14/02/2025
ခေတ်ရေစီးကြောင်းအရ အခုနောက်ပိုင်းမှာ လွယ်လွယ်အသုံးပြုနေကျတဲ့ဆေး
#အရေးပေါ်တားဆေးဆိုတာ_ဘာလဲ ❓
လူငယ် လူရွယ် တွေကြားအသုံးများနေတဲ့ အတွက် အသိပေး၊ သတိပေးရန် ရည်ရွယ်ပါတယ်
***မနက်ဖြန်ဟာလည်း Hotel ခန်းတွေ booking ပြည့်တဲ့နေ့ ဖြစ်တာမို့
(အရေးပေါ် ပဋိသန္ဓေတားဆေး)
တချို့ အသုံးအနှုန်းတွေ ရိုင်းခဲ့ရင် ကြိုပြီး တောင်းပန်ပါတယ် 🙏🙏🙏
Pre-marietal S*x အိမ်ထောင်မကျခင် အတူနေကြတာက အနောက်နိုင်ငံတွေမှာ မထူးတော့တာ ကြာခဲ့ပါပြီ၊ Globalisation ဖြစ်လာတဲ့ အခါ ကျွန်တော်တို့ မြန်မာနိုင်ငံမှာလည်း အဲ့ဒီအလေ့အထ ကူးစက်လာခဲ့ပါတယ်။
အနောက်နိုင်ငံတွေမှာ
- S*x Education ကို ကျောင်းမှာလည်းသင်သလို
- အဖေက သားကို သင်ပေးပြီး
- အမေက သမီးကို သင်ပေးကြပါတယ်။
ကျွန်တော်တို့ဆီမှာက
- #ယဉ်ကျေးမှုအရ
- #ဘာသာရေးအရကျောင်းစာထဲထည့်သင်ရင် ကန့်ကွက်ကြသလို
- မောင်နဲ့ညီမ သားအမိ ကြားမသင့်တော်ဘူး ဆိုပြီး မိဘက သားသမီးကို သင်ပေးခဲပါတယ်
အဲ့တော့ ဘယ်ကတတ်လာကြလဲဆိုတော့ အချင်းချင်း တီးတိုးပြောကြတဲ့အတွေ့အကြုံတွေ၊ Online က ပေါက်ကရရေးထားတဲ့ စာတွေကနေ
#တလွဲ ***အတွေ့အကြုံတွေပဲရကြပါတယ်။
👉👉👉
လူငယ်ဘာဝ ချစ်ကြိုက်ကြပြီး ရင်
- သွေးသားဆန္ဒအရရော
- ပတ်ဝန်းကျင်က ပင့်မြှောက်ပေးလို့ရော
Pre-marietal S*x က အရမ်းကိုများနေပါပြီ
ကိစ္စပြီးသွားတဲ့ အခါကြမှ ခေါင်းထဲကို ဝင်လာကြတာက #ကိုယ်ဝန်ရှိသွားခဲ့ရင် ဆိုတာကြီးပါ။
အဲ့တော့ မိဘတွေလည်း မပြောရဲဆိုတော့ ၊ အတွေ့အကြုံရှိဘူးတဲ့ သူငယ်ချင်း၊အကို တွေကို ချဉ်းကပ်ကြပါတယ်။
အဲ့ဒီကနေ Emergency Pills (Emergency contraceptive pill) တွေသောက်ကြပါတယ်။
(Emergency contraceptive pill) ဆိုတာ ဘာဆေးလဲ ⁉️
လူတွေ ဖန်တီးထားတဲ့ အမျိုးသမီး Hormone ပါ (Levonorgestrel)
=> သားဥကြွေတာကို နောက်ဆုတ်ပေးလိုက်ခြင်းဖြင့် ကလေးမရအောင် ကာကွယ်ပေးပါတယ်
=> မွေးလမ်းကြောင်းမှာ ထွက်တဲ့ အကျိအချွဲတွေကို ပျစ်အောင် လုပ်လိုက်ခြင်းဖြင့် သုတ်ပိုးတွေက မျိုးဥဆီမရောက်အောင် တားဆီးလိုက်ခြင်းဖြစ်ပါတယ်
(ဆိုလိုတာက အခုအကြိမ်ကနေ ကလေးမရအောင် တားဆီးပေးတာပါ ၊ ဖြစ်တည်ပြီးသားကလေးကို မရှိတော့အောင် (abortion) မလုပ်နိုင်သလို နောက်အကြိမ်တွေ အတွက်လဲ အကျိုးမသက်ရောက်ပါဘူး)
👉👉👉
#ဆေးသောက်ရင်_ဘာတွေဖြစ်နိုင်လဲ ❓
Hormone High Dose ဖြစ်တဲ့ အတွက်
- ခေါင်းကိုက်တတ်ပါတယ်
- ဗိုက်နာတတ်ပါတယ်
- ပျို့၊ အန်နိုင်ပါတယ် (ဆေးသောက်ပြီး ၂ နာရီ အတွင်းအန်ပါက ဆေးထပ်သောက်ရန် လို/မလို ဆရာဝန်ပြသရန်လိုပါတယ်)
👉👉👉
🚨 🚨 🚨 အရေးကြီးတာပြောချင်ပါတယ်***
နာမည်ကိုက Emergency Pill ပါ။ (မလွဲသာမရှောင်သာ လို့အတူနေမိတဲ့ အခါ သောက်ဖို့ပါ)
- အတူနေပြီးတိုင်း သောက်ရတဲ့ ဆေးမဟုတ်ပါဘူး
- တစ်လ ကို တစ်ကြိမ်ထက်ပို မသုံးရပါဘူး
Emergency Pill မှာ levonorgestrel (progesterone ) က 1.5 mg (1500 microgram) ပါပါတယ်။
တစ်လသောက်တဲ့ ဆေးကဒ် ကိုယ်ဝန်တားဆေးမှာ Desogestrel (progesterone) က 0.075 mg (75 microgram ) ပဲပါပါတယ်။
***အဆ (၂၀) ကွာပါတယ်၊ ဆေးတစ်ကြိမ် သောက်ခြင်းဟာ သူများ ဆေးတစ်ကဒ်လုံး တစ်ခါထဲ သောက်သလိုဖြစ်တဲ့ အတွက် ဆေးပမာဏ အရမ်းများကြောင်းယှဉ်ပြတာပါ။
👉👉👉
ခဏခဏ သုံးရင်ဘာဖြစ်လဲ !!!
