العصابة فداك الدوار كنت نخرجو حدا الباب ونهود لواحد البلاصة كيكونو الكلاب ديل الدوار كلهم مجموعين حدا واحد الجنان ههههههههه كنت نشير عليهم بالحجر كينوضو كلهم يدردكو عليا ههههههههههه نضربها بجرية حتال حدا الكلب ديالنا ونحرشو عليهم كيدردك عليهم هههههههه كنت محناه مسكين ديما كل نهار كندير ليهم هكاك حتى ما بقاوش كيكلسو فديك البلاصة هههه سالا الصيف رجعنا الدار واخا ما كناش كنسخاو ولكن كنا كندوزو ايام زوينا بزاف رجعنا بدات الدراسة والقراية واحد النهار خارجة مع العشية جيت الدار كليت بدلت حوايجي بقيت كنتفرج فالرسوم حتى جات بنت جيرانا كالت ليا يالاهي نلعبو الحبل كنت انا هي رئيسة العصابة ديال الدرب خرجت خليت ماما فالدار هودنا لوطوروت كانت باقا ما مسرحاش يالاه دارو ليها الزفت شدينا الراس كامل ديال الشاريع بقينا كنلعبو ديما مخليني انا اللخرة حيت كنعرف نلعب ما كنزقلش جات نوبتي حيت دغيا كيخسرو ههههه باركة كنلعب وحنا دايرين ديك العبة ديال عنداك ماماك جايا فكيها 100 مرة وا فكيها ههههه انا كنت كنعيق بيهم ولكن انا داك النهار ربي بغا ليا خطف ليا سمع انا كنلعب كيقولو ليا عنداك الطنوبيل جايا كنقول ليهم اهاه باش تقولو ليا فكيها الطونوبيل كتكلاكسوني وانا ما كنسمع وااااالووو ربي خاطف ليا السمع ، وهو جاي عافط ما حسيت براسي حتى ترفعت وصلت حدا البوطو وفتو وعاودت طحت وربي جا من جيهتي ماللي عاودت طحت ، طحت نيشان فوق الباربريز وتكركبت فالارض ملي انا فقدت الوعي ديالل

5
ملي انا فقدت الوعي دياللي غير عاودو ليا باللي مول الطونوبيل هود شافني مليوحا وما حالاش عيني و راضا من نيفي وفمي صافي واحد خو جارتنا شافني ملي طوعتني الطونوبيل الفوق يحساب ليه ولد حيت انا كان لبسي ديال الدراري ما كنلبسش بحال البنات مشا كيجري مول الطونوبيل يالاه ديمارا و كسيرا قيد دغيا نمرة ديال الطونوبيل ومشاو البنات كيجريو دقو على ماما قالو ليها بنتك راها دارت كسيدة فلوطوروت ضربتها طونوبيل راه ماتت خرجات كتغوت وكتجري خلات البوطة شاعلة مع الخلعة جات شدتني وتغوت عيطو الاسعاف وبابا جا مخلوع من الخدمة عقلت على حاجة وحدة دربتني الفيقة لقيت راسي فلالبيلونص حدايا ماما كتبكي قلت ليها: ...تتمة
6
انا: ماما مالي فين انا؟ ماما:غير نعسي ابنتي و كتبكي. هاديك هي اللحضة اللي عقلت عليها ووجه ماما ماتنساش ليا فديك اللحظة صافي ديك الساعة مشيت ما حليت عيني حتا لقيت راسي فالدار مع ديك 4 العشية والبنات ديال الدرب كاملين دايرين بيا عرفت راسي باللي انا هي رئيستهم وما يقدروش يستغناو عليا ههههههه ملي فقت سلمو عليا حتى دخت وحطو حدايا دانون والبيمو والعصير والحليب فرحت هههههه جا بابا دخل قال! ؛* بابا: صباح الخير ابنتي. انا: صباح النور بابا !!! بابا: بنتي عاقلة ؟؟؟ انا: علاياش غنعقل؟؟ بابا: شكون داك لتما ؟! . أنا : باستغراب # # انت!!! ههههه. بابا :نعسي نعسي باقي شاد فيك البنج ههه . خرجو البنات نعست ما فقت حتال الغد لقيت تاني البنات وكانو كيعاودو ليا واحد البنت كنت مسمية عليها العزية ماكنعيطوش ليها بسميتها دخل تاني. بابا: شوية ابنتي؟؟ ، كي بقتي ؟؟* انا: شوية الحمدلله ، بابا: شكون ابنتي اللي ضربك ؟ واش عاقلا عليه؟؟! انا: دربتني المانطا والعزية هي اللي كانت فيها !!؛؛ هههههههه بابا: لا لا انتي باقي شاد فيك البنج ههههه.
الموهيم نعست تاني الغد ليه فقت بيخير، جاو البوليس الدار قالو لينا راه شدو اللي دربني الدار مشاو عرفوه قالو لبابا اش كطلب منو قال ليهم انا مسامح ليه حيت بقا كيبكي و يطلب فبابا حتى تنازل على الدعوة صافي رجعوا الدار تبعت الدوا بريت من بعد شهر ونصف نهار اللول اللي راجعة فيه المدرسة من بعد الحادثة يالاه غادا المدرسة درباتني بيكالا ههههه جيت مجبدة على وجهي ههه عرفت باللي وجهي وجه الكسايد باقي حتى ما بريت مزيان هههههههه دخلت داز العام مزيان عوضت الامتحانات اللي فاتوني ونجحت الحمدلله و جاء الصيف وكيف العادة الصفر والاجرام من جديد ههههه داز الصيف وجات تاني الدراسة كنا كنتزلقو فالهودة ديال لوطوروت باقا ما مصوباش غير البياضة كنتزلقو بالقراعي ونضحكو جا الشتاء كنا كنتكرفسو بزاف القطرة والضوء كيتقطع كنخرجو فالليل ندردكو فالزناقي ونغوتو فديك الشتا هههه مع كلشي ملهي مع القطرة والضو هه . وكنا نمشيو الضايات ونجبدو الحنوشة ونشوفو شكون اللي جبد اطول حنش ههههههههههه داز فصل الشتاء وجا فصل الربيع، الربيع وما الربيع ههه ، كنا كنصيدو الفراش ونجمعوه فقرعة حتى كيموت مسكين هههههههه ونلوحوه ، وكنا كنشدو عيشة بوالة و نربطوها مع صندوق الوقيد ونتقلو عليها بالحجر ونديرو السباق بيهم ههههههه ونشوفو شكون اللي سبقات كروستو هههههههههه ،...تتمة
7
