Болница Плодност - Hospital Plodnost

Home
Macedonia
Bitola
Болница Плодност - Hospital Plodnost

ПЗУ - Болница Плодност Битола
www.plodnost.com.mk

Болница ПЛОДНОСТ е специјалистичка гинеколошко-акушерска приватна болница, основана од Прим. Д-р Таше Трпчевски.

Основната цел на нашата болница е да обезбеди најдобра можна заштита за здравјето на нашите пациенти по најновите светските стандарди.

Одделенија во склоп на болницата:
-IVF одделение за хумана репродукција
-Акушерство и Гинекологија
-Неонатологија
-Педијатрија
-Општа медицина
-Рентгенологија
-Интензивна нега

Болница ПЛОДНОСТ - место каде вашите желби стануваат реалност!

27/03/2026

БЛИЗНАЧКА БРЕМЕНОСТ КАЈ ПАЦИЕНТКА ОД АЛЕКСИНАЦ

Пациетката е пресреќна, затоа што денес имаме близначка бременост 👶🏻👶🏻

Пациентка од Алексинац, Србија, со низок антимилеров хормон (AMH 0.7) и претходна вонматерична бременост, при што едниот јајовод е отстранет, а тоа е јасна индикација за ин витро оплодување.

Денес на ултразвук се гледаат два ембриони. За една недела очекуваме да ја потврдиме срцевата акција.

„Имаме многу познаници што биле кај вас и денес имаат деца,“ вели пациентката.
И самата е дел од таа приказна.

Од Алексинац до денес, зад нас стојат бројни реализирани бремености и семејства што ја започнале својата приказна токму тука.

Довербата беше дадена. Резултатот е тука.

Честитки за близначката бременост.

26/03/2026

HSG ВО ПЛОДНОСТ – ПОТПОЛНО БЕЗБОЛНО СО АНЕСТЕЗИЈА

Понекогаш, за да продолжиме понатаму, прво треба да видиме каде е проблемот.

HSG (хистеросалпингографија) ни дава јасна слика за проодноста на јајоводите и состојбата на матката.

Често токму овој преглед ни помага да одлучиме што е следно, дали да продолжиме со природни обиди или да преминеме на друг третман.

Го објаснуваме секој чекор, работиме внимателно и одиме понатаму заедно.

25/03/2026

РЕШЕН ТЕЖОК МАШКИ ФАКТОР СО УСПЕШНО ИН ВИТРО

Дека машкиот фактор не е нерешлив проблем, го потврдува и овој случај.

Пациентка на 28 години, со индикација, тежок машки фактор, со многу мал број сперматозоиди во видно поле.

Ова беше прво ин витро за пациентката и денес имаме бременост со уредна срцева акција.

„Пресреќна сум,“ вели пациентката.

Одлуката да дојде кај нас ја донела по препорака од матичен гинеколог и по долго следење на нашите реални приказни.

Кај вакви случаи, резултатот е секогаш тимски – лекар, ембриолози и сестрински персонал, со јасна цел.

Честитки за бременоста.

24/03/2026

СОВРЕМЕНА ОНКОГИНЕКОЛОШКА ХИРУРГИЈА ВО ПЛОДНОСТ

Кај 47-годишна пациентка во ран стадиум со инвазивен карцином на грло на матка беше изведена радикална лапароскопска операција – интервенција која традиционално се изведува со отворен хируршки пристап.

Интервенцијата опфати радикална хистеректомија (Wertheim-Meigs)без користење на утерин манипулатор (поставена само капа), систематска лимфаденектомија, дисекција на параметриумите и ресекција на горната третина од вагината, со целосно почитување на онколошките принципи.

Пациентката ја напушти болницата вториот постоперативен ден.

Минимално инвазивниот пристап овозможува побрзо закрепнување, пократка хоспитализација и помала постоперативна болка, без компромис во онколошкиот третман.

Ова е пример како современата хирургија, со искуство и прецизност, може да ги помести границите на класичниот пристап.

*Видеото е со информативен и едукативен карактер. Секој третман се планира индивидуално, согласно клиничката состојба на пациентот.

23/03/2026

РЕДОВНИ КОНТРОЛИ ЗА ЗДРАВ РАСТ И РАЗВОЈ НА ВАШЕТО ДЕТЕ

Редовните педијатриски прегледи овозможуваат навремено следење на растот, развојот и здравјето на вашето дете.

Во Плодност, педијатрискиот оддел е организиран во два пододдели – за здраво и за болно дете, со цел секое дете да добие соодветна и навремена грижа.

Ул. АСНОМ бр. 9, Битола
🚪 Влез 2 – Прием за педијатрија
🕒 Понеделник до Петок | 08:00 – 14:00
📞 +389 47 208 886

21/03/2026

ПО НЕУСПЕШНИ ОБИДИ И ОПЕРАЦИИ
УСПЕШНО ИН ВИТРО ВО ПЛОДНОСТ

Пациентка на 34 години, во брак 2 години, со зад себе три неуспешни инсеминации и претходна миомектомија изведена на друго место.