😰 သွေးသားတွေပြောင်းလဲလာမှာပေါ့
😰 ဆေးပမာဏအများကြီး (တစ်လစာပမာဏကို) ခဏခဏ သုံးတဲ့ အတွက်
- ရင်သားအကျိတ်တွေ၊
- သားအိမ်၊ မျိုးဥအိမ် ပြဿနာတွေ ကြုံလာရနိုင်ပါတယ်။
အရေးပေါ် တစ်လ တစ်ကြိမ်လောက်က ပြဿနာ မရှိပေမယ့် (ကျွန်တော် စိတ်မကောင်းကြီးစွာ ကြားနေရတာက တစ်ခါနေတိုင်း တစ်ခါသောက်တယ်)
တစ်လ ဘယ်နကြိမ်တွေ့ကြလဲ တော့ မသိပါဘူး (ခဏခဏ) တွေ့ဖြစ်ကြရင်။
Contraceptive measure (ပဋိသန္ဓေတားခြင်း တွေကို စနစ်တကျ မသုံးတဲ့ အတွက်
- Unwanted pregnancy တွေဖြစ်လာမယ်
- Criminal abortion တွေ လုပ်ကြမယ်
- မိခင်နဲ့ ကလေး သေဆုံးနှုန်းတိုးလာမယ်
- တကယ်လိုချင်တဲ့ အချိန်ရောက်တော့ ဆေးတွေတလွဲ သုံးလာတဲ့ အတွက် ကလေးမရနိုင်ကြတော့ပါဘူး စတဲ့ ပြဿနာတွေကြုံလာရတတ်ပါတယ်
👉👉👉
ဒီနေ့ပေးတဲ့ Knowledge ကတော့
👌 Emergency pill ဆိုတာ မလွဲသာမရှောင်သာအရေးပေါ်ကိစ္စမှာပဲ သုံးရပါတယ်
👌 တစ်လ တစ်ကြိမ်လောက်ပဲ သုံးသင့်ပါတယ်
👌 အတူနေပြီးတိုင်းသောက်ရတဲ့ဆေးမဟုတ်ပါဘူး
👌 ခဏခဏ တွေ့ဖြစ်တယ်ဆိုရင် တခြားနည်းလမ်းတွေ ရှိပါတယ်။
👉 barrier method (condom - သုံးတာမျိုးပေါ့) condom - သုံးခြင်းဖြင့်
- ဟော်မုန်းဒဏ်တွေ မခံရတော့ဘူး
- ကူးစက်ရောဂါတွေလည်းကာကွယ်နိုင်တာပေါ့ (ဆေးစစ်ထားကြတာမှ မဟုတ်တာ ဘယ်သူ့မှာ ဘာရှိမှန်း မသိကြပဲ)
1. HIV
2. အသည်းရောင်အသားဝါ B, C
3. ကာလသားရောဂါ
4. ဆီးပူညောင်းကျ (ဂနိုရောဂါ)
5. လိင်အင်္ဂါရေယုန်
6. သားအိမ်ခေါင်းကင်ဆာ စတာတွေကိုပါ ကာကွယ်နိုင်တာပေါ့
👉👉👉
ကျွန်တော်စာကို
- အမျိုးသမီး ကဖတ်မိရင်လည်း ကောင်လေးကို သေချာရှင်းပြပါ
- အမျိုးသားက ဖတ်မိရင်လည်း ကောင်မလေး ရဲ့ကျန်းမာရေးကို အလေးထားပါ
#ပန်းကလေးများ_အချိန်တန်မှပွင့်စေချင်ပြီး
#ပွင့်သောပန်းတိုင်းလန်းစေချင်ပါတယ်
Dr. ဘုန်းစည်သူလွင်
🔰 ကိုယ့်ကိုကိုယ် တန်ဖိုးထားပါ အမျိုးသမီးများ၊ ညီမငယ်များ
🔰 ကိုယ့်ချစ်သူ ကောင်မလေးကို တန်ဖိုးထားပါ အမျိုးကောင်းသားများ၊ မောင်ငယ်များ
🔰 ကိုယ့်ကိုကိုယ်လည်း တန်ဖိုးထားပါ အမျိုးကောင်းသားများ၊ မောင်ငယ်များ
HIV ရောဂါသည်များ ပိုမိုများလာပြီဖြစ်သောကြောင့် အမျိုးသားရော အမျိုးသမီးများပါ လွယ်လင့်တကူ အတူတူမနေသင့်ပဲ အကာအကွယ်လေးနဲ့ နေကြပါလို့ စေတနာဖြင့် အသိပေးအပ်ပါသည်။