والله هادشي اللي عشت كان اجمل الذكريات، عارفة صعيب شي واحد يعاود الواقع اللي كان عايش فيه ولاكن انا هادشي كان احسن الايام دازو فحياتي كنت مفتاخرة براسي ، الصغر واللعب و المضاربات كنت ما كنخلي فين نمشي كنا مدوزينها على ماما ماتخلي فين تخبي سطل الحلوة ، كنقولو ليها مالقيتي علامن تخبيه الجنون حتا حاجة ماكتخبا عليهم ههه كنخليوها حتى تخرج كيطلعني خويا فوق الماريو و نحل السطل ونكيلو الحلوة ههه واختي حاظيا لينا الباب كنبقاو ناكلو ههه الله يسمح لينا ، كانت مسكينة ديما ماما كتسورت علينا كنخليوها حتى تنعس و كنخونو ليها السروت خويا اللي كيحل بشوييييية كنهزو صنادلنا تحت ادينا ونشدوها بجرية حتى الدورة ديال الزنقة وكلا فين كيمشي هههه ، انا كنمشي التراب و الزبالة هههههه معروفة عليا ديما داخلة الدار مشعكة والخنونة فنيفي ههههههه وحالتي حااااالة و ادييا فيهم بشنتوف مع الحفير ههه ،. داز الابتدائي والحمدلله نجحت بلا سويع واخا الشغب كنت كنقرا مزيان داز الكوليج بيخير حتى هو طلعت الليسي واخا تبدلات حياتي ماشي فحال الابتدائي ما كنتسوق لا لبس ولا زواق ولا حاجة وليت مهلية فحالتي كنتقاد وكل صيف كنخدم ونتهلا فراسي كل عام حيت بابا الشركة اللي كان خدام فيها دارت فاييت وليت كنعتامد على راسي ، تغيرات القراية وكثر الضغط مع الغياب الموهيم ديما الشغب من صغري هههههه العام اللول داز مزيان طلعت لسيزيام دخلت لكوغ وجيت مع واحد البنت كنت مصاحبة معاها من الكوليج فالكاتريام معروف علينا الشغب ههه هي مجريمة وانا كلت ليها ماتعرفييييش هههه كنا نخرجو من الليسي مشيو اللكوغ كان الجن اللي فينا ما يحمل اللي كيدوز لينا الفرونسي والمات كان ولد الحرام ماكيبغيناش نضحكو ديما كنوشوشو وكيحصلنا ههه وكان كيدور فينا ، كان كيشرح لينا لابواط امغفاي بالضحك وحنا كنا كنستغلو الفرصة فديك اللحضة كلشي كيضحك معاه ، وحنا كنضحكو عليه هههه !!... تتمة
8
انا: شوفي التقاشر اللي مجبدهم فوق السروال ههههه العروبي المجدر لاخر هههههه . هي: شوفي صابوه كبر من رجليه واخا رجليه قد الخباطات اللحية وقلت لحيا هاهاهاهاها كنبقاو نتكرشخو عليه بالضحك حتى كنبردو غدايدنا ههه . كان كيعطينا الوراق ديال تخراج مع حنا ماكنحملوهش كنا ناخدو 3 الوراق ولا 4 فعوض ما ناخدو وحدة ههه ديما كان الروجستر ديال السوايع عامر بالوراق هههه داز داك العام زوين مع صاحبتي دوزناها فالكوغ والليسي وصل وقت النورماليزي ودوزنا ونجحت انا وياها. طلعت الباك كانت عندي 18عام تما عرفت شنو هو التصاحيب و قلت حتى انا نجرب ونعيش حياتي كيف بغيت ونمشي فين بغيت كنت كنتصاحب وكنتفارقو وبقيت هاكا عام كلو . داز العام غير التفلية والتزنديق والدوران داز الوطني انا كنت عارفة راسي ما غنجحش ما كنتس مسوقة و قالو ليا الدار عاودي وديري السوايع عاودت العام قلت غنجمع راسي ونقرا مزيان هاد العام تبدلات حياتي المهيم بدات القرايا دخلت بدا الدخول المدرسي من بعد ما دوزت الصيف كامل غير الخدمة والخروج وتصاحيب ودوران و البحر دخلت مبرونزية هههه صافي بدات القراية، وبالضبط فشهر 11 البدية ديال العام الدراسي كنت غادة مزيان فقرايتي حتى تعرفت على شي بنات كيخرجو كيمشيو القهاوي وكيفسدو انا عجبني الحال معاهم واخا ما كنتش كندير شي حاجة خايبة و ما كنتش عارفة عليهم شي حاجة كانو كيمنكو وكيطلبوني ما ندخلش الورقة حيت كنت انا هي العاريفة ديما ما كنقيدهمش كنت عزيزة عليهم حيت كنت كنتعامل مع اي واحد رتاحيت ليه وكانو الدراري كاملين مزعوطين فيا وما كنت مسوقة لحتا واحد حيت ما كنتش كنحمل نتصاحب مع شي ولد كيقرا فالليسي ...... تتمة
9
النهار طلبوني ولسقوني نمشي معاهم لقهوة ديال الشيشة و رفضت ما قدرتش بقاو كيطلبو فيا صافي مشيت معاهم كانت زدحة وكانت هاديك أول مرة ندخل لقهوة الشيشة دخلنا كونسومينا كل واحد كنا حنا 5 ، 3بنات و 2 اولاد قلت ليهم ما غنشيش معاكم صافي حطو راس ديال شيشة بقيت كنشوف حيت كدبو عليا البنات قالو ليا راه ماكنشيشوش غير الدراري تصدمت من بعد شي 30 دقيقة درني راسي وحتى انا قلت نجربها حيت ريحتها عجباتني بزاف وخديت من عندهم جربتها حسيت بالدوخة ولاكن كان واحد الإحساس واعر حسيت براسي فشي عالم اخر غير انا والشيشة فقط نضنا شطحنا ضحكنا على بنادم كل والشطحة ديالو ههههههههه تزعط فيا واحد الولد جا كلس حدايا ومع انا والله اول مرة غندخل لقهوة قال ليا انتي عمري شفتك هنا انا كنشيش وكندوي معاه قلت ليه اول مرة نحط رجلي فقهوة الشيشة ما تيقش باللي عمري شيشت حيت كنت كنبان محترفة ههههههههههه المهم بقيت مجمعة معاه نضت شطحت انا وياه دازت هاديك الزدحة واعرة ما سخيتش نخرج من القهوة المهم ضربات 5:45 قلت ليهم يالاهو نتلاحو قبل ما يفوتنا الوقت الدري واخا عجبني ما عنديش مع دوك النوع صافي جيت الدار كليت و بدلت عجبني الحال عاودت لختي ، دخلت الفيس لقيتهوم داخلين دويت معاهم قالو ليا حنا كندوزو السوايع دخلي معانا صافي دويت مع الدار حيت كانو باغيني ندخل ليهم ، سولت عليهم قراب ليا والدار وافقو وليت كنمشي ليهم ونتجمعو ونراجعو ونضحكو فالقسم حتا تعرفت على واحد الدري تلاقينا تصاحبت معاه كان اول واحد غنبغيه ونساجم معاه وحتى انا عجبتو كنتلاقا معاه السبت والحد كنهودو القهوة كنضحكو مجمعين انا وصحابو كنخرجو مجموعين فالطموبيل عاودت البنات قلت ليهم ختكم طاحت ههههههه..... تتمة

