Fitlife Premium Center

29/04/2026

Дали знаете дека од овој месец онлајн на нашата платформа можете да вежбате и јога 🧘‍♀️

Хата и Јин Јога – програма за целокупна благосостојба на телото и умот, со сертифициран инструктор Марина Пешиќ
Покрај променливиот неделен план на Јога тренинзи, со претплатата добивате и пристап до цела база на:

• 300+ рецепти и 7-дневни менија за здрава исхрана за секој месец од годината, поделени по категории, заедно со шопинг листи за полесна подготовка

• Едукации на различни теми за влијанието на физичката активност и правилната нутритивна исхрана врз целокупното женско здравје, метаболизмот и хормоните

• Посебни менија и едукации создадени за специфични здравствени состојби.. и многу повеќе!

Сите информации за новата Јога програма пронајдете ги на www.draganafitlife.mk 🌸

17/04/2026

Ова е извадок од тренинг за функционална сила и подвижност на ‘рбетот од онлајн платформата.
Последната вежба не е дел од тренингот, си ја правам за своја душа :)

Пробајте ги овие вежби ако долго време седите и чувствувате згрченост и напнатост во грбот и телото.

Вежбите се насочени кон подобрување на подвижноста на ʼрбетот и развој на функционална сила преку контролирани движења.

Ќе почувстувате како ʼрбетот се активира сегмент по сегмент, што овозможува подобра мобилност, но и стабилност во исто време. Истовремено се активира абдоминалната мускулатура и длабоките стабилизатори, кои имаат клучна улога во поддршката на ʼрбетот и одржувањето на правилно држење на телото.

Пилатес движењата често изгледаат мали и едноставни, но вистинскиот пилатес бара длабоко разбирање на телото и движењето.
За да се добие вистинскиот бенефит, не е доволно само да се изведе вежбата.

Потребно е да се разбере биомеханиката зад неа,
како и да се дадат точни насоки што ќе го водат телото во правилна активација.

Токму затоа пилатесот не е само демонстрација,
туку прецизно водење на движењето, каде што секој детал има значење ❤️

📍draganafitlife.mk

15/04/2026

Не сум од тие што веруваат во краткорочни предизвици.
Верувам во процес, во континуитет и во навики што траат.

Но исто така знам дека понекогаш не ни фали желба.
Ни фали насока.
Нешто што ќе нè помести од место и ќе ни го покаже патот.

Токму тоа беше идејата зад Spring Reset 🌸

Да не биде уште еден почеток што ќе заврши, туку процес во кој ќе влезеш, ќе фатиш ритам и ќе продолжиш.

Spring Reset не е само програма што ќе ја поминеш.
Туку систем што те води, чекор по чекор.

8 недели. Тренинзи. Менија. Едукации.
И група жени кои почнуваат заедно со тебе на 20 април. ✨

Имаш избор помеѓу две нивоа:

💪🏼 Start - ако си почетник и сакаш да влезеш во ритам, да се вратиш на движењето и да изградиш навика што ќе ја задржиш.

💪🏼 Sculpt - ако веќе вежбаш и сакаш повеќе.
Повеќе сила, поизразен тонус и видлива промена во телото. Тренинзи што комбинираат пилатес за сила, работа со тегови, кардио и мобилност, со фокус на форма, контрола и дефиниција.

Во Spring Reset добиваш:

✔️ 8 недели структуриран план за вежбање
(тренинзите се 20–30 минути, со мал дел подолги до 40тина минути — само во напредната програма)
✔️ две 7-дневни пролетни менија 🥗
✔️ база со 300+ рецепти и шопинг листи
✔️ habit tracker за континуитет
✔️ пристап до целата FitLife платформа
✔️ приватна Viber заедница 💬

Сè е направено за овој пат да не зависиш од мотивација,
туку да имаш јасен систем што те води.

