https://www.facebook.com/221090295320514/

Malalan'i Jesosy Kristy aho, Antananarivo (2026)

12/11/2025

TSY HANGINA MANDRAKIZAY NY FITIAVAN'I JESOSY KRISTY ANAO

Iza moa izaho sy ianao no tsy maintsy tokony ho tiavin'i Jesosy Kristy?

Ho sahy hitanisa sy hiteny ve isika hoe satria izaho ohatran'izao sy izao, na koa sahy hiteny ve isika hoe satria izao nataontsika ho an'Andriamanitra?

Raha apetraka eo amin'ny mozana (balance) an'ny fahamarinana sy fahamasinana an'Andriamanitra isika dia tsy misy ho ampy lanja na dia iray aza! Impiry isika no tsy efa niovaova sy nivadibadika, inona no tsy efa fiainantsika tamin'ny lasa ary inona no mbola mety tsy fahatanterahantsika ankehitriny?

Manoloana ny maha isika antsika, manoloana an'ireo tantarantsika maro be, manoloana an'ny lasantsika, manoloana izay mety mbola fiainantsika androany, manoloana izay mombantsika tsy fantatsika fa fantany dia MISAFIDY NY TSY MITANA FAHATEZERANA JESOSY KRISTY FA MBOLA MISAFIDY NY MITIA ANTSIKA

Tsy baikona ny fitiavany anao, tsy forcena ny fitiavany anao, na iza manana dossier ratsy lava be mombanao, na manao ahoana ny fijerinao ny tenanao sy ny fijerin'ny hafa anao dia tsy mampiova ny fitiavany anao io izany.

Manana safidy ny tsy ho tia anao Izy, manana safidy ny ho tezitra sy hitahiry fahatezerana aminao Izy, manana safidy ny hanilika sy hanary anao Izy.
Izy anie marina, madio, masina, tanteraka, fahatsarana faratampony...fa EFA NISAFIDY NY HO TIA ANAO IO IZY DIA NISAFIDY NY HO TIA ANAO HATRAMIN'NY FARANY

Hainao?
NY FITIAVANY DIA EFA NISAFIDY FAMINDRAM-PO HO ANAO, REHEFA MIJERY ANAO IZY DIA FAMINDRAM-PO NO SITRAKANY FA TSY FANDRINGANANA

Mahari-po ny fitiavany, tsy te hangina, tsy te hitsaha-miteny fa te hiasa ho anao mandrakariva mandra-pandroso, mandra-piposaky ny famirapiratry ny fiainam-panahinao, ny toetranao, ny lafim-piainanao rehetra arak'izay tiany ho tanterahina aminao

Eny tsy hangina mandrakizay ny fitiavan'i Jesosy Kristy anao!
Amen

Manasa anao am-pitiavana izahay, Asabotsy 15 Novambra izao ( ary mandritry ny asabotsy maromaro): fotoam-bavaka mikasika ny lohahevitra ny fitiavan'i Jesosy Kristy anao.

Hatramin'izay mety efa renao foana izany teny izany hoe tia anao Jesosy Kristy, fa amin'alalan'izao fotoam-bavaka izao dia ho fantatrao, ho takatrao misimisy izany fitiavan'i Jesosy Kristy anao izany.

Ary vokatr'izay dia hisy zavatra be dia be ho sitrana sy ho afaka na ny ao anatinao, na ny fijerinao ny tenanao, na ny fanatrehanao fiainana.

Tongava ary Asabotsy 15 Novambra 9h30-11h
CFB Mre Tsiazotafo ( eo anelanelan'ny Pizzamania sy Maki Company)

Tongavasoa Tompoko

02/03/2025

Hoy Jesoa aminao androany: Ravehivavy, nahoana ianao no mitomany? ... — Jaona 20 : 15 Na
tena ankizivavy mbola anatin’ny fahatanorana ianao? na efa vehivavy anatin’ny fahamatorana? na vehivavy efa voky andro? dia hoy i Jesoa aminao hoe NAHOANA IANAO NO MITOMANY?