10
ههههههه صافي ولينا كل خميس كنهودو نتقهواو ونشيشو، و السبت والحد كنعمرو مع حمودة كان شعبي بزاف ولباس ورومانسي و ضحوكي كلشي فيه وكنت كندخل الفيس بزاف كنبقا ندوي معاه ملي يسالي الخدمة كيجي عندي السوايع كنت كنمنك واخا ماكيبغينيش نمنك ، عارفني كنشيش و قال ليا ماتبقايش تمشي القهاوي ديال الشيشة ولا والله حتى نفرشخك ما كنتش كنتسوق ليه صافي قلت لبنات مابقيتش غنهود القهوة قلتها ليه ، اوا ولينا فآخر السيمانة كنتلاقاو كنهاودو القهوة عادية نلعبو فطابلة ويربحني ونتفرجو فالكرة هو ودادي و انا رجاوية كنبقاو نتخاطرو ونداربو كنقول ليه الرجاء اللي غتربح ،وهو كيقول ليا الوداد اللي غتربح ، وكانت اكتر الماتشات كتربح الوداد ههههههه ماكنتش كنرضا ،كان كيوصلني غير كندخل لدار كيعيط ليا ، انا تعلقت بيه بزاف و وليت كنبغيه وكنقول ياربي يكون هو راجلي اللي كنتمناه يبقا معايا حياتي كاملا ،ما كنتش كنتخيل راسي غنتفارقو حيت كنا مفاهمين بزاف ، داز شهر على علاقتنا قرب راس العام قال ليا باللي موجد ليا الكادو فرحت كنتسنا غير امتا يعطيه ليا ، وعلى ابسط حاجة تخاصمت معاه وقلت ليه نسى باللي عرفتيني وحسب علاقتنا سلات من دابا ، ما شعرتش حتى نزلو ليا الدموع وقطعت عرفت باللي تسرعت ولكن عرفت باللي احسن حاجة نسالي هاد العلاقة حيت انا اللي غنخسر فالاخرهو باينة باغي غير يتفلا واخا كنت ديما كندور فيه وكنتخاسم معاه على حوايج بساط ولكن كان ديما كيعيط ليا و يحزرنني ههههه ..... تتمة

11
المهم دخلت لفيسبوك لقيت بزاف مصيفطين ليا انفطاسيون ، لقيت واحد الولد بيناتنا بزاف ديال الاصدقاء المشتركين قبلتو صيفط ليا سلام قلت لو سلام شكون معايا ، قال ليا شوفي الفوطو شفتهم عقلت عليه قلت ليه كنتي كتقرا معايا فالكوليج صافي قال ليا زيانيتي العفريتة ، قلت ليه الزين زيانيت والعفريتة لاش ههههههه ، صافي انا وليت كندوي معاه بزاف لدرجة نسيت حبيبي حمودة شويا ، تلاقيت انا و دري درنا كافي و قال ليا عجبتيني وبغيت تكون بيناتنا علاقة قلت ليه باللي انا مخاصمة مع صاحبي وكنبغيه بزاف قال ليا عطيني فرصة ونسايه وما غتندميش، صافي قلت لو عطيني شوية الوقت نشوف ونرد عليك . فكرت مزيان وقلت اللي يضحك عليا مرة نضحك عليه 20 مرة اللي ليها ليها وافقت على العلاقة ووليت كنتلاقا معاه بزاف كيديني فصباح المدرسة ويجيبني ، ولفتو واخا كان قلبي مع الاخر داز راس العام زوين مشيت انا والدري اللي تصاحبت معاه والبنات والولاد نفس الكليكة غير تزاد نبيل معانا وكان كيعرف الدراري اللي كانو معانا فالكليكة، مشينا القهوة داز النهار زوين وصلني الدرب دخلت الدار عجبني الحال معاه حيت ضريف بزاف دوزنا شهر و هو يدوي معايا حمودة وانا فرحت قلت لختي راه بغا يرجع معايا من كثرة حبي ليه غير قال ليا عطيني فرصة نعاودو من أ زيرو وافقت ورجعنا كيف كنا وانا الصراحة بعدت من لاخر حتى تفارقت معاه قلت ليه الدار عرفو بعلاقتنا وولاو شادين معايا الضد تفارقنا واخا ما تيقش وماتقبلش السبب ، المهم رجعت انا وحبيبي وطورات العلاقة بزاف من شهر 1 حتال شهر 3 كنا كالسين فالقهوة ، عيط ليه واحد الدري قال ليا انا جاي راه واحد خونا باغي يبيع واحد SH طلع بقيت كنتفرج فتلفونو حيت تصورت انا وياه شويا فت تصاورنا بانو ليا تصار شي بنت تصدمت دخلت المساجات لقيت بزاف البنات كيهدر معاهم، تصدمت بزاف رجعت مسحت تصاوري كاملين اللي معاه حطيت التلفون بقيت كنتفرج فالكرة ومفقوسة ، تخايلو معايا بكترة ما ضحكنا هود لقاني عبس وتولا ما فهم والو قال لي مالك قلت ليه غير عصبتني الكرة، صافي ما بقيتش ضحكت حس باللي كاينة شي حاجة حيت انا تتعودني كنضحك بدون سبب كيضحك فيا والو ما بغيتش . ضربات 9 قلت ليه يالاه نمشيو تعطلت قال ليا الدري راه خلا ليا الموطور ياللاه نوصلك وصلني حدا الدار هودت ما قلتليه وااااالو مولفا نسلم عليه ونضحك معاه ونمشي هاد المرة مادرت والو غير هودت مشيت للدار مشا غير وصلت حيدت حوايجي بديت كنعاير فيه ونمسح فالمساجات والابيلات، وصل عيط ليا مالكي قبيلة ما قلتي ليا حتى بسلامة ما موالفاش ليك ، قلت ليه حمودة ؟؟ قال لي ويييي !!! قلت ليه نساني عليك وعيش حياتك مع

12