При првиот преглед кај нас беа утврдени дополнителни миоми. Дел од нив се наоѓаа во мускулниот слој на матката и не претставуваа пречка за бременост, но еден субмукозен миом во шуплината на матката беше отстранет хистероскопски.

Потоа пристапивме кон ин витро оплодување преку Фондот за здравствено осигурување.

Денес имаме уредна бременост.

Проценката беше дека преостанатите миоми не се индикација за повторна операција, што овозможи директно да продолжиме со третманот и резултатот е постигнат.

„Задоволна сум,“ вели пациентката, која одлучила да дојде кај нас по препорака, и покрај тоа што има центри поблиску до нејзиниот град.

Честитки за бременоста.
Болница Плодност.

20/03/2026

Честит Рамазан Бајрам🌙
Нека празникот донесе мир, здравје и спокој во секој дом.

19/03/2026

ЗАЧУВУВАЊЕ НА ФЕРТИЛИТЕТОТ КАЈ МЛАДА ПАЦИЕНТКА

Кај млада пациентка која сè уште нема родено, беше изведена хируршка интервенција со јасна цел, зачувување на матката и можноста за идна бременост.

При операцијата беа отстранети 25 миоми, вклучувајќи и многу мали промени со големина од околу 2 мм, кои имаат потенцијал за понатамошен раст.

Интервенцијата беше внимателно изведена со пристап што овозможува зачувување на репродуктивната функција.

Во Болница Плодност, кај вакви случаи секогаш се водиме од принципот fertility-sparing третман кој ја зачувува можноста за идна бременост.

18/03/2026

СЛОЖЕН ПАТ ДО ИВф БРЕМЕНОСТ

Пациентка на 33 години, во брак 3 години, со претходна дијагноза атипична хиперплазија на ендометриум.

Во период од година и пол беше спроведен третман со повеќе киретажи и хистероскопии. По последната хистероскопија добивме контролен наод без присуство на атипична хиперплазија и можевме да продолжиме со ин витро третман.

Во циклусот беа добиени ембриони со одличен развој и синхронизиран раст. Направен беше трансфер на два ембриони во стадиум на осум клетки.

Постигната е бременост.

Пациентката денес е во 8 гестациска недела со уредна срцева акција.
Од истиот циклус добиени се и две бластоцисти со одличен квалитет, кои се витрифицирани и се чуваат за идна можност за бременост.

Текот на бременоста не беше едноставен. Пациентката разви тежок хиперстимулациски синдром, со абдоминална пункција и евакуација на околу 3.5 литри течност.

Во 6 гестациска недела се појавија силни абдоминални болки. При преглед беше утврдена торзија на јајник. Итно беше изведена лапароскопска интервенција, но поради иреверзибилни промени јајникот мораше да биде отстранет.
Постоперативниот тек беше уреден и пациентката брзо се опорави.

Денес, две недели подоцна, бременоста напредува нормално.

„Многу сум задоволна,“ вели пациентката.

Честитки до пациентката и нејзиното семејство.
Болница Плодност 💫

17/03/2026

ФИЗИКАЛЕН И НЕВРОЛОШКИ ПРЕГЛЕД НА НОВОРОДЕНЧЕ

Физикалниот и невролошкиот преглед на бебето се прави веднаш по раѓањето.

Во Плодност, секое новороденче внимателно се прегледува од глава до пети, за да се види како се прилагодува на животот надвор од матката и дали сите системи функционираат нормално.

Посебен дел од прегледот е невролошката проценка, при која се проверуваат:

• мускулниот тонус
• симетријата на движењата
• примитивните рефлекси (Moro, sucking, grasp, rooting)

Овие рефлекси се природен знак дека нервниот систем на новороденчето функционира правилно.

fans

15/03/2026

СРЕЌЕН 70-ТИ РОДЕНДЕН НА НАШАТА ПАЦИЕНТКА

Денес наша пациентка го слави својот 70-ти роденден во Болница Плодност.

Зад себе има 35 години работен стаж како медицинска сестра – живот посветен на грижата за здравјето на другите.

Кај пациентката беше успешно изведена сложена лапароскопска интервенција, а денес ја испраќаме дома во добра општа состојба.

Роденденот ќе продолжи да го слави со своето семејство.

Честит роденден и многу здравје🥳💐
Болница Плодност.

Address

Bitola

Telephone

+38947208880

Website

http://www.plodnost.com.mk/, https://youtube.com/@plodnost?si=OJzUSnTPFpeuhqdT

Alerts

Be the first to know and let us send you an email when Болница Плодност - Hospital Plodnost posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Болница Плодност - Hospital Plodnost:

Shortcuts

Want your practice to be the top-listed Clinic in Bitola?