Inona no mety ho antony mandatsa-dranomaso anao lava fa tena mahaliana an’i Jesosy Kristy?

Kamboty tsy misy mpiahy ve? te hianatra fa tsy misy fahafahana intsony? tsy an’asa aman-taonany? mijaly be ara-tokatrano? lazain’ny dokotera fa momba ve na tratran’ny aretina tsy afaka sitranina intsony? zanaka maditra ve? tratran’ny depression na leo miaina? korotan-dava ao amin’ny dada sy i neny dia te hitsoaka? ianao mihitsy no voafatotry ny fahazaran-dratsy sy fiainana maloto te hiala fa tsy mety tafiala ve? aman-taonany niandry valim-bavaka fa toa desert foana ve?nilaozam-bady?misy endrika tsy fahatomombanana ara-batana?...na inona mety ho antony DIA TENA MBOLA MISY FANANTENANA HO ANAO
vao avy namoy olona akaiky?

Iza no nametraka fanontaniana anao hoe : Ravehivavy nahoana ianao no mitomany?
ny valiny dia i Jesosy! tsy hoe curieux liana fotsiny amin’izay mampitomany anao Izy ka hiomehy na handatsa na hanameloka anao akory fa matoa Izy manontany dia ao am-pony ianao ary manana vahaolana ho anao Izy

Hanasanay anao manokana amin’ny Asabotsy izao 08 Mars
" RAVEHIVAVY, NAHOANA IANAO NO MITOMANY?
8h30- 9h30 CFB Mre Tsiazotafo ( entre pizzamania et maki company)
Tongava fa misy anjara MIHOATRA NOHO NY SAHAZA HO ANAO na fanasitranana, na fananganana, na fanafahana ...na ara-panahy na ara-piainana

Tsioarana Randrianjafy
Malalan'i Jesosy Kristy aho

03/08/2022

Ry tanora namako, indrindra ho antsila rahavavy...

Tsy fitsoahana ny ao an-tokatranon'ny ray aman-dreny ny fanambadiana, mety miaina zavatra mafy ianao ao amin'ny dada sy i neny fa aza atao ho antony hahatonga anao hitsoaka hanambady izany.Tsy hainao izay hitsena anao raha ratsy fiomanana ianao ary ndrao diso olona ianao ka vao maika ratsy lavitra noho ny ao amin'ny ray aman-dreninao izay hiainanao.

Aoka tsy noho ny amin'ny vavan'olona ny hahatonga anao maika hanambady, satria leo tenenin'olona sy tsarain'olona ianao.Tadidio fa raha maimaika ianao na koa raha ratsy fiomanana ary diso olona dia tsy ireo izay nitsara sy nanenjika anao ireo noho hiaraka hizaka izay hatrehinao fa vao maika aza mety hitora-bato anao

Aoka tsy hoe satria hoe leo irery ianao na koa mahatsiaro tena banga sy tsy ampy no anton'ny hanambadinao, ekena tokoa fa mba mila namana, te handray sy hizara fitiavana, mba misy hiresahana sy hifampizarana. Nefa raha eritreretinao fa vady no hahatonga anao tsy ho irery intsony sy antenainao hameno ny fahabangana ao anatinao dia mahantra indrindra ianao.