قطعت ، بقيت كنبكي ونلوم فراسي ، انتي اصلا عارفاه غير كيتفلا .تفارقنا حلفت ما نرجع ليه حيت غدر بيا . الموهيم ! بكيت حتى فشيت قلبي وقلت غانساك انشاء الله وفعلا نسيتو خلاها مولاها اللي دركك بخيط نضركو بحيط . قلت ما غنمسحوش من الفيسبوك ، غنخليه يشوف أي فوطو لحت جديدة ويندم عليا ، داكشي اللي درت اي فوطو لحت كيكومونطي عليها ، داز شي شهر رجع نبيل كيدوي معايا، وكال ليا نرجعو قلت ليه حلفت ما بقيت ندير شي علاقة ، بقا معايا و خلاني نغير رأيي ، رجعنا و فالصراحة كنت كندور فيه ولاكن كان معايا مزيان بزاف الصراحة بغاني وحتى انا حسيت براسي كنبغيه واخا فاللول كنت غير كنتفلا ، ما بقيتش باغا ن فكر نبغي شي واحد ولكن نبيل خلاني نبغيه بطيبة قلبو وحبو ليا خلاني ما نشوف حتى واحد من غيرو دوزت معاه العام كامل حتى سالا العام وجات البرباراسيون ديال الباك وقف معايا وقفت الرجال خوه تزادت عندو بنية و عرض عليا قالها لماماه قالت ليه مرحبا بيها مشيت وانا حشمانة ، استقبلاتني استقبال زوين ، دخلت كلساتني حدا عائلتها ونوداتني نشطح معاها ، انا عجبني الحال نبيل كيشوف فيا كنشطح وكلشي عجبو شطحي ، الدورة اللي غندور لقيت نبيل حاضيني هههعهه ، حشمت وكلست هههه سالا السبوع، عيط ليا قال ليا اجي تشوفي البنوتة ، شفتها حمقتني قال ليا انشاءالله نتزوجو ونولدو فحالها حشمت ههههه ، قلت ليه يالاه نخرجو صافي وصلني الدرب ، اختي لسقاتني نعاود ليها هههه ما كتفلت منها حتى حاجة هههههه ، عاودت ليها كلشي ، هاديك الليلة لقيت حمودة مصيفط ليا مساج قريتو وماجاوبتوش ، طلع ليه الميساج تقرا وهو يعيط ليا هو :الو سلام ** انا: سلام وي خويا ؟ هو: اش كتعاودي مالكي على هاد الجواب؟؟ انا : ماشي سوقك علاش معيط ؟! هو: عارفاك مقلقة مني بزاف ونستاهل هاد التعامل ولكن عافاك الى ماسمحي ليا انا ندمت بزاف خلينا نديرو كافي وندويو على خاطرنا ماترفضيش !'؟ انا: هههه كافي على اش بيني وبينك ا سيمو راه واقيلا سلينا وحتى حاجة مابقات بناتنا و حبيبي نساني فيك صافي حيدتك من بالي !!. هو : مالك تبدلتي ماكنتيش بحال هاكا ؟؟؟ وعطيني فرصة؟؟ انا : الوقت اللي بدلاتني مشات هاديك الايام ، نعطيك فرصة زوينة هادي مالي بنت ليك كنفرق فيهم فرصة اللي كانت عطيتها ليك وضيعتيها تحمل مسؤوليتك ماشغليش رجع عند هادوك اللي معاهم نساني عليك وماعمرك باقي تعيط ليا بااااي طيط طيط طيط . بلوكيت نمرتو وبلوكيتو من الفيس رتاحيت حيت داكشي اللي بغيتو وصلت ليه والحمدلله المهيم دوزت الوطني وعطاوني غاطغاباج و بريباريت من نيتي وما نجحتش بقا فيا الحال ولكن واساني نبيل فهادوك
13
المهم جا الصيف والخدمة والدوران عوتاني ههههههههه .خدمت وليت كنخرج كل احد انا ونبيل كنهودو البحر نتبحرو ، واحد النهار ياللاه خرجت من الخدمة ، عيط ليا قال ليا الوليدة بغات تدوي معاك قلت ليه اوك انا جاية دابا !! ، قال ليا انا كنتسناك فالدرب ، وصلت جا عندي سلمت عليه مشيت معاه الدار ماماه قالت ليا طلعي ، طلعت لقيت عندها شي عيالات سلمت عليهم ، قالت ليهم مرات ولدي نبيل "' تصدمت وفرحت فنفس الوقت هههههههه حدرت راسي حشمت منهم بداو كيقولو زوينة تباركالله و هوما يقولو مبروك الله يكمل بالخير ، انا غير ساكتة ما قلت والو قالت ليهم خالتي امين ، عيطات وحدة فالعيالات لنبيل قالت ليه راك واخد الزين انا حشمت بزاف واخا وجهي مقزدر ههههه ، قال ليها صافي هانتي حشمتيها لينا وتزنكات ههههههه وبداو يضحكو ههه ، انا هزيت راسي تحلفت عليه قال ليا هانا ساكت ههه . شربنا القهوة ماماه غير تصوب ليا وتعطيني ههه مشاو العيالات وهو يجي نبيل كلس حدايا كال ليها كي جاتك مرتي هههههه قرصتو وهو يغوت ههههه ، قلت ليه صافي سكت حرام عليك ، وهي تقول ليه زوينة تباركالله ، قالت ليا بنتي راه بغيت ندوي مع ماماك ونتوكلو على الله ، انا تزيززنت فرحت وفنفس الوقت تخلعت ، حيت دارنا كيفكرو يزوجوني بواحد خدام مزيان وبدارو و طوموبيلتو ، ونبيل ماعندو حتى وحدة من هاد 3 ، قلت ليها مازال الحال اخالتي بين ما خدم نبيل و جمع راسو وكملت قرايتي وديك الساعة مرحبا ، قالت ليا ما قلتي عيب صافي بقينا كنضحكو ، قلت ليه ياللاه نمشي راني مدكدكة سلمت على خالتي ومشيت . غادة ونضرب فيه ههههه بردت غدايدي قلتليه تلاقيتو عليا ههه ، قال ليا والمصيبة تي زكاي راني كنبغيك الشعيبية ، قلت ليه زيد اكبور اللحية غيعيد عليا ليوما ههههههه ، وهو يقول ليا عرفتي اش درت على قبلك، قلت ليه يالاه بين ليا ، قال ليا انا وشمت سميتك فدراعي ما تيقتش وراها ليا تصدمت وعنقتو فرحت بزاف حيت كيبغيني وفنس الوقت بكيت هههه غير مع الفرحة تخلطت عليا ، مسحت دموعي وشديت فإيدو بقينا غادين و كنضحكو ، كيقول ليا الشعيبية انتي ماشي راجل هههههه ، انا اويلي اكبيبير ديالي على انتا راجل ههههه الصراحة وليت كنموت على شي واحد سميتو نبيل ، حيت نوا معايا المعقول وماتفلاش عليا صافي داز الصيف بيخير.... تتمة

14
