Genea Labоratorija - Генеа Лабораторија

Home
Genea Labоratorija - Генеа Лабораторија

✔️ДИЈАГНОСТИЧКА ЛАБОРАТОРИЈА
✔️МОЛЕКУЛАРНА ЛАБОРATOРИЈА
✔️ЗАСТАПНИК НА CENTOGENE И SWISS STEM CELL

Како дијагностичка биохемиска лабораторија и партнер на Centogene Германија, со почетоци како дел од Поликлиника Ложанковски, Генеа лабораторија постои веќе 6та година работејќи во служба на обезбедување врвни здравствени услуги во областа на хематолошки, биохемиски, имунолошки и микробиолошки анализи, според врвни сертифицирани стандарди, протоколи и трендови од модерната медицина.

Нашиот главен

фокус е здравјето и благосостојбата на нашите пациенти, стремејќи се пациентите да добијат целосна и најдобра услуга на едно место, низ непосреден, професионален и персонализиран пристап.

Инвестираме во врвна опрема и искусен кадар, со цел максимална ефикасност и прецизност во анализите и систем на неколкукратна контрола, со персонализиран пристап и овозможување на максимално задоволство и безбедност.

Во рамки на партнерството со Centogene, лидер на пазарот во генетски испитувања, Генеа овозможува олеснет пристап до целосниот спектар на методи, тегнологии и анализи на човечката генетика.

Како дел од нашите услуги нудиме индивидуални и групни PCR тестирања, со опција за издавање на сертификати за патувања и други намени, водејќи се според светски стандарди и протоколи.

На располагање имаме и мобилен тим кој оперира низ територијата на Скопје и е на повик за спроведување на групни тестирања на барање на нашите клиенти.
Грижата за здравјето на нашите пациенти е на прво место. Кон поздрав свет преку иновативност и креирање на релации на доверба, сигурност и трајни вредности.

12/08/2025

🦋 Тироидната жлезда игра голема улога во метаболизмот, растот и развојот на човечкото тело, додека тироидните хормони ги регулираат виталните функции на телото!
⚠️ Почетните стадиуми на нарушување на функцијата на тироидната жлезда многу често се скриени и не манифестираат физичка болка!

📈 Симптоми поврзани со хипертироидизам:
– Анскиозност, раздразливост или нерасположеност, хиперактивност, потење, треперење на рацете, губење на коса, пропуштени или лесни менструални циклуси итн.
📉 Симптоми поврзани со хипотироидизам:
– Проблеми со спиење, замор, потешкотии со концентрација, сува кожа и коса, депресија, чувствителност на студено, чести и обилни циклуси, болки во зглобовите и мускулите итн.
👩‍⚕️ Многу често, нарушувањето на работата на тироидната жлезда е причина за неплодност, додека кај бремените жени со нарушена функција на тироидата има зголемен ризик од компликации, и кај мајката и кај плодот.

✅Во Генеа е достапен специјален пакет за проверка на функцијата на тироидната жлезда по промотивна цена од 1.100 ден, кој вклучува испитување на основниот тиреостимулирачки хормон – TSH и слободниот тироксин – FT4.
⏳ Редовната проверка и навремената терапија е од голема важност.

📞 Повеќе информации и консултации на 078 26 22 20 или на 023 220 505.

05/08/2025

🔖ПРОМОЦИИ ЗА АВГУСТ🔖

🦠 Мононуклеоза е вирусна инфекција предизвикана од Епштајн-Бар вирус (ЕБВ), која се пренесува со директен контакт со плунката на заразено лице, но може да се пренесе и преку крв.
❗Најчести симптоми: Замор, треска, болки во грлото, отечени крајници, главоболка, осип, како и отечени лимфи јазли особено во делот на вратот, како одговор на воспалението и присуството на вирусот.
✅ Испитувањето за мононуклеоза овој месец е достапно по промотивна цена од 320 ден.

🧠 Дисфункцијата на тироидната жлезда е сѐ почест проблем, дури и кај помладата популација, додека почетните стадиуми на нарушување на функцијата многу често се скриени и не манифестираат физичка болка.
❗Едни од најчестите први знаци на пореметување се: Хроничен умор, малаксаност, анксиозност, прекумерно потење, губење на косата, нерегуларни менструални циклуси, болки во зглобовите и мускулите.
📌Многу често, нарушувањето на работата на тироидната жлезда е причина за неплодност, додека кај бремените жени со нарушена функција има зголемен ризик од компликации, и кај мајката и кај плодот.
✅ До крајот на месец август достапен е специјален пакет за проверка на функцијата на тироидната жлезда, кој вклучува испитување на TSH – тиреостимулирачки хормон и FT4 – слободен тироксин, по цена од 1.100 ден.