AMPAHANY, SOMBINY IHANY NO AFAKA ATAON'NY VADY NA DIA TENA TIA BE AZA IZY, FA MISY FAHABANGANA IZAY TSY HO FENON'IZA N'IZA MANDRAKIZAY RAHA TSY JESOSY KRISTY NO MAMENO AZY.
KA RAHA IZAY FAHABANGANA FONY FAHAKELY HATRAMIN'NY IANAO IZAO LEHIBE IZAO NO ANTENAINAO HO FENOIN'IZAY HO VADINAO, NA IZAY EFA VADINAO DIA HO DISO FANANTENANA IANAO.JESOSY KRISTY IHANY NO MAHAFENO AN'IO TOERANA IO TANTERAKA

Misy fahatsapana sy fisainana diso ataon'ny fiaraha monina izay hoe ny fanambadina no manome tombabidy ny vehivavy iray hany ka rehefa tsy manana izy na misara-bady na maty vady dia ataon'olona tsinotsinona.
Rehefa takatrao hoe iza ianao ao amin'i Jesosy Kristy dia takatrao hoe tsy ianao lasa vadin'i ranona
no hamaritra ny tombam-bidinao

Tsy miteny anao akory aho hoe fijaliana ny tokatrano tsia! Fa raha toa ka ny vadinao no ianteheran'ny fahasambaranao, na ny identité-nao na ny fanavotananao amin'izay zavatra iainanao ao amin'ny ray aman-dreninao dia diso depart ianao.

Ampahany ihany no afaka vitan'ny vady, ampahany ihany no afaka ho fenoin'ny vady.
Jesosy Kristy irery ihany no mahasambatra, afaka mahafeno ny fahabangana rehetra izay ao anatinao.

Diniho tsara, jereo akaiky, inona no manosika anao hanambady.
Tsy hoe tsy hanambady akory ianao, fa mila fiomanana ny tokatrano, fiomanana amin'ny lafiny rehetra fa indrindra fiomanana ara-panahy.

Afaka zarainao ho fampaherezana ny hafa

Tsioarana Andrianandrasana Randrianjafy

09/06/2022

RERAKA!

Hainao hoe mila mivavaka ianao kanefa tena tsy mahavita intsony na dia fehezanteny fohy aza, hainao hoe mila mandroso ianao kanefa tsy tafatsangana intsony, hainao hoe mila miaina fiainana mifanaraka ny sitrapon'Andriamanitra ianao kanefa vao maika sasatry ny lavo...Mila Hery ambon'ny hery rehetra ianao!

Ho anao indrindra no nampisin'i Jesosy Kristy ity fotoana ity satria fantany tsara ianao, izay natrehinao ka nahatonga anao reraka toa izao sy izay fiainana atrehinao ankehitriny sy izay hatrehinao amin'ny ho avy.

NataoNy ho anao ity fotoana ity satria tena tiany ianao

Aoka ho FENOINA NY FANAHY MASINA (part2)
Asabotsy 11 Jona amin'ny 9h30-11h
CFB Antaninandro
( plan: Jovenna antaninandro ilay ambany-Pizzamania- CFB Antaninandro- Maki Company)

Fanampim-panazavana: 032 87 718 50 na koa manoratra amin'ny hafatra miafina

Izahay sy ny Tompo manantena hiaona aminao

Misa-El - Tsioarana Andrianandrasana Randrianjafy

30/05/2022

Tadidinao ve hoe ohaviana ianao no nisaotra an'i neny farany? ohaviana ianao no nanao azafady azy farany?

Teny mody ohatran'ny tsotra izany kanefa fanomezana lehibe mihoatran'ny harena manasitrana ratra be dia be ao anatin'ny fon'i neny

Aza raisina hoe satria i neny izy dia tokony hanao an'izao sy izao dia automatique raha manao an'izao sy izao....ka adinonao ny misaotra azy ny amin'izay rehetra ataony ho anao.
Aza raisina hoe satria manao foana izy, mitraka foana izy, mitsangana foana izy dia midika izany fa tsy nisy zavatra mety mba nampalahelo na nanafitohana azy...

Fa nisafidy ny mbola "hanome be dia be izy" satria tiany ianao

Miarahaba ny reny rehetra, ny tanàn'i Jesosy anie hanangana, hampahery, hitantana, hanohana, hanampy anao indray. Jesosy anie hameno ny fahabangana rehetra ao anatinao ry neny malala, ary Izy anie no ho valim-pitia lehibe ho anao

Tsioarana Randrianjafy-

04/05/2022

Tahin'i Jesosy ny Malalan'i Jesosy Kristy rehetra.