فعيد الكبيرداز العيد بخير وصل وقت عاشوراء وما عاشوراء هههه الحيحة فالدرب ههههه انا اللي كنحيح ليهم ونشد ليهم الطرح ههه كنت فرحانة كنسلت لبابا ملي يدخل لبيتو ونخرج عند البنات نلقاهم كيتسناو فيا غير امتا نخرج ، كلست غير بديت نغني وشادة الدقة هه بابا عرف صوتي هههه عيط لماما قال ليها هادا غير صوت الشيخة ديال بنتك خرجت عند العونيات ديالها هههههههههه كنبقاو نضربو ماكندخلو حتال 1 الليل الغد ليه هكاك يوميا حتى وصلت ليلة عاشوراء ، جاو عندي بنات دربنا قالو ليا اليوم الاخر غادي نتبربقو ههه انا غير سمعت البربوقة ودنيا قلشو ههههعهععه قلت ليهم مشات والله حتى ندوزها معاكم هاد الليلة، صوبوها دوقوني حنا 3 اللي كليناها دخلت تعشيت خرجنا شدينا الطرح وهي تبدا تشد فيا البربوقة هههه واحد البنت صاحبتي ملي كنا كنقصموها شمات غير ريحتها فرايبي ماكلاتهاش معانا ههه كلسنا كندربو وهي كالسا معانا وشادا واحد ولد جيرانا واحد اللحظة حتى نعست وطلقت الدري حتا طاح هعهعهعهههع انا شفت داك المنضر بغيت نتصطا بالضحك هه ، ضربتها الفيقة ملي طاح هزتو داتو لمو وقالت ليا انا غندخل ونخرج مشات ما جاتش انا درت عند الدرية كنضرب وداوية معاها اسكعة عطيتيها شوية من البربوقة قالت ليا والله ما عطيتها قلت ليها مشينا فيها المسخوطة راه ما خرجاتش يا كما ماتت ليهم ، انا تخلعت وليت كنقول فخاطري غيخرج باها غيشوهنا حسيت براسي ترفعت انا هادشي كيدور فبالي وفنفس الوقت شادا البندير وكنضرب هههههه ، شويا بديت كنغني ليهم (هاديك مي هاه وهاديك مي العاجباني هههه) بقيت كنغني فيها شي نص ساعة ترخيت معاها هههه ضربتني الدرية قالت ليا اتي تجمعي انتي دليتي هههه انا غير كنضحك ما فاهما والو ماشي فداك العالم ههههههه كنضحك بغيت نتصطا هاداك النهار حسيت براسي ماشي حتال لهيه نضت قلت ليها انا جايا نمشي ناكل جاني الجوع نضت والكرسي لاسق فيا حتى طحت جيت على هههه نضت كنجري وكنتكرشخ بضحك غير بوحدي وكنقول الله يستر هههههه المهم دخلت لقيت السمن حيت سمعت باللي السمن مزيان كليتو واخا ما كنحملوش دخلت لطواليت بقيت كنرجع كلشي حتا حسيت براسي ما بقا فمعدتي والو ، خرجت كلست شديت البندير وانا نترفع تاني ولات كتبان ليا الدنيا فشكل ههه كندور عند البنت اللي كليتها معاها هي وختها شادا الدربوكة وشعرها مطلوق كدور فراسها بحال دوك كناوا ههههههه انا غير كنضحك درت عند ختها لقيتها كتشطح بايديها وعينيها حمرين بغيت نحماق ، وواحد البنت عزية واقفا حدا واحد البودرة وكيبان ليا راسها اللي فوق البودرة وهي مكيناش عرفتو والله هادشي طرا ليا فديك الليلة والله بغيت نتصطا صافي وصلات 12

قلت ليهم غنمشي نعس مابقيتش قادرة نضت دخلت لدار كليت كان فيا الهيمري هههه ونعست الغد ليه فقت عادي ولكن بقيت غير كنتفكر وكنضحك هههع خرجت شفتهم بديت كنعاود ليهم اش كنت كنتخايل و هوما كيتصطاو بالضحك الدرب مافاهم والو هههه وهوما بداو كيعادو ليا اش طرا معاهم ولكن هوما عادي حيت موالفين بيها انا اللي شوهتي شوها قلت ليهم اتوما فين ديك السكعة شتها غابرة من لبارح ماخرجت ياكما باقا ناعسة ودايخة ههههه بدينا كنضحكو خرجت شفناها فرحت انا هههه قالت لينا يالاه فقت قلت ليها المسخوطة راك سطيتيني ملي طيختي الدري ههه وليت كنقول لبنات مشينا فيها قالت ليا راه ضخلت نعست مافقت تال دابا ، قلت ليها هادي غير شميتي الريحة كون كليتيها معانا كون لحتي راسك من لوطوروت ويحسابليك غير بحر وكتعومي ههههه بقاو كيضحكو ههه هاداك

15
ايوا دازو العوشر واحد النهار دارنا قالو ليا باللي شي ناس جايين عندنا ، انا قلت ليهم وانا مالي راه خارجة مع البنات ماغنكونش !!! قالت ليا ماما بلا ما تمشي ابنتي عاونيني صافي قلت ليها واخا ، في الصباح مشيت الحمام ، سخنت عضيماتي جيت لقيت اختي جمعات الروينة ، قلت لماما صافي !!ها اختي عاوناتك علاش خليتيني نكلس حيت ما موالفاش نكلس الاحد ، صافي كلست على وعدي وسعدي هههه جاو الناس جاوني برانيين سلمت عليهم ومافهمت والو صافي دخلت الكوزينة سولت ماما ماجاوباتنيش ، قالت ليا دي الصينية انا جاية الناس غير كيششوفو فيا وكيدويو مع بابا كلست انا وماما واختي وهنا كانت الصدمة . قالو باللي جاو يدويو فيا وكيعرفو بابا وهو اللي قال ليهم مرحبا ، انا تصدمت ماجاوبتهمش خليتهم داويين قراو الفاتحة انا مافرحتش وقالو ليا انشاءالله غيكون غير الخير مشاو قالت لماما راه مابغيتش نتزوج ، قالت ليا ابنتي باباك اللي قال ليهم عندي 2 بنات وملي شافو تصاوركم عجبتيهم غير انتي ، بابا صعيب كان كيتحكم فينا وماكانش كيسمع لينا ولا يدير بهدرتنا هادشي اللي خلاني ندير شي حوايج فحياتي بلا خبارهم فحال تصاحيب والقهاوي والصفر ..... المهم ماقلت والو صافي خليهم يديرو اللي بغاو ولكن كان كيبقا فيا غير نبيل حيت كنت موعداه هو وفا بالوعد ديالو ولكن انا اللي غدرتو واخا ماكانتش فالاستطاعة ديالي حلفنا باللي ماغنتفارقوش ولكن ربي حنتنا وفرقنا ، انا فداك الوقت اللي تخطبت ماكانش كيدخل الفيس كان خدام ماكيجي حتال الليل وكينعس ، دازت شهرين على الخطوبة وتكاتبنا ، فدوك الايام ديال الجحيم اللي دوزت عاد صيفط ليا ميساج فالليل انا بقا فيا الحال مالقيتوش معايا فالوقت اللي بغيتو كان عطيها غير الدوران هادشي اللي خلاني نرضا بهادشي اللي وقع ليا وبهاد الزواج اللي عمري تقبلتو فحياتي..

