18/08/2025
Me emrin e Allahut, Mëshiruesit, Mëshirëbërësit.
Falënderimi i takon Allahut, Zotit të botëve, dhe paqja e bekimi qofshin mbi Profetin tonë Muhamed, mbi familjen e tij, shokët e tij, dhe mbi të gjithë ata që e ndjekin rrugën e tij deri në Ditën e Gjykimit.
Zoti im, ma zgjero gjoksin tim, ma lehtëso çështjen time, dhe zgjidh nyjën nga gjuha ime, që ata ta kuptojnë fjalën time.
Hyrje shkencore në Tibb an-Nebevi dhe trajtimi i Epilepsisë (الصرع)
Çfarë është Tibb an-Nebevi dhe Epilepsia (الصرع)
Tibb an-Nebevi (Mjekësia Profetike) është një disiplinë e rrënjosur në mësimet, udhëzimet dhe praktikat shëndetësore të Profetit Muhammed alejhi selam që kombinon udhëzime shpirtërore, morale dhe fizike për të ruajtur dhe rikthyer shëndetin. Kjo mjekësi bazohet në hadithe autentike, praktikën e sahabëve dhe përvojën e brezave të hershëm muslimanë, ndërthurur me metoda natyrore dhe të sigurta.
Epilepsia në kontekstin e Tibb an-Nebevi.
Epilepsia në gjuhen arabe (الصرع) është një gjendje neurologjike kronike që karakterizohet nga kriza të përsëritura për shkak të aktivitetit jonormal të qelizave nervore në tru. Kuptimi i termit “Epilepsi” në burimet klasike islame.
Kuptimi i termit “Epilepsi” në burimet klasike islame
Në gjuhën arabe, fjala që përdoret për epilepsinë është: الصرع që vjen nga folja صرع që do të thotë "me e hedhë ose me e rrëzuar dikë në tokë me forcë".
Në fjalorin Lisan al-Arab, përshkruhet si:
> "نوع من المرض يُصيب الإنسان فيُغشى عليه ويقع على الأرض ويُصاب بالتشنّجات."
(Një lloj sëmundjeje që godet njeriun, i bie të fikët, rrëzohet dhe pëson konvulsione.)
Në Tibb an-Nebevi, epilepsia trajtohet si një sëmundje që ka shkak trupor dhe shpirtëror, një qasje që përkon edhe me modelin holistik të mjekësisë integruese.
Hadithet për Epilepsinë
Një nga hadithet më të njohura mbi epilepsinë:
Ibn Abbasi (radijAllahu anhu) ka thënë: "A do që të të tregoj një grua nga banorët e Xhenetit?" I thashë: "Po." Ai tha: "Kjo grua zezake erdhi tek Profeti (paqja qoftë mbi të) dhe i tha: 'Unë kam epilepsi dhe gjatë krizave zbulohem, pra lutu për mua.' Ai i tha: 'Nëse duron, ke Xhenetin; e nëse dëshiron, do të lutem që Allahu të të shërojë.' Ajo tha: 'Do të duroj, por lutu që të mos zbulohem.' Dhe ai u lut për të."
(Buhariu dhe Muslimi)
Ky hadith tregon jo vetëm për sëmundjen, por edhe për dimensionin shpirtëror dhe moral në përballimin e saj.
Qasja e Tibb an-Nebevi ndaj Epilepsisë
-Trajtimi shpirtëror lidhja me Allahun përmes duasë, dhikrit dhe durimit.
-Rukja Sher’ije leximi i ajeteve dhe sureve të Kuranit për mbrojtje dhe shërim. Besimi që shërimi vjen vetëm nga Allahu.
Trajtimi natyror:
Përdorimi i vajit të zezë (habbet el-barake), i cili përmendet në hadith si “fara së zezë është shërim për çdo sëmundje përveç vdekjes”. Hadith Sahih
Mjaltë natyral me bimet të zgjedhura për përmirësim të qarkullimit cerebral dhe energjisë trupore.
Hixhama (kupat e gjakut), sidomos në pika të caktuara neurologjike.
Hyrje në Shkenca islame për Epilepsinë.
Dijetarët islamë e kanë ndarë këtë gjendje në dy lloje kryesore:
الصرع الطبيعي Epilepsia natyrale (neurologjike)
الصرع الروحي أو الجني
Epilepsia shpirtërore, nga xhindët ose magjia (Sihr).
Ibn Qajjim El Xheuzi Allahu e mëshiroftë ne librin (Zad al-Ma‘ad). Ai ndan qartë llojet e epilepsisë dhe përmend raste të trajtuara me Rukje dhe Hixhamë.
Shpjegon se ndikimi shpirtëror mund të bllokojë rrjedhjen e gjakut dhe shkakton simptoma neurologjike.
Mendimi i Ibn Tejmije Allahu e mëshiroftë ka thënë për epilepsinë është pasojë e magjisë (sihrit) "Majmu‘ al-Fetawa" pastaj ka thënë: "Shumë njerëz janë kapur nga xhindët dhe xhindët flasin përmes tyre, i lëvizin dhe i rrëzojnë. Kjo është një çështje e vërtetuar nga përvoja dhe sheriati."
Përgatiti : Ajshe Boshkovska ✍️