Niniana tsy nandefa publication mihitsy tatoato mba afahanao mamerina mamaky, mandini-tena, mivavaka arak'ireo lohahevitra nifampizaraintsika teo aloha.

Hifampahery amin'ireo tanora vehivavy mbola tsy ao anaty tokatrano isika, ireo izay maniry hiditra anaty tokatrano kanefa mbola tsy manana...hifampahery isika, hifampivavaka, hianatra ny sitrapon'Andriamanitra.

Manasa anao hatrany hanaraka sy hikarokaroka afahanao mijery izay fizarana izay tsy arakao

Tsioarana Randrianjafy

17/04/2022

Jesosy Kristy dia Andriamanitra velona
Tsy hoe possible hitsangana Izy fa efa nitsangana
Resiny ny fahafatesana
Raha mikambana sy mifandray Aminy ianao dia manantenà, manapoiza, minoa fahavelomana sy fitsanganana
Tsy angano na tantara fa tena velona Jesosy, tsy maintsy ho velona ihany koa ny fiainanao

Tratry ny p***a isika tsirairay avy

15/04/2022

Inona kay no efa nafoin'ny olon-tinao ho anao satria hono tena tia izy? Efa mba nanonofy ve ianao hoe tiako raha mba hafoy an'izao ho ahy izy? Tsy voatery hoe resa.bola sy firavaka lafovidy foana no resaka eto fa ohatra hoe"tiako mba hahafoy fotoana misimisy kokoa ho ahy izy! Tiako mba hafoy izay zavatra mampiasa saina be azy izy ka mba mifantoka misimisy kokoa aminay mianakavy rehefa ato an.trano, tiako raha mba hafoy ny fahazaran.dratsy izay manakorotana ny fiainanay izy"...
Tsy aiko hoe inona no efa nandraindrainao fatratra sy nantenainao fatratra mba nafoiny ho anao kanefa tsy mbola vitany hatramin'izao.Mety tena mandratra anao izany na mety mampikaraikona anao.

Fa hoy izaho aminao hoe misy fitiavana faratampony tena tia anao, efa nafoy ny ainy ho anao! Efa nafoy ny Aminy rehetra ho anao! Ianao aza mbola tsy tia Azy akory dia efa tia anao fatratra Izy.
Reny daholo ireo vavan'ny mpanaratsy sy mpiampanga anao fa mbola tiany foana ianao.
Tsy nanome na inona ho Azy ianao, mbola mpanohatra Azy ihany koa kanefa dia nitia Anao Izy ary nahafoy ny fahatsarana tany an.danitra, niaritra ny fahoriana mafy indrindra tety an.tany mba ho voavonjy ianao.

Ka nahoana ianao no mitanondrika sy maratra fatratra, eny tokoa mety tsy mbola nafoy na inona ho anao na ny vadinao na ny olon.tinao fa raiso izany fitiavan'i Jesosy Kristy izany, banjino sy eritrereto mandrakariva izany fitiavan'i Jesosy izany: dia ho sitrana ny fonao, ho falifaly ianao satria ny fitiavany dia afaka ny hameno ny endrika fahabangana rehetra

Misaotra Jesosy Kristy nafoy ny ainao ny zavatra rehetra hamonjena ahy. Tokony ho very mandrakizay aho raha tsy namonjy ahy Ianao. Sokafako ho Anao ny foko, ny lafim.piainako rehetra Jesosy Kristy mba hanjakan'izany fitiavanao izany tanteraka
Na iza tsy nafoy na inona ho ahy dia tsy alahelo aho, tsy haratra aho satria ny fitiavanao no efa nafoy ny zava.drehetra ho ahy Jesosy o
Amen

06/04/2022

Andriamanitra o, hoy Ianao amiko hoe anaka atolory Ahy ny fonao: dia indro atolotro ho Anao ny foko androany, mangetaheta fatratra fanasitranana sy fanafahana avy Aminao
Mavesatra ny foko Jesosy, mavesatry ny ratra, ny fandisom.panantenana, feno alahelo sy fahatezerana.Itanao ny ao anatiko te hitroatra, te hamaly mafy, indraindray te hamoy fo hi-abandonner tanteraka.

