Центарот за интегрална јога ДАРМА организира едукативни курсеви за јога (почетни и редовни), и специјализирани курсеви за јога за бремени жени, јога за деца, за трето доба, за студенти, јогиска релаксација и работни организации. Овозможува работење во претпладневни групи и индивидуални часови. Програмата на Центарот вклучува и организирање на работилници, семинари, како и соработки со други граѓан
ски здруженија.
Наставата се одвива во тивка и пријатна атмосфера, во простории прилагодени посебно за предавање јога. Се внимава на индивидуалните потреби на практикантите, но и на практично-теоретсктата рамка која би требало да ја добијат. Часовите ги води Љупка Милева, наставник по јога и психолог.
Во Центарот за интегрална јога ДАРМА се предава интегрална јога која претставува синтеза од повеќе видови јога со цел да ги поттикне и развие потенцијалите на човекот. Адаптирана е и конципирана така за да одговори на потребите на современиот човек, а сепак да го зачува и автентично да го пренесе духот на оваа древна дисциплина, постара од 5000 години. Овозможено е прилагодување на јогата и конципирање на програми соодветни на различни групи на луѓе и на секој поединац.