16
المهم عاودت ليه كل شي قال ليا انتي تخليتي عليا وعلى حبنا انا قلت ليه الوقت اللي كنت محتاجاك فيه عاد بان ليك الخروج والدوران ماتسوقتيش ليا ولا قلتي نسول فيها ولا نعيط ليها والحاجة اللي كتحطمني ملي كيقول ليا هادشي كامل اللي كندير على قبلك وعلى قبل زواجنا قلت ليه فات الفوت انا دابا تكاتبت دارنا بززو عليا المهم غنبقا ديما كنبغيك وعمري نساك الله يساهل عليك . قال ليا يالاهي نهربو انتي ليا وانا ليك غير خرجها من فمو انا زادت دمراتني وكملات عليا الدموع نازلين 2 من العين قلت ليه مابقاش عندنا امل فعالاقتنا ما صبرش و بلوكاني مللي قال ليا انا كنبغيك بكيت هاديك الليلة ولا عاطيها غير الشراب باش ينسا كانو كيعاودو ليا صحابو خوه فرح لينا حيت من اللول ما كانش حامل علاقتنا واخا كان كيضحك معايا عادي ماكانش باغينا نتزوجو. تزوجت مشيت لداري وليت متدينة كنصلي وشادة تيقاري وكنطلب الله يسمح ليا على غلط ارتاكبت ويعوضني فزوجي ، حاولت نسا فالاول واخا كانت صعيبة عليا ولاكن نسيت مع الوقت وتعودت على ناسي وبغيتهم وكنت ضريفة معاهم وهوما كانو كيبينو ليا الضرافة ديالهم فالاول ولكن كانو اقبح خلق الله شفتهم فحياتي كنت ديما كنتخاصم مع راجلي وليت كنشوف حياتي غادة وكدهور مرضت ضعافيت فصحتي و شي وحدين فدربنا ما كنتش مسروطة ليهم باللي تزوجت واخا ماشي لخاطري وماعالمينش على اللي عيشاه تما كيشوفوني لابسا مزيان ومقادة كيحساب ليهم عايشة هانية واخا كنت كنجي نشوف الدار كل مرة ماكنتش كنبين ليهم حتى حاجة الموهيم حاولت نصلح الوضع تفكرت ايامي مع حبيبي اللي كان كيفهمي وداير ليا خاطري وتفكرت الايام اللي دوزت فصغري واللحضات اللي ماكتنساش والطفولة ديالي وفنفس الوقت تفكرت دارنا اللي كانو السباب فعدابي ولكن بابا اللي حقدت عليه اكثر وقلت عمري غنسمح ليه كنفكر ونقول هادشي مكتاب ليا نعيشو ويمكن ربي انتاقم مني وجازاني على الاخطاء اللي ارتاكبت فحياتي كنبقا نلوم فراسي وكنقول هادي نتيجة اخطائي، زواجي دمر مانجحش وليت انا فجيه وراجلي فجيه ودارهم مامسوقينش لينا هاديك الضحكة مابقاتش كتخرج ليا مرضت بزااااااف لدرجة تمنيت الموت تجيني فديك اللحظة .

17
دازعندي رمضان فحال الجحيم (استغفر الله) جيت لدارنا تفارقت انا وياه ارتاحيت شوية سافرت باش نسا شويا دارهم عمرهم عيطو ولا سولو فيا كنت كنحسبهم وليديا التانيين واللي بعدت عليهم قلت ربي ايعوضني بيهم هاد الناس ولكن تصدمت فالاخر فيهم وفنفس الوقت ارتاحيت ملي بعدت عليهم والحمدلله على كل حال تجربة دازت فحياتي واخا باقا صغيرة باش نعيش هادشي اللي عشت و ضاعو مني بزاف الحوايج ، مابقيتش كيف كنت ،،، ايه هاديك البنت الضحوكية والنشيطة ماتت وتزادت وحدة اخرى عايشة غير فالضلم والحزن ديال هاد الدنيا والناس اللي عايشين فيها. المهم استافدت من هاد الدنيا بزاف الحوايج ماغيخليونيش نعاود نطيح فنفس الغلط ،خلاها مولاها اللي دازت على الراس كتخلي اطراس انا دابا واقفة على الطلاق هو مابغاش يطلقني حيت ماباغيش يعطيني الحقوق ديالي نضت رفعت انا دعوة ديال الطلاق قلت اللهم نخير انا ولا نبقا عايشة فهاد الهم وسمحت فكلشي، كنتمنا تاخدو تجربة من قصتي الحمدلله ربي كبير وعارفة ماغينسانيش وان الله مع الصابرين .... النصيحة اللي بغيت نوجه ليكم اللي عندو شي واحد كيبغيه وكيحتارمو ومرتاح معاه عمرو يتخلا عليه . النهااااااااااااايةاليوم بغيت نعاود ليكم قصتي اللي قلبات حياتي من سعادة للحزن كانت حياتي زوينة بزاف وكنت عايشة هانية حتى دخلت لواحد لحياة خلات حياتي تقلب 180٪ كنتمنا تاخدو عبرة مني وتستافدو من الاغلاط اللي ارتاكبت واللي انا نادما عليهم و غنبقا حياتي كاملة وأنا نادمة عليهم .