Jesosy o mety tsy tena nipetraka taminao ny fanantenako sy ny fahasambarako fa napetrako tamin'olona dia naratra aho.Niandrandra olona aho fa tsy tena niandrandra Anao.
Ifonako Aminao Jesosy Kristy izany rehetra izany; ny nanaovako ny fijerin'ny olona sy izay lazain'olona ho mavesan-danja noho izay teninao sy izay fihevitrao momba ahy.

Ifonako Aminao Jesosy ny fampitahako ny fiainako amin'ny fiainan'olona ka nahatonga ahy diso fihevitra sy fahatsapana tamin'ny zavatra maro.Indraindray nalaim.panahy aho nitsiriritra, nialona, niavonavona ary indrindra nanadino fa tena efa niasa tamin'ny fiainako Ianao nanao karazana asa mahagaga indrindra ny famonjenao ny fanahiko izay ambony noho ny fitahiana hafa rehetra.

Jesosy o, tsy te havesatra intsony aho, indro ny foko ho Anao, te hadio fo aho ary te ho sitrana sy afaka tanteraka.

Manomboka androany dia Ianao no tiako ianteheran'ny fifaliako, ny fahasambarako, ny fanantenako, ny ho avin'ny fiainako manontolo.

Fanahy Masina o, ampio isan'andro aho fa tena tsy vitan'ny heriko samirery.
Ampio aho havita hamela, havita hitia indray, ampio aho havita handroso sy hanao dingana.
Ampio aho hanantena sy hino indray.
Ampio aho tena ampio Fanahy Masina mba tena hanome tombam-bidy ny fiainam-panahiko amin'izay mihoatra noho ny zavatra hafa rehetra

Jesosy o Anao aho, iriko isan'andro tsy hitsahatra intsony ny asanao ato anatiko

Amen

Raha mahaliana anao handray fampaherezana ho an'ny vehivavy dia manasa anao hiditra anaty groupe Malalan'i Jesosy Kristy aho

Tsioarana Andrianandrasana Randrianjafy

03/04/2022

Partie 2: Ao ampon'Andriamanitra ny hahasitrana anao.
Araka ny hitantsika farany teo : ny zavatra rehetra tsy voatery ho voafehintsika daholo tsy handratra antsika. Ary rehefa ny situation na ny olona no tsy miova dia tsy maintsy ny fomba andraisantsika azy sy ny iainantsika azy no mila ovaina.

Mora anefa ny miteny oe aza avela hisy fiantraikany aminao izay zavatra ratsy rehetra ataon'ny olona aminao sy ny hoe mila mahery foana na inona na inona miseho fa tsy vita amin'ny hery maha-olona izany na hoe di-doha fotsiny.

Androany raha misy tena ilainao rahavavy dia Jesosy. Tena miazakazaha ary miantoraha amin'i Jesosy. Atolory Azy ny fonao. Lohary eo Aminy izay rehetra manavesatra anao, aza misy afenina, fa raha misy mahazo tsara ny "états d'ame"-nao sy afaka manasitrana anao dia Izy irery ihany.

