31/10/2019
Најздравото млеко на светот – еве зошто треба да се пие МАГАРЕШКО млеко
Богато е со протеини и омега 3 масни киселини, па го „чува“ здравјето на артериите, го спречува таложењето на масните наслаги на струкот и е одличен извор на енергија за децата.
Магарешкото млеко било тајна за совршениот тен на славната Клеопатра, но и денес се наоѓа на врвот ос листата на најскапите намирници во светот кои се користат за здравје и убавина.
Поради присуството на бројни витамини и минерали, особено на омега 3 масни киселини и калциум, магарешкото млеко е одлично за здравјето на срцето, ја одржува енергијата и спречува таложење на масни наслаги особено на стомакот.
Поради богатството од протеини, млекото од магаре е одлична алтернатива за кравјото млеко. Поради ниската количина на масти, го намалува нивото на маснотии во крвта кои можат да ги оштетат артериите и срцето.
Освен тоа, млекото од магаре се советува на сите кои се алергични на кравјо млеко, а особено е добро за децата поради високите енергетски вредности.
Изгледот на млекото
Млекото од магаре е со изразита бела боја, ретка конзистенција и сладок вкус. Малиот волумен на вимето на магарето бара често молзење. Во споредба со кравјото млеко, млекото од магаре содржи поголема вредност за лактозата, помалку за протеини и млечни масти и има малку бета-лактоглобулин.
Магарешкото млеко – тајна за долговечност?
Така тврди едно семејство од Еквадор кое наводно, досега ја криело тајната. Како доказ се посочува жената Естер де Каповила која починала 116 години, а која цел живот пиела вакво млеко.
Магарешкото млеко во споредба со кравјото содржи многу помало количество масти. Односно 100 грама свежо млеко од магаре има само 0.6 грама масти во споредба со 3,7 грама на иста количина кравјо млеко.
Што се однесува до протеините, магарешкото млеко има помалку казеин, а 1,72 грама протеини има во 100 грама.
Елизабета Салимеи од „Universitа degli Studi del Molise“, Италија, вели дека магарешкот млеко е најблиско со човечкото. Многу се ретки случаите за алергија на новороденчиња од ова млеко. Млекото е богато со калциум, витамин А, Д, Е и Ц (има 60 пати повеќе од кравјото млеко).