🧬 Анти-Mullerian хормон (AMH) е еден од клучните параметри за проценка на оваријалните резерви и плодноста кај жената.
📌Мерењето на AMH се препорачува во различни состојби кај жените, како индикатор за природното намалување на оваријалната резерва или во процесите на медицинско потпомогнато оплодување – за одбирање на најсоодветна терапија за пациентот.
✅Испитувањето на AMH за месец август е достапно по промотивна цена од 3.200 ден.
📞 Повеќе информации и консултации на 078 26 22 20 и 02 3 220 505

02/08/2025

Честит и вековит нека е Илинден 🙏
Тимот на Генеа ви посакува пријатни празнични мигови!

30/07/2025

🤧 Летна алергија или настинка?
🔍 Симптомите се слични, но причинителите сосема различни.
❓ Како да се направи разлика и што да се превземе?

🔹 Алергија:
– Почнува одеднаш, по изложување на алергенот
– Нема температура
– Симптомите траат со недели, па дури и месеци
– Најчести симптоми: чешање на нос, очи и грло

🔸 Настинка:
– Почеток е постепен, а симптомите се влошуваат во текот на следните 2-3 дена
– Можно е покачена температура
– Симптомите траат до 10 дена
– Најчести симптоми: болки во грло, кашлица, замор

✅Доколку се сомневате на можна алергиска реакција, направете имунолошко алерго-испитување на 30 различни алергени (респираторен, педијатриски и нутритивен).

✅Кога станува збор за настинки, како прв дијагностички чекор на нашите пациенти им ги препорачуваме следниве анализи:
🩸 ЛУ1 пакет за анализата на крв и урина (седиментација, крвна слика, 8 биохемиски параметри и урина (достапен со упат од матичен доктор):
💉 Основен пакет за настинки - крвна слика + CRP:
🧫 Проширен пакет за настинки - крвна слика + CRP + брис од нос и грло.

📞 Повеќе информации на 02 3220 505 и 078 26 22 20.

27/07/2025

🎯 ПОСЛЕДНИ ДЕНОВИ ОД ЈУЛСКИТЕ ПРОМОЦИИ❗️

🔬 Gastro-LIA панелот е високо-прецизно испитување за потврдување или исклучување на целијакија, преку ензимска имуноанализа за квалитативно мерење на антитела на IgA и IgG против: деаминиран глиадин (d-gliadin, DGP), ткивна трансглутаминаза (tTG), манан (ASCA), антиген на париентални клетки (PCA) и интринзичен фактор (IF).
✅ Овој панел е достапен до крај на месецов по промотивна цена од 3.000 ден.

🩸 Тромбофилија претставува склоп на наследни или стекнати фактори кои делуваат кон појава на тромбоза, односно згрутчување на крвта.
🧬 Испитувањето на присуство на мутација во генот за фактор V (Leiden) и протромбинскиот ген - фактор II, заедно со мутациите на генот MTHFR, може значително да ја олесни навремената дијагностика и терапија.
✅ Целосната анализа со примена на real time PCR метода и испитување на 12 полиморфизми, до крај на месецов е достапно по цена од 2.900 ден.

📉 HOMA-IR (Homeostatic Model Assessment for Insulin Resistance), лабораториска метода која го пресметува соодносот помеѓу нивото на гликемијата и на инсулинот наутро на гладно.
✅ Оваа анализа е достапна по промотивна цена од 900 ден, до 31.07.

📞 Повеќе информации и консултации на 023 220 505 или 078 26 22 20.

22/07/2025

🤧Настинките и вирусите не нè одминуваат ни во топлите денови, иако “правилото” е дека почесто се активираат со пониските температури и поладното време.
❓Она што прво се јавува како дилема е дали настинката е од вирусна или бактериска природа и кога да се направи првата лабораториска анализа⁉️

📌Се препорачува првата крвна слика да не се прави порано од 3 дена од појава на првите симптоми, а во зависност од текот на болеста, докторот ќе направи проценка за следни иследувања;
📌При доаѓање во лабораторија, задолжително информирајте ги стручните лица доколку примате било каква терапија;
📌Внесот на антибиотици и други лекови пред земање на примерок може да влијае на резултатите, додека кај микробиолошката анализа може да доведе до лажен негативен резултат.
💧Најважно од се, особено во овие топли денови и високи температури, е да внесувате многу течности и полесна избалансирана храна.

✔️ Со цел навремена и ефикасна дијагностика, Генеа лабораторија ви нуди пакет анализи за брза и комплетна проверка:
➡️ ЛУ1 пакет за анализата на крв и урина (седиментација, крвна слика, 8 биохемиски параметри и урина (достапен со упат од матичен доктор)
➡️ Основен пакет за настинки - крвна слика + CRP: 400 ден.
➡️ Проширен пакет за настинки - крвна слика + CRP + брис од нос и грло: 700 ден.
📞 Повеќе информации на 02 3220 5005 и 078 26 22 20.