انا غنعرفكم عليا ونوصف راسي بلا ما ندكر الإسم ديالي المهم انا عندي 20 سنة بنت ما طويلة ما قصيرة العينين عسليين وكبار الشعر كحل ومسبسب من عند الله كان كلشي كيحماق عليا فورمتي هي هاديك ماغليضة مارقيقة انا عنيدة بزاف ماكتسوقش لحتى شي حد اي حاجة بغيتها كنوصل ليها كنت شعبية بزاف وضحوكية الى ما حدرتش فشي مجمع ولا فالقسم ما كيكونش زويين المجمع ههههه تعمقت ليكم فالوصف ديال شخصيتي هه المهم أنا غنعاود ليكم على الصغر ديالي هو اللول انا واحد البنت تزاديت فحي زوين وشعبي وكنت أنا الصغيرة فالدار و كنت عزيزة على الدار والعائلة كاملة كلشي كان كيبغي يهزني و يلعب معايا الاب ديالي كان خدام فواحد الشركة ديال الحوايج وماما كانت ربة بيت كان مهلي فينا وما كان خاصنا حتى خير. حتى لواحد النهار الاب ديالي قال لينا غنتحولو من الحي اللي كنا ساكنين فيه وبطبيعة الحال حتى واحد ما عجباتو الفكرة حيت ولفنا الحي ديالنا ولكن الضروف هي اللي حتمت علينا نتحولو ، حيت كنا غير كاريين و كنا حنا 6 الناس وكان الاب ديالي هو اللي خدام علينا ، ولفنا الجو ديال تما والبحر كان قريب لينا بزاف و كنا بحال العائة مع الجيران كنا منساجمين بزاف وكنا كنديرو غير الكوارث هههه الام ديالي كانت مجاورة مع ناس ضريفين بزاف انا ما عاقلاش عليهم حيت كنت صغيرة بزاف

2
المهم توادعنا مع الناس والحي ديالنا والجو اللي كنا عايشين فيه شرينا واحد الدار فحي عشوائي انا ديك الساعة كانت عندي عامين ماعارفة والو دارباها الدنيا بركلة هههههه ملي ولات عندي 3 سنين الدار دخلوني الجامع نقرا ونتعلم نكتب واحد الفقيه كان الجن اللي فيا ما كيحملو ههههه حيت كان عندي الموشكيل كنت كنكتب بالليسرية ههههه كان نهاري كيدوز كحل عندو ديما كان كيجر ليا كمي ديال ادي الليسرية ويحزمها ليا بقنبة وكان يبزز عليا نكتب بالليمنية وكان ديما حازمها ليا وما كانش كيحلها ليا ملي نبغي نخرجو كنبقا غادا الطريق كامل وانا كنبكي وكلشي كيضحك عليا و كانو خوتي كيتلقاو ليا و يبقاو غير يضحكو وانا نبكي ونطلبهم )ههههه( حتى كنمشي الدار وكتحلها ليا ماما مسكينة عاد كترجع فيا الروح بقيت هاكاك كل نهار نفس العداب حتى تعلمت نكتب باليمنية واحد النهار الفقيه ما حزمش ليا ايدي صالات الحصة زوينة وخرجنا وانا ايدي ما حازمهاش كنضحاك بحال الى درت شي انجاز فحياتي )هههههه (تلقا ليا خويا كيف العادة ولكن انا اللي ضحكت عليه هاد المرة ههخهخهخههه كانت ايام واعرة بزاف من احسن الايام اللي عشت فحياتي

3
جا وقت الدخول المدرسي للسنة الاولى ابتدائي فرحانة فحال الى غنتخرج استاذة الفلسفة هه ، المهم العام الأول داز زوين حيت هاداك الفقيه علمني نقرا ونكتب وليت كنكتب بالليمنية الله يجازيه بالخير واخا دوزها عليا الله ههه الله يسمح ليه المهم دازت السنة بيخير وفالاخر ديال العام غادة ماشطة ولابسة مزيان ومقادة الحالة حيت جاء وقت النتائج والخلعة شاداني وما ناسياش البيمو والموناضا باش نحتافل وكنقول يا ربحة يا دبحة المهم شريت بيمو وموناضا وغنحتافل هههه فرقو النتائج و نجحت وفرحت وجيت كنجري قلتا الدار فرحو داز داك الصيف زوين بزاف وحنا كل عام كنا كنسافرو لبلاد والديا ندوزو الصيف كنا كنمشيو كنخربوها تما ههههه العكارب كانو يطلبو معايا الشرع ههههه كنت معدية عليهم نقلب عليهم نقتلهم ونجمعهم فقرعة و نمشي نخلع بيهم ولاد خالتي وعمتي والدوار كامل ههههههه كنا الاجرام منوضينو كنا نمشيو انا وخويا و ولاد عمتي لدار جدا مت بابا ندخلو لكوزينة نقربلوها و كنا نطلعو ليها فوق الحمام حتى كتجي لينا بالقصبة ديالها وتجمعها معانا هههه ديما كنا واكلين العصا من عندها كانت قبيحة ولكن حنينة بزاف الله يرحمها

4.. تتمة كان عندنا واحد الكلب هو رئييس العصابة فداك الدوار كنت نخرجو حدا الباب ونهود لواحد البلاصة كيكونو الكلاب ديل الدوار كلهم مجموعين حدا واحد الجنان ههههههههه كنت نشير عليهم بالحجر كينوضو كلهم يدردكو عليا ههههههههههه نضربها بجرية حتال حدا الكلب ديالنا ونحرشو عليهم كيدردك عليهم هههههههه كنت محناه مسكين ديما كل نهار كندير ليهم هكاك حتى ما بقاوش كيكلسو فديك البلاصة هههه سالا الصيف رجعنا الدار واخا ما كناش كنسخاو ولكن كنا كندوزو ايام زوينا بزاف رجعنا بدات الدراسة والقراية واحد النهار خارجة مع العشية جيت الدار كليت بدلت حوايجي بقيت كنتفرج فالرسوم حتى جات بنت جيرانا كالت ليا يالاهي نلعبو الحبل كنت انا هي رئيسة العصابة ديال الدرب خرجت خليت ماما فالدار هودنا لوطوروت كانت باقا ما مسرحاش يالاه دارو ليها الزفت شدينا الراس كامل ديال الشاريع بقينا كنلعبو ديما مخليني انا اللخرة حيت كنعرف نلعب ما كنزقلش جات نوبتي حيت دغيا كيخسرو ههههه باركة كنلعب وحنا دايرين ديك العبة ديال عنداك ماماك جايا فكيها 100 مرة وا فكيها ههههه انا كنت كنعيق بيهم ولكن انا داك النهار ربي بغا ليا خطف ليا سمع انا كنلعب كيقولو ليا عنداك الطنوبيل جايا كنقول ليهم اهاه باش تقولو ليا فكيها الطونوبيل كتكلاكسوني وانا ما كنسمع وااااالووو ربي خاطف ليا السمع ، وهو جاي عافط ما حسيت براسي حتى ترفعت وصلت حدا البوطو وفتو وعاودت طحت وربي جا من جيهتي ماللي عاودت طحت ، طحت نيشان فوق الباربريز وتكركبت فالارض ملي انا فقدت الوعي ديالل

5
ملي انا فقدت الوعي دياللي غير عاودو ليا باللي مول الطونوبيل هود شافني مليوحا وما حالاش عيني و راضا من نيفي وفمي صافي واحد خو جارتنا شافني ملي طوعتني الطونوبيل الفوق يحساب ليه ولد حيت انا كان لبسي ديال الدراري ما كنلبسش بحال البنات مشا كيجري مول الطونوبيل يالاه ديمارا و كسيرا قيد دغيا نمرة ديال الطونوبيل ومشاو البنات كيجريو دقو على ماما قالو ليها بنتك راها دارت كسيدة فلوطوروت ضربتها طونوبيل راه ماتت خرجات كتغوت وكتجري خلات البوطة شاعلة مع الخلعة جات شدتني وتغوت عيطو الاسعاف وبابا جا مخلوع من الخدمة عقلت على حاجة وحدة دربتني الفيقة لقيت راسي فلالبيلونص حدايا ماما كتبكي قلت ليها: ...تتمة
6
انا: ماما مالي فين انا؟ ماما:غير نعسي ابنتي و كتبكي. هاديك هي اللحضة اللي عقلت عليها ووجه ماما ماتنساش ليا فديك اللحظة صافي ديك الساعة مشيت ما حليت عيني حتا لقيت راسي فالدار مع ديك 4 العشية والبنات ديال الدرب كاملين دايرين بيا عرفت راسي باللي انا هي رئيستهم وما يقدروش يستغناو عليا ههههههه ملي فقت سلمو عليا حتى دخت وحطو حدايا دانون والبيمو والعصير والحليب فرحت هههههه جا بابا دخل قال! ؛* بابا: صباح الخير ابنتي. انا: صباح النور بابا !!! بابا: بنتي عاقلة ؟؟؟ انا: علاياش غنعقل؟؟ بابا: شكون داك لتما ؟! . أنا : باستغراب # # انت!!! ههههه. بابا :نعسي نعسي باقي شاد فيك البنج ههه . خرجو البنات نعست ما فقت حتال الغد لقيت تاني البنات وكانو كيعاودو ليا واحد البنت كنت مسمية عليها العزية ماكنعيطوش ليها بسميتها دخل تاني. بابا: شوية ابنتي؟؟ ، كي بقتي ؟؟* انا: شوية الحمدلله ، بابا: شكون ابنتي اللي ضربك ؟ واش عاقلا عليه؟؟! انا: دربتني المانطا والعزية هي اللي كانت فيها !!؛؛ هههههههه بابا: لا لا انتي باقي شاد فيك البنج ههههه.