Tsy manome tsiny anao Jesosy . Rehefa mivavaka ianao dia manome anao ny Fanahiny Izy, mba hanampy anao sy hanome anao ny hery afahanao mahazaka izay tsy zakanao. Mba afahanao mi-affronter sy mi-surpasser izay manavesatra anao rehetra . Ny Fanahy Masina ihany koa no manampy anao hahavita izay tsy vitanao: tahaka ny hoe mifaly, mamela heloka, tsy mamaly faty, tsy mandray sy mihazona am-po, feno fiadanana sns

Mandania fotoana araka izay vitanao eo amin'ny fanatrehan'Andriamanitra: vavaka, fiderana, fandinihana ny teniny,... Fa eo Izy no miasa ao anatinao : manala tsikelikely izay tsy avy Aminy ao anatinao fa manova anao kosa araka izay tiany.
Eo amin'ny fanatrehany Andriamanitra no mameno izay banga rehetra ao anatinao amin'ny fitiavany sady manome anao fitsaharana sy fiadanana.
Eo ihany koa Izy no mamerina tsikelikely ny identité-anao. Mampafantatra anao hoe iza marina moa ianao sy ny fikasany ho amin'ny fiainanao.
Izany fahatsapàna vaovao ao anatinao izany no mahatonga anao tsy hiraika na inona na inona miseho satria fantatrao fa tsy ny zava-misy na ny olona no mamaritra anao sy ny hoavinao fa Andriamanitra Mpiady ho anao sy Mpanome rariny anao.

- Jsk -

Manasa anao hanaraka ny groupe: Malalan'i Jesosy Kristy aho - loved by the King of kings fa misy fampaherezana maro ho an'ny vehivavy afaka hahasoa anao ao.

03/04/2022

Partie 1: Ao ampon'Andriamanitra ny hahasitrana anao.
Ny ratra, indrindra raha mijanona ela, dia tsy maintsy misy fiantraikany any amin'ilay olona maratra: any anatin'ny fony sy ny ainy (âme). Hany ka mety hanova azy ho lasa olon-kafa mihitsy aza izany: hatrany amin'ny toetrany sy ny fihetsiny.

Na izy lasa karazan'olona tsy manaiky, mitroatra. Satria izy mahatsiaro voa mafy, dia mba tonga koa izy hamely sy handratra ny hafa.
Aminy dia marina ilay fiteny oe "l'attaque c'est la meilleure defense". Hany ka tonga izy dia masiaka, kizintina, agressive, mora misafoaka sy misendoatra, sns

Misy indray lasa karazan'olona mitanondri-dava. Tsy manana fahatokisan-tena intsony. Tsy mahalala sy tsy mahatoky intsony ny tomba-bidiny ary mety tsy fantany intsony mihitsy aza hoe iza marina moa izy. Lasa olona mihafihafy, tsy sahy maneho hevitra.
Mety ihany koa lasa karazan'olona malahelo lava ary tsy manana joie de vivre intsony.

Rahavavy, mety maratra ianao androany, mahatsiaro marary satria mafy tokoa angamba ny nianjady taminao. Kanefa aza manaiky hiova ka ho lasa vehivavy mangidy, masiaka, mpamaly faty, mpandratra ny hafa amin'ny fiteny na fihetsika.
Aza avela hitoetra ao anatinao ny loto ka ny hatezerana, ny vesatra, ny otri-po, ny alahelo, ny complexe... no hanapaka ao.

Tsy izay no ao am-pon'Andriamanitra mahakasika anao. Tsy izao no namoronan'Andriamanitra anao. Vehivavy tsara ianao ary mpitondra fahatsarana. Vehivavy tsara ianao, ary mamoa voa tsara. Vehivavy mahafinaritra, mahate-ho-tia sady be fitiavana.
Vehivavy mahery ianao, mahazaka ny dona rehetra, tsy mora kivy fa mitraka hatrany. Ny mazava no manapaka ao anatinao fa tsy ny haizina. Be tomba-bidy ianao, tahaka ny vatosoa sarobidy indrindra ary tsy misy na iza na iza, na inona na inona afaka mampihena izany.