14/07/2025

🔊На барање на нашите пациенти, ја продолжуваме промоцијата за рано откривање на инсулинска резистенција.
✔️Ова испитување се изведува преку HOMA-IR (Homeostatic Model Assessment for Insulin Resistance), лабораториска метода која го пресметува соодносот помеѓу нивото на гликемијата и на инсулинот наутро на гладно.

🔴Овој софистициран модел со специфичност и сензитивност поголема од 95% може да го открие постоењето на инсулинска резистенција како кај пациенти пред дијабет и со дијабет, така и кај навидум здрави лица.
⚠️Пациенти со висок ХОМА-ИР индекс имаат неколку пати поголем ризик да развијат преддијабетес, дијабетес и кардиоваскуларни заболувања.
🤰Драстично зголемување на ХОМА-ИР индексот за време на бременоста е знак за гестатиционен дијабетес.
🔴ХОМА-ИР се користи и како скрининг тест за замастен црн дроб.
🔴Хроничната несоница, стресот и слип апнеата водат кон зголемено лачење на кортизол кој ја пореметува функцијата на инсулинот.

➡ Навремената и точна дијагностика се од клучно значење.
✅HOMA-IR анализата е достапна по промотивна цена од 900 ден.

10/07/2025

✅ Едни од најбараните анализи и најчесто поставувани прашања во нашата лабораторија се однесуваат на избор на соодветните лабораториски анализи за утврдување на интолеранција на глутен и целијачно заболување.

⚠️ Станува збор за две различни состојби, пришто обете можат да предизвикаат долготрајни дигестивни проблеми.
📌 Симптомите можат да варираат, пришто различни симптоми се карактеристични за деца и возрасни и често пати не се поврзани со дигестивниот систем.
🧬 Интересен податок: Значителни докази во поново време покажуваат дека целијачната болест има силна генетска компонента.

📅 Во месец јули во Генеа е достапен Gastro-LIA панелот – прецизна ензимска имуноанализа за квалитативно испитување на антитела на IgA и IgG, за потврдување или исклучување на целијакија, по промотивна цена од 3.000 ден.
📞 Консултирајте се со нашиот тим на 023 220 505 или 078 26 22 20, за да дознаете повеќе или околу тестирањата што се потребни да се направат, согласно на вашите потреби и состојба.

05/07/2025

🩸 Тромбофилија претставува нарушување на хемостазата во крвниот систем, како резултат на наследни или стекнати фактори, која води кон појава на тромбоза, односно згрутчување на крвта.
❗ Ова заболување во 30-50% од случаите има генетска основа, но може да биде предизвикано и од дефекти во системот за коагулација.
⚠️ Лицата со мутација на овие гени имаат поголема шанса да развијат длабока венска тромбоза или пак пулмонална емболија.
🤰 Бременоста е сама по себе дополнителен ризик фактор, со повеќекратен ризик за настанување на венска тромбоемболија.
📈 Кај бремените жени со мутација на гени, има 2-3 пати поголем ризик за повеќекратни спонтани абортуси.
🦠 Скорешните истражувања сугерираат дека лицата кои имаат мутација на гените, а прележале ковид-19, имаат зголемен ризик од тромбофилија.

🧪 Испитувањето на присуство на мутација во генот за фактор V (Leiden) и протромбинскиот ген - фактор II, заедно со мутациите на генот MTHFR, може значително да ја олесни навремената дијагностика и терапија.
✅Целосното испитување на 12 полиморфизми со примена на real time PCR метода, е достапно по промотивна цена од 2.900 ден.
🔍Дознајте повеќе на www.genea.mk/причини-ризици-дијагностика/

03/07/2025

🔊ЈУЛСКИ ПРОМОЦИИ💯

🟥Тромбофилија e склоп на наследни или стекнати фактори кои делуваат кон појава на тромбоза, односно згрутчување на крвта, пришто лицата со мутација на овие гени имаат поголема шанса да развијат длабока венска тромбоза или пак пулмонална емболија.
❗Утврдувањето на присуство на мутација во генот за фактор V (Leiden) и протромбинскиот ген - фактор II, заедно со мутациите на генот MTHFR, може значително да ја олесни навремената дијагностика и терапија.
➡Целосното испитување на 12 полиморфизми со примена на real time PCR метода, е достапно по промотивна цена од 2.900 ден.