الموهيم نعست تاني الغد ليه فقت بيخير، جاو البوليس الدار قالو لينا راه شدو اللي دربني الدار مشاو عرفوه قالو لبابا اش كطلب منو قال ليهم انا مسامح ليه حيت بقا كيبكي و يطلب فبابا حتى تنازل على الدعوة صافي رجعوا الدار تبعت الدوا بريت من بعد شهر ونصف نهار اللول اللي راجعة فيه المدرسة من بعد الحادثة يالاه غادا المدرسة درباتني بيكالا ههههه جيت مجبدة على وجهي ههه عرفت باللي وجهي وجه الكسايد باقي حتى ما بريت مزيان هههههههه دخلت داز العام مزيان عوضت الامتحانات اللي فاتوني ونجحت الحمدلله و جاء الصيف وكيف العادة الصفر والاجرام من جديد ههههه داز الصيف وجات تاني الدراسة كنا كنتزلقو فالهودة ديال لوطوروت باقا ما مصوباش غير البياضة كنتزلقو بالقراعي ونضحكو جا الشتاء كنا كنتكرفسو بزاف القطرة والضوء كيتقطع كنخرجو فالليل ندردكو فالزناقي ونغوتو فديك الشتا هههه مع كلشي ملهي مع القطرة والضو هه . وكنا نمشيو الضايات ونجبدو الحنوشة ونشوفو شكون اللي جبد اطول حنش ههههههههههه داز فصل الشتاء وجا فصل الربيع، الربيع وما الربيع ههه ، كنا كنصيدو الفراش ونجمعوه فقرعة حتى كيموت مسكين هههههههه ونلوحوه ، وكنا كنشدو عيشة بوالة و نربطوها مع صندوق الوقيد ونتقلو عليها بالحجر ونديرو السباق بيهم ههههههه ونشوفو شكون اللي سبقات كروستو هههههههههه ،...تتمة
7
والله هادشي اللي عشت كان اجمل الذكريات، عارفة صعيب شي واحد يعاود الواقع اللي كان عايش فيه ولاكن انا هادشي كان احسن الايام دازو فحياتي كنت مفتاخرة براسي ، الصغر واللعب و المضاربات كنت ما كنخلي فين نمشي كنا مدوزينها على ماما ماتخلي فين تخبي سطل الحلوة ، كنقولو ليها مالقيتي علامن تخبيه الجنون حتا حاجة ماكتخبا عليهم ههه كنخليوها حتى تخرج كيطلعني خويا فوق الماريو و نحل السطل ونكيلو الحلوة ههه واختي حاظيا لينا الباب كنبقاو ناكلو ههه الله يسمح لينا ، كانت مسكينة ديما ماما كتسورت علينا كنخليوها حتى تنعس و كنخونو ليها السروت خويا اللي كيحل بشوييييية كنهزو صنادلنا تحت ادينا ونشدوها بجرية حتى الدورة ديال الزنقة وكلا فين كيمشي هههه ، انا كنمشي التراب و الزبالة هههههه معروفة عليا ديما داخلة الدار مشعكة والخنونة فنيفي ههههههه وحالتي حااااالة و ادييا فيهم بشنتوف مع الحفير ههه ،. داز الابتدائي والحمدلله نجحت بلا سويع واخا الشغب كنت كنقرا مزيان داز الكوليج بيخير حتى هو طلعت الليسي واخا تبدلات حياتي ماشي فحال الابتدائي ما كنتسوق لا لبس ولا زواق ولا حاجة وليت مهلية فحالتي كنتقاد وكل صيف كنخدم ونتهلا فراسي كل عام حيت بابا الشركة اللي كان خدام فيها دارت فاييت وليت كنعتامد على راسي ، تغيرات القراية وكثر الضغط مع الغياب الموهيم ديما الشغب من صغري هههههه العام اللول داز مزيان طلعت لسيزيام دخلت لكوغ وجيت مع واحد البنت كنت مصاحبة معاها من الكوليج فالكاتريام معروف علينا الشغب ههه هي مجريمة وانا كلت ليها ماتعرفييييش هههه كنا نخرجو من الليسي مشيو اللكوغ كان الجن اللي فينا ما يحمل اللي كيدوز لينا الفرونسي والمات كان ولد الحرام ماكيبغيناش نضحكو ديما كنوشوشو وكيحصلنا ههه وكان كيدور فينا ، كان كيشرح لينا لابواط امغفاي بالضحك وحنا كنا كنستغلو الفرصة فديك اللحضة كلشي كيضحك معاه ، وحنا كنضحكو عليه هههه !!... تتمة
8
انا: شوفي التقاشر اللي مجبدهم فوق السروال ههههه العروبي المجدر لاخر هههههه . هي: شوفي صابوه كبر من رجليه واخا رجليه قد الخباطات اللحية وقلت لحيا هاهاهاهاها كنبقاو نتكرشخو عليه بالضحك حتى كنبردو غدايدنا ههه . كان كيعطينا الوراق ديال تخراج مع حنا ماكنحملوهش كنا ناخدو 3 الوراق ولا 4 فعوض ما ناخدو وحدة ههه ديما كان الروجستر ديال السوايع عامر بالوراق هههه داز داك العام زوين مع صاحبتي دوزناها فالكوغ والليسي وصل وقت النورماليزي ودوزنا ونجحت انا وياها. طلعت الباك كانت عندي 18عام تما عرفت شنو هو التصاحيب و قلت حتى انا نجرب ونعيش حياتي كيف بغيت ونمشي فين بغيت كنت كنتصاحب وكنتفارقو وبقيت هاكا عام كلو . داز العام غير التفلية والتزنديق والدوران داز الوطني انا كنت عارفة راسي ما غنجحش ما كنتس مسوقة و قالو ليا الدار عاودي وديري السوايع عاودت العام قلت غنجمع راسي ونقرا مزيان هاد العام تبدلات حياتي المهيم بدات القرايا دخلت بدا الدخول المدرسي من بعد ما دوزت الصيف كامل غير الخدمة والخروج وتصاحيب ودوران و البحر دخلت مبرونزية هههه صافي بدات القراية، وبالضبط فشهر 11