23/08/2022
Salama tompoko!
Ny lohahevitry tsika androany dia mahakasika ny DIABÈTE.
Voalohany indrindra, ny tahan'ny siramamy ao anatin'ny rà raha toa ka Salama ianao dia eo anelanelan'ny 0,7 g/l sy 1,1 g/l.
Inona no mahatonga ny Diabète ?
Rehefa reraka tsy mahavita mamokatra Insuline intsony ny pancréas na ny sarakaty dia Diabetika ny olona iray.
Ny Insuline dia hormone izay ilain'ny vatantsika. Ny fitombon'ny tahan'ny siramamy be loatra ao anatin'ny rà izay tsy vitan'ny taova intsony ny mandrindra azy no mahatonga ny Diabète.
Misy karazany ny Diabète:
🔹Diabète type 1: fiakaran'ny tahan'ny siramamy vokatry ny fahasimban'ny pancréas ka lasa tsy mamokatra Insuline intsony.
Ny tanora sy ny olona mahia no tena tratran'ny Diabète type 1.
🔹Diabète type 2 : fiakaran'ny tahan'ny siramamy vokatry ny fiasan'ny Insuline be loatra ka lasa tsy miraharaha ny Insuline intsony ny sela rehetra ao amin'ny vatana.
Ny olona matavy sy efa Nahazo taona no tratran'ny Diabète type 2.
Betsaka ny Antony mahatonga ny diabète anisan'izany ny fihinanana sakafo be menaka, mamy loatra, be lafarinina, ny tsy fahampiana fanetseham-batana sy ny fanatanjahatena, ny fananana Ray aman-dreny misy Diabète, ny fisotroana toaka diso tafahoatra sy ny maro samihafa.
Ahoana no.ahafantarana fa Diabetika ny olona iray?
-Mipipy matetika indrindra ny alina
-Mangidihidy lava ny taovam-pananahana
-Mangetaheta lava
-Reradava
-Miha mahia
-Miha manjavona ny maso
-Sarotim-pery
-Mitady sakafo foana
-Mihintsana ny volo
-Manao crise cardiaque
-Tsy dia mahita tory loatra na diso renoka ho azy
Maro ny tranga fisehon'ny Diabète amin'ny olona iray fa ireo voalaza ireo no fambara miseho matetika.
Azo tsaboina sy alamina tsara ny Diabète fa raha tsy voatsabo kosa dia ireto no vokadratsiny:
-Insuffisance rénale izay mety ho tonga hatrany @ Dialyse
-Fahatsetsemany lalandrà mamelona ny fo
-Ny faharerahany fo ka manempotra sy mampivonto
-Ny AVC ( fahatsetsemana na fahatapahan'ny lalandrà anaty atidoha ka mampalemy sy mahamoana ),
- Ny fahajamban'ny maso
-Ny fanapahana ny tongotra izay misy fery tsy azo sitranina intsony
-Ny fihenan'ny filàna ara-nofo( tsy velona intsony ny maha lehilahy, tsy manana filàna hiray intsony ny vehivavy)
-Ary ny fahafatesana no farany.
Farany, tsara ary ilaina ny manao fitiliana na analyse mba ahafantarana raha misy Diabète ianao satria matetika efa manimba taova maro ao anatin'ny vatana vao misy fisehony lehibe ny Diabète.
Mirary soa daholo ary tompoko ooo