Доколку се приклучиш до 19 април,
првиот месец го добиваш по специјална цена од 799 денари. ✨

Ако веќе размислуваш, ова е моментот да почнеш.

Твоето здравје и благосостојба се темел на сè друго.
Направи го ова за себе, и за тие што ги сакаш. 🤍

Пријави се веднаш и подготви се за стартот на 20.04
📍draganafitlife.mk

Те чекам 🫶

10/04/2026

И најдобрата skin care рутина нема да ги даде посакуваните резултати ако телото не функционира во рамнотежа.

Исхраната, хормоналниот баланс и состојбата во која се наоѓа телото одвнатре директно се одразуваат на кожата, косата и енергијата.

Пред да инвестираш во следниот серум, инвестирај првин во она што навистина го гради изгледот однатре.

Затоа што она што го гледаш во огледало е само одраз на тоа што се случува внатре, во твојата енергија, здравје и хормонален
баланс.

10/04/2026

Во оваа емисија зборувам многу лично. За двете бремености, за почетоците на FitLife, за предизвиците низ годините и моментите што ме обликуваа во тоа што сум денес ❤️

Слободен печат - секогаш на страна на народот.https://www.slobodenpecat.mk/Претплатете се на нашиот Youtube канал Следете нѐ на Facebook: https://www.faceb...

07/04/2026

🍰 ТОРТА СО ЈАБОЛКА И МАЛИНИ

Почнува и сезоната на јагоди, па наместо со малини пробајте да ја направите со јагоди. Сигурна сум дека ќе уживате во прекрасниот вкус.

Состојки (за 16 парчиња):
Кора:
* 200 g лешници (или бадеми)
* 100 g суви сливи (кратко потопени во млака вода)
* 1 лажица мед
Фил:
* 300 g малини (може и смрзнати и свежи, а може и јагоди)
* 40 g чиа семе
* 1 лажица мед
Чоколаден фил со јаболка:
* 500 g јаболка (омекнати на пареа, мерени пред подготовка)
* 100 g црно чоколадо
* 100 g индиски ореви (несолени, киснети во вода барем 2 часа)

Најпрво во процесор ставете ги лешниците или бадемите, додадете ги сувите сливи и медот и блендирајте додека смесата не се соедини. Ќе добиете леплива структура која лесно се обликува. Префрлете ја во сад за торти (јас користев кружно со дијаметар од 23 cm) и убаво натапкајте ја за да добиете рамномерна кора.

За филот од малина, ставете ги малините во сад на оган. Можете да користите и свежи малини или јагоди (доколку користите јагоди, исечкајте ги на помали парчиња). Додадете го чиа семето и оставете ја смесата да се загрее и згусне, додека добие текстура слична на џем. Тргнете од оган и додадете една лажица мед, па убаво промешајте.

Филот од малина нанесете го врз подготвената кора и оставете ја тортата кратко во фрижидер за да се стегне.

Во меѓувреме, подгответе го чоколадниот фил. Јаболките направете ги на пареа. Па во блендер ставете ги јаболките заедно со претходно растопената темна чоколада и индиските ореви кои претходно сте ги потопиле во вода (најмалку 2 часа, а може и преку ноќ). Блендирајте додека не добиете мазен, кремаст фил.

Чоколадниот фил истурете го врз филот од малина и вратете ја тортата во фрижидер (или замрзнувач) за убаво да се стегне.

Одозгора можете да додадете малини и кршени лешници или бадеми.

Чувајте ја тортата во фрижидер. Кога ќе се стегне, исечете ја на парчиња и по желба чувајте ги во замрзнувач. Пред сервирање, извадете го парчето на собна температура околу 10 минути.

Нутритивни вредности во едно парче:
Калории: 214 kcal
Јаглехидрати: 19.6 g од кои влакна 5.4 g
Масти: 14.1 g од кои заситени 2.60 g
Протеини: 4.5 g

Зачувајте и пробајте 🌸😊