🟥HOMA-IR е софистицирана лабораториска метода за рано откривање на инсулинска резистенција, како сооднос помеѓу нивото на гликемијата и на инсулинот наутро на гладно, со специфичност и сензитивност поголема од 95%, како кај пациенти пред дијабет и со дијабет, така и кај навидум здрави лица.
❗Пациенти со висок ХОМА-ИР индекс имаат пати поголем ризик од развој на метаболен синдром и 70% зголемен ризик од развој на срцеви заболувања.
➡HOMA-IR анализата овој месец е достапна по промотивна цена од 900 ден.

🟥Целијачната болест е долгорочно или хронично автоимуно нарушување кое влијае на нашиот дигестивен систем и се активира кога јадеме храна која содржи глутен - протеин кој се наоѓа во житариците како пченица, јачмен и 'рж и храна како колачи, леб и тестенини.
❗Значителни докази во поново време покажуваат дека целијачната болест има силна генетска компонента.
❗Gastro-LIA панел е високо-прецизно испитување за потврдување или исклучување на целијакија, преку ензимска имуноанализа за квалитативно мерење на антитела на IgA и IgG.
➡Панелот овој месец е достапен по промотивна цена од 3.000 ден.

24/06/2025

🎯ПОСЛЕДНИ ДЕНОВИ ОД ЈУНСКИТЕ ПРОМОЦИИ!
Искористете ги промотивните цени за анализи достапни до крајот на јуни:

✅ROMA индекс – високо-прецизен алгоритам за проценка на ризикот од рак на јајници, преку испитување на тумор маркери HE4 и CA125.
🏷Промотивна цена: 1.900 ден.

✅Испитување на репродуктивни хормони – основни лабораториски анализи кои треба да ги направи женскиот парнер е испитување на хормоначниот статус, односно 5 основни хормони (FSH, LH, E2, PRL и TSH).
🏷Промотивна цена: 2.900 ден.

✅Helicobacter pylori – предизвикувач на повеќе од 90% од чиревите на дуоденумот (дванаесетпалачно црево) и до 80% од чиревите на желудникот. ⚠️ Навремената дијагноза и лекување е особено важна, заради можноста од преминување на гастритисот во малигно заболување.
🏷Промотивна цена за серолошка анализа преку крв за IgG антитела: 650 ден.

📞Повеќе информации и консултации на 023 220 505 и 078 26 22 20.

20/06/2025

💡Летна check-листа од Генеа за безгрижен одмор!
🧳Одморот е период за уживање, но за безгрижност и целосно препуштање, ви препорачуваме што да земете со себе и имате при рака:

✅ Основни лекови:
• Антипиретици и аналгетици (парацетамол, ибупрофен)
• Лек против алергии (лоратадин, цетиризин)
• Лек за мачнина и повраќање
• Терапија која редовно ја земате

✅ За желудник и дигестија:
• Пробиотици
• Лек против дијареја
• Лек за киселини или гасови

✅ Витамини и додатоци:
• Витамин C + цинк
• Магнезиум – спречува грчеви (особено кај физичка активност или топлотни удари)
• Електролити во прашок или таблета – идеални при изложеност на сонце

✅ За кожа и повреди:
• Крема за изгореници (пантенол)
• Антисептик и фластери
• Крем за убоди од инсекти

🎯 Совет од лабораторијата:
Ако имате чувствителен стомак, чести уринарни инфекции или проблеми со минерали, направете проверка на електролити, уринарни инфекции или пробиотици пред патување.
💯Секогаш во служба на вашето здравје!

Address

MK, Mito Hadzivasilev Jasmin Street 43

1000

Opening Hours

Monday	07:30 - 20:00
Tuesday	07:30 - 20:00
Wednesday	07:30 - 20:00
Thursday	07:30 - 20:00
Friday	07:30 - 20:00
Saturday	07:30 - 13:30

Telephone

+38978262220

Website

https://genea.mk/

Alerts

Be the first to know and let us send you an email when Genea Labоratorija - Генеа Лабораторија posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Genea Labоratorija - Генеа Лабораторија:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic?

Country:

City:

За Нас

ЛАБОРАТОРИЈА ГЕНЕА е производ на долгогодишно искуство во лабораториската практика, потребите на пациентите и докторите, визијата да поставиме нов пример за стандардите на квалитет и доверба се со цел да ја донесеме лабораториската медицина поблиску до точната и навремена дијагностика. Довербата што ни ја даваат пациентите проткаена со нашата немилосрдна посветеност нѐ насочуваат континуирано да ги развиваме хематолошките, биохемиските и имунолошките анализи, но и да се развиеме во уште едно ново поле – молекуларното тестирање. Живееме во уникатно време каде иднината е денес, затоа и генетските тестирања ги доближуваме поблиску преку светски познатата генетска компанија CENTOGENE (www.centogene.com).