28/03/2026
Mbledhja e Bordit të AMFE Maqedoni: Me vizion dhe hapa konkretë drejt aktiviteteve të ardhshme!
Dega e Federatës së Mjekëve Shqiptarë - AMFE Maqedoni zhvilloi me sukses mbledhjen e Bordit, nën drejtimin e Sekretarit të Përgjithshëm të AMFE Dr. Gjergji Pashaj, në bashkëpunim me Kryetaren e Federatës, Dr. Aurora Dollenberg.
Në takim morën pjesë:
Dr. Gjergji Pashaj – Sekretar i Përgjithshëm
Dr. Aurora Dollenberg – Kryetare e Federatës
Dr. Resul Suma – Anëtar i Kryesisë qendrore
Përfaqësues të Bordit të Studentëve të AMFE Maqedoni: Erda Shkreta, Anjesa Haxhiu, Lorina Azemi, Xhensila Buzdra, Fatjona Jashari dhe Erblin Maliqi.
Gjatë mbledhjes u diskutuan tre pika kyçe:
1. Prezantimi i përmbledhur i Statutit të Federatës, si bazë ligjore dhe funksionale e degës.
2. Kordinimi për aktivitetet të cilat do të mbahen fizikisht në ambientet e Spitalit të Tetovës.
3. Përcaktimi i agjendës së seminarit të radhës që do të realizohet nga dega në Tetovë.
Falënderim i posaçëm ju shkon të gjithë anëtarëve aktivë, mentorëve klinikë, partnerëve akademikë dhe mbështetësve institucionalë të AMFE Maqedoni, të cilët kontribuojnë me përkushtim në zhvillimin profesional dhe shkencor të brezit të ri të mjekëve.
AMFE Maqedoni: “We make Medicine - stronger, together.”
www.amfe-federation.eu