Ny zavatra rehetra tsy voatery ho voafehinao avokoa, misy situation sarotra tsy hainao ovàna. Ny olona tsy azonao ferena tsy handratra anao.
Fa safidinao kosa ny tsy hanaiky na hamela ireny rehetra ireny hiditra ao anatinao ka lasa hisy fiantraikany (hi-affecter) hatrany anatinao lalina any.

- Jsk -

(Partie 2- Publication ao aoriana ny tohiny)

01/04/2022

Rahavavy,

Androany aho te hampahery manokana anareo toka-tena tsy manam.bady, mety hoe mbola celibataire, mety hoe divorcée na maty vady na koa mety hoe mère celibataire.

Haiko hoe voailik'olona ianareo indraindray satria misy fihevitra diso amin'ny olona mieritreritra fa rehefa manambady ny vehivavy izay ihany vao misy tombam-bidy.

Haiko hoe voatsara ianareo ary indraindray ary ny olona vao maika tsy mitsitsy mametram.panontaniana mandratra sy mampahamenatra anareo

Haiko hoe raha misy vehivavy maro manambady eo dia aleonareo misitrisitrika satria misy resaka tsy tinareo rehy fa manindrona ny anatinareo, satria misy complexe ihany ao anatinareo ary satria koa misy resaka tsy afaka andraisanareo anjara fa resaky ny vehivavy manambady ihany hono

Haiko hoe miady amin'ny solitude ianareo, hainareo ihany hoe eo Jesosy Kristy miaraka aminareo, manampy anareo, mamonjy anareo...fa mila présence an'olombelona ianareo iresahana, ifampizarana.Mila ilay olona azo tsapain-tanana ianareo izarana fitiavana, ho karakaraina, ho tohanana.Misy andro ianareo tafavoaka ihany tena mahery, tena faly, be fanantenana fa misy fotoana ianareo miady mafy mba tsy hilentika anatin'ny alahelo sy depression

Haiko hoe indraindray te hiafona ambadiky ny asa ianareo, anatin'ny fianarana, antin'ny fanompoana aza indraindray, anatin'ny activités maro samihafa mba anafenana ny alahelonareo.

Haiko hoe indraindray mahery vaika loatra ny fakam.panahy te handavo anareo, hainareo hoe tsy sitrapon'Andriamanitra ka tena miady mafy ianareo mba tsy ho lavo.Ary raha efa lavo ianareo dia miady mafy mba ho tafarina ary mba tsy ho latsaka intsony

Eny haiko satria mba nisy efa niainako ihany, kanefa voafetra ihany aho amin'ny maha olona ahy satria tsy voatery tena ho tsapako ny vesatrareo, kanefa raha izaho olombelona aza tery ny hanamaivana izay mety alahelonareo
Maika fa i Jesosy Kristy?

Aza mieritreritra fa insensible amin'ny zavatra tsapanao rehetra i Jesosy Kristy.
Izay rehetra mombanao dia mahaliana Azy avokoa ary io fonao banga, maratra io dia tena ao am.pony manokana ny hanasitrana azy.Manatona Azy dia omeo Azy io fonao mavesatra sy mahatsiaro fahabangana io fa manana fitiavana mahery, lehibe, lalina tsy hay hazavaina Izy hanasitranana anao
Tsy mandatsa Izy ary tsy manao tsinotsinona anao

Amen

Manasa anao aho hiditra ao amin'ny groupe Malalan'i Jesosy Kristy aho, fampaherezana, fampianarana, fizarana manokana ho antsika vehivavy.
Tongasoa sahady tompoko

Tsioarana Randrianjafywww

Malalan'i Jesosy Kristy aho

12/11/2025

02/03/2025

03/08/2022

09/06/2022

30/05/2022

04/05/2022

17/04/2022

15/04/2022

06/04/2022

03/04/2022

03/04/2022

01/04/2022

Address

Website

Alerts

Shortcuts

Share