Здружение До бебе по патот на ИВФ

11/05/2026

💜 НЕДЕЛА НА ЖЕНСКОТО ЗДРАВЈЕ 💜

Многу жени не ги знаат услугите што им следуваат бесплатно и правата што ги имаат во здравствениот систем.

Информирана жена = посилна жена. ✨

Во текот на оваа недела ќе зборуваме отворено за:
✔ превентивни прегледи
✔ правата кај матичен гинеколог
✔ достапност на здравствени услуги
✔ репродуктивно здравје
✔ достоинствена и навремена здравствена грижа

Женското здравје не е привилегија — тоа е право.
Секоја жена заслужува информации, поддршка и грижа без страв, осуда и бариери.

Следете нè во текот на неделата за корисни информации и потсетници за вашите права. 💜

#НеделаНаЖенскотоЗдравје #ЖенскоЗдравје #ПраваНаПациенти #РепродуктивноЗдравје #Превенција #ДоБебеПоПатотНаИВФ

01/05/2026

Во пресрет на 1 Мај – Меѓународниот ден на трудот, случај кој вклучува наводи за психичко малтретирање во Шпаркасе банка повторно ја отвора темата за заштитата на работничките права и одговорноста на работодавачите. Според достапните информации, вработена пријавила дека била изложена на мобинг од претпоставен директор во период кога минувала низ процес на инвитро.

Прочитајте го целосниот текст 👇👇👇

Во пресрет на 1 Мај – Меѓународниот ден на трудот, случај кој вклучува наводи за психичко малтретирање во Шпаркасе банка повторно ја отвора темата за заштитата на р...

01/05/2026

За многу луѓе, патот до родителството се одвива паралелно со кариера, рокови, интервјуа, унапредувања, сменска работа и финансиски притисоци. Сепак, предизвиците поврзани со плодноста и репродуктивното здравје сè уште премногу често се изоставени од разговорите на работното место.

Повеќе не можеме да си дозволиме да ја игнорираме врската помеѓу плодноста и работата. Затоа 2026 година ја посветуваме на темата „Fertility@Work“, како наша годишна тема.

Поддршката на плодноста на работното место значи создавање средини во кои луѓето не мора да избираат помеѓу своето здравје, идното семејство и професионалниот развој. Тоа значи нормализирање на разговорите, градење политики со разбирање и емпатија, и препознавање на реалностите со кои многу вработени тивко се соочуваат секојдневно.

Овој Ден на трудот, ви посакуваме работни места кои ја поддржуваат целата личност – вклучително и нејзиното патување кон родителството.

#ИнклузивниРаботниМеста #РепродуктивноЗдравје #ДвеРаботиЕднаБорба

30/04/2026

Денеска се одржа стручно-едукативното предавање на тема "Третман на напредни стадиуми на ендометриоза" кое беше поддржано од Македонско лекарско друштво.
Говорници на ова предавање беа Проф. Д-р Игор Алуловски- гинеколошки онколошки хирург, Проф. Д-р Виолета од Одделот за малигни генитални тумори кај жените и Прим. д-р Саша Јовчевски-Специјалист по гинекологија. Тие го истакнаа пристапот на дијагностицирање и третирање на ендометриозата, како и кои се новините во третманот на оваријален канцер.

27/04/2026

Денес присуствувавме во Собранието на Република Северна Македонија на продолжението на Надзорната расправа на тема:

„Спроведување на законите, политиките и институционалните мерки за превенција и заштита од семејно насилство, од аспект на еднаквите можности, институционалната координација, предизвиците и можностите за унапредување на ефикасноста на постапувањето на органите на извршната власт.“

Како здружение што секојдневно работи со жени, парови и семејства кои се соочуваат со репродуктивни предизвици, сметаме дека е исклучително важно да бидеме дел од процесите каде се отвораат суштински прашања за заштита, достоинство, еднакви можности и институционална поддршка.

Ќе продолжиме гласно да зборуваме за теми што честопати остануваат невидливи – психолошкиот притисок, стигмата, дискриминацијата и насилството со кое се соочуваат жените и семејствата во чувствителни животни периоди.

Заедно за општество со повеќе разбирање, поддршка и еднакви можности за сите. 💜

#ДоБебеПоПатотНаИВФ #ЕднаквиМожности #СтопЗаНасилство #Поддршка #ЖенскиПрава #Собрание #РепродуктивноЗдравје

26/04/2026

Не мораш да знаеш што да кажеш.
Понекогаш доволно е само да кажеш:
Тука сум за тебе.

25/04/2026

☕💛 Реализиравме прекрасна кафе средба во Велес! 💛☕

Во одлична, топла и поддржувачка атмосфера помина нашата прва кафе средба во Велес, исполнета со искрени разговори, корисни информации и многу одговорени прашања.

Заедно со присутните отворивме важни теми поврзани со репродуктивното здравје, ин витро постапките, следните чекори и дилемите со кои се соочуваат многу парови на патот до родителството.

Посебно емотивен момент беше присуството на семејство кое по седмото ин витро ја остварило својата најголема желба – бебе, токму со поддршка од Д-р Татјана Гуржанова. Тие дојдоа да ја споделат својата успешна приказна, да им дадат надеж и мотивација на останатите, но и да ѝ се заблагодарат на докторката. 💛👶✨

Таквите моменти нè потсетуваат зошто постоиме – да бидеме глас на поддршката, надежта и заедништвото.

Голема благодарност до специјалистите од Newborn Clinic - Center for fertility I Њуборн Клиник - Центар за плодност,др.Татјана Гуржанова и др.Марија Илијовска, до сите присутни и до Велес за прекрасниот пречек.

💛 Продолжуваме понатаму – поблиску до вас, со знаење, разбирање и надеж.

#ДоБебеПоПатотНаИВФ #КафеСредба #Велес #Поддршка #ИВФ #РепродуктивноЗдравје #НеСиСам #Надеж #УспешнаПриказна

25/04/2026

🇳🇴Годишниот состанок на Fertility Europe оваа година се одржа во Осло, Норвешка, на кој не претставуваше нашата претседателка Деспина Петровска.

На состанокот беше претставена годишната тема на Европската недела на плодноста „Репродуктивно здравје на работното место“ (Fertility at Work). Членовите од Србија, Полска, Англија, Исланд и Бугарија ги презентираа своите пристапи кон оваа тема, кои веќе се успешно имплементирани во нивните земји.

📢Овој состанок претставува одлична можност за вмрежување со организации од повеќе европски земји, како и за размена на искуства, добри практики и идеи кои можат да придонесат за унапредување на поддршката за репродуктивното здравје.

24/04/2026

1 од 6 лица се соочуваат со неплодност.

А сепак неплодноста е сеуште табу.

Ако и вие поминувате низ оваа борба не сте сами. Здружението До бебе по патот на ИВФ е со вас, за поддршка , за надеж.

24/04/2026

По повод одржувањето на годишниот состанок на Fertility Europe во Осло, нашето здружение присуствуваше на настан организиран од страна на норвешкото здружение Ønskebarn, посветен на истражувањето на професорката Susan Golombok од University of Cambridge.

Професорката Голомбок го презентираше своето истражување фокусирано на менталното здравје на децата зачнати со донација, при што излагањето го започна со интересен факт, посочувајќи дека првото дете родено со инсеминација од донор е евидентирано уште во 1884 година.

На настанот се обрати и Анита Финчам од Fertility Europe, која ги презентираше податоците за Норвешка од Европскиот Атлас на политики за третмани на плодност, каде земјата е позиционирана во жолтата зона со 63,3%.

Последниот говорник беше претставничка од норвешкото здружение Ана, која сподели лично искуство и приказна за нејзините деца зачнати со донација, дополнително нагласувајќи ја важноста на поддршката и отворената комуникација во процесот

24/04/2026

🧡